ဒီမိုကရက်တစ် နှင့် တိုင်းရင်းသား အင်အားစုများ အားလုံးစုစည်းလာနိုင်ရေး နှင့် မျက်မှောက် နိုင်ငံ ရေးပြသနာများ လက်တွဲဖြေရှင်းနိုင်ရေးအတွက် ညီညွှတ်သော တိုင်းရင်းသားလူမျိုးများ မဟာမိတ်အဖွဲ့ UNA ၈၈ ငြိမ်းချမ်းရေး ပွင့်လင်းလူ့အဖွဲ့အစည်းတို့ မေ ၂၂ ရက်နေ့က ရန်ကုန်မြို့တွင် တွေ့ ဆုံ ဆွေးနွေးကြသည်။

သျှမ်းတိုင်းရင်းသားများဒီမိုကရေစီအဖွဲ့ချုပ် ဥက္ကဌ ခွန်ထွန်းဦး ဦးဆောင်သာ ညီညွှတ်သော တိုင်းရင်း သား လူမျိုးများ မဟာမိတ်အဖွဲ့ UNA နှင့် ကိုမင်း ကိုနိုင် ၊ ကိုကိုကြီးတို့ ဦးဆောင်သည့် ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့စည်းတို့ ရန်ကုန်မြို့ တွင် တွေ့ဆုံကာ လက်ရှိကြုံတွေ့နေရသော မျက်မှောက်နိုင်ငံရေး ပြသနာရပ်များကို ဖြေရှင်းရန်နှင့် ဒီမိုကရက်တစ်နှင့် တိုင်းရင်းသား အင်အားစုများ အားလုံး စုစည်းလာနိုင်ရန်အတွက် ရည်ရွယ်ပြီး နိုင်ငံရေးဆွေးနွေးကြသည်ဟု စိုင်းညွှန့်လွင်က ပြောသည်။

‘ သူတို့က ကြားဝင်ညှိနှိုင်းပေးမယ်လို့ ကိုမင်းကိုနိုင်က ကတိပေးတယ်။ အခုအနေထားက အန်အယ်လ်ဒီနဲ့ ကျနော်တို့ ပါတီတွေအကြား သူနိုင်ကိုယ်နိုင် ထိပ်တိုက်ပြိုင်ရမဲ့ အနေထားဖြစ်နေတယ်လေ။ လာမဲ့ ၂၀၁၅ ရွေးကောက်ပွဲမှာ ‘ ဟု UNA အဖွဲ့ဝင် သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ အထွေထွေအတွင်းရေးမှူး ဦးစိုင်းညွန့်လွင်က ပြောသည်။

လက်ရှိအနေထားအရ ရွေးကောက်ပွဲမတိုင်မှီ မဟာမိတ်ဖွဲ့စည်းနိုင်မှု အခြေနေအပေါ်တွင်မူတည်ပြီး ရွေးကောက်ပွဲအလွန်ကာလအတွက် အစိုးရဖွဲ့နိုင်ခြေ ၊ သမ္မတရွေးချယ်မှုအတွက် လွှတ်တော်ကိုယ်စားလှယ်များမှ တင်မြောက်နိုင်ခြေ နှင့် အပြန်လှန်အားဖြင့် နိုင်ငံရေးအပေးယူ လုပ်နိုင်ခြေများကို ဆွေးနွေးကြသည်ဟုဆိုသည်။

‘ အဓိကသွားနေတဲ့ဖွဲ့စည်းပုံ ပြင်ဆင်ရေးကနေ အာရုံပြောင်းသွားတဲ့ တခြားကိစ္စတွေရှိတယ်။ အဲဒါတွေကို ရှိသင့်ရှိထိုက်လို့ ဖြစ်နေကျ ကိစ္စတွေပါပဲ။ သေချာတာကတော့ ၂၀၀၈ မပြင်ပဲသွားတဲ့ ရွေးကောက်ပွဲက တရားမျှတကောင်းမျှတနိုင်ပေမဲ့ မပြင်ပဲ သွားခဲ့ရင် စစ်မှန်တဲ့ ပြုပြင်ပြောင်း လဲရေးဖြစ်ဖို့ တော်တော်ခက်သွားမယ်။ ကျနော်တို့နဲ့ အားလုံး တွဲပြီး လုပ်လို့ရအောင် တိုင်ပင်နေကြပါတယ်။ NLD လဲပါဝင်လာအောင်ပေါ့ ‘ ဟု ကိုမင်းကိုနိုင်က ပြောသည်။

ဆွေးနွေးပွဲတွင် အချက် (၂) ကို အားဖြင့် သဘောတူနိုင်ခဲ့ပြီး ယင်းအချက် များမှာ ရွေးကောက်ပွဲမတိုင်မှီ အခြေခံ ဥပဒေပါ ပြင်သင့် ပြင်ထိုက်သည့် ပုဒ်မများကို ပြင်ဆင်သွားရန် နှင့် လာမည့် ဇွန်လ (၂) ရက်နေ့ ကေအန်ယူ ထိန်းချုပ်နယ်မြေတွင် ကျင်းပရန်ရှိနေသော တိုင်းရင်းသား လက်နက်ကိုင် အဖွဲ့များ ညီလာခံသို့ သဘောထား ထုတ်ပြန်ချက် တစောင်ပေးပို့ရေး စသည့်အချက်များ ဖြစ်သည်ဟု သိရသည်။