သျှမ်းပြည်နယ်အရေးကို ကချင်ပြည်နယ်အခြေစိုက် စစ်တိုင်းရုံးထံ ညှိုင်းနှိုင်းအကြောင်းကြားတော့ အလုပ်ဖြစ်မလား သျှမ်းပြည်နယ်အစိုးရကြီး



သျှမ်းပြည်မြောက်ပိုင်း မန်ပန်ဌာနေ ပြည်သူ့စစ်တပ်ဖွဲ့ လူသစ်အဓမ္မ ခေါ်ယူစုဆောင်း တဲ့ ကိစ္စနဲ့ ပတ်သက်ပြီး ရပ်တန့်ပေးဖို့ လူထုရွေးကောက်ခံ မိုင်းရယ်မြို့နယ် အမှတ် ၁ မဲဆန္ဒနယ် မှ စိုင်းထူးမြင့်က သျှမ်းပြည်နယ်လွှတ်တော် အတွင်းကို ပြီးခဲ့တဲ့ ဂျွန်လ ၂၅ ရက် (၂၀၁၇ ခု) က တင်ပြ တောင်းဆိုတဲ့ အပေါ် သျှမ်းပြည်နယ်အစိုးရ ဝန်ကြီးချုပ်ကိုယ်စား လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး နိုင်ဝင်းအောင်က ကွင်းဆင်းဆောင်ရွက်နိုင်ရန် ကချင်ပြည်နယ် မြစ်ကြီးနားမြို့ အခြေစိုက် မြောက်ပိုင်း တိုင်း စစ်ဌာနချုပ် မပခ စစ်တိုင်းမှူးထံ ညှိနှိုင်းအကြောင်းကြားစာ ကို ဂျူလိုင် ၁၄ ရက်နေ့ (၂၀၁၇ ခု) ရက်စွဲနဲ့ ပေးပို့လိုက်တာတွေ့ရပါတယ်။


မန်ပန် ဆိုတာ သျှမ်းလူမျိုးတွေ အနေများတဲ့ မြို့နယ်တိုင်း၊ ခရိုင်တိုင်းမှာ ရှိနိုင်ပါတယ်။ ထို့အတူ ကချင်ပြည်နယ်ကလည်း သျှမ်းလူမျိုးတွေ တည်ထောင်တဲ့ မြို့ရွာတွေ ခပ်များများ ဆိုတော့ မန်ပန် ရွာ သေခြာရှိနိုင်မှာမလွဲပေ။


သို့ပေမယ့် သျှမ်းပြည်နယ်လွှတ်တော်မှာ သျှမ်းပြည်မြောက်ပိုင်း မိုင်းရယ်မြို့ နေ လူထုကိုယ်စားပြု လွှတ်တော်အမတ်က တင်ပြတဲ့ အကြောင်းအရာကို သျှမ်းပြည်နယ် အစိုးရက ဘာကြောင့် ကချင်ပြည်နယ် ရှိ စစ်တိုင်းရုံးကို ဖြေရှင်းပေးဖို့ ညှိနှိုင်းအကြောင်းကြားစာ ပေးပို့ရပါသလဲ ။ စဉ်းစား စရာပါ။


သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ခေါ် ကျားခေါင်းပါတီ ပြောခွင့်ရ စိုင်းလိတ်ကတော့ ဒီကိစ္စက လုံးဝ မမှားသင့်တဲ့ကိစ္စလို့ ပြောပါတယ်။


“ ဒီကိစ္စမှာ သျှမ်းပြည်နယ်အစိုးရ ရဲ့ ပမာဒလေခ အမှားလား၊ ဒါမှမဟုတ် ဥပါယ်တံမျဉ်အမှား လားဆို တာ သေချာသုံးသပ်ဖို့လိုအပ်ပါတယ်။ သျှမ်းပြည်နယ်လွှတ်တော်ကလည်းပဲ ကြပ်ကြပ်မတ်မတ် တာဝန် ယူစိစစ်ဖို့လိုအပ်တယ်။ ဒါဟာ လုံးဝမမှားသင့်တဲ့ အမှားမျိုးပါ” - လို့ ပြောပါတယ်။


အဆိုပါ - သျှမ်းပြည်နယ်အစိုးရ ဝန်ကြီးချုပ် ကိုယ်စား လုံခြုံရေး နှင့် နယ်စပ်ရေးဝန်ကြီး ဗိုလ်မှူးကြီး နိုင်လင်းအောင် မှ ကချင်ပြည်နယ် မြစ်ကြီးနားမြို့ အခြေစိုက် မြောက်ပိုင်းတိုင်းစစ်ဌာနချုပ် သို့ လိပ်မူ တဲ့ စာမှာ  - စိုင်းမြင့်ထူး ၊ သျှမ်းပြည်နယ်လွှတ်တော်ကိုယ်စားလှယ် မိုင်းရယ်မြို့နယ် မဲဆန္ဒနယ် အမှတ် ၁ ၏ ၂၇၊ ၆ ၊ ၂၀၁၇ ရက်စွဲပါ တင်ပြစာ တွင် မိုင်းရယ်မြို့နယ် စလန်းပုန်းထွန်ကျေးရွာအုပ်စုသို့ ဒေသဖွံ့ဖြိုးရေး လုပ် ငန်း အတွက် ပြည်သူလူထုအား သွားရောက်တွေ့ဆုံရာတွင် ကျေးရွာနေပြည်သူများမှ မန်ပန်ဌာန နေ ပြည်သူ့စစ်၏ အတင်းအဓမ္မ လူသစ်ခေါ်ယူစုဆောင်းနေမှုမကို လုံးဝ သဘောမတူပါကြောင်း၊ အမြန် ဆုံးပိတ်ပင်ဟန့်တားပေးရန် တောင်းဆိုလာကြောင်း ------- လူထု ဘ၀လုံခြုံမှု၊ ကိုယ်စိတ်နှလုံးအေး ချမ်းမှု နှင့် လူ့အခွင့်အရေးချိုးဖေါက်ခံရမှုမှ ကင်းဝေးစေရေးအတွက် ကူညီဖြေရှင်းပေးပါရန် ရည်ညွန်း ပါစာဖြင့် တင်ပြလာသဖြင့် လိုအပ်သလို ဆက်လက်ဆောင်ရွက်ပေးပါရန် ညှိနှိုင်းအကြောင်း ကြားပါ သည် --  ဆိုပြီး ကချင်ပြည်နယ် မြစ်ကြီးနားမြို့ အခြေစိုက် မြောက်ပိုင်းတိုင်းစစ်ဌာနချုပ် ထံ လိပ်မူပေး ပို့တာဖြစ်ပါတယ်။


