NCA ထိုးခွဲလိုက်သည့် UNFC နှင့် SD တို့၏ စုစည်းအား



တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်NCAကို လက်မှတ်ရေးထိုးခြင်း ၊ မရေးထိုးခြင်းအပေါ် သဘောထားအမြင်ချင်း ကွဲပြားခြားနားသဖြင့် တိုင်းရင်းသား လက်နက်ကိုင် တော်လှန်ရေးအဖွဲ့အစည်းတို့၏ ဥသျှောင်သဖွယ်ဖြစ်သည့် ညီညွှတ်သော တိုင်းရင်းသား လူမျိုးများ ဖက်ဒရယ်ကောင်စီ(UNFC)နှင့် အဆင့်မြင့်ညှိနှိုင်းရေး ကိုယ်စားလှယ်အဖွဲ့ (SD) တို့၏ မဟာမိတ်အဖွဲ့ဝင်များအကြား အက်ကြောင်းများ ၊ အကွဲအပြဲများ ဖြစ်ပေါ်စေခဲ့၏ ။ ထိုးမည့်အဖွဲ့နှင့် မထိုးမည့်အဖွဲ့ဟူ၍ နှစ်ခြမ်းကွဲသွား၏ ။ UNFC နှင့် SD တို့၏စုစည်းအားကို NCA က ထိုးခွဲလိုက်ခြင်းဖြစ်သဖြင့် တိုင်းရင်းသားတို့၏ အနာဂတ်နိုင်ငံရေး ၊ စစ်ရေးအတွက် ရင်လေးစရာဖြစ်၏ ။ ကွဲသွားသည့် စုစည်းအား ညီညွတ်အားကို မည်သူက အစေးကပ် ဂဟေဆော် ပြန်ဆက်ပေးမည်နည်း ။


ဤသို့ အကွဲအပြဲဇာတ်လမ်း ဖြစ်ပေါ်မည်ကို စိုးရိမ်၍ သြဂတ်စ်လတွင် စာရေးသူက "UNFC နှင့် SD တို့၏ စုစည်းအားကို မှတ်ကျောက်တင်ခံရမည့်အချိန် ရောက်ပြီ" ဆိုသည့် ဆောင်းပါဖြင့် သျှမ်းသံ တော်ဆင့်တွင် သတိပေးရေးခဲ့ဖူး၏ ။ (အကျယ်ကို http://www.burmese.panglong.org/2008-08-01-03-24-54/2008-08-01-03-23-29/5415-unfc-sd-.htmlတွင် ဖတ်ရှုနိုင်၏ ။)


အခုတော့ တိုင်းရင်းသားတို့၏ စုစည်းညီညွတ်အားသည် မှတ်ကျောက်တင်မခံနိုင်ဘဲ မိုးတိမ်လွှာကဲ့ သို့ လေတိုက်လျှင် လွှင့်ပြယ်ပျောက်ကွယ်သွားသည်ကို ဝမ်းနည်းဖွယ် မြင်တွေ့ရ၏ ။ အဘယ်ကြောင့် တိုင်းရင်းသားတို့၏ စုစည်းအား အစိတ်စိတ် အမွှာအမွှာ ဖြစ်သွားခဲ့သည်ကို တူးဆွကြည့်သင့်၏ ။


ကိုးကြိမ်မြောက် NCA ဆွေးနွေးပွဲတွင် စာချုပ်ကို အချောသတ်နိုင်ခဲ့သော်လည်း စာချုပ်တွင် ပါဝင်လက်မှတ်ရေးထိုးမည့် တိုင်းရင်းသား အဖွဲ့အစည်း အရေအတွက် နှင့် ပတ်သက်၍ နှစ်ဘက် စလုံး ညှိမရနိုင်သဖြင့်  လက်မှတ်ရေးထိုးရေးကိစ္စ နှေင့်နှေးကြန့်ကြာခဲ့ကြောင်း သိရ၏ ။ ဤအချက် ကို နှစ်ဘက်ထိပ်သီးခေါင်းဆောင်များ စက်တင်ဘာ ၉ ရက်နေ့၌ နေပြည်တော်တွင် တွေ့ဆုံဆွေးနွေးပြီး အပြီးသတ် ဆုံးဖြတ် ပေးရန် ဆောင်ရွက်ခဲ့သော်လည်း အထမမြှောက်ခဲ့ပေ ။


