လွှတ်တော်မှာ အမျိုးသမီး ၃၀ ရာခိုင်နှုန်း နေရရအောင်ဆိုတဲ့ အမျိုးသမီးထုရဲ့ရည်ရွယ်ချက်နဲ့ လာမယ့် ရွေးကောက်ပွဲမှာ ၀င်ရောက်ယှဉ်ပြိုင်မယ့် နိုင်ငံရေးပါတီ အသီးသီးမှာ အမျိုးသမီးအင်အားထု အများအပြား နေရာယူလာနိုင် ခဲ့ပါတယ် ။ ၂၀၁၅ ရွေးကောက်ပွဲမှာ အနိုင်မရရင်တောင်လည်း ၂၀၂၀ ရွေးကောက်ပွဲအတွက် မျိုးစေ့ချပေးနိုင်အောင် ရည်ရွယ်တယ်လို့  FUP က အမျိုးသမီးကိုယ်စားလှယ်လောင်းက ပြောပါတယ် ။ နိုင်ငံရေးထဲ အခြေချလာတဲ့ အမျိုးသမီးတယောက်အနေနဲ့ ဘယ်လိုအခက်အခဲတွေ ရင်ဆိုင်ရပါသလဲဆိုတာကို သျှမ်းသံတော်ဆင့်က ယိင်းတိုင်းကနေ ဖယ်ဒရယ်ပြည်ထောင်စုပါတီ (FUP) ကလောပြည်သူ့လွှတ်တော်ကိုယ်စား လှယ်လောင်း မဖြိုးသီရိ နှင့် တွေ့ဆုံမေးမြန်းထားပါတယ် ။

မေး ။     ။ အမျိုးသမီး ကိုယ်စားလှယ်တစ်ဦးအနေနဲ့ ရွေးကောက်ပွဲမှာဝင် ရောက်ယှဉ်ပြိုင်ဖို့ဘယ်လို အရာတွေက တွန်းအားပေးခဲ့တာလဲ ။


ဖြေ ။     ။ ကျမ အရင်က SSWDO ဆိုတဲ့ အမျိုးသမီးအဖွဲ့အစည်းတစ်ခုမှာ ၀င်ရောက်လုပ်ကိုင်ဖူးတဲ့ အတွက် အမျိုးသမီးတွေရဲ့ တကယ်ခံစားနေရတဲ့ ခံစားချက်တွေကို မြင်လာခဲ့ရတယ် ။ ဘာကြောင့် အမျိုးသမီး တွေက နိုင်ငံရေး မှာမပါဝင်လာခဲ့ရသလဲ ဆိုတာမြင်လာတယ် ။ အမျိုးသမီးချင်းတူတာတောင် အိမ်ထောင်ရှင် အမျိုးသမီးနဲ့ လူလွတ်အမျိုးသမီးနဲ့က ကွာတယ် ။ အားပိုထည့် နိုင်တာက လူလွတ်တွေပေါ့ ၊ အိမ်ထောင်ရှင် အမျိုးသမီးတွေအတွက်တော့  တစ်ဖက်မှာလည်း မိသားစုတာဝန် တဖက်နိုင်ငံရေး တာဝန်တွေ ထမ်းဆောင် ရတဲ့အခါ ဘယ်တစ်ခုမှ မလစ်ဟင်းရဘူးဒေါင့်စေ့အောင်လုပ်နိုင်ရမယ် ။ အိမ်ထောင်ရှင် အမျိုးသမီး တစ်ယောက် အနေ နဲ့နိုင်ငံရေးလောကမှာ ဘယ်လို ပါဝင်ခွင့် ကြိုးစားခွင့် ရနိုင်ပါတယ်ဆိုတဲ့ သက်သေထူချင်တဲ့  ဥပမာ အနေနဲ့ ပြချင်တဲ့ စိတ်တွေက ကျမကို ကိုယ်စားလှယ်လောင်း တစ်ဦးဖြစ်လာစေဖို့ တွန်းအား ဖြစ်စေခဲ့ပါတယ် ။


မေး ။      ။ စည်းရုံးမဲဆွယ်တဲ့အခါ ၊ ဘယ်အရာတွေ ဘယ်အချက်တွေကို အဓိကထားပြောချင်သလဲ ။


ဖြေ ။      ။ ကျမတို့ပါတီက ဖယ်ဒရယ်ကို အခြေခံထားတဲ့အတွက်တိုင်း ရင်းသားတွေကို ဖယ်ဒရယ်နဲ့ပတ်သက် တာတွေ ပြောပြချင်ပါတယ် ။ မြို့ပေါ်မှာရှိတဲ့ ပြည်သူတွေအနေနဲ့ ဖယ်ဒရယ်ကို တီးမိခေါက်မိကြပေမဲ့ ကျန်တဲ့ တိုင်းရင်းသားဒေသတွေမှာ ဖယ်ဒရယ်ကိုနားမလည်ကြဘူး ၊ ကောင်းကောင်း သဘောမပေါက်တာ တွေရှိနေပါ တယ် ။ ဖယ်ဒရယ်ဆိုတာ ခွဲထွက်ရေးမဟုတ်ဘူးဆိုတာ ရှင်းပြချင်တယ် ။ နောက်တစ်ခုက ပြည်သူတွေအနေနဲ့ လွှတ်တော်အကြောင်းကိုလဲ ကောင်းကောင်းနားမလည် ကြသေးဘူး ။ ဘယ်သူတွေက ဘယ်အပိုင်းမှာ ဘယ်လိုလုပ်ရတယ်ဆိုတာတွေ ၊ အမျိုးသမီးတွေဘာကြောင့် ရှေ့တက်လာရသလဲဆိုတဲ့အကြောင်းတွေကို အဓိကထား ပြောပြသွားမှာ ဖြစ်တယ် ။