အမှန်ကတော့ ဒီစာဟာ ခုတ်ရာတခြား ရှရာတခြား ပါဘဲ။ သျှမ်းပြည်မြောက်ပိုင်း လားရှိုးမြို့ အခြေစိုက် အရှေ့မြောက်ပိုင်းတိုင်း စစ်ဌာန ချုပ်ထံ ပေးပို့ရမဲ့အစား ကချင်ပြည်နယ်မှာ ရှိတဲ့ စစ်တိုင်းကြီးကို သွားလိုက်တော့ ဟိုစစ်တိုင်းက ဘယ်လို လာပြီး ကြပ်မတ် ဆောင်ရွက်မှာလဲ။
ဒီလိုမှားပို့လိုက်တဲ့အတွက် အခုထက်ထိ ဒေသအတွင်း ဆိုင်ရာ အဖွဲ့အစည်းတွေ  ကွင်းဆင်း စစ်ဆေး ပေးတာမျိုးလဲ မရှိသေးဘူးလို့ မိုင်းရယ်မြို့နေ ပြည်နယ်လွှတ်တော်အမတ် စိုင်းမြင့်ထူး က အခု လိုပြောပါတယ်။


“လွှတ်တော်မှာ တင်ပြီးတဲ့နောက်ပိုင်း အခုထက်ထိ လာရောက်စစ်ဆေး ဖြေရှင်းပေးတာမရှိသေးဘူး။ ကျနော့်မှာလဲ ဒီမိတ္တူရတယ်။ ဒီလိုအမှားမျိုးမဖြစ်သင့်ဘူးပေါ့ဗျာ။ မှားရိုက်တာလား၊ ဒါမှ မဟုတ် တခြား အစီအစဉ် ရှိတာလားမပြောတတ်ဘူး၊ အခု ထက်ထိ တော့ ဘယ်သူမှ လာမကြည့်သေးဘူး”  လို့ပြောပါတယ်။


ဒေသအတွင်း လူထုအရေးကို ကူညီဆောင်ရွက်ပေးနေတဲ့ သျှမ်းပြည်နယ် အမျိုးသားလွှတ်တော် မဲဆန္ဒနယ် အမှတ် ၃ စိုင်းဝမ်းလျဲန်းခမ်းက -
“အခု စာတင်တာလဲ သျှမ်းပြည်ကပြသနာဖြစ်နေတယ်၊ လွှတ်တော်ကလဲ သျှမ်းပြည်နယ်လွှတ်တော်၊ အစိုးရကလဲ သျှမ်းပြည် နယ် အစိုးရ ဆိုတော့ ဒီလိုအဖြစ်အပျက်မျိုး ဖြစ်သွားတာ စိတ်မကောင်းဘူး။ ဖြစ်လဲမဖြစ်သင့်ဘူး၊ တင်ပြ တဲ့ကိစ္စက လူထုကြုံတွေ့နေရတဲ့ အခက်အခဲကို အမှန်တင်ပြတာဘဲ။ အစိုးရက လူထု ရွေးကောက်တင် မြောက်တဲ့အစိုးရ ဆိုတော့ လူထု ခံစားနေရတဲ့ ဒုက္ခ အ၀၀ ကို ပေါ့ပေါ့တန်တန် မလုပ်သင့်ဘူး၊ မထား သင့်ဘူး။ အရေးပေး၊ အလေးပေး ဖြေရှင်းပေးသင့်တယ်။ လူထု မျက်ရည်ကျနေတဲ့ ကိစ္စကို တလွှဲတ ချော်လုပ်တာ လုံးဝကို မဖြစ်သင့်ဘူး။ စိတ်လဲမကောင်းဘူးပေါ့ဗျာ”  - လို့ ပြောပါတယ်။


ကချင်ပြည်နယ် တနိုင်းမြို့နယ်မှာ မန်ပန် ရွာ ဆိုတာ ရှိပါတယ်။ အဲဒီ မန်ပန်ရွာက ပြည်သူ့ စစ်ရှိရင်တော့ အစိုးရ တပ်မတော် လက်နက်တပ်ဆင်ပေးတဲ့ ၁၅ ဦး အထက် အဖွဲ့ မိမိအိမ်မှာနေထိုင်၊ မိမိလုပ်တဲ့ထမင်းကို စားတဲ့ တကယ့်ပြည်သူ့စစ်အဖွဲ့ ပဲ ရှိနိုင်ပါတယ်။ ဒါတောင်မှ ရှိချင်မှလဲရှိမှာပါ။