ရက္ခိုင့်တပ်မတော် (AA) ၊ ရခိုင် အမျိုးသားကောင်စီ (ANC) ၊ လားဟူဒီမိုကရက်တစ် ယူနီယံ(LDU) ၊ မြန်မာ အမျိုးသား ဒီမိုကရေစီ မဟာမိတ် တပ်မတော် − ကိုးကန့်အဖွဲ့ (MNDAA) ၊ ပလောင် ပြည်နယ် လွတ်မြောက်ရေး တပ်ဦး (PSLF) / တအာင်း အမျိုးသားလွတ်မြောက်ရေး တပ်မတော် (TNLA) နှင့် ဝအမျိုးသား အဖွဲ့ချုပ် (WNO) တို့ကို NCA တွင် လက်မှတ်ရေးထိုးရန် အစိုးရက လက်မခံသဖြင့် လက်မှတ်ရေးထိုးရေးသည် ဆင်ကောင်ကြီး အမြီးကျမှတစ်သလို ဖြစ်သွားခဲ့၏ ။


စက်တင်ဘာလ ၉ ရက် နေပြည်တော်ဆွေးနွေးပွဲတွင် အစိုးရဘက်မှ လက်မှတ်ရေးထိုးခြင်းကို စက် တင်ဘာလ ၂၉ ရက်တွင် ကျင်းပရန် အဆိုပြုသော်လည်း တိုင်းရင်းသားများဘက်က အောက်တို ဘာလလယ်တွင် ရေးထိုးရန် ပြန်လည်အဆိုပြုခဲ့ကြောင်းသိရ၏ ။


သို့အတွက်ကြောင့် NCA လက်မှတ်ထိုးခြင်း မထိုးခြင်းနှင့် ပတ်သက်ပြီး တိုင်းရင်းသား လက်နက်ကိုင် တော်လှန်ရေး အဖွဲ့အစည်းတို့အတွက် နောက်ဆုံးအပြီးသတ် ဆုံးဖြတ်ချက်ပေးနိုင်ရန် ယင်းတို့၏ ထိပ်သီးခေါင်းဆောင်များ အစည်းအဝေးကြီးကို ချင်းမိုင်တွင် စက်တင်ဘာလ ၂၈ ရက်မှ ၃၀ ရက်အထိ ကျင်းပခဲ့၏ ။ ဤအစည်းအဝေးသို့ UNFC နှင့် SD တို့၏ အဖွဲ့ဝင်များ အပြင် အမျိုးသား ဒီမိုကရက်တစ် မဟာမိတ် တပ်မတော် − မိုင်းလားအဖွဲ့ (NDAA) နှင့် သျှမ်းပြည်ပြန်လည်ထူထောင်ရေးကောင်စီ (RCSS) တို့ပါ တက်ရောက်သဖြင့် အစည်းအဝေးတက် ရောက်သည့် အဖွဲ့ပေါင်း ၁၉ ဖွဲ့ဖြစ်သွား၏ ။ ကျန်နှစ်ဖွဲ့ဖြစ်သည့် နာဂအမျိုးသား ဆိုရှယ်လစ်ကောင်စီ (NSCN-K) နှင့် ဝ ပြည် သွေးစည်းညီညွတ်ရေး တပ်မတော် (UWSA) တို့ကတော့ ပါဝင် တက်ရောက်ခြင်း မရှိချေ ။ အဖွဲ့အစည်းတိုင်း၏ ထိပ်သီးခေါင်ဆောင်များလည်း စုံစုံလင်လင် တက် ရောက်သည်ကို တွေ့ရှိရ၏ ။


