သျှမ်းပြည်တောင်ပိုင်း တောင်ကြီးမြို့ရှိ သျှမ်းပြည်ပြန်လည်ထူထောင်ရေးကောင်စီ သျှမ်းပြည် တပ်မတော် (RCSS/SSA) ငြိမ်းချမ်းရေး ဖော်ဆောင်ရေးကော်မတီဆက်ဆံရေးရုံး၌ ယနေ့ ဒုတိယ ဗိုလ်ချုပ်ကြီး ယွက်စစ် က (RCSS/SSA) ဘက်မှ ဆောင်ရွက်နေသည့် ငြိမ်းချမ်းရေး လုပ်ငန်းစဉ် နှင့် နိုင်ငံရေး အခန်းကဏ္ဍများ နှင့်ပတ်သက်ပြီး သျှမ်းပြည်တွင်းရှိ သျှမ်းလူငယ် အဖွဲ့ (T.Y.O) များကို တွေ့ဆုံဆွေးနွေး ခဲ့ကြောင်းသိရသည် ။

တောင်ကြီးမြို့တွင် မေလ ၁၉ ရက်က RCSS ဥက္ကဌ နှင့်လူငယ်အဖွဲ့ တွေ့ဆုံပွဲ

“ ဥက္ကဌ ဆွေးနွေးသွားတာတွေကတော့ RCSS ဘက်က လုပ်နေတဲ့ ငြိမ်းချမ်းရေးလုပ်ငန်းစဉ် အပိုင်းတွေ လူငယ်တွေနားလည်လာအောင် ပြီးတော့ နိုင် ငံရေးအခန်းကဏ္ဍအပိုင်းတွေ ဘယ် လိုဆောင်ရွက်လာတာ လဲပေါ့နော် ။ ပြီးတော့ လူငယ်တွေရဲ့ ရင်တွင်းစကားတွေကို ပြန်လည် နားထောင်မယ် ။ ယနေ့ ဘယ်လိုရှိလဲ ရှေ့ဆက် အမျိုးသား ရေး လုပ်ငန်းတွေမှာ လူငယ် တွေပါဝင်လာအောင် ဘယ်လိုဆောင်ရွက်မလဲ စတာတွေပေါ့ ” ဟု ငြိမ်းချမ်းရေး ဖော် ဆောင် ရေးကော်မတီအဖွဲ့ဝင် ဗိုလ်မှူးကြီးစိုင်းမိန်း ကပြောသည် ။


ယနေ့ မေလ ၁၉ ရက် မနက် ၉ နာရီကတည်းကစတင်သည့် အဆိုပါ ဆွေးနွေးပွဲတွင် သျှမ်း ပြည် တွင်းရှိ သျှမ်း လူငယ်ကွန်ရက် (T.Y.O) အဖွဲ့မှ ကိုယ်စားလှယ်အဖွဲ့ ၄၃ ဖွဲ့တက်ရောက်ပြီး လူငယ် ၁၀၀ ကျော်တက်ရောက်ကြောင်းသိရသည်။တွေ့ဆုံ ဆွေးနွေးပွဲမှာ ညနေ ၅ နာရီအထိ မပြီးဆုံးသေးကြောင်းဆိုပါသည် ။


သျှမ်းလူငယ်အဖွဲ့၏ အတွင်းရေးမှူး နန်းယိင်းနောင့်  က - “ ဒီနေ့ဆွေးနွေး သွားတာတွေကတော့ လူငယ်အပိုင်းမှာ ဘယ်လိုစည်းလုံးမလဲ ။ အဲ့ဒါနဲ့ပတ်သက်ပြီးတော့လူငယ်တွေက မြို့နယ်တိုင်း မှာရှိတယ် ချိတ်ဆက်ဖို့ ခက်ခဲတာပေါ့ ။ ဒါကြောင့် ဥက္ကဌရဲ့ ရည်ရွယ်ချက်က လူငယ်တွေ အား လုံးချိတ်ဆက်ပြီးအလုပ် အတူတူလုပ်သွားဖို့ပြီးတော့ လူငယ်တွေနိုင်ငံရေးအကြောင်းကို များများလေ့လာဖို့ပြောတယ် ” ဟု ပြောသည် ။


ယနေ့ခေတ် နိုင်ငံရေး ပြုပြင်ပြောင်းလဲမှုမှာ အရမ်းမြန်ဆန်ကြောင်း နှင့် အစိုးရဘက်ကလည်း ပြုပြင်ပြောင်း လဲနေပြီး ယင်းအပြောင်းအလဲ ကာလ အတွင်း နိုင်ငံရေးကို လေ့လာစေချင် ကြောင်း နှင့် ၁၉၄၇ ခုနှစ်က ပင်လုံညီ လာခံ မည်သို့ရှိခဲ့ကြောင်း နှင့် ဒေါ်အောင်ဆန်းစုကြည် ဦးဆောင်မည့် ဒုတိယ ပင်လုံညီလာခံဖြစ် လာလျှင် မည်သို့လုပ်ဆောင်သွားသင့်သည်ကို လူငယ်များ လေ့လာသင့်ကြောင်း ဗိုလ်မှူးကြီးစိုင်းမိန်း ကပြောသည် ။


ဒုဗိုလ်ချုပ်ကြီးယွက်စစ်၏ ယခုခရီးစဉ်သည် လာမည့် ကဆုန်လပြည့် ကက္ကူမွေတော်စေတီ အတွင်း လိုတရ စေတီတော်အားထီးတော်တင်မည့် အခမ်းအနားတက်ရောက်ရန် သျှမ်းပြည် တောင်ပိုင်း တောင်ကြီးမြို့ သို့ ရောက်ရှိသည့်ခရီးစဉ်ဖြစ်ကြောင်း သိရသည် ။