သျှမ်းပြည်မြောက်ပိုင်း နမ္မတူမြို့နယ်အတွင်း မူးယစ်ဆေးဝါးပေါများမှု၊ လူထုအကျင့်စာရိတ္တပျက်ပျားမှုအား ကာကွယ်ရန် အတွက် ဒေသခံ ကျေးရွာအုပ်စု ၄ ခုမှ ရပ်မိရပ်ဖများက မူးယစ်ဆေးဝါးတိုက်ဖျက်ရေးအဖွဲ့ စုပေါင်းဖွဲ့စည်းလိုက်သည်ဟု သိရသည်။

“စနေနေ့က ကျနော်တို့ ၄ အုပ်စု ထဲက ရပ်မိရပ်ဖ နဲ့ လူငယ် ၅၆ ယောက် တွေ့ဆုံဆွေးနွေးတယ်။ ၄ ယောက်က တက်ရောက် လေ့လာတယ်။ ကျန်တာ အဖွဲ့ဝင်ဖြစ်လက်ခံပြီး မူးယစ်သတင်းရရင် လက်တွဲတိုက် ဖျက်ဖို့ သဘောတူ ကြတယ်။” -ဟု ပါဝင်လှုပ်ရှားသူ လူငယ်စိုင်းခေးယဉ် က ပြောပါသည်။

နမ္မတူမြို့နယ်တွင် မူးယစ်ဆေးဝါး ဘိန်းဖြူ၊ ရာဘများအလွန်ပေါများပြီး ဒေသခံများ မူးယစ်ဆေးသုံးစွဲသူ တနေ့ တခြား ပိုမိုများပြားလာနေကြောင်း၊ သာရေးနာရေးအခမ်းအနား၌ပင် မူးယစ်ဆေး မပါမပြီးဖြစ် နေကြောင်း၊ လူထုစာရိတ္တ တရက်တခြားပိုမိုပျက်ပြားလာနေသောကြောင့် - စာရိတ္တပြုပြင်ပေးရန်စေတနာ ဖြင့် တာဝန်သိလူထုက မူးယစ်ဆေးဝါးတိုက်ဖျက်ရေးအဖွဲ့ ဖွဲ့စည်းရခြင်းဖြစ်ကြောင်း ရပ်မိရပ်ဖတဦးကပြော ပါသည်။  

“ကျနော်တို့ အဖွဲ့ထဲမှာ ထက်ဝက်ကျော်က အမျိုးသမီးတွေဘဲ။ သူတို့က ပိုတက်ကြွတယ်။ သူတို့ လင်၊ သား၊ ဖခင်တွေ က မူးယစ်ဆေးဝါး သုံးစွဲနေလို့လေ။ နောက်တခုကလဲလက်လီရောင်းသူ အများစုကလဲမိန်းကလေး တွေဘဲ။ အဲဒါကြောင့် အမျိုးသမီးအင်အားကပိုအရေးကြီးနေတယ်” - ဟု မိုင်းယင်ရပ်ဖ စိုင်းညွှန့်ဖေကပြော ပါသည်။

မူးယစ်ဆေးဝါး ရောင်းဝယ်သုံးစွဲသတင်းရလျှင်ရခြင်း အဖွဲ့ဝင်များက အမြန်ဆုံးလူစုပြီး အင်အားဖြင့် ဖမ်းဆီး မှုပြုလုပ် မည်ဖြစ်ကြောင်း၊ မူးယစ်ဆေးဝါးလက်ဝယ်ရှိသူ၊ ရောင်းဝယ်ဖေါက်ကားသူများအား ဖမ်းဆီးရမိပါက - ပထမ အကြိမ် ဗြုန်းသဲ ၅ ကျင်း(တကျင်းလျှင် အလျား/အနံ ၁၀ ပေ အမြင့် ၁ ပေ)၊ ဒုတိယ အကြိမ် ဗြုန်းသဲ ၁၅ ကျင်း၊ တတိယ အကြိမ်တွင်မူ အိမ်ခြံ နှင့် ပိုင်ဆိုင်မှုပစ္စည်းများအား ရပ်ရွာဘုံပိုင်အဖြစ် သိမ်းယူမည်ဖြစ် ကြောင်း၊ မူယစ်သုံးစွဲသူများအတွက်လည်း မူးယစ်ဆေးဝါး တိုက်ဖျက်ရေးစခန်းဖွင့်လှစ်ပေးနိုင်အောင် လုပ် ဆောင်သွားမည်ဖြစ်ကြောင်း၊ ငွေရေးကြေး ရေး ထောက်ပံ့သူ နောက်ခံပြုသူအား မည်သို့ပြုမူပြစ်ဒဏ်ပေးမည် ဆိုသည်ကိုတော့ မကြေငြာသေးဘဲလုံခြုံ ရေးအရ ထိန်ချန်ထားဦးမည်ဖြစ်ကြောင်း ပြောပါသည်။

