သျှမ်းပြည်အရှေ့ပိုင်း မိုင်းဆတ်ခရိုင် အတွင်း သစ်တောဝန်ကြီးဌာနပိုင် သစ်တောကြိုးဝိုင်း အတွင်း ဝ တပ်ဖွဲ့နှင့်အတူ သစ်ခိုးထုတ်ရာမှ ဖမ်းဆီးခံ ထားရသည့် တရုတ်လူမျိုး ၆ ဦးအား မြန်မာအစိုးရက တရုတ် အစိုးရထံ တိုက်ရိုက်လွှဲအပ်မည်ဟု မိုင်းတုံ စစ်ဗျူဟာ အသိုင်းအဝိုင်း ကပြောသည်။

ဂျွန်လဆန်းပိုင်းကတည်းက မြန်မာအစိုးရမှဖမ်းဆီးထားသော အဆိုပါ တရုတ်လူမျိုး ၆ ဦးအား UWSA ဝ တပ်ဖွဲ့ ထံ ပြန်လည်အပ်နှံမည်မဟုတ်ဘဲ တရုတ်အစိုးရထံ ပြန်လည်အပ်နှံ မည်ဖြစ် သည်ဟု မြန်မာအစိုးရဘက်က ဆိုသည်။

ဝတပ်ဖွဲ့ကလည်း - အဆိုပါ တရုတ် ၆ ဦးနှင့်အတူ အစိုးရက ဖမ်းသွားသော ကျွန်းသစ်တန် ၃၀၀ ကို ၀တပ်ဖွဲ့က ပြန်လည်လေလံပစ်၍ ဝယ်ယူခွင့်ပေး ရန်တောင်းဆိုခဲ့ပြီး၊ နှစ်ဘက်တပ်များ ပုံမှန်နေရာသို့ ပြန်ဆုတ်ရန် အစရှိ အချက်များအား အမှတ်၁၇၁စစ်ဒေသဝတပ်ဖွဲ့ခေါင်းဆောင် ဝေရှောက်ရင် နှင့် ဒုတိယ တပ်မတော် ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်းတို့ ဂျွန်လ ၂၀ ရက် စနေနေ့က ဆွေးနွေးသဘောတူ ဆုံးဖြတ်ကြသည်ဟု ဆိုသည်။

“သစ်တန်ချိန် သုံးရာ အတွက် မနေ့က မိုင်းတုံမှာ ငွေသွားသွင်းလိုက်ပြီ လို့ ပြောတယ်။ လေလံပစ်တဲ့ ဈေးနဲ့ လို့ပြောတာဘဲ။ ၀ တပ်က သစ်တွေ ပြန် ရပြီဆိုပေမယ့် သူတို့ရဲ့လူ ၆ ယောက်ကိုလည်း ပြန်လိုချင်နေ တယ်။ နိုင်ငံရေးအရ ၀ ကို ပြန်အပ်မှာမဟုတ်ဘဲ တရုတ်အစိုးရဆီကနေ အဲဒီ လူ ၆ ဦးရဲ့ ကိုယ်ရေးအကျဉ်း စစ်ကြည့်မယ်။ ပြီးမှ တရုတ်ကို ပြန်ပေးမယ်ဆိုတဲ့ အချက် ကို ဝ က သိပ်ဘ ဝင်မကျဘူး”- ဟု စစ်ဗျူဟာ အသိုင်းအဝိုင်းနှင့် နီးစပ်သူတဦးက ပြောသည်။

“အဲဒီ တရုတ် ၆ ဦးဆိုတာက တရုတ်ပြည်က တရုတ်မဟုတ်ဘူး။ ကျနော်တို့ နယ်ထဲက ဝ - တရုတ်ဘဲ။ အဲဒါကို တရုတ်ဆီ ပြန်အပ်မယ်ဆိုတာတော့ မဟုတ်သေးဘူးလေ၊ အကြောင်း မရှိအကြောင်းရှာ သလို ဖြစ်နေတယ်။ ဒါက တရုတ်ပြည်နဲ့မှ မဆိုင်တာ။ ကျနော်တို့အရေးဘဲ” - ဟု အမည်မဖေါ်လိုသည့် ၀ တပ် အရာရှိတဦးကပြောသည်။

အဆိုပါ တွေ့ဆုံဆွေးနွေးပွဲတွင် ဒုတိယဗိုလ်ချုပ်မှူးကြီး စိုးဝင်းက ၀ တပ်ဖွဲ့များအား - အင်အားပြသွားလာခြင်းမျိုးမလုပ်ရ၊ နယ်ကျွံလုပ်ရှားမှုမပြုရ၊ ချိုးဖေါက်မှုများ ပြုလုပ် ပါက တပ်မတော်မှ ခွင့်ပြုမည်မဟုတ် - ဟူ၍ ပြင်းပြင်း ထန်ထန် သတိပေးခဲ့ကြောင်း နီးစပ်သည့်အသိုင်းအဝိုင်းက ပြောသည်။

သို့သော် ယနေ့အထိ မိုင်းဆတ်ခရိုင်၊ မိုင်းတုံမြို့နယ် နမ့်ဆိုင်ဒေသ သစ်တော ကြိုးဝိုင်း၊ မိုင်းခေတ်၊ မိုင်းဟန်၊ နားပါကောဝ် ဒေသ အတွင်း အပြိုင်အင်အား ချထားမှု ၊ ပုံမှန်မဟုတ်ဘဲ တပ်များတိုးချဲ့ ချထားသည့်နေရာများမှ နှစ်ဘက် တပ်ရုပ်ပြန်ခြင်းမရှိသေးပေ။

ဝ တပ်ဖွဲ့ သည် မြန်မာအစိုးရနှင့် ပြည်ထောင်စု အဆင့် ငြိမ်းချမ်းရေး တည်ေ ဆာက်ထား သည့် တရုတ်နယ်စပ်အခြေစိုက် အင်အားကြီးမားသည့် တိုင်းရင်းသားလက်နက်ကိုင်တပ်ဖွဲ့ တခုဖြစ် သည်။ လူသူ လက်နက် အင်အားကြီးမားလာသည့်အားလျော်စွာ တောင်ပိုင်းထိုင်းနယ်စပ် နှင့် မြောက်ပိုင်း တရုတ်နယ်စပ် နယ်မြေနှစ်ခုပေါင်း၍ သီးခြား ဝ ပြည်နယ် ထူထောင်ရန် ဆန္ဒပြင်း ပြနေပါသည်။ ထို့အတူ လာမည့် အမျိုး သားနိုင်ငံရေး ဆွေးနွေးပွဲ တွင်လည်း တိုင်းရင်းသား လက်နက်ကိုင်တော်လှန်ရေးတပ်ဖွဲ့များအား ဦးဆောင်ဦးရွက်ပြုလိုသည့် ဆန္ဒရှိသည်။