အခု မန်ပန်ဌာနေ ပြည်သူ့ စစ်ကတော့ ၁၉၉၆ ခွန်ဆာဦးဆောင်တဲ့ MTA တပ်ဖွဲ့လက်နက်ချ အလင်းဝင် လိုက်တဲ့နောက်ပိုင်း ထိုစဉ်စစ်အစိုးရက သောင်းကျန်းသူ ဆန့်ကျင်ရေးအဖွဲ့အဖြစ် တန့်ယန်းမြို့နယ် မိုင်းတွမ်းကျေးရွာအုပ်စု မှာ အခြေချနေထိုင်စေပြီး ထိုဒေသ လားရှိုးမြို့ အရှေ့တောင်ဘက်တလွှား သွားလာနေထိုင်လှုပ်ရှားနေတဲ့တပ်ဖွဲ့ဖြစ်ပါတယ်။


၂၀၀၉ ခု နှစ် အပစ်ရပ်တပ်ဖွဲ့များ အသွင်ပြောင်းဖို့ စစ်အစိုးရ ဖိအားပေးချိန် တိုင်းရင်းသားလက်နက် ကိုင်တပ်ဖွဲ့တွေနဲ့ စစ်အစိုးရ အကြား စစ်ရေးတင်းမာလာတဲ့အချိန် က စလို့ ဒေသအတွင်း နေထိုင်တဲ့ ပလောင်လူငယ်၊ သျှမ်းလူငယ်အများအပြားကို တပ်သားသစ်စုဆောင်းပြီး စစ်အစိုးရထံ အကြိမ်ကြိမ် လူသစ်ပို့ဆောင်ပေးခဲ့ပါတယ်။


အဲဒီကိစ္စနဲ့ ပတ်သက်ပြီး စိုင်းမြင့်ထူး က - “လူထုအနေနဲ့လဲ ဒီခေတ်ဒီအချိန် နိုင်ငံရေးအခြေအနေကို လေ့လာသင့်တယ်။ အခုက အစိုးရကလဲ လူထု ရွေးကောက်တင်မြောက်ထားတဲ့အစိုးရ၊ ခေတ်ကလဲ ဒီမို ကရေစီခေတ်ဆိုတော့ ကြီးနိုင်၊ ငယ်ညှင်း တာတွေ၊ လူ့အခွင့်အရေးချိုးဖေါက်တာတွေ မရှိသင့် တော့ ဘူး။ မန်ပန်ဌာနေပြည်သူ့စစ်ကော၊ တပ်မတော်ကကော လူထုအပေါ် နားလည်သင့်တယ်။ ပြည်သူ့စစ်ဆိုတာ ဒေသအတွင်းက လူထု ဘဲဆိုတော့ လူထုအကျိုးကိုဘဲ သယ်ပိုးပေးသင့်တယ် ၊ လူထု ရွေးကောက်တင်မြောက်တဲ့ လူထုအစိုးရကလဲ လူထုခံစားနေရတဲ့ အခက်အခဲကို အလေးထား ဖြေရှင်းပေးသင့်တယ်”  လို့ ပြောပါတယ်။


လက်ရှိသျှမ်းနယ်အစိုးရကို ၂၀၁၅ ပြည်လုံးကျွတ်ရွေးကောက်ပွဲကနေအနိုင်ရရှိထားတဲ့  NLD ပါတီခေါင်းဆောင် ဒေါ်အောင်ဆန်းစုကြည်ဦးဆောင်တဲ့ နေပြည်တော်အစိုးရက တိုက်ရိုက်ခန့်အပ် ထားတာဖြစ်ပါတယ်။ သျှမ်းပြည်နယ်ဝန်ကြီးချုပ်အဖြစ် လားရှိုးမြို့နယ်NLD ပြည်နယ်လွှတ်တော်အမတ် ဒေါက်တာလင်းထွဋ်ကို  ရွေးချယ်ခန့်အပ်ထားတာဖြစ်ပါတယ်။  လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး နိုင်ဝင်းအောင်ကိုတော့ တပ်မတော်ကနေ တိုက်ရိုက်ခန့်အပ်ထားတာဖြစ်ပါတယ်။


ဆက်ဖတ်ရန်


တီကျစ်ကျောက်မီးသွေးဓါတ်အားစက်ရုံမှ စွန့်ပစ်ပြာများဖြင့်လမ်းခင်းနေမှုအပေါ် လူထုကျန်းမာရေးအတွက် လူမှုအသင်းအဖွဲ့စိုးရိမ်



သျှမ်းပြည်တောင်ပိုင်း တောင်ကြီးခရိုင် ပင်လောင်းမြို့နယ် တီကျစ်ကျေးရွာအုပ်စုရှိ တရုတ်ကုမ္ပဏီမှ လုပ်ခွင့်ရထားသည့် ကျောက်မီးသွေးစက်ရုံမှ စွန့်ပစ်ပြာများကို ကျေးရွာအတွင်း လမ်းခင်းပေးနေခြင်းမှာ လူထုနှင့်တိရစ္ဆာန်များ၏ကျန်းမာရေးထိခိုက်မည်ကို စိုးရိမ်ရကြောင်း လူမှုအခြေပြု အသင်းအဖွဲ့က ပြောဆိုလိုက်ပါသည်။


