သျှမ်းသံတော်ဆင့် သတင်းဌာနအား စတင်တည်ထောင်သူ ဦးခွန်ဆာ ဦးဆောင်သော MTA တပ်မတော် ၊ ဗိုလ်မိုးဟိန်းဦးအောင်သော TRC/TRA တပ်မတော် အဆက်ဆက်တို့တွင် အမျိုးသားရေးအတွက် အစဉ်တာဝန်ထမ်းဆောင် သူ ဦးခွန်စိုင်း (ခေါ်) ခွန်းဆေ ရေးသားသော ကျနော်သူပုန်ဖြစ်လာပုံ စာအုပ် ထုတ်ဝေလိုက်သည် ။

၂၀၁၂ က Burma Center for Ethnic Studies က ဒါရိုက်တာ ဒေါက်တာ လျန်မုန်းဆခေါင်းက ကျနော့်ကို ကျနော့်ဘဝလှုပ်ရှားမှု သမိုင်းတစိတ်တပိုင်း နဲ့ တော်လှန်ရေးထဲ ဝင်လာရတဲ့အကြောင်းကို ရေးခိုင်းတယ် ။ ဘာကြောင့် တိုင်းရင်းသားတွေ လက်နက်ကိုင်ပြီးတော်လှန်ရေးလုပ်ရသလဲ ဆိုတာပေါ့ ။ လူတိုင်းဖတ်လို့ရအောင် ဗမာလိုရေး ဖြစ်ပါတယ် ။ အဓိကကတော့ ရှေ့ ဆက်မှာ သူပုန်ထပ်မပေါ်ပေါင်လာအောင် ရည်ရွယ်ပါတယ် ။ - ဟု စာရေးသူ ခွန်းဆေ ကပြောသည် ။


ကျနော် သူပုန်ဖြစ်လာပုန် (The making of a Rebel ) စာအုပ်ကို ခွန်းဆေက ၂၀၁၂ တွင်စတင်ရေးသားခဲ့သည် ။ ၂၀၁၃ တွင် BCES ထံ ပေးပို့ခဲ့သည် ။ ရန်ကုန်ပန်းဝေဝေစာပေမှ အုပ်ရေ ၁၀၀၀ ထုတ်ဝေခဲ့ပါသည် ။ စာမျက်နှာ ၁၀၄ မျက်နှာပါရှိသည် ။


ကျနော်တို့ ငယ်ငယ်တုန်းက ဗမာကြားထဲမှာနေလာတယ် ။ ဗမာအဝတ်အစား ဗမာစကားတွေ ပြောတယ် ။ သျှမ်းစစ်စစ်ကနေ ဗမာဖြစ်လုဖြစ်ခင်မှာ ဘာအကြောင်းအချက်ကများ ကျနော့်ကို သျှမ်းသူပုန်ဘဝရောက်အောင် ပို့ဆောင်ခဲ့ သလဲ ၊ အဲလိုမျိုး မှားယွင်းတဲ့ ပေါ်လစီ မူဝါဒ ထပ်မံမဖြစ်ပွါးအောင် သတိထားသင့်တဲ့အချက်လေးတွေ စာအုပ်ထဲမှာပါပါတယ် ။ - ဟု ဦးခွန်စိုင်းက ပြောသည် ။


ဦးခွန်စိုင်းသည် တော်လှန်ရေးသမားဘဝတွင် ၂၇ နှစ်ကြာလှုပ်ရှားရင်း ဦးခွန် ဆာလက်နက်ချပြီးနောက် ၂၀၁၃ ခုနှစ်အထိ နှစ် ၂၀ နီးပါး သျှမ်းသံတော်ဆင့် သတင်းဌာနတွင် အယ်ဒီတာချုပ်အဖြစ်တာဝန်ထမ်းဆောင်ခဲ့သည် ။


ထိုနောက်ပိုင်း လက်ရှိအချိန်အထိ အစိုးရနှင့်တိုင်းရင်းသားလက်နက် ကိုင် တပ်ဖွဲ့တို့အကြား ငြိမ်းချမ်းရေးဖော်ဆောင်ရေး လုပ်ငန်း အတွက် အဓိက ပံ့ပိုးပေးမှုလုပ်ဆောင်နေသည့် ပြည်ထောင်စု အင်စတီကျုရုံးတွင် ဒါရိုက်တာ အဖြစ် တာဝန်ထမ်းဆောင် နေပါသည် ။