နိုင်ငံတော် အစိုးရက ပြည်ထောင်စု မြန်မာနိုင်ငံတော်ကြီးမှာ တိုင်းရင်းသားလူမျိုး ၁၃၅ မျိုး ရှိတယ် ။ အဲဒီ အထဲမှာ သျှမ်းပြည်နယ် အတွင်းမှာ တိုင်းရင်းသား မျိုးနွယ်စု ၃၃ မျိုး ရှိတယ်လို့ဆိုပါတယ် ။ ၂၀၁၆ ခု မတ် ၁၁ ရက်နေ့က လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန ၀န်ကြီးရုံး ထုတ်ပြန်ချက်အရ သျှမ်းပြည် မြောက်ပိုင်း ကွတ်ခိုင်မြို့ နယ် အတွင်းမှာ နေထိုင်တဲ့ တရုတ်မျိုးနွယ်စုတခုကို မုန်းဝန်းဗမာတိုင်းရင်းသားလို့ သတ်မှတ် အသုံးပြုသွားဖို့ ညွှန်ကြားတာဖြစ်ပါတယ် ။

ဒီတော့ မြန်မာနိုင်ငံ တိုင်းရင်းသားလူမျိုး ၁၃၅ ကနေ ၁၃၆ ဖြစ်လာနေပြီလား ။


သျှမ်းပြည်မှာ သျှမ်းကြီး ၊ သျှမ်းကလေး ၊ တိုင်းနေ ၊ တိုင်းမောဝ် ၊ ဂုံသျှမ်း ၊ လိသျှမ်းတို့ အပြင် အခါ ၊ လားဟူ ၊ လီဆူး ၊ ၀ ၊ ကိုးကန့် ၊ ယင်းနက် ၊ ယင်းကြား ၊ ပလောင်(တအာင်း)… စတာတွေအပြင် သျှမ်းကြီးနဲ့ အဓိပ္ပါယ် တူညီတဲ့ တိုင်းလုံ ဆိုတဲ့လူမျိုး တို့အပါအဝင် တိုင်းရင်းသားလူမျိုး ၃၃ မျိုး ရှိတယ်လို့ဆိုပါတယ် ။


လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန ၀န်ကြီးရုံးထုတ်ပြန်စာမှာ သျှမ်းပြည်နယ်မြောက်ပိုင်း ၊ တာမိုးညဲဒေသ (မုန်းဝန်း) ဗမာတိုင်းရင်းသားယဉ်ကျေးမှု အဖွဲ့မှ ၂၀၁၆ မတ်လ ၉ ရက်နေ့ ရက်စွဲပါစာဖြင့် ၂၀၁၀ ပြည့်နှစ်တွင် နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီမှ မုန်းဝန်းဗမာလူမျိုးဟု သတ် မှတ်ပေးမှုအား တရားဝင် ဆက်လက်အတည်ပြုပေးနိုင်ရန် နိုင်ငံတော် သမ္မတ ထံသို့ တင်ပြလာမှု နှင့် ပတ် သက် ၍ ရွေးကောက်ပွဲများတွင် ဆန္ဒမဲပေးနိုင်ရန် (မုန်းဝန်း) ဗမာဟု သတ်မှတ်ပေးပြီး မှတ်ပုံတင်လဲပေးရန် မှတ်ချက်ပြုခဲ့ပါသည် - လို့ အစချီရေးသားထားပါတယ် ။


ဗမာစကားမပြောဘဲ တရုတ်စာပေ တရုတ်ယဉ်ကျေးမှု အဓိက သုံးစွဲ တဲ့  အဲဒီလူမျိုးတွေဟာ ဗမာ့တပ်မတော် လက်အောက်ခံ ပြည်သူ့စစ်ဖွဲ့စည်းလာရာကနေ  ဗိုလ်ချုပ်မှူးကြီး သန်းရွှေဆီက အခွင့်ထူးရလာတာလို့ သျှမ်း တိုင်းရင်းသားများ ဒီမိုကရေစီအဖွဲ့ချုပ် ဒုတိယ ဥက္ကဌ စိုင်းစောအောင် က ပြောပါတယ် ။