တီကျစ်ကျောက်မီးသွေး လျှပ်စစ်ဓာတ်အားပေးစက်ရုံသည် ပင်လောင်းမြို့၏ မြောက်ဘက်တွင်တည်ရှိပြီး ကျောက်မီးသွေးမှ စွန့်ပစ်ပြာများကို ပင်လောင်းမြို့နယ် သာယာကုန်းရွာ အပါအဝင် အခြားကျေးရွာ နှစ်ရွာကို လမ်းခင်းပေးနေခြင်းဖြစ်ကြောင်း မြန်မာလူထုမဟာမိတ် (သျှမ်းပြည်) က ကိုမိုးက ပြောသည်။


“အဓိက ကျနော်ပြောချင်တာက လမ်းခင်းပေးဖို့ ရွာသူရွာသားတွေက ဘယ်လောက်ဘဲတောင်းတောင်း အဓိကက ဒီပြာတွေမှာ ဘယ်လောက်ထိသန့်ရှင်းသလဲ လူတွေကို ဘယ်လောက်ထိ ဒုက္ခဖြစ်စေသလဲ၊ အဓိက သူတို့ရိုးသားရမယ်။ ဒီဥစ္စာ အန္တရာယ်မရှိဘူးဆိုတာ ဘယ်သူက တာဝန်ခံမလဲ ။ ရွာသားတွေ ကတောင်းလို့ သူတို့ခင်းပေးတယ်ဆိုတဲ့ ပုံစံမျိုးပြောနေတယ်။ ရွာသားတွေက လမ်းခင်းဖို့တောင်းတာ သူတို့ တကယ်စေတနာရှိရင် ဒီပြာတွေနဲ့မခင်းပေးသင့်ဘူးလေ ” ဟု မြန်မာလူထုမဟာမိတ် (သျှမ်းပြည်) မှ ကိုမိုး ကပြောသည်။


မြန်မာအစိုးရသည် တီကျစ်ကျောက်မီးသွေးလျှပ်စစ်ဓါတ်အားထုပ်လုပ်ရေးကို တရုတ်နိုင်ငံ ဝှုရှီးကွာဟမ်း ကုမ္ပဏီအား ၂၂ နှစ်ကြာ ငှားရမ်းလုပ်ကိုင်ခွင့်ပေးလိုက်ပြီး ၂၀၀၅ ခုနှစ်တွင်လုပ်ငန်းစတင်လည်ပတ်ခဲ့သည်။


သို့သော် ၄င်းစက်ရုံလည်ပတ်မှုနှင့်ပတ်သက်ပြီး ၂၀၁၆ ခုနှစ် ဧပြီလတွင်ပြုလုပ်သည့် EIA မှ လူထုသို့ ရှင်းလင်းပွဲတွင် လူထု နှင့် အရပ်ဘက်အဖွဲ့အစည်းက ဝိုင်းဝန်းကန့်ကွက်သဖြင့် စက်ရုံလည်ပတ်ရေး ရပ်တန့်ခဲ့ရသည်။


“ ၂၀၁၇ မေလ လောက်မှာတော့ EIA စစ်တမ်းထပ်ကောက်ဖို့ဆိုပြီးတော့မှ စက်ရုံကို စမ်းသပ်လည်ပတ်ဖို့ သျှမ်းပြည်နယ်အစိုးရ လျှပ်စစ်ဝန်ကြီး ပြောရေးဆိုခွင့် ရှိတဲ့ ဦးဆွေသိန်းကနေပြီး ခွင့်ပြုလိုက်တယ်။ ၁ နှစ်ခွင့်ပြုလိုက်တယ် ။ စောင့်ကြည့်ရေးအဖွဲ့ဆိုပြီးမှလည်း ဖွဲ့တယ်။ ဒါပေမယ့် အဲ့ဒီမှာ ဘယ်သူတွေ ပါဝင်ပြီးတော့မှ ဘယ်သူတွေက စောင့်ကြည့်တယ်ဆိုတာ ဘယ်သူမှ မသိရဘူး။ ဘာကိုစောင့်ကြည့်မယ် ဆိုလည်း မပါဘူး။ အဲ့တော့ စဉ်းစားစရာကောင်းတာပေါ့နော်” ဟု ကိုမိုး ကပြောသည်။


၂၀၁၆ ခုနှစ် ဖေဖော်ဝါရီလတွင် EIA လုပ်ထုံးလုပ်နည်းဆိုင်ရာ ဥပဒေကို ထုတ်ပြန်ခဲ့ပြီး ၄င်း ဥပဒေ နှင့် ညီညွတ်မှု မရှိကြောင်း သိရသည်။ အဆိုပါစက်ရုံအား ၂၀၀၁ ခုနှစ်တွင်စတင်တည်ဆောက်ပြီး ၂၀၀၅ ခုနှစ်တွင် စတင်လည်ပတ်ခဲ့သည်။


Photo: ကျောက်မီးသွေးပြာများဖြင့်လမ်းခင်းထားပုံ


ဆက်ဖတ်ရန်


ရပ်ရွာအတွင်း အစိုးရတပ်မတော် တရားမဲ့ သေနတ်ပစ်ခတ်မှု လွှတ်တော်အတွင်း လားရှိုးအမျိုးသားလွှတ်တော်အမတ် တင်ပြမည်



