သီပေါမြို့နယ် နမ့်မ အုပ်စုတွင်ကျောက်မီးသွေးတူးဖော်ရေးစီမံကိန်း ဆန့်ကျင်ကန့်ကွက်ခြင်းနှင့် သစ်ပင်သစ်တောများတည်တံ့ရေး ဆုတောင်းခြင်းအခမ်းအနား သံဃာတော်နှင့်လူငယ်ထုတို့ဦးဆောင်ပြုလုပ်



သျှမ်းပြည်မြောက်ပိုင်း သီပေါမြို့နယ် နမ့်မ ၀မ့်လုံအုပ်စုအတွင်း သဘာဝ ပတ်ဝန်းကျင်ထိန်းသိမ်းရေး လှုပ်ရှားမှု အနေဖြင့် သစ်ပင်သစ်တော ထာဝရ ရှင်သန်ရေးအတွက် ဆုတောင်းပွဲတရပ်ကို ပြုလုပ်ခဲ့ကြသည်။


ဒေသတွင်းလူထုနှင့် ရပ်မိရပ်ဖများ ဘုန်းတော်ကြီးများ ယုံကြည်ကိုး ကွယ်မှုအရ သစ်ပင်သစ်တော တည်တံ့ရေးအတွက် ဆုတောင်းမှုတခုကို ဂျွန်လ ၂၃ ရက်နေ့က ဟိုနားဖှရွာ နမ့်မအုပ်စု သီပေါမြို့နယ်တွင် ပြုလုပ်ခဲ့ရာ ရပ်နီးရပ်ဝေးမှ လူထုအပါအဝင် အင်အား ၆၀၀ ခန့် တက်ရောက် ခဲ့ကြသည်။


TYN လူငယ်ခေါင်းဆောင် စိုင်းနော်ဆိုင်က - “ကျနော်တို့ သီပေါမြို့ နမ့်မ အုပ်စုမှာ ငွေရည်ပုလဲကုမ္မဏီကနေ လှိုဏ်ခေါင်းဖောက် ကျောက်မီးသွေး တူးဖော်နေမှုကြောင့် လယ်ယာမြေတွေအက်ကွဲကုန်တယ်။ ဒီဟာတွေကို သင်္ခန်းစာယူပြီး ရှေ့ဆက်ကျောက်မီးသွေးမတူးဖို့နဲ့ သစ်ပင်သစ်တောတွေ ခုတ်ဖြတ်ဖျက်ဆီးနေတာတွေရပ်တန့်ဖို့အတွက် ရည်ရွယ်ပါတယ်။ ဒါကြောင့်သစ်ပင်သစ်တောတွေ ကြာရှည်တည်တံ့စွာရှိနေဖို့အတွက် ဇာတာဆက်တယ် ပရိတ်ရွတ်ပေးတယ် ဆုတောင်းပေးတယ်။ ကျောက်မီးသွေးတူးဖော်နေတာကိုဆန့်ကျင်ကန့်ကွက်ကြတယ် ။ အခု ဟိုနားဖှဆိုတဲ့နေရာက ဒေသခံတွေအတွက် ပိုတောင်အရေးပါတယ်။ ကုမ္မဏီမလာခင်ကတည်းက ဒီနားတဝိုက်မှာ ရွာသားတွေထင်းတောင် မခုတ်ရက်ဘူး။ ဆိုးကျိုးထိခိုက်မှုများမယ်လေ” - ဟု ပြောဆိုသည်။


ငွေရည်ပုလဲကုမ္မဏီသည် ၂၀၀၄ ခုနှစ် က နမ့်မအုပ်စု နားကွန်ရွာ၊ ၂၀၀၅ ခုနှစ်က နမ့်မအုပ်စု ပိန်းဆိုင်းရွာတို့တွင် ကျောက်မီးသွေးများစတင် တူးဖော် ခဲ့သည်။ ကျောက်မီးသွေးစီမံကိန်းကြောင့် ဒေသခံများဆိုးကျိုး များကြုံတွေ့ ရသဖြင့် တူးဖော်မှုရပ်တန့်ရန် ဒေသခံများ အကြိမ်ကြိမ် ကန့်ကွက် ဆန္ဒပြခဲ့ကြသော်လည်း ကုမ္မဏီမှရပ်တန့်ခြင်းမရှိသည့်အပြင် ယခုတွင် နမ့်မအုပ်စု နမ့်မချောင်းဦးအနီးရှိ ဟိုနားဖှအရပ်တွင် ကျောက်မီးသွေး တူးဖော်ရန်အလိုရှိနေပါသည်။


