ကူမင်းမြို့ ကုန်စည်ပြပွဲ

ပထမအကြိမ်မြောက်တရုတ်နှင့်တောင်အာရှနိုင်ငံများကုန်စည်ပြပွဲနှင့် (၂၁) ကြိမ်မြောက်တရုတ်နိုင်ငံ သွင်းကုန်ထုတ်ကုန်ပြပွဲကိုတရုတ်နိုင်ငံယူနန်ပြည်နယ်ကူမင်းမြို့၌ယခုလ၆ရက်နေ့မှ၁၀ရက်နေ့ အထိ၅ရက်တာပြသနေရာအဆိုပါပြပွဲသို့မြန်မာကုန်သည်များတက်ရောက်၍မြန်မာ့ထွက်ကုန်များကိုပြသရောင်း ချနေကြောင်းသိရသည်။

ယခုနှစ်ပြပွဲသည်ယခင်နှစ်များထက်လူပိုစည်ကားပြီးအရောင်းအဝယ်များကောင်းမွန်သဖြင့်အားရကျေနပ် မှုရှိကြော င်းအဆိုပါပြပွဲတက်ရောက်သည့်မြန်မာကုန်သည်များကသျှမ်းသံတော်ဆင့်သို့ပြောကြားသည်။

“လူတိုးမပေါက်လောက်အောင်ကိုစည်ပါတယ်။ အခုလိုမတွေ့ရတာကျနော်တို့၁၀နှစ်လောက်ရှိပါပြီ။ ဒီနှစ်ထူးခြားတာကတောင်အာရှနိုင်ငံတွေပါလာတယ်အိန္ဒိယ၊ပါကစ္စတန်၊ဘင်္ဂလားဒေ့ရ်ှတွေပါတယ်။ သူတို့ကပြခန်းကြီးတစ်ခုနဲ့ဆိုတော့တော်တော့်ကိုစည်ပါတယ်။ အရောင်းအဝယ်တွေအခြေအနေက လည်းအများအားဖြင့်ကောင်းကြပါတယ် ” ဟုကျောက်စိမ်းပန်းချီလက်မှုပစ္စည်းများပြသနေသည့်မြန်မာ ကုန်သည်တစ်ဦးကဆိုသည်။

မြန်မာပြည်ဘက်မှမူစယ် -နမ့်ခမ်းနယ်စပ်ကုန်သည်များအသင်း၊ တရုတ်နယ်စပ်ကျောက်စိမ်းကုန်သည်များ နှင့်ရန်ကုန်၊ မန္တလေးမြို့မှကုန်သည်များလာရောက်ကြပြီးပြခန်းအနေဖြင့်၃၀ခန့်ခင်းကျင်းပြသကြောင်းသိရသည်။

မြန်မာဘက်မှပြသသည့်ကုန်များမှာရာသီပေါ်သစ်သီးဝလံများ၊ သစ်အချောထည်နှင့်ပရိဘောဂပစ္စည်းများ၊ လယ်ယာထွက်ကုန်များနှင့်ကျောက်စိမ်းအချောထည်များပြသကြောင်းမြန်မာကျောက်ကုန်သည်ကြီးဦးသန်း ထွန်း ကပြောသည်။

“ဒီပြပွဲကိုနိုင်ငံတကာကလည်းလာကြတာပေါ့နော်။ အများဆုံးတွေ့ရတာတော့အာဖရိကနိုင်ငံတွေ၊ အရှေ့တောင် အာရှနဲ့တောင်အာရှနိုင်ငံတွေမြန်မာနိုင်ငံအနေနဲ့ကတော့သစ်သီးဝလံတွေ၊လယ်ယာထွက်ကုန်တွေ၊ကျောက် စိမ်း တွေကျောက်စိမ်းနဲ့လုပ်ထားတဲ့အချောထည်တွေ၊သစ်အချောထည်တွေပါတယ်။ လူတွေကတော့ကျိတ်ကျိတ် တိုးနေတာပေါ့ဆိုင်တိုင်းလိုလိုပဲ။ ဒါပေမဲ့ဘယ်လောက်ရောင်းရတယ်ဆိုတာတော့အတိအကျတော့မသိရဘူး ပေါ့နော်။ အရောင်းအဝယ်ကတော့ချက်ခြင်းငွေချေစနစ်ပေါ့။ တန်ဖိုးများတာတွေကတော့ဘဏ်ကဒ်တွေနဲ့တစ်ခါ တည်းငွေလွဲတာပေါ့ ” ဟုသူကဆိုသည်။

၎င်းကုန်စည်ပြပွဲဖွင့်ပွဲအခမ်းအနားသို့တရုတ်သမ္မတရှင်ကျင်းဖိန်ကိုယ်တိုင်တက်ရောက်ခဲ့ပြီးမြန်မာပြည်ဘက် မှလည်းကုန်သွယ်ရေးဝန်ကြီးများတက်ရောက်ကာယခုပြပွဲကိုယနေ့ညနေတရုတ်စံတော်ချိန်၅နာရီခွဲတွင်ပိတ် သိမ်းမည် ဖြစ်ကြောင်းသိရသည်။