သျှမ်းပြည်မြောက်ပိုင်းလားရှိုးမြို့နယ် အီနိုင်းရွာမှာ စခန်းချနေတဲ့ အစိုးရတပ်မတော်ရဲ့ စစ်ကြောင်း လုံခြုံရေး ကား ၂ စီးကနေ ရွာအတွင်းဖြတ်သွားတဲ့ ဖိုးဝှီးကား ၂ စီးကိုပစ်ခတ်လို့ ဒေသခံရွာသား တွေရဲ့ နေအိမ် ထိခိုက်ပျက်စီးခဲ့ရတဲ့ကိစ္စ လားရှိုးခရိုင်အမျိုးသားလွှတ်တော်အမတ်က လွှတ်တော်အတွင်း တင်ပြသွား မယ်လို့ သိရပါတယ်။


ပြီးခဲ့တဲ့အပတ် အင်္ဂါနေ့ သြဂတ်စ်လ ၈ ရက်နေ့ ညနေ ၅ နာရီက ပစ်ခတ်မှုဖြစ်ပွါးခဲ့တာဖြစ်ပြီး ဒီဖြစ်ရပ်ဟာ တရားမဲ့လွန်းရာကျတဲ့အတွက် လွှတ်တော်မှာတင်ပြသွားဖို့ရှိတယ်လို့ လားရှိုးခရိုင် အမျိုးသားလွှတ်တော် ကိုယ်စား လှယ်စိုင်းဝမ်းလျန်းခမ်းကပြောပါတယ်။


"ကျနော်တို့ကြားသိရသလောက်ကတော့ အဲဒီဖိုးဝှီးကား ၂ စီးဟာ နမ္မတူဘက်ကလာတာဖြစ်တယ်။ နမ္မတူ-လားရှိုးနယ်ခြားမှာစခန်းချ လုံခြုံရေးဂိတ်က တားတာကို မရပ်ပေးလို့ အီနိုင်းအရောက် အီနိုင်းဘုန်းကြီး ကျောင်းဝင်းအတွင်းမှာ စခန်းချထားတဲ့ ရမခတိုင်း လုံခြုံရေး စစ်ကြောင်းက ကား ၂ စီးကို ပစ်ခတ် လိုက် တာဖြစ်ပါတယ်။ တားဆီးစစ်ဆေးမေးမြန်းတာမရှိဘဲအခုလို ရွာထဲမှာ ပစ်ခတ် တော့ ရွာသားတွေရဲ့ နေအိမ် တွေကို ကျည်ဆံထိမိတယ်။ သက်ကယ်မိုးအိမ် ထိမိရင် ရွာမီးလောင်မယ်။ ဒါကြောင့် အဲတာမျိုး တွေထပ်မံ မဖြစ်အောင် လွှတ်တော်မှာတင်ပြပေး ဖို့စီစဉ်ထား ပါတယ်။"- လို့ စိုင်းဝမ်းလျန်းခမ်း ကပြောပါတယ်။


ဖိုးဝှီးကား ၂ စီးအနက် တစီးမှာလွှတ်မြောက်သွားပြီး ၁ စီးကတော့ ထိခိုက်မှုများလို့ရွာအထွက်လမ်း မှာသွား ထိုးရပ်ထားကြောင်း၊ ကားဆရာကတော့ ထွက်ပြေးလွှတ်မြောက်သွားကြောင်း လားရှိုးရောက် ရွာသား စိုင်းလှက ပြောပါတယ်။


ပစ်ခတ်မှုမှာ ရွာသားတွေကိုထိခိုက်မှုမရှိပေမယ့် နေအိမ် ၃ လုံးကို ကျည်ဆံတွေထိမိပျက်စီးတာ တွေရှိခဲ့ကြောင်း၊ အသက် ၆၀ ကျော်အရွယ်ဈေးသည်အမျိုးသမီးတဦး ပစ်ခတ်သံကြောင့် လှန့်ပြီး သွေးတက်မေ့မြောတဲ့အထိဖြစ်ရကြောင်း စိုင်းဝမ်းလျန်းခမ်းကပြောပါတယ်။


အခုပစ်ခတ်မှုဖြစ်ပွါးတဲ့ အီနိုင်းရွာ ဘုန်းကြီးကျောင်းနားကနေရာမှာ ဒီတနှစ်အတွင်း ဒုတိယအကြိမ်ပစ် ခတ်မှုဖြစ်ပွါး တာဖြစ်ပြီး ပထမအကြိမ်ကတော့ နှစ်ဆန်းပိုင်းတုန်းက ဆိုင်ကယ်သမားလူငယ်တယောက်ကို တပ်မတော်စစ်ကြောင်းက ပစ်ခတ်ခဲ့တာလို့ဆိုပါတယ်။


နောက်နောင်မှာအခုလိုထပ်မံမဖြစ်ပွါးရလေအောင် လူထုလုံခြုံရေးအတွက် အီနိုင်းရွာထဲကို စစ်ကြောင်းဝင် မလှည့်ဖို့ ၊ လွှတ်တော်မှာ တင်ပြပေးဖို့ရှိကြောင်းလည်း စိုင်းဝမ်းလျန်းခမ်းကပြောပါတယ်။


Photo: ကျည်ဆံထိမိသောအိမ်နှင့်ကျည်ဆံထိမိပျက်စီးသောကား


ဆက်ဖတ်ရန်


အကြိမ် ၉၀ မြောက် ထိုင်း-မြန်မာနယ်ခြားကော်မတီ အစည်းအဝေး အာဆီယံသစ်တောပူးပေါင်းထိန်းသိမ်းဖို့ သဘောတူ



