စိတ်မချမ်းမြေ့စရာ၊ စိတ်မချမ်းသာစရာ၊ စိတ်ပျက်စရာ၊ စိတ်ကသိအောက်ဖြစ်စရာ၊ စိတ်အနှောင့် အယှက်ဖြစ်စရာ သတင်းတွေ၊ အဖြစ်အပျက်တွေကို ဒီသတင်းပတ်အတွင်း နေ့စဉ်ရက်ဆက် သိရ၊ ကြား၊ မြင်ရ၊ ဖတ်ရတော့ သက်တမ်းနုနု အခြေမခိုင် ယိုင်နဲ့နဲ့ ဖြစ်နေသည့် ပြည်တွင်းငြိမ်းချမ်းရေး အတွက် စိုးရိမ်ကြောင့်ကြပူပန်မသည်။

ဖွဲ့စည်းပုံပြင်ဆင်ခြင်းကို ပြည်ထောင်စုလွှတ်တော်က ပယ်ချခြင်း၊ တိုင်းရင်းသား  လက်နက်ကိုင် တော်လှန်ရေး အဖွဲ့အစည်းတို့၏ တစ်နိုင်ငံလုံး အပစ်အခတ်ရပ်စဲရေးဆိုင်ရာ အဆင့်မြင့်ညှိနှိုင်းရေး ကိုယ်စားလှယ်အဖွဲ့(SD)ကို အစိုးရဘက်က ဆွေးနွေးဖက်အဖြစ် အသိအမှတ် မပြုလိုသည့်  သဘောမျိုး ဆိုလာခြင်း၊ တိုင်းရင်းသားများက NCAကို နောင်တက်လာမည့် အစိုးရသစ်နှင့် ဆက်ဆွေးနွေးသွားမည့်သဘောလိုလို လေသံပစ် လာခြင်းတို့ကြောင့် ငြိမ်းချမ်းရေးခရီးလမ်း မဖြောင့်ဖြူးမည်ကို ပူပင်စိတ်သောက ဖြစ်မိတာဖြစ်ပါသည်။ ငြိမ်းချမ်းရေးလမ်းဘေး ရောက်သွားမည်ကိုလည်း စိုးထိတ်မိ၏။

ပြီးခဲ့သည့် ဂျွန်လ(၂၅)ရက်နေ့က ပြည်ထောင်စုလွှတ်တော်တွင် ဖွဲ့စည်းပုံ အခြေခံဥပဒေပါ အရေးပါသည့်ပုဒ်မများ ပြင်ဆင်ရေးနှင့် ပတ်သက်ပြီး မဲခွဲဆုံးဖြတ်ရာ၌ ပုဒ်မ(၆)ခုအနက် ပုဒ်မ တစ်ခုသာ လိုအပ်သည့်ထောက်ခံမဲ အရေအတွက် ရရှိကြောင်းသိရ၏။ ကျန်သည့် အရေးပါသော ပုဒ်မ(၅)ခုမှာ ပယ်ချခြင်းခံရ၏။ ပြင်ဆင်ရန် အနိုင်ရသွားသည့်ပုဒ်မ ၅၉(ဃ) (နိုင်ငံတော် အရေး အရာများဖြစ်သော နိုင်ငံရေး၊ အုပ်ချုပ်ရေး၊ စီးပွါးရေး၊ စစ်ရေးအမြင်များရှိရမည်)မှာ သမ္မတ အရည်အချင်း ဆုံးဖြတ်ချက်နှင့်ဆိုင်သည့် ပုဒ်မဖြစ်ပြီး ၇၅ ရာခိုင်နှုန်းကျော် ထောက်ခံမဲ ရရှိသွားခဲ့၏။ စစ်ရေးအမြင်ရှိရမည်ဆိုသည့် နေရာတွင် ကာကွယ်ရေးအမြင်ရှိရမည်ဟု အစားထိုး ပြင်ဆင်သွားမည်ဖြစ်ကြောင်း သိရ၏။

