တနိုင်ငံလုံး အပစ်အခတ် ရပ်နိုင်ရေး အထောက်အကူဖြစ်စေရန်ရည်ရွယ်၍ သျှမ်းပြည် တပ် မတော် RCSS/SSA နှင့် ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်း ကော်မတီ UPWC အစိုးရကိုယ်စားလှယ်တို့ တနင်္ဂနွေနေ့ (၅၊၇၊၂၀၁၅) က ထိုင်းနိုင်ငံ ချင်းမိုင်မြို့ ၌ တွေ့ဆုံကြသည်။

ချင်းမိုင်မြို့ ရှိတ်အစ်တားနား ဟော်တယ်၌  RCSS/SSA နှင့်  UPWC တို့မတွေ့ဆုံမှီ

ချင်းမိုင်မြို့ ပါတက်ရပ်ကွက်ရှိ ရှိတ်အစ်တားနား ဟော်တယ်၌ ဝန်ကြီး ဦးအောင်မင်း ဦး ဆောင်သည့်အဖွဲ့နှင့် သျှမ်းပြည်တပ်မတော် RCSS/SSA အထွေထွေ အတွင်းရေးမှူး၊ ပြော ရေးဆိုခွင့်ရ ပုဂ္ဂိုလ် ဗိုလ်မှူးကြီးစိုင်းလှနှင့် အတိုင်အပင်ခံ ပုဂ္ဂိုလ် ဦးခွန်စိုင်းတို့ တက်ရောက် ခဲ့ကြသည်။

အဆိုပါ တွေ့ဆုံမှုနှင့် ပတ်သက်ပြီး ဗိုလ်မှူးကြီး စိုင်းလှ က - “တနိုင်ငံလုံး အပစ်အခတ် ရပ်စဲ ရေးလုပ်နိုင်ဖို့၊ အဲဒီကနေ တဆင့် အမြန်ဆုံး နိုင်ငံရေးဆွေးနွေးပွဲဖြစ်ဖို့ စတာတွေ ကို  ဆွေး နွေးဖြစ်ကြတယ်။ ဦးအောင်မင်းကနေပြီးတော့ ကနေ့ သွားနေတဲ့ ငြိမ်းချမ်းရေး အခြေအ နေကို ရှင်းပြတယ်” - ဟု သျှမ်းသံတော်ဆင့်အားပြောပြသည်။

ဂျူလိုင် ၃ ရက်နေ့နှင့် ၄ ရက်နေ့ကလည်း တိုင်းရင်းသားလက်နက်ကိုင်တပ်ဖွဲ့ အပစ်အခတ် ရပ်စဲရေးဆိုင်ရာ အဆင့်မြင့်ညှိနှိုင်းရေး ကိုယ်စားလှယ်အဖွဲ့ EAO’ SDCN နှင့်လည်း ဦးအောင်မင်း ဦးဆောင်သည့် ကိုယ်စားလှယ်အဖွဲ့တို့ တွေ့ဆုံခဲ့ပါသေးသည်။
အဲဒီတွေ့ဆုံပွဲမှ နှစ်ဘက်ကိုယ်စားလှယ်များက လာမည့် ဂျူလိုင် ၁၂-၁၄ ရက်နေ့အကြား ထပ်မံတွေ့ဆုံနိုင်ရန် သဘောတူညီမှု ရှိကြသည် သိရသည်။