မြို့နယ်အဆင့် ထိုင်း - မြန်မာနယ်ခြားကော်မတီ TBC ၏ အကြိမ် ၉၀ မြောက်အစည်းအဝေးကို ထိုင်းနိုင်ငံ မယ်ဆိုင်မြို့နယ် တွင် ကျင်းပခဲ့ပါသည်။


သြဂတ်စ်လ ၉ ရက်နေ့က မယ်ဆိုင်မြို့နယ် မယ့်ခုန်ဒေလ်တာ ပူးတစ်ဟိုတယ်တွင်ကျင်းပခဲ့ခြင်းဖြစ်ပြီး အစည်းအဝေးဖြစ်မြောက်ရေး အတွက် ထိုင်းအာဏာပိုင်များဘက်မှ ကမကထ ပြုခဲ့ကြောင်း ထိုင်းသတင်း စာမျက်နှာတွင်ဖော်ပြထားသည်။


ဒီတခေါက်ဆွေးနွေးတာက ခေါင်းစဉ်အများကြီးဘဲ ။ အဓိက ကတော့ တောမီးမရှို့ဖို့၊ ပျက်သုန်းနေတဲ့ အာဆီယံတော ကို ပြန်လည်ထိန်းသိမ်းဖို့၊ သစ်ပင်တွေ စုပေါင်း ဆိုက်ဖို့ သဘောတူကြတယ်။ အရင် တခေါက် တုန်းကလဲ နှစ်နိုင်ငံစလုံး သစ်ပင် စုပေါင်း စိုက်ပျိုးကြတယ်လေ - ဟု မယ်ဆိုင်မြို့နေ ထိုင်းအရာရှိတဦးက ပြောသည်။


အဆိုပါတွေ့ဆုံပွဲသို့ မြန်မာနိုင်ငံဘက်မှ ခမရ ၅၂၆ မှတပ်ရင်းမှူး ဒု ဗိုလ်မှူးကြီး အောင်တင်ဦး ဦးဆောင်သည့် ကိုယ်စားလှယ်အဖွဲ့ တက်ရောက်ခဲ့ပြီး ထိုင်းဘက်ကမူ ထိုင်း- မြန်မာနယ်စပ်ကော်မတီ ဥက္ကဌ ဒုဗိုလ်မှူးကြီး ကစ်တာကွန်း ကျန်ထရာ ဦးဆောင်သည့်ကိုယ်စား လှယ်အဖွဲ့တို့ တက်ရောက်သည်။


အဆိုပါတွေ့ဆုံပွဲတွင် ချင်းမိုင်ခရိုင် ချင်းဒေါဝ်မြို့နယ် နောင်အုတ် နှင့် သျှမ်းပြည်အရှေ့ပိုင်း မိုင်းဆတ်ခရိုင် မိုင်းတုံမြို့နယ် ပုံပါကျင်မြို့အကြား ကျူဖာဝေါက် တွင် တလတကြိမ် နယ်စပ်ဈေး (ကတ်နတ်) ဖွင့်လှစ်ရေး၊ သျှမ်းပြည်အရှေ့ပိုင်း မိုင်းယောင်းမြို့ သို့ သွားရောက်အလုပ်လုပ်ကိုင်သည့် ထိုင်းနိုင်ငံသားတဦးအား သွား ရောက်ရှာဖွေခွင့်ရရှိရေး၊ ထိုင်းနိုင်ငံ ချင်းဒေါဝ်မြို့အတွင်း လူသတ်မှုကျူးလွန်ကာ သျှမ်းပြည်ဘက်ခြမ်း မိုင်းတုံမြို့နယ်ဘက်သို့ တိမ်းရှောင်သွားသည့် လူသတ်တရားခံအား သွားရောက်ရှာဖွေခွင့်ရရှိရေးတို့အတွက် ထိုင်းဖက်မှ ဆွေးနွေးခဲ့ကြောင်း မယ့်ဆိုင်နယူးစ်သတင်းတွင်ဖော်ပြထားသည်။


ထို့အပြင် ထိုင်းနိုင်ငံက အလိုရှိနေသည့် လူသတ်တရားခံထိုင်း အမျိုးသမီး ၃ ဦးအား မြန်မာအာဏာပိုင်တို့ဘက် လက်တွဲဖမ်းဆီးပေးမှုတို့အပေါ် ကျေးဇူးတင်ကြောင်း ထိုင်းဘက်မှ ပြောဆိုခဲ့ပြီး တောတောင်ရေမြေစိမ်း လန်းစိုပြေ ရေး အာဆီယံသစ်ပင် သစ်တောစိုက်ပျိုးထိန်းသိမ်းမှု ပူးပေါင်းဆောင်ရွက်သွားကြရန် သဘောတူညီခဲ့ကြသည်။


ဓါတ်ပုံ- Maesai news


ဆက်ဖတ်ရန်


ကျားခေါင်းပါတီလွှတ်တော်အမတ်များနှင့် မိုင်းရယ် မြို့နယ် ဌာနဆိုင်ရာများ လက်တွဲကာ ကျေးလက်ဒေသခံများအား ကွင်းဆင်းတွေ့ဆုံ



