နေပြည်တော်တွင် ယခုလ ၁၅ ရက်နေ့မှ ၂၇ ရက်နေ့အထိ ၁၃ ရက်ကြာ ကျင်းပနေသည့် ကျောက်မျက်ပြပွဲသို့ ၀င်ရောက် ကြည့်ရှုမည့် ကုန်သည်များအား ကြိုတင်ငွေပေးသွင်းရန် သတ်မှတ်ထားရာ အဆိုပါငွေမပေးသွင်းသော နိုင်ငံခြားသား ကုန်သည်များ ကျောက်မျက်ပြပွဲသို့ ၀င်ရောက်ခွင့်မရရှိကြောင်း သိရသည်။



နေပြည်တော်တွင် ကျောက်မျက်လေလံပွဲ ကျင်းပနေစဉ် ဓါတ်ပုံများ


နိုင်ငံခြားသား ကုန်သည်တစ်ဦး ယူရိုငွေ ၅ သောင်းနှုန်းနှင့် မြန်မာနိုင်ငံသားတစ်ဦး ယူရိုငွေ ၂ သောင်းနှုန်းကို ယခုလ ၁၁ ရက်နေ့ နောက်ဆုံးထား ပေးသွင်းရန် သတ်မှတ်ထားခြင်း ဖြစ်ပြီး နောက်ကျရောက်ရှိလာသည့် တရုတ် ကျောက်ကုန်သည် အများစု ၀င်ခွင့်မရ ရှိကြောင်း နေပြည်တော်ကျောက်မျက်ပွဲ တက်ရောက်နေသည့် ကျောက်စိမ်း ကုန်သည် တစ်ဦးက သျှမ်းသံတော်ဆင့်သို့ ပြောသည်။

“ကျောက်ပြပွဲတက်မဲ့ကုန်သည်တွေကို ဒီလ ၁၁ ရက်နေ့ နောက်ဆုံးထားပြီး ကြိုတင်ငွေသွင်းခိုင်းတယ်၊ နိုင်ငံခြားသား တစ်ဦးကို ယူရို ၅ သောင်း ၊ မြန်မာနိုင်ငံသားက ယူရို ၂ သောင်းပေါ့၊ အဲဒီအထဲကနေပဲ ပြပွဲအစအဆုံး ၀င်ကြည့်ခကြေးက နိုင်ငံခြားသားက ယူရို ၁၀၀ ၊ နိုင်ငံသားက ကျပ် ၆ သောင်းပြန်ဖြတ်တာပေါ့ တရုတ်တော်တော်များများက ခါတိုင်းလို ထင်ပြီး ငွေမသွင်းတာရှိတယ်၊ တချို့ကလည်း နောက်ကျမှရောက်လာတယ်၊ သူတို့ကျတော့ ၀င်ခွင့်မရတော့ဘူး။ အားလုံးဆို တရုတ် လူမျိုး ၁၀၀ ကျော်လောက် လှည့်ပြန်သွားရတယ် ” ဟု ဆိုသည် ။

ကျောက်မျက်ပြပွဲတွင် တစ်ရက်လျှင် ကျောက်စိမ်းလေလံအတွဲ ၁၈၀၀ ထုတ်ပြပြီး လေလံအောင်သည့် စာရင်းကို နေ့စဉ် နံနက် ၉ နာရီတွင် ကြေငြာကြောင်း သူက ဆက်ပြောသည်။

“တစ်ရက်ကို အတွဲ ၁၈၀၀ နှုန်း လေလံတင်တာပေါ့ နောက်တစ်ရက်ဆိုရင် အတွဲ ၃၆၀၀ ဖြစ်သွားမယ်၊ အားလုံး ကျောက်စိမ်းအတွဲက ၁၀၀၀၁ တွဲတင်မယ်၊  လေလံအောင်တဲ့စာရင်းကိုတော့ မနက် ၉ နာရီမှာ ကြေငြာတယ်” ဟု ဆိုသည်။

အဆိုပါ ကျောက်မျက်ပြပွဲသို့ တရုတ်ကုန်သည်အများစု တက်ရောက်နေပြီး မွတ်ဆလင်လူမျိုးကုန်သည်များ လာရောက်သူ မရှိသလောက်နည်းကြောင်း၊ ယခင်က လေလံအောင်သော်လည်း လေလံဆွဲသူများဘက်မှ ကျောက်များ လာရောက် မထုတ်ယူသဖြင့် ယခုကဲ့သို့ ကြိုတင်ငွေ ပေးသွင်းရန် စည်းကမ်းချက်ထုတ်ရခြင်း ဖြစ်ကြောင်း သိရသည်။