နိုဝင်ဘာလ ၁၉ ရက်နေ့ မှာ အမေရိကန်နိုင်ငံရဲ့ (ဒုတိယအကြိမ်မြောက်ရွေးကောက်တင်မြောက်ခြင်း ခံရတဲ့) သမ္မတကြီး မစ္စတာဘားရက် အိုဘားမား မြန်မာနိုင်ငံကိုအလည်အပတ်ရောက်ရှိမယ်လို့ကြား သိရပါတယ်။ သမ္မတကြီးရဲ့ကြေငြာ ချက် အရ မြန်မာနိုင်ငံသမ္မတကြီး ဦးသိန်းစိန်နဲ့ အမျိုးသားဒီမိုကရေ စီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်ကို တွေ့ဆုံ မယ်လို့ ဆိုပါတယ်။ ဒီနေရာမှာ မြန်မာနိုင်ငံ ရဲ့ နိုင်ငံရေးပြဿနာမှာ အဓိကကျနေတာကတော့ တိုင်းရင်းသားတွေဖြစ်တာ ကြောင့် တိုင်းရင်းသားခေါင်းဆောင်တွေနဲ့လည်း တွေ့ဆုံသင့်တယ်လို့ သမ္မတကြီးကို တိုက်တွန်းချင်ပါတယ်။

 
သမ္မတကြီး ဦးသိန်းစိန်ဆိုသူက စစ်တပ်ဘက်ကနေ ပြောင်းလာတဲ့လူတယောက်ဖြစ်ပါတယ်။ စစ်တပ်ဟာနိုင်ငံတော်ပြုပြင် ပြောင်းလဲရေးကို လက်တွေ့အကောင်အထည်ဖော်ဆောင်ရွက်ခဲ့တယ်ဆိုရင်တော့အားပေးချီးမြောက်သင့်တာပေါ့။ဒေါ်အောင် ဆန်းစုကြည်ကိုတော့ ဒီမိုကရေစီကြိုးပမ်းရေးမှာ ခေါင်းဆောင်တဦးဖြစ်တာကြောင့် ဒီမိုကရေစီအရေးကိုအားပေးတဲ့ သမ္မတ ကြီးအိုဘားမားက လာတွေ့တယ်ဆိုရင်လည်း သဘာဝ ကျပါတယ်။ ဒါပေမယ့် မြန်မာနိုင်ငံရဲ့ နိုင်ငံရေးပြဿနာဟာ စစ်ရေး နဲ့ ဒီမိုကရေစီရေးဘဲမဟုတ်ပါဘူး။ အဓိက ကတိုင်းရင်းသားအရေးဖြစ်တဲ့အတွက်ကြောင့် တိုင်းရင်းသားတွေနဲ့တွေ့ဖို့ သမ္မတ ကြီးကို တိုက်တွန်းလိုက်တာဖြစ်ပါတယ်။

ဥပမာ ၁၉၄၈- ၁၉၆၂ ကိုကြည့်မယ်ဆိုရင် အဲဒီအချိန်ဟာ ပြည်ထောင်စုမြန်မာနိုင်ငံဟာ ဒီမိုကရေစီဖြစ်နေတဲ့ကာလလို့ ပြောနိုင်ပါတယ်။ ဒါပေမယ့်  ပြည်နယ်တွေ တိုင်းရင်းသားတွေကို အခွင့်အရေး မပေးချင်လို့ နောက်ဆုံးတော့ စစ်တပ်က အာဏာသိမ်းလိုက်တယ်။  ဒီမိုကရေစီစနစ်ဟာလည်း အဲဒီအချိန်ကတည်းက ပျက်ပြယ်ပျောက်ကွယ်သွားခဲ့တယ်။

သမ္မတကြီး ဘုရ်ှလက်ထက်ကတောင်မှ မြန်မာနိုင်ငံ တိုင်းရင်းသားတွေကို အလေးထားသေးတယ်။ သူ့သက်တမ်းမှာ သျှမ်း တိုင်းရင်းသူ နန်းချမ်တောင်းကို ၂၀၀၅ မှာတကြိမ် ၂၀၀၈ မှာတကြိမ် တွေ့ဆုံခဲ့သေးတယ်။ မြန်မာနိုင်ငံရဲ့ ပြဿနာကို ဖြေရှင်းရာမှာ တိုင်းရင်းသားအရေးကိုပါဖြေရှင်းသင့်တယ်ဆိုတာ အမေရိကန်သမ္မတကြီး သိနေတဲ့အကြောင်း ကမ္ဘာသိ အောင်ပြလိုက်တာဘဲ။ 

အခုသမ္မတကြီးအိုဘားမားရဲ့ခရီးစဉ်မှာလည်း တိုင်းရင်းသားကိုယ်စားပြုမယ့်သူ - ဘယ်သူဘဲဖြစ်ဖြစ်၊ နိုင်ငံရေးစကားပြော တတ်တဲ့သူဘဲဖြစ်ဖြစ် မပြောတတ်တဲ့သူဘဲဖြစ်ဖြစ် ခဏလေးဘဲဖြစ်ဖြစ်တွေ့ သင့်တယ်လို့တော့ထင်တာဘဲ။ မြန်မာနိုင်ငံ နိုင်ငံရေးပြဿနာကို အတွင်းကျကျသိတယ်လို့ ပြတာပဲပေါ့။

အမေရိကန်နိုင်ငံဆိုရင် တိုင်းရင်းသားပြဿနာပြောပလောက်အောင်မရှိဘူး။ ဒါပေမယ့် အင်္ဂလိပ်တွေကိုတော်လှန်ပြီးတာနဲ့ ပြည်ထောင်စုအဖြစ်ဖွဲ့စည်းတဲ့ ၁၃ ပြည်နယ်ကို ဒီမိုကရေစီ စနစ်ရော ဖက်ဒရယ်စနစ်နဲ့ပါ အုပ်ချုပ်ခဲ့ရတာဘဲမဟုတ်လား။ ဖက်ဒရယ်စနစ်ကို အမေရိကန်တို့ကဘဲ စတင်ကျင့်သုံး ပြတယ်။ ဒါကြောင့်နိုင်ငံဟာလဲ နှစ်ပေါင်း ၂၀၀ ကျော် ရေရှည်တည် တံ့လာတယ် ငြိမ်းချမ်းစွာနေလာနိုင်ခဲ့တယ်။ ဖက်ဒရယ် စနစ်သာ မကျင့်သုံးခဲ့ရင် အမေရိကန်နိုင်ငံဟာ ဒီလောက်အထိ တည်တံ့ခိုင်မြဲ ပါ့မလား။ ဒီအချက်ကို ဗမာခေါင်းဆောင်တွေကို သမ္မတကြီးကနေပြီး အသိပေးစေချင်တယ်။

ဒါကြောင့် သမ္မတကြီးရဲ့ မြန်မာနိုင်ငံခရီးစဉ်မှာ တိုင်းရင်းသားတွေနဲ့တွေ့နိုင်အောင်ကြိုးစားပေးဖို့ တိုက်တွန်းလိုက်တာ ဖြစ် ပါတယ်။