မြို့ဧရိယာနှင့်ဝေးသော မိုင်းရယ်မြို့နယ်အတွင်းက ကျေးလက်ဒေသများသို့ သျှမ်းတိုင်းရင်းသား ဒီမိုကရေစီ အဖွဲ့ချုပ် SNLD ခေါ် ကျားခေါင်းပါတီ မှ ပြည်သူ့လွှတ်တော် အမျိုးသားလွှတ်တော်အမတ်များ နှင့် ဒေသ အတွင်း အာဏာပိုင်များနှင့် ပူးပေါင်းပြီး ကွင်းဆင်းကာ လူထုနှင့်တွေ့ဆုံဆွေးနွေး ခဲ့ကြောင်းသိရသည်။


သြဂတ်စ်လ ၈ ရက်မှ ၁၁ ရက်နေ့အထိ ၃ ရက်တာကာလအတွင်း လားရှိုး ခရိုင်အမျိုးသားလွှတ်တော်အမတ် စိုင်းဝမ်းလျန်းခမ်းနှင့် မိုင်းရယ်မြို့နယ် ပြည်သူ့လွှတ်တော်အမတ်စိုင်းသီဟကျော်တို့ဦးဆောင်မှုဖြင့် အုပ်ချုပ်ရေး၊ လမ်းပန်းဆက်သွယ်ရေး၊ ဆည်မြောင်းတာတမံဌာန၊စိုက်ပျိုးရေးဌာနအပြင် ဌာနအသီးသီးမှ ပုဂ္ဂိုလ်များပါဝင်သည့်အဖွဲ့ကျေးလက်ဒေသ များသို့ သွားရောက်လေ့လာခဲ့ခြင်းဖြစ်ပါသည်။


ပြည်သူ့လွှတ်တော်အမတ်စိုင်းသီဟကျော်ခေါ်စိုင်းဟတ်က - ကျနော်တို့ မှတ်တမ်းကောက်ယူမှုအရ ဒေသခံ တွေအထူးလိုအပ်နေတာကတော့ သောက်သုံးရေ၊စာသင်ကျောင်း၊ ကျေးလက်ဆေး ပေးခန်းတို့ပေါ့။ တချို့နေရာဆိုရင် စာသင်ကျောင်း ကသေးသေးလေး၊ တချို့နေရာက ပျက်စီးယိုယွင်းနေ တယ်။ အမိုးမ လုံ တာတွေ အကာမရှိတာ တွေ လည်းရှိပါတယ်။ အဲတာတွေပြန်လည်တည်ဆောက်ပေးဖို့ပေါ့။ ခိုဆိုင်းအုပ်စု မှာကျတော့ဒေသန္တရ ဆေးပေးခန်းမရှိဘူး။ ဆရာဝန်မရှိဘူး။ - ဟု သျှမ်းသံတော်ဆင့်အား ပြန်လည် ပြောပြသည်။


အဆိုပါဒေသများသည် မိုင်းရယ်မြို့နှင့်အတန်ငယ်ဝေးကွာပြီး လမ်းပန်း ဆက်သွယ်ရေး ခက်ခဲသော ဒေသတွင်ရှိခြင်း ယခင်က စစ်ဘေးစစ်ဒဏ် သင့်ခဲ့ဖူးသည့်ရွာများဖြစ်ခြင်းတို့ကြောင့် တာဝန်ရှိပုဂ္ဂိုလ်များ အရောက် အပေါက်နည်း သည့်ဒေသများဖြစ်သည်ဟုဆိုပါသည်။


ဒီတခါတော့ လွှတ်တော်အမတ်တွေပါသွားတော့ ဒေသခံတွေလည်း ပြောရဲဆိုရဲ တင်ပြရဲတာပေါ့ သူတို့လို အပ်ချက်တွေ။ ဌာနဆိုင်ရာ တာဝန် ရှိတွေပါသွား တဲ့ခါကျတော့ တခါတည်းဖြေရှင်းနိုင်မယ့် အခက်အခဲတွေ ကိုလည်း တခါတည်းဖြေရှင်းပေးတာရှိပါတယ်။ ဥပမာ လယ်ယာမြေ အတွက်ချောင်းရေကနေဆည်တမံဖို့ပြီး လယ်ရှိတဲ့ဆီကိုရေမြောင်းေ ဖာက်သွင်းတာတို့ဘာတို့ပေါ့။ လမ်း၊တံတား သွယ်တာတို့ ပေါ့။- ဟု စိုင်းသီဟကျော်က ပြောဆိုသည်။


လွှတ်တော်အမတ်များ နှင့် မိုင်းရယ်မြို့နယ် ဌာနဆိုင်များကွင်း ဆင်းသည့်ရွာများမှာ ၀မ့်ဖျက်၊ ခိုဆိုင်း၊ နားခို၊ မိုင်းဟ၊ မိုင်းဟိုင်း၊ ၀မ့်ကျူ၊ ၀မ့်ဖိုင်၊ ၀မ့်စန့်၊ ဟိုတိ၊ ပန်လန်း၊ ကုန်းစုံ၊ ဟိုယ၊ နောင်မို၊ ကောင်းမောင်၊ လွယ်ငင်း အစရှိရွာများဖြစ်ကြသည်။


Photo: ဒေသခံလူထုနှင့်တွေ့ဆုံနေသော လွှတ်တော်အမတ်များနှင့်ဌာနဆိုင်ရာများ


ဆက်ဖတ်ရန်


မိုင်းကိုင်မြို့နယ်အတွင်း တိုက်ပွဲဖြစ်ပွားမှု RCSS/SSA မှ အစိုးရတပ်သားတဦးအရှင်ဖမ်းမိ