ရှုံးနိမ့်သွားသည့် အခြားအရေးပါသည့်ပုဒ်မများမှာ ပုဒ်မ ၄၃၆(က)နှင့်(ခ)၊ ဒေါ်အောင်ဆန်းစုကြည် သမ္မတဖြစ်ခွင့် တားမြစ်ထားသည့် ပုဒ်မ ၅၉(စ)၊ ပုဒ်မ ၆၀(ဂ)နှင့် ပုဒ်မ ၄၁၈(ခ) (တပ်မတော် ကာ ကွယ်ရေးဦးစီးချုပ်ကို နိုင်ငံတော်အာဏာလွှဲအပ်ပြီးသည့် အချိန်မှစ၍ သမ္မတနှင့်ဒုတိယ သမ္မတမှ အပ လွှတ်တော်များ၏ သဘောတူညီချက်ဖြင့် ဖွဲ့စည်းထားသော အဖွဲ့အစည်းများ၊ ကိုယ်ပိုင် အုပ်ချုပ်ခွင့်ရ တိုင်းဦးစီးအဖွဲ့၊ ကိုယ်ပိုင်အုပ်ချုပ်ခွင့်ရ ဦးစီးအဖွဲ့ဝင်များ တာဝန်မှရပ်စဲပြီးဖြစ်သည် ဟု မှတ်ယူရမည်) တို့ဖြစ်ကြ၏။

ထိုမဲခွဲသည့်နေ့တွင် ပြည်ထောင်စုလွှတ်တော်၌ ကိုယ်စားလှယ် ၆၃၃ယောက် တက်ရောက်ကာ ၅၀ ခွင့်ယူကြောင်းသိရ၏။ တပ်မတော်သား ကိုယ်စားလှယ် ၁၆၆ယောက်တက်ရောက်သဖြင့် မဲပေးချိန် မှာ တပ်ကိုယ်စားလှယ် ၂၈ ရာခိုင်နှုန်းကျော် ရှိနေကြောင်းသိရ၏။ ဖွဲ့စည်းပုံပြင်ဆင်ရေး အနိုင်ရရန်  အနည်းဆုံး ၄၇၅ မဲလိုနေချိန်တွင် ရွေးကောက်ခံကိုယ်စားလှယ် ၄၁၇ မဲသာရှိနေ၍ အနိုင်ရရေးမှာ တပ်မတော်သား ကိုယ်စားလှယ် ၅၈ယောက်ထောက်ခံမှသာ အနိုင်ရမည့် အခြေအနေဖြစ်ကြောင်း သိရ၏။ သို့သော် တကယ်တမ်းလက်တွေ့ မဲခွဲဆုံးဖြတ်ချိန်တွင် တပ်မတော်သား ကိုယ်စားလှယ်တို့ သာမကဘဲ ရွေးကောက်ခံ ကိုယ်စားလှယ်အချို့ကပါ ကန့်ကွက်မဲပေးခဲ့သဖြင့် ထောက်ခံမဲ ၃၈၈ ဝန်းကျင်သာ အသီးသီးရရှိပြီး အရေးကြီးသည့် ဖွဲ့စည်းပုံ ပြင်ဆင်ရေးအဆိုများ ရှုံးနိမ့်သွားခြင်း ဖြစ်၏။ အဓိပ္ပာယ်မှာ မြန်မာ့နိုင်ငံရေးလောကတွင် မည်သည့်ပြုပြင် ပြောင်းလဲခြင်းမျိုးကို ပြုလုပ်လိုသည်ဖြစ်စေ တပ်မတော်က မထောက်ခံ၊ အားမပေး၊ ခွင့်မပြုလျှင် မည်သည့်အရာကိုမျှ မဆောင်ရွက်နိုင် အဟောသိကံသာ ဖြစ်ကြောင်း ပြသရာရောက်၏။