အစည်းအဝေးတွင် NCA ထိုးရေးမထိုးရေးနှင့် ပတ်သက်၍ အကြီးအကျယ် ၊ အခြေအတင် ၊ အငြင်း အခုံ ၊ ရှုထောင့်ပေါင်းစုံဖြင့် အဖွဲ့အစည်းအသီးသီးက တင်ပြဆွေးနွေးခဲ့ကြ၏ ။ နောက်ဆုံး၌ တိုင်းရင်းသား လက်နက်ကိုင် တော်လှန်ရေး အဖွဲ့အစည်းတို့အတွင်းတွင် လတ်တလော NCA လက်မှတ်ရေးထိုးနိုင်သည့် အဖွဲ့အစည်းများနှင့် လတ်တလော NCA လက်မှတ်မထိုးနိုင်သေးသည့် အဖွဲ့အစည်းများ ဟူ၍ ကွဲပြားနေခြင်းသည် သက်ဆိုင်ရာ အဖွဲ့အစည်းတို့၏ ကိုယ်ပိုင် ဆုံးဖြတ်ချက်များ ဖြစ်သည့်အတွက် အစည်းအဝေး ကျင်းပရေးကော်မတီအနေနှင့်ရော အစည်းအ ဝေး သဘာပတိအဖွဲ့ဝင်များ အနေဖြင့်ပါ ဤကွဲပြားချက်ကို မလွဲမရှောင်သာ အသိ အမှတ်ပြုခဲ့ရ၏ ။ သဘောတူခဲ့ရ၏ ။


NCAလက်မှတ်ရေးထိုးခြင်းနှင့် ပတ်သက်၍ ထိပ်သီးအစည်းအဝေးတက်ရောက်သည့် အဖွဲ့အစည်း ၁၉ဖွဲ့အနက် လတ်တလော ထိုးရန် ဆုံးဖြတ်သည့် အဖွဲ့များမှာ ၇ဖွဲ့ရှိပြီး လတ်တလောမထိုးနိုင် သေးဟု ဆုံးဖြတ်သည့် အဖွဲ့များမှာ ၁၁ ဖွဲ့ရှိသည်ဟု သိရ၏ ။ RCSS အနေဖြင့်မူ ဆုံးဖြတ်ချက်ပါမလာကြောင်းသာ အစည်းအဝေးတွင် တင်ပြသွားခဲ့၏ ။


လတ်တလော ထိုးရန် ဆုံးဖြတ်သည့် အဖွဲ့များမှာ ၇ဖွဲ့ကိုလေ့လာကြည့်လျှင် ရခိုင် လွတ်မြောက်ရေးပါတီ (ALP) ၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ၊ ချင်းအမျိုးသားတပ်ဦး (CNF) ၊ ဒီမိုကရေစီအကျိုးပြု ကရင်တပ်မတော် (DKBA) ၊ ကရင်အမျိုးသား အစည်းအရုံး (KNU) ၊ ကရင်ငြိမ်း ချမ်းရေးကောင်စီ KNU/KNLA-PC နှင့် ပအိုဝ်းအမျိုးသား လွတ်မြောက်ရေး အဖွဲ့ချုပ် (PNLO)တို့ဖြစ်ကြသည်ကို တွေ့ရ၏ ။


