သျှမ်းပြည်မြောက်ပိုင်း နမ္မတူမြို့နယ် ရွှေမြင်သာကျောင်းတိုက်မှာရောက်ရှိခိုလှုံနေကြတဲ့  စစ်ဘေးရှောင်လူထု ၁၀၀ ကျော်ဟာ မေလ ၃၀ ရက်နေ့က နေရပ်ပြန်သွားပြီဖြစ်ပါတယ်။


ဒီဒေသခံတွေဟာ တအာင်းတပ်ဖွဲ့နဲ့ အစိုးရတပ်မတော်တို့ကြားဖြစ်ပွါးတဲ့တိုက်ပွဲတွေကြောင့် ပြီးခဲ့တဲ့မေလဆန်းကတည်းက နမ္မတူမြို့ရွှေမြင်သာကျောင်းတိုက်ကိုရောက်ရှိခိုလှုံနေတဲ့ နမ္မတူမြို့နယ် ဆိုင်းခေါင်ကျေးရွာအုပ်စုဝင်ရွာခံတွေဟာ နေရပ်နဲ့ခွဲခွါရတာ တလနီးပါးရှိပြီဖြစ်ပါတယ် ။

ဓါတ်ပုံ- နမ္မတူမြို့ ရွှေမြင်သာကျောင်းတိုက်ရောက် ဆိုင်းခေါင်အုပ်စုမှ စစ်ဘေးရှောင်များအား နေရပ်ပြန်ပို့ဖို့ စစ်ဘေးရှောင်ကူညီရေး မြို့နယ်ကော်မတီမှ ကားများစီစဉ်ဆောင် ရွက်ပေးနေသည်ကိုတွေ့ရစဉ် Photo by Sai Ba Nyan

“ရွာသားတွေ မိမိနေရပ်ကိုပြန်ချင်ပြီလေ။ ဒီရွှေမြင်သာကျောင်းကို စစရောက်တုန်းကတော့ ဆိုင်းခေါင် အုပ်စုထဲကရွာသူရွာသား ၃၀၀ လောက်ရှိမယ်။ အခြေအနေငြိမ်သက် သွားလို့နဲနဲ ချင်းစီပြန် သွားကြ တာနောက်ဆုံး ဒီ ၁၄၇ ဦးဘဲကျန်ပါတယ်။ ဒီနောက်ဆုံးအဖွဲ့ကလည်း သူတို့နေရပ်ပြန်နေနိုင်ဖို့ ဒီမတိုင်ခင်တုန်းကရွာကိုပြန်ပြီးသွားကြည့်ပါတယ်။”- လို့ နမ္မတူမြို့နယ် စစ်ဘေးရှောင်များ ကူညီစောင့်ရှောက်မှုပေးနေတဲ့ ကော်မတီဝင် စိုင်းဘဉာဏ်ကပြောပါတယ်။


အဆိုပါရွာသားတွေဟာ အစိုးရတပ်မတော်နဲ့ တအာင်း တပ်ဖွဲ့တို့ကြားဖြစ်ပွါးတဲ့တိုက်ပွဲတွေကြောင့် မေလ ၁၁ ရက်နေ့တုန်းက နမ္မတူမြို့ရွှေမြင်သာကျောင်းတိုက်ကိုရောက်ရှိလာကြတာပါ။


တဖက်ကလည်း မန်တုံ ကျောက်မဲဘက်က စစ်ဘေးရှောင် တွေကလည်း နမ္မတူမြို့ကို ယမန်နှစ်က တည်းကစစ်ဘေးရှောင်ရောက်ရှိခိုလှုံနေကြတာ ၅၀၀ ကျော်ရှိနေသေးတယ်လို့လည်း စိုင်းဘဉာဏ်က ပြောပါတယ်။


“ကျန်တာကတော့ မန်တုံမြို့နယ်ထဲကလူတွေ။ အဲတာတွေက ၁၂၆ အိမ်ထောင်ကျန်သေးတယ်။ ကျားက ၂၅၃ ယိင်း ၂၈၁ စုစုပေါင်း ၅၃၄ ကျန်သေးတယ်။ သူတို့တော့မပြန်နိုင်သေးဘူး ခုထိ။” - လို့ဆိုပါတယ်။


မြန်မာအစိုးရ တပ်မတော် နဲ့ မြောက်ပိုင်းမဟာမိတ်တပ်တို့အကြားတိုက်ပွဲ၊ သျှမ်းပြည်တပ်မတော် RCSS နဲ့ တအာင်း ပလောင် TNLA တပ်တို့ကြားတိုက်ပွဲကြောင့် နမ္မတူမြို့နယ်အပြင် ကျောက်မဲ နဲ့ တခြားမြို့နယ် တွေဖြစ်တဲ့ မူစယ်၊ နမ့်ခမ်း၊ ကွတ်ခိုင် တို့တွေမှာလဲ စစ်ဘေးရှောင်ဒုက္ခသည်များ ရှိနေပါသေးတယ်။