မဲခွဲအပြီး သတင်းစာရှင်းလင်းပွဲတွင် ဒေါ်အောင်ဆန်းစုကြည်က “ကျွန်မတို့ကတော့ ပြည်သူတွေရဲ့ မျှော်လင့်ချက်တွေလည်း  ပျောက်ကွယ်သွားစရာမလိုဘူး၊ စိတ်ဓာတ်ကျစရာလည်း မလိုဘူး၊ ဆက် ပြီးတော့ ဘယ်လိုပုံစံနဲ့ သွားရမယ်ဆိုတာ ပိုလို့တောင် ရှင်းရှင်းလင်းလင်း သိသွားနိုင်တယ်လို့ပဲ ယူဆပါတယ်” ဟု မီဒီယာများအား ပြောဆိုသွားခဲ့တာ ကြားရ၏။ ယင်းပြောကြားချက်အရ ဒေါ်အောင်ဆန်းစုကြည်သည် နိုင်ငံရေးတိုက်ပွဲ ကကွက်တိုက်ကွက်ပြောင်းပြီး လွှတ်တော်ပြင်ပကနေ ဆင်နွှဲမည်လား ဆိုသည်ကို စောင့်ကြည့်သင့်၏။ ဖွဲ့စည်းပုံ အခြေခံဥပဒေ ပြင်ဆင်ရေးတစ်ဆို့မှုသည် ငြိမ်းချမ်းရေး လုပ်ငန်းစဉ်များအား ဘေးရောက်နောက်ရောက် သွားစေမည်လား ဆိုသည်ကို စိုးရိမ်မိ၏။ ဖွဲ့စည်းပုံ ပြင်ဆင်ရေးသည် အတိုက်အခံ နိုင်ငံရေး အင်အားစုများ၏ ဦးစားပေး ဆောင်ရွက် လုပ်ကိုင်ရမည့် လုပ်ငန်းဖြစ်လာဖွယ်ရှိပြီး ငြိမ်းချမ်းရေး လုပ်ငန်းစဉ်များအား အရေးမထား အလေးမပေးဘဲ နောက်ကွယ်တွင် ပစ်ပယ်ထားခဲ့မည်ကို စိုးကြောက်မိ၏။

တဘက်တွင်လည်း ပြီးခဲ့သည့် ဂျွန်လ(၂၂)ရက်တွင် ရန်ကုန်၌ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ (UPWC)နှင့် တိုင်းရင်းသား  လက်နက်ကိုင် တော်လှန်ရေး အဖွဲ့အစည်းတို့၏ တစ်နိုင်ငံလုံး အပစ်အခတ်ရပ်စဲရေးဆိုင်ရာ အဆင့်မြင့်ညှိနှိုင်းရေး ကိုယ်စားလှယ် အဖွဲ့(SD)တို့သည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် ( NCA)နှင့် ပတ်သက်ပြီး အလွှတ်သဘော ဆွေးနွေးခဲ့ကြောင်း သိရ၏။ အစိုးရဘက်မှ ပြည်ထောင်စု ဝန်ကြီးများ ဖြစ်ကြသည့် ဦးအောင်မင်း၊ ဦးခင်ရီ၊ ဒုတိယ ဗိုလ်ချုပ်ကြီး သက်နိုင်ဝင်းနှင့် MPCမှ တာဝန်ရှိသူတို့ တက်ရောက်ပြီး တိုင်းရင်းသားများဘက်မှ နိုင်ဟံသာ၊ ဖဒိုကွယ်ထူးဝင်း၊ ဦးထွန်းဇော်တို့ တက်ရောက်ခဲ့ကြ၏။