နမ့်မချောင်းဦးတွင်ကျောက်မီးသွေးတူးဖော် ပါက နမ့်မအုပ်စုတခုလုံးအပြင် သီပေါမြို့နယ်တခုလုံးပါ ဆိုးကျိုးခံစားရမည်ဖြစ်သဖြင့် အဆိုပါစီမံကိန်းအား ဒေသခံများက ကန့်ကွက်ဆန့်ကျင်နေကြပါသည်။


“လက်ရှိမှာက ပိန်းဆိုင်းမှာရော နားကွန်ရွာမှာရော ကျောက်မီးသွေး တူးဖော်မှုကြောင့် အိုင်သေကြီး ထွန်းနေတာ။ အနက်ကြီးဘဲ။ အဆိပ်ရည်ေ တွ စိမ်းနေတာဘဲ။ တိရိစ္ဆာန်တွေအတွက်လည်း အန္တရာယ် ရှိတယ်။ လူတွေအတွက်လည်း စိုးရိမ်ရတယ်။ အိုင်ကအမြင့်ပိုင်းမှာရှိတယ်။ အချိန် မရွေး မြေပြိုနိုင်တယ်။ မြေပြိုရင် အဆိပ်ရည်တွေက လယ်ယာမြေတွေ ချောင်းရေတွေထဲစီးဝင်မယ်။ လူတွေသေကြမယ် ။ အခု လည်း အဲဒီ စီမံကိန်းကြီးတွေကြောင့် မသန့်စင်တဲ့လေကိုရှူနေရလို့ဒေသခံတွေ ရောဂါထူပြောတယ်။ အရင်တွေတုန်းကမဖြစ်စဖူးရောဂါတွေဖြစ်ကြတယ်။ လူစဉ်မမှီတာတွေရှိလာတယ်။”- ဟုလည်း နမ့်မဒေသခံ စိုင်းနွံကပြောသည်။


နမ့်မအုပ်စုအတွင်းသစ်ပင်သစ်တောကြာရှည်တည်တံ့ရေး ဆုတောင်းပွဲသို့ ရပ်နီးရပ်ဝေးမှသံဃာတော်များ၊ လူငယ်ထုနှင့် လယ်သမားများ တက်ရောက် ကြပြီး ဆုတောင်းပွဲအပြီး ညနေပိုင်းတွင် သစ်မာအမျိုးအစား အပင် ၁၀၀ ကျော်စိုက်ပျိုးခဲ့ကြကြောင်းလည်း လှုပ်ရှားမှုတွင်ပါဝင် သည့်လူငယ်များ ကပြောပါသည်။


ဆက်ဖတ်ရန်


သို့- နိုင်ငံတော်အတိုင်ပင်ခံပုဂ္ဂိုလ် သိရှိစေရန်နှင့် သျှမ်းပြည်သားဒေသခံလူထုအားကူညီစောင့်ရှောက်မှုပေးပါရန်….



သျှမ်းပြည်မြောက်ပိုင်း နမ့်ဆန်မြို့နယ်အတွင်းမှာ ဒေသတွင်းမတည်ငြိမ်မှုကြောင့် ရွာသားတွေ ထွက်ပြေး တိမ်းရှောင်နေရပါတယ်။ ဒီတပတ်အတွင်းမှာ တိုက်ပွဲတွေပြန်ဖြစ်လာရတာပါ။ အစိုးရတပ်မတော်နဲ့ တအာင်းတပ်ဖွဲ့ တို့ပစ်ခတ် တိုက် ခိုက်ကြတာဖြစ်ပါတယ်။


ကျွဲခတ်ရင် လယ်ကန်သင်းကျိုးတယ်ဆိုတဲ့စကားအတိုင်းပါဘဲ။ တိုက်ပွဲကြောင့် အခုလောလောဆယ် နမ့်ဆန်မြို့နယ်၊ မန်လန်ရွာ လူထု ၃၀၀ ကျော်ကို အစိုးရတပ်က ဖမ်းဆီးထားတယ်။ ရွာကနေ ပေး မထွက် ဘူး။ စားစရာမရှိဘူး။


လျင်တဲ့လူတော့ ထွက်ပြေး လွတ်မြောက်ပေမယ့် အဘိုးကြီး အဘွား ကြီးတွေ သံဃာတော်တွေ ရွာမှာ ကျန်ခဲ့တယ်လေ။ ဆိုတော့ စစ်တပ်က ကျန်နေတဲ့သူတွေကြောက်အောင် နေအိမ်တွေ မီးရှို့ဖျက်ဆီးတယ်။ ကြမ်းပြ ရမ်းပြတယ်။ အမှန်ကတော့ တပ်မတော်ဆိုတာ လူထုကို အကာအကွယ်လုပ်ပေးရမယ်မဟုတ်ပါလား။


