သျှမ်းပြည်မြောက်ပိုင်းမှ တရုတ်နယ်စပ် ရွှေလီဘက်ခြမ်းသို့သွားရောက်အလုပ်လုပ်ကိုင်နေသည့် မြန်မာ နိုင်ငံသားများအား တရုတ်အာဏာပိုင်များက ဆက်တိုက်စစ်ဆေးမှုများပြုလုပ်ကာ အပြင်းအထန် စစ်ဆေး ဖမ်းဆီးမှုများ ပြုနေကြ ကြောင်းသိရသည်။


ယခုနှစ်ဦးပိုင်းမှ ယနေ့ အထိ တရုတ်နိုင်ငံ ရွှေလီဘက်ခြမ်းရောက် မြန်မာနိုင်ငံသားများအား တရုတ်အာဏာ ပိုင်များ ကြပ်မတ်စစ်ဆေးလာသည်ဟုသတင်းများထွက်နေရာ ယခုလပိုင်းတွင် စစ်ဆေးမှု နေ့စဉ် ညစဉ် ပိုလုပ်လာကြောင်း၊ နေထိုင်သည့် တန်းလျားများ၊ နေအိမ်များ၊ ဆိုင်ခန်းများတွင် တရုတ်စစ်တပ်၊ ရဲ၊ မူးယစ် ဒေသခံ အုပ်ချုပ် ရေးအဖွဲ့များ စုပေါင်းကာ ညစဉ် စစ်ဆေးမှု ပြုလုပ်နေကြောင်း၊ မြန်မာနိုင်ငံသား ရာဂဏန်းအားလည်း ဖမ်းဆီးချုပ်နှောင်ထားကြောင်း၊ အချို့လည်း အလုပ်နှင့် ထောင်ဒဏ် ပစ်ဒဏ်ချမှတ်ခံနေရသည်ဟု သိရသည်။


တရုတ်နိုင်ငံတွင် သွားရောက်အလုပ်လုပ်ရန်အတွက် လူတဦးမှာ စာအုပ် ၃ မျိုးကိုင်ဆောင်ထားရပြီး တစုံ တခု လစ်ဟင်းသည်ကို စစ်ဆေးတွေ့ရှိပါက ဖမ်းဆီးထောင်ချကြောင်း ရွှေလီဘက်တွင်သွား ရောက်အ လုပ်လုပ် နေသည့် စိုင်းခမ်းစိုင်းကပြောသည်။

“ခုတလော စစ်ဆေးမှုတွေဆက်တိုက်လုပ်ပါတယ်။ အစိမ်းရောင်စာအုပ်နေထိုင်ခွင့်စာအုပ်မရှိရင် ဖမ်းပါတယ်။ အစိမ်းရောင်စာအုပ်လုပ်ရင် ၆ လနေထိုင်ခွင့်ရှိပါတယ်။ ၆ လကုန်လို့နောက်ထပ်သက်တမ်းတိုးမယ်ဆိုရင် ၁ နှစ်နေခွင့်ရပါတယ်။ အနီရောင်စာအုပ်ကတော့ မူးယစ်ဆေးဝါးကင်းရှင်းကြောင်း စစ်ဆေးထားတဲ့ စာအုပ် ဖြစ်ပါတယ်။ ကြက်သွေးရောင်စာအုပ်ကတော့ ရ ရက်နေခွင့်စာအုပ်ဖြစ်ပါတယ်။ အဲတာကိုတော့ခုတရုတ်က လက်မခံတော့ပါဘူး။ တရက်ထက်ပိုနေရင် တွေ့တဲ့နေရာဖမ်းပါတယ်။ အဲဒီစာအုပ် ၃ မျိုးလုံးရှိမှ တရုတ်ဘက် ခြမ်း မှာနေထိုင်ခွင့်ရှိပါတယ်။ စာအုပ်တွေဘာတွေမရှိတာ သက်တမ်းမတိုးတာ တခုခုလိုအပ်နေတာကိုဖမ်းမိ ရင် ကျနော်တို့သူငယ်ချင်း တယောက်အဖမ်းခံရဖူးတော့ ဖမ်းမိရင် အာဏာပိုင်တွေပိုင်တဲ့ နားကျပ်လုပ်စက် ရုံမှာ ၆ လ အလုပ်သွား လုပ်ပေးရတယ်။ ပြီးမှ နယ်စပ်ကိုပြန်လာပို့တယ်။ ဆီးစစ်လို့ မူးယစ်ဆေးသုံး တာမိ သွား ရင်တော့ ထောင်ချတယ် ၂ နှစ်။ ၂ နှစ်ပြည့်ရင် နယ်စပ်မှာပြန်လာချပေးတယ်။ ”- ဟု စိုင်းခမ်းစိုင်း က ပြောသည်။


