သျှမ်းပြည်အရှေ့ပိုင်း မိုင်းတုံမြို့နယ် အတွင်း တည်ဆောက်မည့် အထက်သံလွင် အမည်ရ မိုင်းတုံရေအားလျှပ်စစ်စီမံကိန်း တာတမံ တည်ဆောက်ရေးသည် ဒေသခံများ အတွက် အကျိုးမရှိသောကြောင့် အလိုမရှိ၊ တည်ဆောက်ရေးစီမံကိန်းအား ကန့်ကွက်ကြောင်း ဒေသခံများ ကပြောသည်။

၂၀၁၅ ဂျွန် ၁၁ ရက် နံနက်ခင်းပိုင်းမှ မွန်းတည့်ချိန်အထိ မိုက်ကယ်ဟောလစ် ဦးဆောင်သည့် မိုင်းတုံရေအားလျှပ်စစ်စီမံကိန်း တည်ဆောက်ရေး စစ်တမ်းေ ကာက် ယူရေး အငှား လိုက် ကုမ္ပဏီ ကိုယ်စားလှယ်များ တန့်ယန်း မြို့ခံ များနှင့် တွေ့ဆုံကြောင်း၊ ဆည်တည်ဆောက်ရေး စီမံကိန်းအတွက် ရှင်းပြ ခဲ့ကြောင်း၊ မြို့နယ်အတွင်းတာဝန်ကျ ဌာနဆိုင်ရာ ဝန်ထမ်းများနှင့် တွေ့ ဆုံမှုအပြီး ဒေသခံ ဖြစ်ကြသည့် နိုင်ငံရေး ပါတီဝင်များ၊ လားဟူ၊ ပလောင်၊ ၀ ၊ သျှမ်း၊ ကိုးကန့် စသည့် တက်ကြွလှုပ်ရှားသူများ စုပေါင်းကာ အထက် သံလွင် ရေကာတာ စီမံကိန်း အလို မရှိကြောင်း ကန့်ကွက်စာ အား ကုမ္ပဏီ တာဝန်ရှိများထံ ပေးအပ်လိုက်ကြောင်း ကြားသိရပါသည်။

“ကျနော်တို့ သျှမ်းပြည်သားတွေ လယ်၊ ယာ စတာတွေနဲ့ပဲလုပ်ကိုင် စားသောက်တယ်။ ဆည်တည် ဆောက်လိုက်ရင် ဘယ်မှာ သွား စိုက်ပျိုးမှာလဲ။ ဒါကြောင့် ကျနော်တို့ အလိုမရှိဘူး။ ဆက်ကန့်ကွက် သွားမှာဘဲ” - ဟု ဦးစိုင်းအောင်က ပြောသည်။

SMEC ကုမ္ပဏီ နှင့်လိုက်ပါသည့် စိုင်းစံထွန်းမှာမူ - ကျနော်တို့က နိုင်ငံေ တ်ာအစိုးရ၊ ပြည်နယ်အစိုးရ၊ ပြီးတော့ ခရိုင် အဆင့် မြို့နယ် အဆင့် စတာတွေ တဆင့်ပြီး တဆင့်လာ တာ။ ကွင်းဆင်း စစ်တမ်း ကောက်ဖို့ဘဲ။ ကန့်ကွက်တာ မကန့်ကွက်တာ လူထု ဆန္ဒ၊ ဆည်တည်ဆောက်မှာ မတည်ဆောက်မှာက အစိုးရ နဲ့ ဆိုင်ရာ ကုမ္ပဏီတွေ အလုပ်ပါ - ဟု ပြောသည်။

ပြည်တွင်းပြည်ပ လူမှုအသင်းအဖွဲ့ တက်ကြွလှုပ်ရှားသူများ ၁၆ ဖွဲ့ ပြောရေး ဆိုခွင့် စိုင်းခေးဆိုင် က SMEC ကုမ္ပဏီသည် ကမ္ဘာ့အသိုင်းအဝိုင်းကို လိမ်လည် လှည့်ဖြား နေသည်ဟု ဂျွန် ၉ ရက်နေ့က စွပ်စွဲပြောဆိုလိုက်ပါသည်။

သျှမ်းပြည်နယ် အတွင်း သံလွင်မြစ်ဘေး တည်ရှိရာ မြို့နယ်အားလုံးအား SMEC ကုမ္ပဏီမှ စစ်တမ်းကောက်ယူသွားမည်ဖြစ်ကြောင်း ၊ UWSA ၀တပ်ဖွဲ့ထိန်းချုပ်နယ်မြေ မှတပါး စစ်တမ်းကောက်ယူမှ ပြီးစည်းလုနီးပါးဖြစ်ေ နကြောင်း၊ ကန့်ကွက်သူများ ရှိသကဲ့သို့ ထောက်ခံ သည့် သူများလည်း ရှိကြောင်းကြားသိရသည်။

အထက်သံလွင်ဆည် သည် တည်ဆောက်ပြီးစီးပါက အရှေ့တောင်အာရှ မှာ အကြီးဆုံး ဆည်ဖြစ်မှာဖြစ်ပြီး လျှပ်စစ်ဓါတ်အား ရ၀၀၀ မီဂါဝပ် ထုတ်ပေး နိုင်မှာ ဖြစ်ပါသည်။ သို့သော် အဆိုပါထွက်ရှိလျှပ်စစ်များအား တရုတ်နိုင်ငံသို့ ၄၅%၊ ထိုင်း ၄၅% ပို့ဆောင် ပေးမှာဖြစ်ပြီး ပြည်ထောင်စုမြန်မာနိုင်ငံ တဝှမ်း လုံး အတွက် ၁၀% သာ ကျန်ရှိမည် ဖြစ်သည်။

ထိုရာခိုင်နှုန်းအနက် ဒေသခံများအတွက် ၃% မျှ ခွဲဝေပေးမလားပင် မသိရှိရပေ။
ဓါတ်ပုံ- SMEC မှဝေပေးသော သျှမ်းဘာသာ လက်ကမ်းစာစောင်