ဒါကြောင့် လူထုကိုအမှန်တကယ် အကာအကွယ်လုပ်ပေးချင်ရင် အမြန်ဆုံး စစ်ပွဲတွေရပ်ပါ။ လူထု အေးအေးဆေးဆေး ၀မ်းစာရှာစားခွင့်ပေးပါ။ အေးအေးလူလူ ပေးနေထိုင်ပါ။ ဒေသခံလူထု တိုက်ပွဲအတွင်း ပိတ်မိနေတာကို ကူညီပေးဖို့ သျှမ်းသံတော်ဆင့်မှတဆင့် နိုင်ငံတော်အတိုင်ပင်ခံပုဂ္ဂိုလ်ဆီကိုတင်ပြ တောင်းဆိုလိုက်ရပါတယ်။


အစဉ် စစ်ဘေးရှောင်နေရတဲ့ နမ်ဆန်သား လုံးဝိလိန်တ


ဆက်ဖတ်ရန်


သို့ - သျှမ်းသံတော်ဆင့်



မန်ပန်ဌာနေပြည်သူ့စစ်က ဒေသတွင်းလူထုကို တရွာတဦး တပ်သားသစ်ပို့ဆောင်ပေးဖို့ တောင်းလာ ပါတယ်။ ဒီလဆန်းပိုင်းက တောင်းဆိုလာတာပါ။


မိုင်းကျက်အုပ်စုမှာ ၁၃ ရွာရှိပါတယ်။ တပ်သားသစ်အတွက် တရွာကို လူတယောက် ပို့ပေးဖို့ ပြီးခဲ့တဲ့ ဂျွန်လ ၁၀ ရက်နေ့ကတည်း က တောင်းဆိုလာတာပါ။ မပို့မနေရစနစ်နဲ့ ၃ ရက်ဘဲအချိန်ပေးပြီး အမိန့်ပေးလာ တဲ့အတွက် ဒေသခံလူထုဟာ နေအိမ်မှာ သက်ကြီးရွယ်အိုတွေသာထားပြီး  သားသမီးတွေကို မြို့တက်ပညာသင်ဖို့စေလွှတ်နေရပါတယ်။ တဖက်ကလည်း အဲလိုပို့လိုက်တော့ နေအိမ်မှာ လယ်ယာ လုပ်ငန်းခွင်ဝင်ဖို့ လူအင်အားမရှိတော့သလောက်ဖြစ်နေတာကြောင့် ရွာသားတွေအခက်တွေ့နေရပါတယ်။


ဥပမာ ၀မ့်ပုံရွာမှာဆိုရင် သားဖြစ်သူတွေ မြို့တက် ပညာသင် ကိုယ်ရင်ဝတ် သာသနာ့ဝန်ထမ်းတော့ အသက်အရွယ် ၅၀ ကျော်ဖခင်တွေကို သားအတွက်အစားထိုး ဖမ်းခေါ်သွားတာတွေလည်းရှိတယ်လို့ မိုင်းကျက်က စိုင်းလုံက ပြောပြပါတယ်။


ဂျွန်လ ၂၂ ရက်နေ့မှာလည်း မန့်မတ်က ဟန်ပန်ဘုန်းကြီးကျောင်း ကျောင်းထိုင်ဆရာတော်ကိုသူတို့လာဖမ်းသွားတယ်လို့ကြားသိရပါတယ်။ မန့်မတ်ရွာ ဖာဖင့်ပြည်သူ့စစ်တပ်စခန်းက ဗိုလ်ကြီးစိုင်းလွတ်က ၂၃ ရက်နေ့မှာ ဆရာတော်သင်္ဃန်းကိုချွတ် လူဝတ်လဲစေပြီး  အခု စစ်သင်တန်းပေးနေတယ်လို့ ကြားသိရပါတယ်။ ဒီဒေသမှာ ဒီဆရာတော်က ၀ါတော်အရင့်ဆုံးဘဲ။ ဒီပြည်သူ့စစ်လုပ်ပုံကတော့ သာသနာကိုပါထိပါးလာနေတယ်။