မေး ။     ။ အနိုင်ရခဲ့ရင် အမျိုးသမီးနဲ့ကလေး သူငယ်တွေအတွက် ဘာတွေလုပ်ဆောင်ပေးမှာလဲ ။ နောက်ပြီး နိုင်ငံရေးလုပ်ဆောင်ချက်တွေ ၊ အထူး သဖြင့် ရှမ်းပြည်နယ်ရဲ့ နိုင်ငံရေးနဲ့ပတ်သက်ပြီးဘယ်လို ပြုပြင်ပြောင်း လဲမှု မျိုးတွေလုပ်ဆောင်ချင်သလဲ ။


ဖြေ ။     ။ အနိုင်ရခဲ့ရင် အမျိုးသမီးနဲ့ပတ်သက်တဲ့ အခွင့်အရေးတွေ ၊ ဥပမာ - စီဒေါ အစိုးရကအရင်ကတည်းက နိုင်ငံတကာမှာလက်မှတ်ထိုးပြီး သား ၊ ဒါတွေကို ပြည်သူတွေ မသိသေးဘူး ၊ဒါတွေကို အသက်ဝင်လာအောင် လွှတ်တော်ထဲမှာ အသက်သွင်းမယ် ။ ကလေးသူငယ်အခွင့်အရေးတွေကို လည်း ဥပဒေဘောင်အတွင်းကနေလုပ် ဆောင်သွားမယ် ။ နိုင်ငံရေးဖက်မှာ ၂၀၀၈ အခြေခံဥပဒေကို ပြင်နိုင်အောင် တိုင်းရင်းသားတွေစုပေါင်းပြီး ဥပဒေ အတွင်းမှာ လက်တွဲပြီးလုပ်ဆောင်သွားမယ်  ။


မေး ။      ။ ၂၀၁၅ ရွေးကောက်ပွဲအပြီးမှာ ထွက်ပေါ်လာမယ့် အစိုးရအသစ်တရပ်အတွက် ဘယ်လိုအစိုးရမျိုးကို မျှော်လင့်ထားသလဲ ။


ဖြေ ။      ။ လူထုအတွက် တကယ်အကျိုးရှိမယ့် အစိုးရတစ်ရပ်ကိုမျှော် လင့်တယ် ၊ လူထုတွေရွေးချယ်မှု မှန်ကန်သွားခဲ့ရင်ပေါ့ ။


မေး ။      ။ အနိုင်မရခဲ့ရင် ဘာတွေဆက်လုပ်ဆောင်သွားဖို့ ရှိသလဲ ။


ဖြေ ။      ။ အနိုင်မရခဲ့ဘူးဆိုလဲ လက်လှမ်းမှီသလောက် ကျေးရွာတွေမှာ ဖွံ့ဖြိုးတိုးတက်ရေး တွေကို CSO တွေနဲ့ပူးပေါင်းပြီး အလုပ်လုပ်သွားမယ် ။ အဓိက ၂၀၂၀ မှာ အမျိုးသမီးတွေလွှတ်တော်ထဲပိုမို ၀င်ရောက်ဖို့ ကျမနေနဲ့ တွန်းအားပေးသွားမှာဖြစ်ပါတယ် ။


မေး ။      ။ ၂၀၁၅ ရွေးကောက်ပွဲကြီး ကို ၀င်ရောက်ယှဉ်ပြိုင်မယ့်ကိုယ် စားလှယ်လောင်တစ်ဦးအတွက် ဘယ်လိုအရာတွေက စိုးရိမ်စိတ်တွေဖြစ်ပေါ် စေခဲ့စသလဲ ။


ဖြေ ။      ။ အဖွဲ့အစည်းတွေ ပါတီတွေအရမ်းများတဲ့အခါ ပြည်သူတွေ အနေနဲ့ လတ်တလောမက်လုံးလေး တွေကို ခဏသာပျော်ရွှင် ဖို့အတွက် ငါးနှစ်လုံးလုံး ပေးဆပ်ရမှာကို မမြင်မှာစိုးရိမ်တယ် ၊ မဲစာရင်းတွေက အရင် ကထက်စာရင် ပိုပြီးကြည့်ရခက်သွားတဲ့အတွက်  ကျေးလက်ဒေသ နေပြည်သူတွေအတွက် အချိန်မပေးနိုင်မှာ နားမလည်မှာ အရမ်းစိုးရိမ်မိ တယ် ။


တိုင်းရင်းသား ပါတီ ၁၆ ခု စုပေါင်းဖွဲ့စည်း ထားတဲ့ ဖက်ဒရယ် ပြည်ထောင် စုပါတီ FUP ဟာ လာမည့် နိုဝင်ဘာ၂၀၁၅ အထွေထွေ ရွေးကောက်ပွဲ မှာ ပြည်ထောင်စု တဝှမ်းလုံး  ၃၄ မြို့နယ်မှာ ဝင်ရောက် ယှဉ်ပြိုင် မယ်လို့သိရပါတယ်။လက်ရှိ FUP မှာ ပါတီဥက္ကဌက ဦးစောသန်းမြင့် (သျှမ်း) ၊ ဒုဉက္ကဌ ဦးစဝ်သာဦး (သျှမ်း) အတွင်းရေးမှူး ၁ ဦးကျော်ဇံသာ (ရခိုင်) အတွင်းရေးမှူး ၂ ဒေါ်ကလျာစိုး (ရခိုင်၊ မွန်) တို့က တာဝန်ယူ ထားပါတယ် ။