သျှမ်းပြည်တောင်ပိုင်း လွိုင်လင်ခရိုင်အတွင်း အစိုးရတပ်မတော် တောနင်းမှုကြောင့် သျှမ်းပြည်တပ်မတော် RCSS/SSA နှင့် ရင်ဆိုင်တိုက်ပွဲဖြစ်ပွားရာမှာ အစိုးရတပ်မတော်သား တဦးအား အရှင်ဖမ်းမိ သည်ဟု သျှမ်းပြည်တပ်မတော်ပိုင် တိုင်းဖရီးဒမ်းဝဲပ်ဆိုဒ်တွင် ရေးသားဖေါ်ပြထားသည်။


သျှမ်းပြည်တောင်ပိုင်း လင်းခေး ခရိုင် မိုင်းပန် အခြေစိုက် စစ်ဆင်မှုကွပ်ကဲရေး ဌာနချုပ် စကခ အမှတ် ၁၇ လက်အောက်ခံ ခြေမြန်တပ်ရင်း အမှတ် ခမရ ၅၇၇ အင်အား ၄၀ ခန့်က မိုင်းကိုင်မြို့နယ် အတွင်း ဩဂတ်စ်လ ၁၃ ရက် နံနက် ၈ နာရီ မှ ၁၀ နာရီ ခွဲ အထိ တိုက်ပွဲ ဖြစ်ပွားခဲ့ကြောင်း၊ တိုက်ပွဲအတွင်း အစိုးရတပ်မတော် သား တဦးက လက်နက်နှင့်အတူ အုပ်စုကွဲကာ သျှမ်းပြည်တပ်မတော် ထိန်းချုပ်နယ်မြေအတွင်း ရောက်ရှိလာသောကြောင့် အဖမ်းခံလိုက်ရကြောင်း သျှမ်းပြည်တပ်မတော် နယ်မြေခံအရာရှိတဦး က သျှမ်းသံတော်ဆင့်သို့ ပြောသည်။


“တိုက်ပွဲဖြစ်တာက သူတို့လာမယ်ဆိုတာ ၁ အချက် အကြောင်းမကြားဘူး။ နှစ်အချက်က ကျနော်တို့ ဒီနယ်မြေမှာရှိနေတယ်ဆိုတာ မိုင်းကိုင်ရောက် တပ်မတော်သားတိုင်းက သိတယ်။ အပစ်မရပ် ခင်က တည်းက ဒီကိုလာရင် တိုက်ပွဲဖြစ်မယ် ဆိုတာ သိရက်နဲ့ သူတို့လာတာ။ ကျနော်တို့ လှုပ်ရှားတဲ့ နယ်မြေ မှာ အကြောင်းမကြားဘဲနဲ့ လာရင် ပစ်ခတ်ခံရမှာဘဲ။ ဒီတယောက်က အုပ်စုကွဲပြီးလာတာလား တပ်ကနေထွက်ပြေးလာတာလားတော့မသိဘူး။ သူတို့က အထက်အမိန့်နဲ့လာပုံရတယ်။ အထက်က ညှိပြီး ဒီဖမ်းခံထားရတပ်သားကိုလဲ ပြန်လည်လွဲအပ်ပေးမယ်” - ဟု အဆို ပါအမည်မဖေါ်လိုသည့် အရာရှိကပြောသည်။


တိုက်ပွဲဖြစ်ပွါးသည့်ကိစ္စနှင့်ပတ်သက်၍ RCSS/SSA ၏ပြောခွင့်ရပုဂ္ဂိုလ်အားဆက်သွယ်သော်လည်း ဆက်သွယ်၍မရပေ။


ငြိမ်းချမ်းရေး ဖေါ်ဆောင်နေသည့် ရန်ကုန်ရောက် ပုဂ္ဂိုလ်တဦးက RCSS/SSA က တနိုင်ငံလုံး အပစ်ရပ် စာချုပ်အား ချိုးဖေါက်နေသောကြောင့် တပ်မတော် မှ ရှင်းလင်းတိုက်ခိုက်သွားမည့် အကြောင်း ကက ကြည်း မှူး က ပြောကြားသည့်အကြောင်း သျှမ်းသံတော်ဆင့်သို့ပြောသည်။


သို့သော် RCSS/SSA ပိုင် တိုင်းဖရီးဒမ်း ဝဲဆိုဒ် ကလည်း - အစိုးရတပ်မတော်ဘက်မှ RCSS/SSA တပ်ဖွဲ့အား တောနင်းလိုက်လံတိုက်ခိုက်သည့်ကိစ္စသည် NCA စာချုပ်ပါ အချက်များအား ချိုးဖောက် သော ကြောင့် ကန့်ကွက်ကြောင်း၊ ထိုကန့်ကွက်အကြောင်းကြားစာအားလည်း သျှမ်းပြည်နယ် ပစ်ခတ် တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) ဥက္ကဋ္ဌ ၊ ခိုလမ်အခြေစိုက် အရှေ့အလည်ပိုင်းစစ်ဌာနချုပ် တိုင်းမှူး ရလခ ဗိုလ်ချုပ်သန်းလှိုင် (တိုင်းမှူး) ထံ အကြောင်းကြားစာ ပေးပို့ပြီးဖြစ်သည်ဟု ရေးသားဖေါ်ပြထားသည်။


ဆက်ဖတ်ရန်


 
© 2012 All Rights Reserved | Asean Celebrity | Fonts @ AtFonts | Free Templates