တဖက်ကလည်း  ပြီးခဲ့တဲ့ ၃ နှစ်လောက်က ၀မ့်နားပုံရွာက စိုင်းသန်းလူကို တပ်သားသစ် အဖြစ်ဖမ်းခေါ်သွားတယ်။ ဒီနှစ်ဆန်းပိုင်းမှာ   နေရပ်ပြန်အနားယူတယ်။ နယ်စပ်ကသူ့အမျိုးတွေဆီအလည်သွားတုန်းပြည်သူ့စစ်ကပြန်လာခေါ်တော့  သူထွက်ပြေးတယ်လို့ စွပ်စွဲပြီး စိတ်မူမမှန်တဲ့ဖခင်ဖြစ်သူ လုံးလှကို ဖမ်းဆီးခေါ်ဆောင်သွားတယ်။ မေးမြန်း ရိုက်နှက်မှုတွေရှိလို့ အခုချိန်အထိ လုပ်ငန်းခွင်မဝင်နိုင်ဘူး။ ဒဏ်ရာဒဏ်ချက်တွေနဲ့ အနားယူနေရတုန်းဘဲ။ မူမမှန်တဲ့အထဲ။  


ဒါမျိုးတွေရှိတော့ ကျနော်တို့ရွာသားတွေအနေနဲ့ ဘယ်သူ့ကိုအားကိုးရမလဲ။  အစိုးရတပ်မတော်လား … တားဖို့နေနေသာသာ လူသစ်စုဆောင်းဖို့တောင်အားပေးလိုက်သေးတယ်။ တခြားအဖွဲ့တွေကောက်သေးတာဘဲ။ ပြည်သူ့စစ်တပ်ဖွဲ့လဲကောက်လေ။ ဒီနယ်မှာလူအဲလောက်များတာ … လို့အားပေးသေးတယ်လေ။ ပြည်သူ့စစ်က လူများများကောက်ရင် သူလဲလိုသလောက်တောင်းနိုင်မှာကိုး။


လူသစ်ဘဲလား ။ မကဘူး။ လူလဲပေးရ။ လူကိုကျွေးဖို့ဆန်တွေ ရိက္ခာတွေကိုလည်း ကောက်တယ်။ ပိုက်ဆံလဲကောက်တယ်။ ၃ လပတ်က မိုင်းကျက်အုပ်စုအတွက် ၂၈ သိန်း တောင်းတယ်။တခြားအုပ်စုတွေကိုလည်းတောင်းတယ်။ အုပ်စုသေးရင် သိန်း ၂၀ ၊ များရင် သိန်း ၃၀ - ၅၀ အထိတောင်းတယ်။  ဘာလို့တောင်းတုန်းမေးတော့ သူတို့ကပြောတယ်။ ပြည်သူ့စစ်ဆိုတာပြည်သူလူထုကို ကာကွယ်ဖို့တဲ့။ ပိုက်ဆံရှာဖို့အချိန်မရှိဘူးတဲ့ တပည့်တွေများတယ်။ သူတို့ကိုကျွေးမွေးထောက်ပံ့ဖို့လိုတယ်တဲ့ - ကောင်းရော။


ကျနော်တို့မှာက လူလဲပေးရ ရိက္ခာလဲပေးရ ပိုက်ဆံလဲပေးရ လုပ်အားလဲပေးရ။ ဒီပုံကြည့်ရင် ဘယ်သူက ဘယ်သူ့ကို အကာအကွယ်ပေးနေသလဲ။ ဘယ်သူက ဘယ်သူ့ကိုကူညီထောက်ပံ့နေတာလဲဆိုတာသိပါတယ်။


ကျနော်တို့လူထုအနေနဲ့ အရမ်းကျပ်တည်းနေပါပြီ။ လွတ်မြောက်ဖို့လမ်း ဘယ်မှာရှိနိုင်မလဲဆိုတာဘဲနေ့တိုင်းတွေးနေပါတယ်။


လွတ်မြောက်ဖို့လမ်းရှာနေဆဲ ….
မိုင်းကျက်က
စိုင်းလင်းလက်


ဆက်ဖတ်ရန်


မူးယစ်ဆေးဝါးတိုက်ဖျက်ရေးလုပ်ငန်းတွင် အဘက်ဘက်မှ ပူးပေါင်းလက်တွဲမှုလိုအပ်ဟု SSPP/SSA ပြော



ဂျွန်လ ၂၆  ရက်နေ့ တွင်ကျရောက်သော အပြည်ပြည်ဆိုင်ရာ မူးယစ်ဆေးဝါးအလွှဲသုံးစားမှု နှင့် တရားမဝင် ရောင်းဝယ်ဖောက်ကားမှု တိုက်ဖျက်ရေးအထိမ်းအမှတ်နေ့တွင်  သျှမ်းပြည်တိုးတက် ရေးပါတီ/သျှမ်းပြည်တပ်မတော် SSPP/SSA ဌာနချုပ် ၀မ်ဟိုင်း တွင်  မူးယစ်ဆေးဝါး များအား မီးရှို့ဖျက်ဆီးခြင်းအခမ်းအနား ကျင်းပခဲ့ သည် ။