ယင်းအလွှတ်သဘော တွေ့ဆုံပွဲတွင် တိုင်းရင်းသားများဘက်မှ လော်ခီးလာ ညီလာခံက ဖွဲ့ စည်းပေးခဲ့သည့် အဆင့်မြှင့် ညှိနှိုင်းရေး ကိုယ်စားလှယ်အဖွဲ့(SD) အကြောင်း၊ NCAပြင်ဆင်ဖြည့် စွက်ချက် (၁၅)ချက်အကြောင်း၊ ထိုင်းနိုင်ငံချင်းမိုင်တွင် လာမည့် ဂျူလိုင်လဆန်း၌ နှစ်ဘက် ကိုယ်စားလှယ်များ တရားဝင်တွေ့ဆုံ ဆွေးနွေးနိုင်ရေးအကြောင်း စသည်တို့ကို အဓိကထား ဆွေးနွေးသွားကြောင်း ကြားသိရ၏။ ပြင်ဆင်ဖြည့် စွက်ချက်များကို NCAတွင် ထပ်မံဖြည့်စွက် နိုင်မည် မဟုတ်ကြောင်း၊ နောက်ဆက်တွဲ မှတ်တမ်းအနေဖြင့်သာ ထည့်ပေးနိုင်ကြောင်း၊ နောင်လာ မည့် ဆွေးနွေးပွဲများတွင် တပ်မတော် ကိုယ်စားလှယ်များ ပါဝင်နိုင်ရေးသည် မသေချာကြောင်း အစိုးရ ကိုယ်စားလှယ်ဘက်က ပြောဆိုသွားသည်ဟု သိရ၏။ SDကိုလည်း အစိုးရဘက်က လက်ခံရန် အခက်အခဲများ ရှိကြောင်းကို အရိပ်အမြွက် ပြောသွားကြောင်း သိရ၏။

အပစ်ရပ်(မူကြမ်း)ပါ အချက်အချို့ပြင်ဆင်မှုကို အစိုးရက လက်ခံခြင်းရှိမရှိ၊ SDကို အစိုးရဘက်က လက်ခံဆွေးနွေးနိုင်ခြင်း ရှိမရှိ စသည်တို့အား လာမည့်ဂျူလိုင်လဆန်းတွင် ချင်းမိုင်၌ ပြုလုပ်မည့် ဆွေးနွေးပွဲကျမှသာ သိနိုင်မည်ဖြစ်ကြောင်း ကြားသိရ၏။ SDကို အစိုးရ လက်မခံနိုင်ပါက    NCA ကို ဆက်လက်ညှိနှိုင်းသည့် လုပ်ငန်းစဉ်မှာ ကြန့်ကြာနှေင့်နှေးသွား နိုင်သည်ဟု တိုင်းရင်းသား ခေါင်းဆောင်များက ပြောကြ၏။ နောက်အစိုးရသစ် သက်တမ်းအထိ ဆွဲဆန့်သွားရမည့်သဘောမျိုး ဆိုသွားကြောင်း သိရ၏။

NCAအပစ်ရပ်မူကြမ်းကို လက်ရှိအစိုးရ ကိုယ်စားလှယ်တွေနှင့် ညှိနှိုင်း၍ အဆင်မပြေပါက နောင်တက်လာမည့် အစိုးရသစ်နှင့် ဆက်လက်ဆွေးနွေးရေး လမ်းစဉ်ကို မလွှဲမရှောင်သာ လိုက်ရ မည်ဖြစ်ကြောင်းတိုင်းရင်းသားများဘက်က အသံထွက်လာသဖြင့်လည်း လက်ရှိအစိုးရနှင့်တိုင်းရင်း သားများအကြား ရှိပြီးသား စဉ်ဆက်မပြတ်ဆက်ဆံရေးအေးခဲသွားမည်ကိုလန့်မိ၏။ ဖူးငုံခါစ ငြိမ်း ချမ်းရေးပန်းကလေး အကြွေစောမည်ကိုစိုးရွံ့၏။ NCA အသက်ငင်နေပြီလားဟု ထင်မှတ်ယူဆ စရာရှိ၏။