လတ်တလောမထိုးနိုင် သေးဟု ဆုံးဖြတ်သည့် အဖွဲ့ ၁၁ဖွဲ့မှာ ရက္ခိုင့်တပ်မတော် (AA) ရခိုင် အမျိုးသားကောင်စီ (ANC) ၊ ကချင်လွတ်လပ်ရေးအဖွဲ့ (KIO) ၊ ကရင်နီ အမျိုးသား တိုးတက်ရေး ပါတီ (KNPP) ၊ လားဟူဒီမိုကရက်တစ်ယူနီယံ (LDU) ၊ မြန်မာ အမျိုးသား ဒီမိုကရေစီ မဟာမိတ် တပ်မတော် − ကိုးကန့်အဖွဲ့ (MNDAA) ၊ အမျိုးသား ဒီမိုကရက်တစ် မဟာမိတ် တပ်မတော် − မိုင်းလားအဖွဲ့ (NDAA) ၊ မွန်ပြည်သစ်ပါတီ (NMSP) ၊ ပလောင် ပြည်နယ် လွတ်မြောက်ရေး တပ်ဦး (PSLF) / တအာင်း အမျိုးသားလွတ်မြောက်ရေး တပ်မတော် (TNLA) ၊ သျှမ်းပြည်တိုးတက်ရေး ပါတီ (SSPP) နှင့်  ဝ အမျိုးသား အဖွဲ့ချုပ် (WNO) တို့ဖြစ်ကြောင်း သိရ၏ ။


ကိုင်း…သည်လောက်ဆိုလျှင် NCA ကြောင့် တိုင်းရင်းသား လက်နက်ကိုင် တော်လှန်ရေး အဖွဲ့အစည်းတို့အကြား အတိအလင်း နှစ်ခြမ်းကွဲသွားခြင်းသည် လူသိရှင်ကြား ကမ္ဘာသိ မြန်မာသိ တိုင်းရင်းသားသိ ဖြစ်သွားကြကြောင်းကို သက်ဆိုင်ရာ တိုင်းရင်းသား အဖွဲ့အစည်းများက လက်ခံရမည်သာ ဖြစ်၏ ။


ဘာကြောင့် ဤသို့ဖြစ်ရသနည်း လေ့လာဆန်းစစ်ကြည့်လျှင် အချက်ပေါင်းများစွာ ရှိသည်ကို တွေ့ရှိရ၏ ။ တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ၏ မတူညီသည့် ရည်မှန်းချက် ၊ ရပ်တည်ချက်များရှိခြင်း ၊ အားလုံးဘုံအကျိုးထက် မိမိအဖွဲ့အစည်း အကျိုးကိုသာ ရှေ့တန်းတင် ဦးစားပေး၍ ကိုယ်လွတ်ရုန်းခြင်း ၊ အားလုံးပါဝင်ရေးမူကို ဆုပ်ကိုင်ထားသည့် အဖွဲ့များနှင့်  လက်တွေ့ဆန်သည့် ထိုးနိုင်သော အဖွဲ့များသာ ပါဝင်ရေးမူကို စွဲကိုင်ထားသည့် အဖွဲ့များကြား အပေးအယူ အလျှော့အတင်း မလုပ်နိုင်ခြင်း ၊ လက်ရှိအစိုးရ လက်ထက်တွင် ထိုးချင် သည့်အဖွဲ့များနှင့် နောင်တက်လာမည့် အစိုးရအဖွဲ့သစ် လက်ထက်ကျမှ ထိုးချင်သည့် အဖွဲ့များအ ကြား ဆန္ဒလွန်ဆွဲပွဲ သုံးလွန်းတင်ကြိုးကြီး ပြတ်တောက်သွားခြင်း ၊ အဆောတလျင်ထိုးပြီး ရသလောက် ယူမည့် အဖွဲ့များနှင့် သေချာသည့်နိုင်ငံရေး ၊ စစ်ရေး အာမခံချက်ရမှ အချိန်ယူပြီး ထိုး မည့်အဖွဲ့များကြား အယူအဆများ ညှိနှိုင်းမရခြင်း စသည့် အချက်များသည် အဓိကအချက်များ ဖြစ်ကြမည်ထင်၏ ။


ဤကဲ့သို့ အရေးကြီး သေရေးရှင်ရေး ဖြစ်နေသည့်အချိန် ၊ တိုင်းရင်းသားတွေ တသွေး ၊ တသံ ၊ တသားတည်း၊ လက်ရည်တပြင်တည်း ဖြစ်ရမည့်အချိန်တွင် ထင်ထင်ရှားရှား ထက်ခြမ်းကွဲသွားသည့် တိုင်းရင်းသားတို့၏ ညီညွတ်မှု စုစည်းအားကို UNFC နှင့် SD တို့က ဘယ်ပုံဘယ်နည်းဖြင့် အစေးပြန်ကပ် ၊ ဂဟေဆော် ပြန်ဆက်စပ်ပေးမည်ကို လူထုအားလုံးက အလွန့်အလွန် သိချင်နေကြ၏ ။