ယခင်က မြန်မာနိုင်ငံ အာဏာပိုင်ဘက်မှ ပြုလုပ်ပေးသည့် ၆ ည ရ ရက်သက်တမ်းရှိ အနီရောင်စာအုပ်ဖြင့် တရုတ်ဘက်သို့သွားနေထိုင်အလုပ်လုပ်နိုင်သော်လည်း လက်ရှိတွင်မူ ၁ ရက်သာသွားရောက်လည်ပတ် ခွင့်ပေးသော်လည်းညအိပ်ခွင့်မပြုကြောင်း၊ တရက်ထက်ပိုလွန်နေထိုင်ပါက ဖမ်းဆီးအရေးယူခြင်းခံရ ကြောင်း မူစယ်သား စိုင်းအိုက်ကမ်ကလည်းပြောသည်။


“မြန်မာဘက်က ရ ရက်စာအုပ်ကိုတော့ လုံးဝ သုံးလို့မရတော့ဘူး။ တကယ်လို့ လူပုံကသိပ်မသန့်ဘူး ဘိန်းစားရုပ်ပေါ်နေရင်တော့ ဘာမှမမေးတော့ဘူး တခါတည်း ကားပေါ်တက်ခိုင်းတာဘဲ။ ရုပ်နဲနဲ သန့်တယ်။ လူငယ်လဲ ဖြစ်တယ်ဆိုရင်တော့ မေးမြန်းပြီး တရက်ခေါက် သွားလည်ခွင့်ပြုတယ်။ အခုကအစိမ်းရောင်စာ အုပ်တွေလုပ်ရအရမ်းခက်တယ်။ တရုတ်ဘက်က ရပ်ကွက်ထောက်ခံစာပါရမယ်။ အိမ်ရှင်အာမခံချက်တွေနဲ့ အလုပ်ရှင် လုပ်ငန်းလိုင်စင် ကော်ပီတွေယူရတယ်။တခုခုမပါရင်မလုပ်ပေးဘူး။ ဆီးစစ် သွေးစစ်တဲ့အခါမှာ အဆုတ်တီဘီ ဘီပိုး စီပိုးရှိရင် အလုပ်လုပ်နေတဲ့ ကုမ္မဏီကို ဒဏ်ရိုက်တယ်။ လုံးဝခွင့်မပေးတာ။” - ဟု ဆိုပါသည်။


မြန်မာဘက်ခြမ်း တွင်အနီရောင် ရ ရက်သက်တမ်းစာအုပ်ပြုလုပ်ပြီး တရုတ်ဘက်ခြမ်းတွင် အဆိုပါစာ အုပ်မှ အချက်အလက်အားတရုတ်ဘာသာပြန်ကာ အစိမ်းရောင်စာအုပ်နှင့် ကျန်းမာရေးစစ်ဆေးသည့် ကြက်သွေး ရောင်စာအုပ် ထပ်မံပြုလုပ်ကြောင်း မှတ်ပုံတင် နှင့် ကိုင်ဆောင်ထားသည့် နယ်စပ်ဖြတ်ကျော်ခွင့်စာအုပ် အနီတို့ တရုတ်သို့ဘာသာပြန်ခ ယွမ်ငွေ ၆၀ ၊ တရုတ်နိုင်ငံအတွင်း နေထိုင်ဖို့ လက်မှတ်ထုရန် တန်းစီရ သည့်ကောင်တာတွင် ၂၇၅ ယွမ် ၊ သွေး စစ်သည့် စာရွက်စာတမ်းခ ၈ ယွမ် စုစုပေါင်း ယွမ်ငွေ ၃၅၀ ခန့် ကုန်ကျသည်ဟု စိုင်းခမ်းစိုင်း ကပြောသည်။


ရွှေလီဘက်ကူးရန် မူစယ်မြို့ရှိ မြန်မာနယ်စပ်အာဏာပိုင်များအား မူစယ်ဒေသခံများစာအုပ်ပြုလုပ်ရာတွင် တဦးကျပ် ၂၅၀၀ ခန့်ကုန်ကျပြီး အခြားမြို့မှလာသည့်သူများမှာ ကျပ် ၅၀၀၀ မှ ၆၀၀၀ အထိကုန်ကျ ကြောင်း၊ နမ့်ခမ်းမြို့နယ်ဘက်တွင်လည်း နမ့်ခမ်းဒေသခံများဖြစ်ပါက ကျပ် ၃၅၀၀ ၊ တခြားဒေသမှ လာသည့် သူများဖြစ်ပါက ကျပ် ၅၀၀၀ မှ ၆၀၀၀ အထိ ပေးရကြောင်း မူစယ်ဒေသခံ စိုင်းအိုက်ဝမ်းကလည်း ပြောပါသည်။


ဓါတ်ပုံ- ရွှေလီဘက်ခြမ်းတွင်အလုပ်လုပ်နေသောမြန်မာနိုင်ငံသားများအား တရုတ်အာဏာပိုင်များ စစ်ဆေးနေပုံ