“ကျနော်တို့ မိုင်းယင် ဘက်မှာလေ ရဲလဲ မရှိဘူး၊ စစ်တပ်စခန်းလဲမရှိဘူး။ နယ်လှည့်လာတာတွေဘဲရှိတယ်။ အာဏာပိုင် တွေကိုစောင့်နေလို့ဘဲ မဖြစ်တော့ဘူး။ ကိုယ့်အားကို မကိုးရင်မရတော့ဘူးလေ။ တခြားဒေသ ဘက်လဲ စလုပ်လာနေတယ်လို့ ရေဒီယိုမှာ သတင်းတွေမှာ ကြားနေရ ဖတ်နေရလို့ ကျနော်တို့လဲ ခွန်အား ရတာပေါ့။ ကိုယ့်ဒေသ ကောင်းကျိုးဖို့ဘဲ။ ရလာတဲ့ ဗြုန်းသဲ (တောင်သဲ) တွေလဲ လမ်းခင်းမယ်လေ။ ကျနော် တို့ ဒေသမှာ မိုးရာသီဆို ဆိုင်ကယ်၊ ကား လုံးဝ သွားလာလို့မရဘူး” - ဟု စိုင်းခေးယဉ်က ဆက်ပြောပြပါ သည်။

မူးယစ်ဆေးဝါးတိုက်ဖျက်ရေးအတွက် ပါဝင်ဖွဲ့စည်းသည့် ကျေးရွာအုပ်စုများမှာ ဖါဆွမ်၊ ဝိန်းနန်၊ ဆာလုံ နှင့် မိုင်းယင်အုပ် စုတို့မှ ကျေးရွာ ၂၅ ရွာက ရပ်မိရပ်ဖများ လူငယ်များဖြစ်ကြကြောင်း ကြားသိရပါသည်။ အဆို ပါကျေးရွာများသည် နမ္မတူမြို့၏ အရှေ့မြောက်ဘက် ၁၅ မိုင် ခန့် ဝေးသောကျေးရွာများဖြစ်သည်။

သျှမ်းပြည်မြောက်ပိုင်းတွင် မူစယ်ခရိုင် ပန်ဆိုင်းမြို့နယ်ခွဲ မုံးပေါ် ဒေသ၊ နမ့်ခမ်းမြို့နယ် မိုင်းဝီးဒေသ နှင့် ယခု နမ္မတူမြို့နယ် မိုင်းယင် ဒေသတို့မှ ဒေသခံမူးယစ်တိုက်ဖျက်ရေးအဖွဲ့များသည် ယခုနှစ်အတွင်း ပေါ်ပေါက်လာသော ကိုယ့်အားကိုယ်ကိုးအဖွဲ့အစည်းများဖြစ်ကြသည်။

“အစိုးရအဖွဲ့အစည်းပဲမဟုတ်ဘူး၊ မည်သည့်ဒေသခံအဖွဲ့အစည်းမျိုးမဆို ကျနော်တို့က လက်တွဲပြီး မူးယစ် ဆေးဝါးပူးပေါင်းတိုက်ဖျက်ဖို့ အမြဲ အဆင်သင့်ဘဲ။ လိုအပ်တဲ့ အကူအညီ ပံ့ပိုးမှုတွေလဲ ပေးသွားပါ့မယ်” – ဟု RCSS ပြောခွင့်ရ ဗိုလ်မှူးလောဝ်ဆိုင်က ပြောပါသည်။

ဦးသိန်းစိန်အစိုးရ၏ မူးယစ်ဆေးဝါးဆန့်ကျင်တားဆီးရေးဆိုင် အမိန့်ကြောငြာစာ ၁၇/၂၀၁၁ အရ နိုင်ငံ တော်အကြီးအကဲ အဆင့်မှ ရပ်ကွက်ကျေးရွာအုပ်စု အဆင့်အထိ မူးယစ်ဆေးဝါးအန္တရယ်ကာကွယ်ရန် အဖွဲ့ အစည်း ဖွဲ့စည်းပိုင်ခွင့်ရှိသည်ဟု ထုတ်ပြန်ကြေငြာထားဖူးပါသည်။