သူတို့တွေက တရုတ်စာ ၊ တရုတ်ယဉ်ကျေးမှုဘဲ ။ သူတို့က တရုတ်လူမျုိုးဖြစ်တယ် ။ ဗမာပြည်မှာနေထိုင် တာကြာ တော့ စာပေယဉ်ကျေးမှုကို တည်ထောင်တယ်။ အစိုးရ ထံ မှတ်ပုံတင်တယ် ။ ပြည်သူ့စစ်အနေနဲ့ဖွဲ့စည်း ပြီး တော့ ဒီအဖွဲ့ကနေပြီး စစ်ဗိုလ်ချုပ်တွေနဲ့ ခင်မင်ပေါင်းတင်းပြီတော့မှ ပထမ ဦးဆုံးသူတို့တောင်းဆိုတာက မုန်းဝန်းလူမျိုး အဲဒီကနေ ဗိုလ်ချုပ်မှူးကြီးက မုန်းဝန်းလူမျိုးလို့ မှတ်ပုံတင်ပေးတာကြားတယ် -  လို့ စိုင်းစောအောင် က ပြောပါတယ် ။


အဲဒီ ထုတ်ပြန်စာမှာ “ … ၁၉၉၈ ခု ၊ မေ ၁၁ ရက် တွင် နိုင်ငံတော်အေးချမ်းသာယာရေး နှင့် ဖွံ့ဖြိုးရေးကောင် စီ ဥက္ကဌ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး သန်းရွှေ၏ သျှမ်းပြည်နယ် (မြောက်ပိုင်း) ခရီးစဉ် တွင် တာမိုးညဲဒေသ မုန်းဝန်း (ဗမာ) တိုင်းရင်းသားများအား မုန်းဝန်းတိုင်းရင်းသား အမည်မှ တားမိုး ညဲဒေသ ဗမာတိုင်းရင်းသား အမည်သို့ သတ်မှတ်ပေးမည့်အကြောင်း မိန့်ကြားချက်အရ …. လူထုသဘော ထား ကျယ်ပြန့်စွာ ခံယူပြီး …. သျှမ်းပြည်မြောက်ပိုင်း မုန်းဝန်းတိုင်းရင်းသား ယဉ်ကျေးမှု အဖွဲ့ တာမိုးညဲမြို့ တွင် နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီ အတွင်းရေးမှူး ၁ မှ ကိုယ်တိုင် ဖွင့်လှစ်ပေး ခဲ့သည်” လို့ ပါရှိပါတယ် ။


တားမိုးညဲဒေသ ဗမာတိုင်းရင်းသား သုံးဖို့ လူထုသဘောထား ကျယ်ပြန့်စွာ ခံယူပြီးတော့ သတ်မှတ်တယ်လို့ ဆိုဘယ်တယ် ။ ဘိုးစဉ်ဘေးဆက် ဗမာပြည်မှာ နေလာတဲ့ အတွက် သူတို့ဟာ ဗမာတိုင်းရင်းသားဘဲလို့ မုန်းဝန်းဒေသခံ ဦးအားဖုန်က ပြောပါတယ် ။


“ ကျနော်လဲ လူဘဲဗျာ ။ အဖိုးလဲ ဒီမှာသေတယ်။ အဖွားလဲ ဒီမှာသေတယ် ။ ကျနော်လဲ ဒီမှာဘဲမွေးဖွားတယ်။ ကျနော်တို့ တောက်လျှောက်ဒီဗမာပြည်မှာဘဲနေလာတာ ကျနော်တို့လဲ ဗမာတိုင်းရင်းသားဘဲပေါ့ ”
မုန်းဝန်းတို့ ၊ ကိုးကန့် တို့ဟာ လူမျိုးနာမည်မဟုတ်ဘဲ ဒေသ နာမည်တွေဖြစ်ပါတယ် ။


တိုင်းရင်းသားလူမျိုး တမျိုးသတ်မှတ်ဖို့ လူထု ဆန္ဒ ခံယူ ရလိမ့်မယ်လို့ သျှံပိုင်းဂျာနယ် အယ်ဒီတာချုပ် စာရေးဆရာ သျှမ်းစာပေပညာရှင် ဟိန်းကာယန်းက ပြောပါတယ် ။


