အရင်က မှားယွင်းဖူးခဲ့သလို နောက်ထပ် မမှားရလေအောင် မြန်မာနိုင်ငံအပေါ် ထားရှိတဲ့ အမေရိကန်ရဲ့ ပေါ်လစီဟာ မြန်မာနိုင်ငံက တိုင်းရင်းသားတွေကို မမေ့သင့်ဘူးလို့ Tim Heinemann က Asian Times သတင်းစာမှာ ရေးသားထားပါတယ်။

ဗီယက်နမ်၊ ဆိုးမားလီးယား၊ အီရတ်စ်၊ အာဖဂန်နီစတန်နိုင်ငံတွေမှာ အမေရိကန်ဟာ မှားယွင်း လုပ်ဆောင် မှုကို အများက ပြစ်တင်ဝေဖန်ကြတယ်။ အမေရိကန်ဟာ တနိုင်ငံနဲ့တနိုင်ငံ ကူးလူးဆက်ဆံတဲ့ ပေါ်လစီ ရှိ ပေမဲ့ ဒေသအခြေအနေ၊ ပြည်သူလူထုအပေါ် အရေးမလုပ်ဘူး။ အစိုးရချင်း ဆက်ဆံရေးကို ပြည်သူ့ဆက်ဆံ ရေးထက် အရေးပေးတာကြောင့် အမှားအယွင်းတွေ ဖြစ်ပေါ်ခဲ့တယ်။ အခုလည်း မြန်မာပြည်မှာ နောက်ထပ် မမှားစေချင်ဘူးလို့ Tim Heinemann က ဆိုပါတယ်။

မြန်မာနိုင်ငံရဲ့ လူဦးရေကို တကယ်စမ်းစစ်ကြည့်ရင် တိုင်းရင်းသား လူဦးရေဟာ ၅၀ ရာခိုင်နှုန်းလောက် ရှိတယ်။ တိုက်ပွဲတွေ ဖြစ်လာရင်လည်း မြန်မာစစ်တပ်က တိုင်းရင်းသား လက်နက်ကိုင်တပ်ဖွဲ့တွေထက် ကျဆုံးတာ ပိုများတယ်။ ကျေနပ်စရာ မကောင်းတာက အပစ်ရပ်ပြီးတာတောင် မြန်မာစစ်တပ်နဲ့ တိုင်းရင်း သား လက်နက်ကိုင်တပ်ဖွဲ့ကြား တိုက်ပွဲတွေ ဆက်ဖြစ်နေတုန်း။ လူ့အခွင့်အရေး ချိုးဖောက်တာတွေ၊ လယ်ယာမြေ အဓမ္မ သိမ်းဆည်းတာတွေ ရှိနေတုန်း။  သမ္မတ ဦးသိန်းစိန် လည်း စစ်တပ်အပေါ် အာဏာ မရှိဘူး။ စစ်တပ်ကို အမိန့်မပေးနိုင်ဘူး။ ဒေါ်အောင်ဆန်းစုကြည် လည်း အစိုးရအတွက် ကြော်ငြာမယ် လုပ်ပေးနေသလို ဖြစ်နေတယ်။ ဦးသိန်းစိန်နဲ့ဒေါ်အောင်ဆန်းစုကြည် နှစ်ယောက်စလုံးဟာလည်း တိုင်းရင်းသားတွေအတွက် ပြတ်သားတဲ့ ပေါ်လစီ မရှိကြသေးဘူးလို့ ပြောပါတယ်။

အပစ်ရပ်တာကို သုံးသပ်ကြည့်ရင် - ၁) တိုင်းရင်းသားတွေရဲ့ စည်းလုံးမှု ပြိုကွဲအောင်၊ ၂) မြန်မာစစ်တပ် တွေ ရှေ့တန်းနဲ့ ပြည်သူဆီကနေ အဓမ္မ သိမ်းထားတဲ့ နယ်မြေတွေမှာ အင်အားဖြည့်နိုင်အောင်၊ ၃) မြန်မာ စစ်တပ်တွေ အင်အားစုပြီး အပစ်မရပ်သေးတဲ့ တိုင်းရင်းသားတွေ တိုက်ခိုက်နိုင်အောင်၊ ၄) အပစ်ရပ်မှုနဲ့ တိုင်းရင်းသားတွေကို အကျပ်ကိုင်နိုင်အောင် လုပ်နေတာ တွေ့ရကြောင်း ရေးသားထားပါတယ်။

အခုအချိန်မှာ အရေးကြီးဆုံးက မြန်မာနိုင်ငံရဲ့ အစိုးရဟာ မြေယာပြန်လည်ပြုပြင်ရေး (land reform) ကို လုပ်ဆောင်ရမယ်။ ဒီကိစ္စကို မဖြေရှင်းသေးဘဲ အမေရိကန်က စီးပွားရေး ပိတ်ဆို့မှုကို ရုတ်သိမ်းလိုက်မယ် ဆိုရင် အစိုးရနဲ့ စစ်တပ်ကို အားပေးသလို ဖြစ်သွားမယ်။ အခုအချိန်မှာ တိုင်းရင်းသားတွေဟာ အထိနာ နေကြပြီ။ စီးပွားရေး ပိတ်ဆို့မှုကို ရုတ်သိမ်းလိုက်မယ်ဆိုရင် တိုင်းရင်းသားတွေဟာ မိအေး ၂ ခါနာတာ ဖြစ်သွားမယ်လို့ ပြောပါတယ်။

နောက်ဆုံးမှာတော့ Tim Heinemann က တိုင်းရင်းသားတွေကို အထင်မသေးသင့်ဘူး။ ဒီလိုဘဲ လွှတ်ထား မယ်ဆိုရင် အာဖရိကတိုက် မြောက်ပိုင်းနဲ့ အရှေ့အလယ်ပိုင်းက ဖြစ်ပျက်သလို ခန္ဓာကိုယ်ကြီးပြီး အင်အား တောင့်တင်းတဲ့ ဆင်ကြီးဟာ ခန္ဓာကိုယ်သေးငယ်ပြီး အင်အားချိနဲ့တဲ့ ပုရွက်ဆိတ်ကို အရှုံးပေးရတဲ့အဖြစ်နဲ့ ကြုံရလိမ့်မယ်လို့ ဆိုပါတယ်။



မှတ်ချက်။    ။ အောက်တိုဘာ ၁၀ ရက်နေ့ထုတ် Aisan Times သတင်းစာမှ Tim Heinemann ရဲ့ ဆောင်းပါးကို ဆီလျော်အောင် ကောက်နုတ် ဘာသာပြန် ရေးသားခြင်း ဖြစ်သည်။