တိုင်းရင်းသားလက်နက်ကိုင်တပ်ဖွဲ့များနှင့် အစိုးရစစ်တပ်ကြား အပစ်ရပ်ကာ ငြိမ်းချမ်းရေးဆွေးနွေးပြီးနောက်ပိုင်းကျေး လက်ဒေသ၌ အဓမ္မပြုကျင့်ခံရမှု အနည်းငယ်လျော့သွားသည်ဟုဆိုသော်ငြားလည်း စစ်ပွဲများဖြစ်ပွါးရာဒေသတို့၌ ညှင်းပမ်းမှု ပိုမိုများပြားလာသည်ကို တွေ့ရသည်ဟု သျှမ်းလူ့အခွင့်အရေးဖောင်ဒေးရှင်း၏ နိုဝင်ဘာလထုတ် အစီရင်ခံစာတွင်ဖော်ပြထား သည်။


ဒေသခံ အမျိုးသမီးများအပေါ် အဓမ္မပြုကျင့်မှု၊ အမျိုးသားများအား ပေါ်တာဆွဲ သတ်ဖြတ်မှုတို့မှာ သိသိသာသာ ကျဆင်း သွားသည်ကိုတွေ့ရသော်လည်း ကျေးလက်လူထု၏ ပိုင်ဆိုင်မှုများကို ဓါးပြတိုက် လုယက်စားသောက်မှု၊ အိမ်မွေးတိရစ္ဆာန် များအား ဖမ်းဆီးသတ်ဖြတ်ယူငင်မှု စသည်တို့မှာလျော့ကျမသွားသည့်ပြင် စစ်ပွဲဖြစ်ပွါးရာဒေသတို့၌ ပိုမိုဖြစ်ပွါးလာသည် ကိုတွေ့ရကြောင်း အဆိုပါအစီရင်ခံစာ၌ ဖော်ပြထားသည်။

ယခင်က သေနတ်ဖြင့် ပစ်ခတ်သတ်ဖြတ်သည့်နည်းအစား ထိုးနှက်ရိုက်ပုတ်ခြင်း၊ လူထုပိုင်ပစ္စည်းဥစ္စာ ခိုးယူခြင်း၊ လူထု အားအဓမ္မခိုင်းစေခြင်း စသည်ဖြင့် နည်းလမ်းပြောင်းလဲလာကြောင်း၊ အဆိုပါ ဖြစ်ရပ်များအား သျှမ်းပြည်တောင်ပိုင်း ကွန်ဟိန်းမြို့နယ်၊ လဲချား၊ မိုင်းကိုင်၊ မိုးနဲနှင့်မိုင်းတုံမြို့နယ်တို့တွင် အများအပြားဖြစ်ပွါးနေသည်ကိုတွေ့ရကြောင်း ဆိုပါသည်။

ယမန်နှစ် ဒီဇင်ဘာလ ၂ ရက်က အပစ်ရပ်ရေးသဘောတူကြပြီးနောက်ပိုင်း မြန်မာစစ်တပ်ဘက်မှ စတင်တိုက်ခိုက်နေသည် သာမက လက်နက်ကြီးများသုံးသဖြင့် ဒေသခံလူထုတို့ ဆုံးရှုံးမှု ဒဏ်ရာရရှိမှုလည်း ပိုမိုများပြားကြောင်း ဆိုပါသည်။

အဆိုပါ တိုက်ပွဲဖြစ်ပွါးမှု၊ လယ်ယာမြေသိမ်းယူမှု စသည့် ဖြစ်ရပ်များကြောင့် ထိုင်းနိုင်ငံသို့ ထွက်ပြေးတိမ်းရှောင်သူများ လည်း များပြားနေလျက်ရှိရာ နယ်စပ်ပေါက်များဖြစ်သော မယ်ဟောင်ဆောင်ခရိုင်၊ ချင်းမိုင်၊ ချင်းရိုင်းခရိုင်တို့၌ လစဉ်လ တိုင်း ပျှမ်းမျှတလ ၁ ထောင်ခန့် ဝင်ရောက်နေကြောင်း နယ်စပ်နေ ဒုက္ခသည်များအရေးကူညီဆောင်ရွက် ပေးသည့်အဖွဲ့က ပြောပါသည်။

၁၉၉၆-၉၈ က သျှမ်းပြည်အလယ်ပိုင်း ၁၁ မြို့နယ် ရွာပေါင်း ၁၅၀၀ မှ လူဦးရေ ၃ သိန်းဝန်းကျင်မှာ အဓမ္မပြောင်းရွှေ့ ခိုင်းခြင်းခံရသဖြင့် ထိုစဉ်က ထိုင်းနယ်စပ်နှင့် ထိုင်းနိုင်ငံအတွင်း အများအပြားဝင်ရောက်ခိုလှုံခဲ့ကြသည်။ အချို့မှာ ထိုင်းနိုင်ငံသားကဒ်ရရှိသွားသော်လည်း အများအားဖြင့် ထိုင်းအစိုးရမှ ထုတ်ပေးသည့် တိုင်းပြည်မဲ့ကဒ်ပြားများ၊ ရွေ့ပြောင်းအလုပ်သမားကဒ်များဖြင့် ထိုင်းနိုင်ငံအတွင်း၌ ခိုလှုံနေကြရသည်။

http://www.shanhumanrights.org/index.php?option=com_content&view=article&id=349:november-2012&catid=76:2012&Itemid=77