အသက် ၇၀ ကျော်ဘွားအိုတဦး မြေမြှုပ်မိုင်း နင်းမိ သေဆုံး
သျှမ်းပြည် မြောက်ပိုင်း သိန္နီမြို့နယ်ရှိ အစိုးရ စစ်တပ် အနီး မြှုပ်ထားသည့် မြေမြှုပ်မိုင်း နင်းမိ၍ အသက် ၇၀ ကျော် ဘွားအို တဦး ဒဏ်ရာ အပြင်းအထန်နှင့် သေဆုံး သွားသည်ဟု ဒေသအတွင်း သတင်းရပ်ကွက်မှ သိရသည်။
“မိုင်းကွဲသံကို ရွာသားတွေ ကြားရတယ်။ အဖွားရဲ့ အော်သံ ကိုလည်း ကြားရတယ်။ ဒါပေမဲ့ ချက်ချင်း သွားမကူနိုင်ဘူး။ အရင်ဆုံး စစ်တပ်က တာဝန် ရှိသူ တွေကို သွားပြော ရတယ်။ အဲတော့မှ အဖွားကို သွားကူနိုင်တာ” ဟု သိန္နီရောက် မိုင်းပွန်းဟွေ ရွာသား စိုင်းအောင် က ပြောပါသည်။
ဂျူလိုင်လ ၄ ရက် မနက် ၈ နာရီကျော် အသက် ၇၀ ကျော်ရှိ နိုင်းပူးဆိုသည့် အဖွားအို တဦး တောထဲ၌ ထင်းသွားရှာရန် နေအိမ်မှ ထွက်လာကြောင်း၊ မိုင်းပွန်းဟွေရွာအနီး သွားရောက်အခြေ စိုက်လှုပ်ရှားသည့် ခမရ ၅၆၇ အခြေစိုက်ရ တပ်စခန်းအနီး ရောက်ရှိစဉ် မိုင်းနင်းမိခြင်းဖြစ်ကြောင်း သိရသည်။ မိုင်းနင်းမိ၍ အဖွားတွင်ခြေ ၂ ဘက်လုံးပြတ်သွား ကြောင်း ဆိုပါသည်။
“ဆေးရုံခေါ်သွားတုန်းကတော့ လမ်းမှာ အသက်ရှိသေးတယ်။ ဆေးရုံရောက်တော့ အသက်မရှိတော့ဘူး။ အဲဒီနေ့မှာဘဲ သဂြိုလ်လိုက်ကြတယ်။ ရွာသူရွာသားတွေတော့ တအားကြောက်နေတယ်။ အဲဒီမြေမြှုပ်မိုင်းက သူတို့လုံခြုံရေးအရ သူတို့ပဲထောင်ထား တယ် ထင်တယ်” ဟု စိုင်းအောင်က ပြောပါသည်။
အဖွားနိုင်းပူးတွင် သားတယောက် ရှိသော်လည်း ထိုင်းနိုင်ငံ အတွင်း သွားရောက် အလုပ်လုပ် ကိုင် ကြောင်း၊ သို့သော် မိခင် သေဆုံးမှုသတင်း ပေးပို့ရန်လည်း သတင်းအစအန လုံးဝ မရရှိကြောင်း ဆို၏။
“ရွာသူရွာသားတွေက ဒီတောတောင်ကို အမှီပြုပြီး နေထိုင်ကြရတာ။ ရွာအနီးပတ်ဝန်း ကျင်မှာ မိုင်းမမြုပ်သင့်ဘူး။ တကယ်လို့ သူတို့မြုပ်မယ်ဆိုရင်လည်း ရွာသူ ရွာသား တွေကို အသိပေး သင့်တယ်။ ဒီအနီး တဝိုက် အတွင်း မလာနဲ့ ဆိုပြီတော့ပေါ့ဗျာ။ ဒီလိုဆိုရင် ရွာသူ ရွာသား တွေဘဲ နစ်နာတယ်လေ” ဟု သိန္နီလူငယ် စိုင်းလောဝ် က ပြောပါသည်။
မိုင်းပွန်းဟွေရွာသည် သိန္နီမြို့နယ် ကောင်းကော်ကျေးရွာအုပ်စု၌ ပါဝင်ပြီး သိန္နီမြို့ နှင့် မိုင် ၃၀ ကျော် ကွာဝေးသည်။
Tags: Crime, News