သျှမ်းပြည်တောင်ပိုင်း ပင်လုံမြို့ မင်္ဂလာနောင်ကွတ်ကျောင်းတိုက်တွင် ပင်လုံမြို့ အရပ် ဘက် လူ့အဖွဲ့အစည်းများမှ ၂၀၁၅ ရွေးကောက်ပွဲနှင့်ပတ်သက်ပြီး ပြည်သူလူထုအား အသိပညာပေးခဲ့ကြောင်းသိရသည်။

အဆိုပါပြည်သူလူထု အသိပညာပေးခြင်းကို မေလ ၂၆ ရက် မှ ၂၉ ရက် အထိ ပင်လုံမြို့ နယ်အတွင်း၌ ကွင်းဆင်းအသိပညာပေးသွားမည်ဖြစ်ကြောင်းသိရသည်။ အသိပညာပေး ရာတွင်  မဲဆန္ဒရှင်အမျိုးအစား ၃ မျိုးရှိကြောင်းရှင်းပြခဲ့သည်ဟု  ဖြူစင်မေတ္တာ နာရေးကူညီ မှု အသင်း ဦးသက်နိုင်ကဆိုသည်။


“ မဲစာရင်းမှာ မိမိနာမည်မပါရင် ပုံစံ ၃ နဲ့လျှောက်ထားရမယ်။ အချက်အလက်တွေ မမှန် ရင် ပုံစံ ၄-ဂ  နဲ့လျှောက်ထားရမယ်။ ကွယ်လွန်ပြီးသူများနဲ့ မဲပေးပိုင်ခွင့်မရှိသူတွေးပါဝ င် နေရင် အထောက်အထားနဲ့အတူ ပုံစံ ၄ နဲ့ကန့်ကွက်ရမယ်။”   ဟု ဦးသက်နိုင်ကပြောသည်။


သျှမ်းစာပေနှင့်ယဉ်ကျေးမှုအဖွဲ့ဝင် စိုင်းစွမ်စစ် က“ မဲစာရင်းတွင်မိမိနာမည်ပါရှိပြီး နာမည် စာလုံးပေါင်း မှားယွင်းခြင်း၊ မှတ်ပုံတင်နံပါတ် မမှန်ကန်ခြင်းအချို့ရှိခဲ့မယ် ဆိုရင် မဲပေး ပိုင်ခွင့်ရှိမှာမဟုတ်ပါဘူး။ ဒါကြောင့်မှန်ကန်မှုရရှိဖို့အတွက် ပုံစံ ၄-ဂ ဖြင့်ပြင်ဆင်နိုင်ဖို့  တင်ပြရမှာဖြစ်တယ်။  သို့မှသာ မိဘပြည်သူများမဲပေးပိုင်ခွင့်အခွင့်အရေးကို ရရှိမှာဖြစ် တယ်”- ဟု ပြည်သူလူထုအား ရှင်းပြခဲ့သည်။


“ ကျနော်တို့ရဲ့ မျှော်မှန်းချက်ကတော့ ပြီးခဲ့တဲ့ ၂၀၁၀ ရွေးကောက်ပွဲမှာ CSO ဆိုတဲ့ လူမှု အရပ်ဘက်အဖွဲ့အစည်းတွေပါဝင်ခွင့် မရခဲ့ပေမယ့် ယခု ၂၀၁၅ရွေးကောက်ပွဲမှာ တဒေါင့် တနေရာကနေ ပညာပေးဟောပြောခွင့်ရတဲ့ အတွက် ပြည်သူလူထုမှ ရွေးကောက်ပွဲ အသိ ပညာတိုးပွါးပြီး ရွေးကောက်ပွဲမသမာမှု လိမ်လည်မှုအချို့ လျှော့နည်းသွားနိုင်မယ်လို့ မျှော် မှန်းပြီး ဆောင်ရွက်ခဲ့ခြင်းဖြစ်ပါတယ် ” ဟု ပြောသည်။


ပင်လုံမြို့ အရပ်ဘက်လူမှုအဖွဲ့အစည်းဝင်တဦးကလည်း မဲဆိုကတည်းက အရေးကြီး ကြောင်းနှင့် မဲပေးသည့်အချိန်တွင် ကိုယ့်ဆုံးဖြတ်ချက်နှင့်ကိုယ် မဲပေးရမည်ဖြစ်ကြောင်း ပြည်သူလူထုအား အသိပညာပေးခဲ့သည်ဟုဆိုပါသည်။