နိုင်ငံရေး အကဲခတ်များကလည်း မေးငေါ့ပြောဆိုလာကြပြီ။ “စစ်ဘုရင် အချင်းချင်း ညှိနှိုင်းနေလို့ ငြိမ်းချမ်းရေးရလာမှာလား” ဟုမေးခွန်းထုတ်လာနေပြီဖြစ်၏။ “ယနေ့ ငြိမ်းချမ်းရေး ဖြစ်စဉ်ဆိုသည် မှာ စစ်ဘုရင်များစေ့စပ်ညှိနှိုင်းနေဆဲအဆင့်ပဲရှိပါသေး၏။ နှစ်ဘက်စစ်ဘုရင်များသည် တိုင်းရင်း သား ပြည်သူလူထု အကျိုးစီးပွါးထက် ယင်းတို့၏ ကိုယ်ကျိုးစီးပွါး ဦးစားပေး နေကြသောကြောင့် ငြိမ်းချမ်းရေး ဆွေးနွေးပွဲများ မအောင်မြင်နိုင်ခြင်း ဖြစ်နေရသည်”ဟု ပြောဆို လာနေပြီဖြစ်၏။ ငြိမ်းချမ်းရေး ဖြစ်စဉ်တို့တွင် တိုင်းရင်းသား ပြည်သူလူထုတို့ကို ပါဝင်ခွင့် မပေးကြသဖြင့် ငြိမ်းချမ်း ရေးဆွေးနွေးပွဲ တိုးတက်ဖြစ်ထွန်းမှု မရှိတာဖြစ်ကြောင်း လူထုအသံများ ထွက်ပေါ်သည်ကို ဆက် တိုက်ကြားရ၏။ ဤသည်များကို နှစ်ဘက်စလုံးက မည်ကဲ့သို့ တုံ့ပြန်ဖြေ ရှင်းပေးမည်နည်း အားလုံးက သိလိုကြ၏။

သို့အတွက်ပြည်တွင်းငြိမ်းချမ်းရေး လုပ်ငန်းစဉ်များတွင် တိုင်းရင်းသားပြည်သူလူထုတို့ကို မည်သည့် နေရာမည်သည့်အခန်းကဏ္ဍမှပါဝင်လုပ်ဆောင်ရမည်ဆိုခြင်းကိုဆွေးနွေးဖော် ဆွေးနွေးဖက်နှစ်ဘက် စလုံးကအလေးထားစဉ်းစားအကောင်အထည်ဖော်ပေးရမည့် တာဝန်ရှိကြောင်းဆိုရေးရှိကဆိုချင်၏။ ဆောင်ရွက်ပေးဖို့ အချိန်တန်ပြီဖြစ်ကြောင်းလည်း တိုက်တွန်း လို၏။

ဖွဲ့စည်းပုံပြင်ဆင်ရေး အကျပ်အတည်းတွေ့ခြင်း၊ NCA မူကြမ်း ညှိနှိုင်းရေးလုပ်ငန်းစဉ် မပီမပြင် အသက်ငင်သကဲ့သို့ဖြစ်နေခြင်း၊လော်ခီးလာညီလာခံအပြီး ပြောင်းလဲချမှတ်လာသည့်တိုင်းရင်းသား နှင့်အစိုးရတို့၏ မတူညီသည့် ငြိမ်းချမ်းရေး ချဉ်းကပ်ပုံချဉ်းကပ်နည်း အခင်းအကျင်းသစ်တို့ကြောင့် လက်ရှိ ရရှိပြီးသား ငြိမ်းချမ်းရေးအား မထိခိုက်စေရေး၊ မပျက်စီးစေရေး၊ ထာဝရတည့်တံ့ခိုင်မြဲသည့် စစ်မှန်သော ပြည်တွင်ငြိမ်းချမ်းရေး ရရှိရေးအဖို့ တိုင်းရင်းသား ပြည်သူလူထု၊ အစိုးရ၊ တပ်မတော်နှင့် တိုင်းရင်းသား တော်လှန်ရေးလက်နက်ကိုင် အဖွဲ့အစည်းများ အားလုံး လက်တွဲပူးပေါင်း ဆောင်ရွက်နိုင်ပါစေကြောင်း ဆန္ဒမွန် ပြုပါ၏။