သျှမ်းပြည်တောင်ပိုင်း လွယ်လင်ခရိုင် အတွင်း လွယ်လင်မြို့ အပါအဝင် လဲချား ၊ မိုင်းကိုင် ၊ ကျေးသီး ၊ နမ့်စန် ၊ မိုင်းရှူး ၊ မိုင်းနောင် မြို့ဝင်မြို့ထွက်များအား ည ၆ နာရီမှ နံနက် ၆ နာရီအထိ ဒေသအတွင်း အခြေချ တပ်မတော် စစ်ကြောင်းများနှင့် အာဏာပိုင်များက ပိတ်ပင်တားမြစ် ထားသည်ဟု သိရသည် ။

သျှမ်းပြည်တောင်ပိုင်း လွယ်လင်ခရိုင် မိုင်းရှူး ၊ ကျေးသီးမြို့နယ်အတွင်းရှိ သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA တပ်စခန်းများအား အစိုးရ တပ်မတော် ထိုးစစ်ဆင်တိုက်ခိုက်သော ကြောင့် စစ်ဘေးရှောင်သူများ တခြားမြို့သို့ ထွက်ပြေးခိုလှုံချိန်မှ စ၍ ယနေ့ အထိ ညပိုင်းလုံခြုံရေး တင်းကြပ် လာသည်ဟု သိရသည် ။


“ အစက ရွေးကောက်ပွဲအတွက် လုံခြုံရေး တိုးမြင့်တယ်လို့ဘဲ ထင်တာ ။ အခုတော့ အဲဒီလိုမဟုတ်ဘူး ။ အခု ထိ လွတ်လပ်စွာ သွားလာခွင့် ဆုံးရှုံးတယ် ” - ခိုလမ်မြို့ခံ စိုင်းလူ ကပြောသည် ။


နမ့်စန်မြို့ ကျားဖြူပါတီဝင် စိုင်းသန့်စင် က - “ လုံခြုံရေးကြောင့် မြို့ဝင်မြို့ထွက် ခရီးသွားတွေကို တအားစစ်ဆေးတယ်။ ကားကောလူကောပဲ ။ ဒေသခံတွေတော့ ညမိုးချုပ်ရင် အသွားအလာ သိပ်မရှိတော့ဘူး ။ စိုးရိမ်ကြောက်ရွံ့နေကြတယ် ” - ဟု ပြောသည် ။


“ လုံခြုံရေးအတွက် တာဝန်အရလုပ်ရတာဖြစ်တယ် ”- ဟုလည်း နမ့်စန်မြို့ လုံခြုံရေးတာဝန်ကျ ပုဂ္ဂိုလ်တဦးကလည်း ပြောသည် ။


လဲချားမြို့တွင်မူ စစ်ဘေးရှောင်ဒုက္ခသည်များ ရောက်ရှိခိုလှုံလာစဉ်ကတည်းက ယနေ့ အထိ လုံခြုံရေး တင်းကြပ်ထားကြောင်း ၊ အထူးသဖြင့် ည မိုးချုပ် မှ မိုးလင်းချိန်အထိ သွားလာခွင့်အား အာဏာပိုင်များက ပိတ်ပင်ထားကြောင်း ကျားခေါင်းပါတီ အမတ် စိုင်းကျော်ဇေယျ က ပြောသည် ။


နိုဝင်ဘာ ၂၃ ရက်နေ့ကလည်း လဲချားမြို့အထွက် မိုင်းနောင်မြို့အသွားလမ်း နမ့်တိန်းချောင်းတံတား အနီး တပ်စခန်းထိုင် အစိုးရတပ်မတော် စစ်ဗိုလ်က ဒုက္ခသည်များအတွက် ထောက်ပံ့ရေး ကားများပင် သုံးနာရီကျော်ကြာ ပိတ်ပင်ကာ စစ်ဆေးမှုပြုခဲ့သေးသည် ။


“ ကျနော်တို့မိုင်းရှူးမှာတော့ ညနေ  ၅ နာရီခွဲလောက်ဆို သွားလာလို့ မလွယ်ကူတော့ဘူး ။ မြို့ထဲလဲ လူထုက မိုးချုပ်ရင် အိမ်အပြင်တောင် မထွက်ရဲတော့ဘူး ” - ဟု မိုင်းရှူးဒေသခံ (ဦး) လုံးစိုင်းခွန် ကပြောသည် ။


သျှမ်းပြည်တွင် စစ်အစိုးရလက်ထက်က ဝါးတန်းဂိတ်များ ပေါများလျက်ရှိပါသည်။ သို့သော် ၂၀၁၀ ရွေးကောက်ပွဲနောက်ပိုင်း လွှတ်တော်ရောက်အမတ်များ၏ တောင်းဆိုတင်ပြမှုကြောင့် ဝါးတန်းဂိတ်များလျော့ပါးသွားရာမှ ယခုကဲ့သို့ ပြန်လည်ပေါ်ပေါက်လာခြင်း ဖြစ်သည် ။