SSPP/SSA မူးယစ်ဆေးဝါး တိုက်ဖျက်တားဆီးရေးလုပ်ငန်းစဉ်နှင့် ပတ်သက်၍  “ စိန်ခေါ်မှု တွေက တော့ နယ်မြေဒေသအေးချမ်းမှုမရှိပဲ တိုက်ပွဲတွေဖြစ် နေတာရယ်  ၊ ဘတ်ဂျက်မရှိတာရယ် ၊ ဘက်စုံ ပူးတွဲဆောင်ရွက်ရေးမရှိသေးတာရယ်က အဓိကစိန်ခေါ်မှု တွေဖြစ်တယ်” ဟု ၄င်းက ဆိုသည် ။


SSPP/SSA မှ မူးယစ်ဆေးဝါးများဖမ်းဆီးရာတွင် အဘက်ဘက်ကပူးပေါင်းဆောင် ရွက်မှုရှိစေရန် ပြည်သူ့စစ်အဖွဲ့ အစည်းများ နှင့် ငြိမ်း ချမ်းရေးရရှိပြီးသားအဖွဲ့ များ ၊ ငြိမ်းချမ်းရေးမရသေး သည့်အဖွဲ့ များထံ စာထုတ်၍ တိုက်ရိုက် အကူအညီတောင်းခံခြင်းများ ပြုလုပ်လျှက်ရှိကြောင်း ဗိုလ်မှူး ကြီး စိုင်းဆု ကပြောသည် ။


ယနေ့ကျင်းပသော အခမ်းအနားတွင် မီးရှို့ဖျက်ဆီး ခဲ့သောမူးယစ် ဆေးဝါးများ၏ တန်ဖိုးငွေကျပ် ပမာဏသိန်းနှစ်ထောင်ခန့်ရှိပြီး SSPP/SSA လှုပ်ရှားသောနယ်မြေဒေသများဖြစ်သည့် သျှမ်းပြည်နယ်မြောက်ပိုင်းရှိ ကျောက်မဲ ၊ သီပေါ ၊ သိန္နီ ၊ မိုးမိတ် ၊ မိုင်းလုံ ၊ နမ့်ဟူး ၊ မူဆယ် ၊ နမ့်ခမ်း ၊ စသည့်ဒေသများတွင်ဖမ်းဆီးရမိသော မူးယစ်ဆေးဝါး များ ဖြစ်သည်ဟု SSPP/SSA မှပြောရေး ဆိုခွင့်ရှိသူဒုတိယဗိုလ်မှူးကြီးစိုင်းဆု ကပြောသည် ။


အဆိုပါ အခမ်းအနားတွင် ဒေသခံလူထု ၊ ကျောင်းသား/သူများ ၊ သျှမ်းပါတီများနှင့် အမျိုးသမီးအဖွဲ့များ စုစုပေါင်းတက်ရောက်သူဦးရေ  ၁၉၀၀ ကျော် ခန့်တက်ရောက်ရှိသည် ဟု သိရှိရပါသည် ။


သျှမ်းပြည်နယ်တောင်ကြီးမြို့တွင်လည်း သျှမ်း-ကယားအဆင့် တစ်နှစ်အတွင်း ဖမ်းဆီးရမိထားသည့် မူးယစ်ဆေးဝါးနှင့် ဓာတုပစ္စည်းများ စုစုပေါင်းတန်ဖိုး အမေရိကန်ဒေါ်လာ  ၁၄၃  သန်းကျော် မီးရှို့ဖျက်ဆီးခြင်း အခမ်းအနားကို အဝေရာ မီးပုံးပျံ ကွင်းတွင်ကျင်းပခဲ့ သည် ။


ဆက်ဖတ်ရန်


ဂျွန်လ ၂၆ ရက် မူးယစ်တိုက်ဖျက်ရေးနေ့ သျှမ်းပြည်တွင်းဒေသအသီးသီးတွင် မူးယစ်မီးရှို့သည့် အခမ်းအနားကျင်းပ



ဂျွန်လ ၂၆ ရက်နေ့တွင်ကျရောက်သော မူးယစ်ဆေးဝါးတိုက်ဖျက်ရေးနေ့တွင် သျှမ်းပြည်တွင်းရှိ တိုင်းရင်း သားလက်နက်ကိုင်အဖွဲ့အစည်းအသီးသီးက မူးယစ်ဆေးဝါးတိုက်ဖျက်ရေးအထိမ်းအမှတ် မီးရှို့ဖျက်ဆီး ပွဲကျင်းပခဲ့ကြရာ SSPP/SSA  ဌာနချုပ်ဝမ့်ဟိုင်းတွင်လည်း မူးယစ်ဆေးဝါးမီးရှို့ဖျက်ဆီး ပွဲတရပ် ကျင်းပခဲ့သည်။


