၅၇ နှစ်မြောက် သျှမ်းတော်လှန်ရေးနေ့၊ RCSS နှင့် SSNA ပူးပေါင်းခြင်း ၁၀ နှစ်ပြည့်အထိမ်းအမှတ်ပွဲ ပူးတွဲကျင်းပ



 မေ ၂၁ ရက် ၂၀၁၅ ၌ကျရောက်သော  ၅၇ နှစ်မြောက် သျှမ်းတော်လှန်ရေးနေ့ အခမ်း အနားအား သျှမ်းပြည်တပ်မတော် RCSS/SSA လွယ်တိုင်းလျဲန်းဌာနချုပ်၌ ကျင်းပရာ RCSS နှင့် SSNA ပူးပေါင်းခြင်း ၁၀ နှစ်ပြည့်အထိမ်းအမှတ်ပွဲပါ ပူးတွဲ ကျင်းပခဲ့ပါသည်။



အဆိုပါ အခမ်းအနားတွင် သျှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD ၊ သျှမ်းတိုင်း ရင်းသားများ ဒီမိုကရက်တစ်ပါတီ SNDP အပြင်၊ ပအိုဝ်းအမျိုးသားလွတ်မြောက်ရေးအဖွဲ့ PNLO ၊  ၀ အမျိုးသား အဖွဲ့ချုပ် WNO နှင့် ပြည်တွင်းပြည်ပ ပရိသတ် အားလုံး ၃၅၀၀ ကျော် တက်ရောက်သည်။

“ကျနော်တို့ ဒီကိုရောက်တာ အခုဆို ၁၀ နှစ် ပြည့်ပြီလေ။ အထိမ်းအမှတ်အနေနဲ့ ပူးတွဲကျင်းပ ဖို့ ဉက္ကဌကြီးက လမ်းညွှန်တယ်။ အထိမ်းအမှတ် စာအုပ်လဲ ကျနော်တို့ ထုတ်ဝေဖို့ရှိတယ်။ ထိုစဉ်က အခြေအနေကို ပြန်လည် အောင့်မေ့ဖို့ပေါ့” - ဟု လက်ရှိ RCSS ၏ ပြောရေးဆိုခွင့်ရှိသူ ဒုဗိုလ်မှူးကြီး စိုင်းငင်း က သျှမ်းသံတော်ဆင့် ရုံးသို့ရောက်ရှိစဉ်က ပြောသည်။

၂၀၀၅ ခုနှစ် ခေါင်းဆောင်ဖြစ်သူ ဗိုလ်မှူးကြီး ကဏ်းယွက် ကွယ်လွန်ပြီးနောက်ပိုင်း (သျှမ်းပြည်မြောက်ပိုင်း သီပေါမြို့နယ် ခိုင်းဆင်မ် ကျေးရွာအုပ်စု အခြေစိုက်သည့်) သျှမ်းပြည်အမျိုးသားတပ်မတော်အား လက်နက်ချရန် စစ်အစိုးရတပ်မတော်က ဖိအား ပေးခဲ့သည်။ စစ်အစိုးရ ဖိအားပေးမှုကို လက်မခံသည့် ဗိုလ်ချုပ်စိုင်းရီက စက်ရုံ အလုပ်ရုံများ၊ မော်တော်ယာဉ် နှင့် နေအိမ် ဇိမ်ခံပစ္စည်းများအား စွန့်လွှတ်ကာ တပ်ထုတခုလုံးကို ဦးဆောင်ပြီး ထိုင်းနယ် စပ်အခြေစိုက် ဒုတိယ ဗိုလ်ချုပ်ကြီးယွက်စစ်ဦးဆောင်သည့် RCSS/SSA နှင့် ပူးပေါင်းလိုက်သည်။

သျှမ်းပြည်အမျိုးသားတော်လှန်ရေးနေ့မှာမူ အတူတကွ ဒွန်တွဲနေထိုင်ဖို့ ၁၉၄၇ ပင်လုံစာချုပ် သဘောတူလက်မှတ် ရေးဖိုးပြီး တောင်တန်း မြေပြန့် ပူးတွဲကာ လွတ်လပ်ရေး ရယူခဲ့သည့် နောက် ရသင့်ရထိုင်သည့် အခွင့်အရေးများ မရသည့်အပြင် သျှမ်းပြည်နယ်အတွင်း ကျူးကျော် အခြေချလာသည့် ဗမာ့တပ်မတော်က သျှမ်းလူထုအပေါ် လူ့အခွင့်အရေးအမျိုးမျိုးချိုးဖေါက် လာသည့်အတွက် ဆုံးရှုံးနေသည့် အခွင့်အရေးကို ရယူဖို့ လက်နက်ကိုင်တော်လှန် တိုက်ခိုက်လာရခြင်းဖြစ်ကြောင်း သျှမ်းခေါင်းဆောင်များကပြောသည်။




 
© 2012 All Rights Reserved | Asean Celebrity | Fonts @ AtFonts | Free Templates