သျှမ်းပြည်တောင်ပိုင်း မြောက်ပိုင်း အရှေ့ပိုင်းမြို့နယ်အများအပြား ဒေသခံသျှမ်းများ နှစ်သစ်ကူး အခါသမယ မိမိဒေသ နှစ်သစ်မကူးဘဲ တောင်ကြီးမြို့တော်၌ စုပေါင်းကျင်းပ မည့်ပွဲတော်သို့ သွားရောက်ပူးပေါင်းဆင်နွှဲမည်ဟု သိရပါသည်။

တောင်ကြီး နှစ်သစ်ကူးပွဲတော်သို့သွားရောက်ယှဉ်ပြိုင်ကပြရန် လေ့ကျင့်နေကြသော မိုင်းပန် သျှမ်းလူငယ်များ

နိုဝင်ဘာ ၂၂ ရက်နေ့ ကျရောက်မည့် ၂၁၀၉ ခု သျှမ်းနှစ်သစ်ကြိုဆိုသည့်ပွဲအား ပြည်ထောင်စု တဝှမ်းလုံးရှိသျှမ်းများက တောင်ကြီးမြို့၌ စုပေါင်းကျင်းပမည်ဖြစ်ကြောင်း၊ ရွှေလီမြစ်ဝှမ်းနေ ဒေသခံများ နမ့်ခမ်းမြို့ခံများ၊ ကျိုင်းတုံမြို့ခံများ၊ သျှမ်းပြည်တောင်ပိုင်း မြို့နယ်အများ အပြားက တောင်ကြီးမြို့သို့ ချီတက်မည်ဟု ဆိုသည်။


“ဒီနှစ် တောင်ကြီးမှာသွားကူရမှာမို့ နမ့်ခမ်းမှာတော့ နှစ်သစ်ကြိုဆိုပွဲအကြီးအကျယ် မလုပ်ပါဘူး။ ဒါမယ့် ၁၀ တန်းကိုထူးချွန်ဆုနဲ့အောင်တဲ့ကျောင်းသားတွေကိုဆုပေးတဲ့ပွဲ စာစီစာကုံးပြိုင်ပွဲက ဆုရသူတွေကိုဆုပေးတဲ့ပွဲလေးကိုတော့ ၂၁ ရက်ညမှာ ကျင်းပ ပါမယ်။ သျှမ်းစာပေယဉ်ကျေးမှု အသင်းရုံးမှာကျင်းပမှာပါ။” ဟု နမ့်ခမ်းမြို့မှ လူငယ် စိုင်းဆေ က သျှမ်းသံတော်ဆင့်အားပြောပြ သည်။

နမ့်ခမ်းမြို့ စာစီစာကုံးပြိုင်ပွဲ

ထို့ကြောင့် တောင်ကြီးမြို့တွင်စုပေါင်းကျင်းပမည့် နှစ်သစ်ကူးပွဲ၌ နမ့်ခမ်းမြို့၊ မိုင်းပန်မြို့ နှင့်တခြားမြို့နယ်များမှ လူငယ်များမှ အက အလှ များဖြင့် သွားရောက်ကပြယှဉ်ပြိုင်ရန် လေ့ကျင့်နေကြသည်ဟုဆိုပါသည်။


“ကျမတို့ မန္တလေး တက္ကသိုလ် သျှမ်းလူငယ်မောင်မယ်တွေ တောင်ကြီးသွားမယ်။ အက သွားပြိုင် မယ်၊ ဆရာမ အပါအဝင် အယောက် ၄၀ ကျော်တယ်။ အများအားဖြင့်တော့ ထုင့်မောဝ်းက ပါဘဲ” - မန်းမြို့က တက္ကသိုလ် ကျောင်းသူ ကိန်ကိန် ကပြောသည်။


သို့သော် နှစ်သစ်ကြိုဆိုသည့် အထိမ်းအမှတ်အဖြစ် နမ့်ခမ်းမြို့တွင် စာစီစာကုံး ပြိုင်ပွဲကို နိုဝင်ဘာ ၉ ရက်နေ့ က ကျင်းပရာ သျှမ်းစာပေ သင်ကြားရေးဆရာ ဆရာမ အများအပြား ဝင်ရောက် ဖြေဆိုခဲ့ကြောင်း သိရသည်။


သျှမ်းစာပေယဉ်ကျေးမှုအသင်းနှင့် ပြိုင်ပွဲဖြစ်မြောက်ရေးကော်မတီက ကမကထပြုသည့်အဆိုပါ စာစီစာကုံးပြိုင်ပွဲကို နမ့်ခမ်းမြို့သျှမ်းစာပေယဉ်ကျေးမှုရုံးတွင်ကျင်းပခဲ့ပါသည်။


“ စာပေမြင့်မှ လူမျိုးတင့်မည်” ဟု အဓိပ္ပါယ်ရသည့် သျှမ်းဘာသာဖြင့် “လ္ဒိ်ျှြုြိူင်း္ဒြှေု မိူင်းမ္မ်း သုင်”  ဟူသည့် ခေါင်းစဉ်ဖြင့် ရေးသားယှဉ်ပြိုင်ကြရကြောင်း၊ ရပ်ကွက်အသီးသီးမှ သျှမ်းစာပေ သင်ကြားရေးဆရာဆရာမ ၃၀ နီးပါး ဝင်ရောက်ယှဉ်ပြိုင်ကြ ကြောင်း ပွဲဖြစ်မြောက်ရေး ကော်မတီ က ပြောပါသည်။


ဆုရရှိသူများအား နိုဝင်ဘာလ ၂၁ ရက် သျှမ်းနှစ်သစ်ကူးကြိုဆို သည့်ညတွင် ဆုချီးမြင့်မည်ဖြစ် သည်။


တောင်ကြီးမြို့တွင် သျှမ်းနှစ်သစ်ကူးပွဲတော်ကို ပြည်နယ်လုံးဆိုင်ရာ သျှမ်းစာပေယဉ်ကျေးမှု အသင်းများက စုပေါင်း၍ နိုဝင်ဘာလ ၁၈ ရက်မှ ၂၄ ရက်နေ့အထိ ကျင်းပသွားမည်ဖြစ်ပါသည်။