သျှမ်းပြည်တောင်ပိုင်း ကျေးသီးမြို့နယ် ၀မ့်ဟိုင်းအုပ်စု တွင် ၄ နှစ်အတွင်းဖမ်းမိမူးယစ် ဆေးဝါးများ မီးရှို့ ဖျက်ဆီးပွဲကို နံနက် ၉ နာရီခွဲကစတင်ပြီး ၁၁ နာရီအချိန်တွင်ပြီးဆုံးခဲ့ကြောင်းသိရသည်။

SSPP/SSA  ဌာနချုပ်ဝမ့်ဟိုင်းတွင်ကျင်းပသော မူးယစ်ဆေးဝါးမီးရှို့ဖျက်ဆီးသည့်အခမ်းအနား
သျှမ်းပြည်နယ်မြို့တော်တောင်ကြီးတွင်ကျင်းပသော မူးယစ်ဆေးဝါးမီးရှို့ဖျက်ဆီးသည့်အခမ်းအနား
“ ၂၀၁၄ ကနေ ၂၀၁၇ အထိ SSPP/SSA ကနေ ဖမ်းဆီးရမိတဲ့ မူးယစ်ဆေးဝါးတွေကိုမီးရှို့ဖျက်ဆီးတယ်။ တက်ရောက်တဲ့လူထု ၁၃၀၀ ကျော်ရှိပါတယ်။ သျှမ်းပြည်တိုးတက်ရေးပါတီ သျှမ်းပြည်တပ်မတော် ဒုတိယဥက္ကဌ ၁ ဗိုလ်ချုပ်ခွန်ဆိုင်ကနေ မူးယစ်ဆေးဝါး မီးရှို့ဖျက်ဆီးရခြင်းအခမ်းအနား ကျင်းပရခြင်း အကြောင်းကို ပြောကြား တယ်။ ” - ဟု ၀မ့်ဟိုင်းရောက် သျှမ်းသံတော်ဆင့်သတင်းထောက် ယေ့ဆိုင်ကော်က ပြောသည်။


ဂျွန်လ ၂၆ ရက်နေ့မနက်ပိုင်းက SSPP/SSA မှ မီးရှို့ဖျက်ဆီးလိုက်သော မူးယစ်ဆေးဝါးမှာ ၂၀၁၄ ခုနှစ်မှ ၂၀၁၇ အထိ ဖမ်းဆီးရမိသော ယာဘအပြားပေါင်း ၉ သိန်းကျော်၊ ဘိန်းဖြူ ၁၄၀ ကီလို၊ ဘိန်းမဲ ၁၆ ပိသာကို  ၀မ့်ဟိုင်းအုပ်စု ပါခီးလမ်းခွဲ ပါခီး အခြေခံမူလတန်းကျောင်းဘောလုံးကွင်း တွင် မီးရှို့ ဖျက်ဆီးခြင်းဖြစ်သည်။


၎ နှစ်အတွင်း SSPP/SSA မှ ဖမ်းဆီးရမိသော  ယာဘ အမှုပေါင်း ၁၃၈ မှု၊ ဘိန်းဖြူ ၂၀ မှုနှင့် ဘိန်းမဲ ၅ မှုရှိကြောင်း၊ ၂၀၁၄ နှင့် ၂၀၁၅ ခုနှစ်အတွင်း SSPP/SSA နှင့် အစိုးရတပ်မတော်ကြား ပစ်ခတ်တိုက်ခိုက်မှုများရှိသဖြင့် မူးယစ် တိုက်ဖျက်ရေးလုပ်ငန်း ကျယ်ကျယ်ပြန့်ပြန့်မလုပ်ဆောင်လိုက်ရ ကြောင်းလည်း  ၀မ့်ဟိုင်းရှိ တာဝန်ရှိ ပုဂ္ဂိုလ် ကပြောဆိုသည်။


သျှမ်းပြည်မြို့တော် တောင်ကြီးတွင်မူ  သျှမ်းပြည်နယ်အစိုးရ၊ တပ်မတော်နှင့် သျှမ်းပြည်တောင်ပိုင်း မူးယစ် ဆေး ဝါးတိုက်ဖျက်ရေးလှုပ်ရှားသည့် တိုင်းရင်းသားလက်နက်ကိုင်အဖွဲ့အစည်းများ( ကိုယ်ပိုင် အုပ်ချုပ်ခွင့်ရဒေသ၊ ပြည်သူ့စစ်၊ RCSS/SSA )စုပေါင်းပြီး သျှမ်း+ကယား အဆင့်  မူးယစ်ဆေးဝါးနှင့် ဓါတုပစ္စည်းများ ပမာဏတန်ဖိုး ကျပ်သန်းပေါင်း ၁၉၅၃၃၉ သန်းကျော် (အမေရိကန် ဒေါ်လာတန်ဖိုး ၁၄၃ သန်းကျော်) ကို မီးရှို့ဖျက်ဆီးသည့် အခမ်းအနား တရပ်ကျင်းပခဲ့သည်။