တကယ်လို့ အဲဒီလူမျိုးကို တိုင်းရင်းသားအဖြစ်လက်ခံမယ်ဆိုရင် ဗမာပြည်မှာ လက်ရှိနေထိုင်နေကြတဲ့ တိုင်း ရင်းသားလူမျိုးတွေ အကုန် လုံးရဲ့သဘောထားကိုရယူရတင့်တယ် ။ ရီဖရံဒမ် သဘောမျိုး လိုအပ်ရင် လုပ်သင့် တယ်။ ပြည်သူ့ဆန္ဒ ခံယူပွဲပေါ့နော့် ။ မဖြစ်မနေပေးမယ်ဆိုရင်တောင်မှ နိုင်ငံသားအဆင့်ကိုပေးရမယ် ။ တိုင်း ရင်းသား အဆင့်ကို ချက်ချင်းလက်ငင်း ပေး လိုက်တာဟာ စစ်အုပ်စုက သူ့လုပ်ပိုင်ခွင့်ကို တရားနည်းလမ်း မကျ စွာ လုပ်သွားတာဘဲ ။


မြန်မာ့တိုင်းရင်းသား ၁၃၅ မျိုးကနေ ၁၃၆ မျိုးတိုးပြီး တိုင်းရင်းသားလူမျိုးစု တခု သတ်မှတ်လိုက်တာလားဆိုတာ မေးခွန်းထုတ်စရာရှိတယ်လို့ ပြည်ထောင်စု အင်စတီကျု ဒါရိုက်တာ ဦးခွန်စိုင်းက ပြောပါတယ် ။


“ ကျနော်တို့နိုင်ငံသားအဖြစ်လာရောက်ခံယူတဲ့ နိုင်ငံခြားသားတွေ အများကြီးရှိတယ် ။ တရုတ်ရှိတယ် ။ အန္ဒိယ ရှိတယ်။ ဒီ့ပြင့်နိုင်ငံသားတွေလဲရှိတာပေါ့ ။ နိုင်ငံကို ဗမာနိုင်ငံလို့ခေါ်တော့ သူတို့လဲ ဗမာနိုင်ငံသားဖြစ်သွား တာပေါ့ ။ တချို့ကလဲ သူတို့က ဗမာဖြစ်သွားတယ်လို့ ပြောတဲ့ဟာလဲရှိတာပေါ့ ။ ဒီကိစ္စက သူတို့ကိုယ်ပိုင် ဆုံးဖြတ် ချက်ဆိုတော့ ဘာမှ မပြောလိုဘူးပေါ့ ။ သို့သော်လဲဘဲ ဒီနေရာမှာ သူတို့ဟာ ဗမာနိုင်ငံသား လာဖြစ်တာလား ။ သို့မဟုတ် လူမျိုး ၁၃၅ ထဲမှာ ထပ်ဖြည့်ပြီးတော့မှ  ၁၃၆ မျိုးဖြစ်သွားတာလား ဆိုတာ မေးစရာပေါ့ဗျာ ။”


၂၀၁၀ ရွေးကောက်ပွဲတုန်းက အဲဒီဒေသမှာ ရှိတဲ့ လူမျိုးတွေ ဆန္ဒမဲပေးနိုင်ရန် နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီမှ မုန်းဝန်းဗမာ လူမျိုး သတ်မှတ်ပေးမှုအပေါ် ၄င်းတို့အတွက် မှတ်ပုံတင် နိုင်ငံသား စိစစ် ရေးကဒ်  ထုတ်ပေးထားတယ်လို့ လဲ အဲဒီ လူဝင်မှု ကြီးကြပ်ရေးဝန်ကြီးဌာန ထုတ်ပြန်ချက်မှာ ပါရှိပါတယ် ။


မြန်မာပြည်အနောက်ပိုင်း ရခိုင်ပြည်နယ်မှာ ၀င်ရောက်နေထိုင်တဲ့ ဘင်္ဂလီ လူမျိုးစုတွေက လဲ ၄င်းတို့ကို ရိုဟင် ဂျာ တိုင်းရင်းသားလူမျိုးအဖြစ် သတ်မှတ်ရေးရန် တောင်းဆိုမှုတွေလဲ ရှိနေပါတယ် ။