NCA ထိုးမည့်အဖွဲ့နှင့် မထိုးမည့်အဖွဲ့များအကြား  ရှေ့လုပ်ငန်းကိစ္စအဝဝနှင့် ပတ်သက်ပြီး ရှေ့ဆက်မည်ကဲ့သို့ ပူပေါင်းချိတ်ဆက် ဆောင်ရွက်မည်နည်း၊ NCCT နှင့် SD တို့ အနာဂတ် အခန်း ကဏ္ဍတွေကရော ဘာတွေဖြစ်မည်နည်း ၊ ဖျက်သိမ်းမလား ၊ ဆက်လက်ထားရှိမလား ဆိုသည်ကို အားလုံးက သိချင်နေကြ၏ ။ 


တိုင်းရင်းသားတို့၏ စုစည်းအားကို ပြန်လည်မတည်ဆောက်နိုင်ပါက ဘုံရန်သူကို လက်တွဲပူးပေါင်း တိုက်ခိုက်မည်မဆိုထားနှင့် မိမိတို့ အချင်းချင်းအပြန်အလှန် မတိုက်ခိုက်မိရလေအောင် မနည်း ကိုင်တွယ် လုပ်ဆောင်ရမည် ထင်၏ ။ အစိုးရက တိုင်းရင်းသားများအား တစ်ဖွဲ့ချင်း ဖဲ့ထုတ် ၊ ဆွဲထုတ်၊ ခွဲထုတ် လုပ်နေခြင်းသည် သူ့အလုပ်သူပုံမှန် လုပ်နေခြင်းဖြစ်၏ ။ တိုင်းရင်းသားများကသာ မည်ကဲ့သို့ တန်ပြန်ကာကွယ်ခုခံရမည်ကို နည်းလမ်းအဆင့်သင့်ရှာထားရမည်ဖြစ်၏ ။ သို့မဟုတ်ပါက ဓာတ်ပြားဟောင်း သမိုင်းဘီးသည် တစ်ပတ်ပြီးတစ်ပတ် ပြန်လည်လာမည်ဖြစ်၏ ။


မည်သို့ပင်ဖြစ်ဖြစ်၊ NCA က ထိုးခွဲလိုက်သည့် တိုင်းရင်းသားတို့၏ ညီညွတ်မှု စုစည်းအား တဖြစ်လဲ UNFC နှင့် SD တို့၏ စုစည်းအားကို ရွှေရည်စိမ် အတုအယောင် စုစည်းအားဟု သမိုင်းတွင် အပြောမခံရလေအောင် တိုင်းရင်းသား လက်နက်ကိုင် တော်လှန်ရေး အဖွဲ့အစည်းအားလုံးက  တိုင်းရင်းသား ပြည်သူလူထု တစ်ရပ်လုံး အကျိုးအတွက် မိမိတို့အချင်းချင်းကြား နားလည်မှု ၊ ယုံကြည်မှု ၊ အပြန်အလှန်အသိအမှတ်ပြုမှု ၊  ပူးပေါင်းဆောင်ရွက်မှု ၊ ခွင့်လွှတ်မှုနှင့် စိတ်ရှည်သည်းခံ မှု တို့ဖြင့် တိုင်းရင်းသား ပြန်လည်ရင်ကြားစေ့ရေးအား အဆောတလျင် ဆောင်ရွက်နိုင်ပါစေဟု ဆုတောင်းပေး၏။
စစ်မင်း


၂၀၁၅ ခုနှစ် ၊  အောက်တိုဘာလ ၂ ရက်




 
© 2012 All Rights Reserved | Asean Celebrity | Fonts @ AtFonts | Free Templates