ဂျွန်လ ၂၆ ရက်နေ့တွင် ၀မ့်ဟိုင်းဌာနချုပ်အပြင် ၀ ပြည်သွေးစည်းညီညွတ်ရေးတပ်မတော်၏  မိုင်းပေါက် ၊  NDAA-ESS အထူးဒေသ ၄  ဌာနချုပ် မိုင်းလားတို့တွင်လည်း မူးယစ်ဆေးဝါးမီးရှို့ဖျက်ဆီးသည့်အခမ်းအနားကျင်းပခဲ့ ကြောင်း သိရပါသည်။


မူးယစ်ဆေးဝါးတိုက်ဖျက်ရေးစီမံကိန်းဆက်တိုက်လုပ်ဆောင်လာသော တအာင်းTNLA တပ်ဖွဲ့မှလည်း မူးယစ်ဆေးမီးရှို့ဖျက်ဆီးသည့်အခမ်းအနားကျင်းပမည်ဟု ကြေငြာချက်ထုတ်ပြန်ထားသော်လည်း ကျင်းပပြုလုပ်မည့်နေရာနှင့်အချိန်ကိုမူ သျှမ်းသံတော်ဆင့်မှ အတည်ပြုချက်မရရှိခဲ့ပေ။


ဆက်ဖတ်ရန်


နယ်စပ်ကုန်သည်များ၏ ဘဏ်စာအုပ် ပြန်ဖွင့်ပေးရန် မူစယ်-တရုတ်နယ်စပ်တွင် လူထု ၂၀၀ ကျော် တောင်းဆိုဆန္ဒပြ



တရုတ်-မြန်မာနယ်စပ် မူစယ်မြို့တဖက်ကမ်း ဂျယ်ဂေါင်ရှိ တရုတ်  စိုက်ပျိုးရေးဘဏ်တွင် အပ်နှံထားသော မြန်မာနိုင်ငံမှ လူထုရာကျော်၏ ငွေများ တရုတ်အစိုးရ ပိတ်သိမ်းမှုအား ပြန်လည်ဖွင့်ပေးရန် ဂျွန်လ ၂၃ ရက် နေ့က  ဒေသခံလူထု ၂၀၀ ကျော်က ဆန္ဒပြတောင်းဆိုမှုတရပ် ပြုလုပ်ခဲ့သည်။


ဂျွန်လ ၁၅ ရက်နေ့က တရုတ်အစိုးရမှ ထိုသို့ဘဏ်စာရင်းပိတ်မှုပြုလုပ်ခဲ့ခြင်းဖြစ်ပြီး  တရုတ်-မြန်မာ ၂ ခြမ်းစလုံးမှ ဘဏ်စာအုပ် အပိတ်ခံရ ဒေသခံလူထု ကုန်သည်လူတန်းစား ၅၀၀၀ ခန့်ရှိကြောင်းသိရသည် ။ ထိုအနက်  မြန်မာနိုင်ငံ မူစယ်ဘက်ခြမ်းက စာရင်းသိရှိရသည့်ကုန်သည်ဦးရေ  ၁၃၀ ကျော် ပါဝင်ပြီး စာရင်းမသိရသေးသည့်ကုန်သည်လည်း အများအပြားရှိကြောင်း ဆိုပါသည်။


“သစ်သီးကုန်သည်တွေ ပဲပြောင်းနှမ်းကုန်သည်တွေပေါ့ ဘဏ်စာအုပ်အပိတ်ခံရတာ။ သူတို့ကို ဦးဆောင်ဆန္ဒပြတာက ပဲ၊ပြောင်း၊နှမ်းကုန်သည်ကြီးများဥက္ကဌ ဦးလှမောင်။   အခု ပိတ်သိမ်းမှုကြောင့် မြန်မာနိုင်ငံဘက်က လူထုရဲ့ ဘဏ်စာရင်းကနေ ငွေကြေးဆုံးရှုံးမှုက ကျပ်သန်းပေါင်း ၄ သိန်း လောက်ရှိမယ်လို့ သိရတယ်။ ဒါမျိုးပိတ်သိမ်းတာဟာ အခုဆိုရင် ဒုတိယအကြိမ် သိမ်းတာဖြစ်တယ်။ စာအုပ်အရေအတွက်နဲ့ငွေကြေးအရေအတွက်များပြားလို့ လူထုဆန္ဒပြကြတာ ဖြစ်တယ်။ ပထမအကြိမ်တုန်းက  ဆုံးရှုံးမှုသိပ်မများတော့ လူသိပ်မသိဘူးပေါ့။ သူတို့လည်း ၂ နိုင်ငံ ရင်းနှီးမှု ပျက်မှာစိုးလို့ သည်းခံနေလာခဲ့တာ” - ဟု မူစယ်မြို့နေ စိုင်းလိတ်က ပြောသည်။


တရုတ်-မြန်မာနယ်စပ်  နန်းတော်ပေါက်တွင် ယနေ့မနက် ၁၀ နာရီကျော်က ဆန္ဒပြခဲ့ကြရာ “ငါတို့ရဲ့ချွေးနည်းစာပြန်ပေး ၊ မတရားထိန်းသိမ်းထားသော အကောင်းများ ချက်ချင်းပြန်ဖွင့်ပေး ၊ ငါတို့ကိုအသက်ရှင်ခွင့်ပေး၊ ငါတို့ကို တရားဝင်တန်းတူ ကုန်သွယ်မှုကို ဆောင်ရွက်ပေး ” အစရှိ ဗီနိုင်းပိုစတာများကိုင်ဆောင်သည့် လူထုအင်အား  ၂၀၀ ကျော် ပါဝင်သည်။


ထိုသို့ တရုတ်မှ နယ်စပ်ကုန်သည်များ၏ ဘဏ်စာရင်းများ ပိတ်ရခြင်းမှာ မူးယစ်ဆေးဝါးနှင့် Online လောင်းကစားမှု စုံစမ်းစစ်ဆေးရေးအတွက် ဖြစ်ကြောင်း   ဂျွန်လ ၂၂ ရက်က မြန်မာနိုင်ငံဆိုင်ရာ တရုတ်သံရုံးမှ သံမှူး Mr. Yang Shouzheng က မြန်မာနိုင်ငံ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန ကုန်သွယ်ရေးဦးစီးဌာန ညွှန်ကြားရေးမှူးချုပ် ဦးရန်နိုင်ထွန်းနှင့် နေပြည်တော်၌ တွေ့ဆုံစဉ် ရှင်းလင်းပြောကြားခဲ့ကြောင်း  မြန်မာနိုင်ငံဆိုင်ရာ တရုတ်သံရုံး က သတင်းထုတ်ပြန်ပါသည်။


တရုတ် - မြန်မာ နှစ်နိုင်ငံ ဆွေမျိုးပေါက်ဖော်ချစ်ကြည်ရေးအားရှေးရှုပြီး  ဒေသခံလူထု ဆန္ဒပြမှုမပြုကြရန် ယမန်နေ့က တရုတ်ဘက်မှဖုန်းဆက်ပြောဆိုလာမှုများ ရှိခဲ့ကြောင်း သိရသည်။


ဆန္ဒထုတ်ဖော်မှုအပြီး  - ပိတ်သိမ်းထားသော ဘဏ်စာရင်းများအား ပြန်လည်စစ်ဆေးပြီးမှသာ ပြန်ဖွင့်ပေးမည်ဖြစ်ကြောင်း - တရုတ်နိုင်ငံအာဏာပိုင်များက ပြန်လည်အကြောင်းကြားလာခဲ့သည်ဟု ဆိုပါသည်။


တရုတ်-မြန်မာနယ်စပ်တွင် မြန်မာဘက်ခြမ်းမှဒေသခံများ တရုတ်အစိုးရအား ထိုသို့သောဆန္ဒပြမှုမှာ ၁၉၈၈ ခုနှစ်နောက်ပိုင်း ပထမအကြိမ် ဆန္ဒပြခြင်းဖြစ်သည်။ ယခုဆန္ဒပြမှုမှာ မြန်မာဘက်ခြမ်းက လူထုအတွက် ချည်းသက်သက်မဟုတ်ဘဲ နှစ်နိုင်ငံနယ်စပ်နေ လူထုအတွက်ဖြစ်နေသဖြင့် မူစယ်မြို့ခံများအတွက် ထူးခြားသော ဖြစ်စဉ်တခုဖြစ်နေကြာင်း ဒေသခံများက ပြောဆိုနေကြသည်။


ဆက်ဖတ်ရန်


 
© 2012 All Rights Reserved | Asean Celebrity | Fonts @ AtFonts | Free Templates