ရွးကောက်ပွဲ အောင်နိုင်ထားသည့် ဒေါ်အောင်ဆန်းစုကြည် ဦးဆောင်သည့် NLD ပါတီအနေဖြင့် အစိုးရတာဝန်ယူ ရမည့် အချိန်နီးကပ်လာပြီ ဖြစ်သော်လည်း တိုင်းရင်းသားဒေသများတွင် အနိုင်ရရှိထားသော  မိတ်ဖက်တိုင်းရင်း သား ပါတီများနှင့် တွေ့ဆုံရန် တစ်စုံတစ်ရာကမ်းလှမ်းမှု မရှိသေးကြောင်း တိုင်းရင်းသား ပါတီအချို့က ပြောသည် ။

“ NLD က အလုပ်တော်တော် ရှုပ်နေပုံရပါတယ် ။ အခုထက်ထိကို ကျနော်တို့နဲ့မဆက်သွယ်သေး ပါဘူး ။ ကမ်းလှမ်း မှုတွေ ဘာတွေ မရှိသေးဘူး ။ ဒေါ်အောင်ဆန်းစုကြည် အနေနဲ့ရော NLD ပါတီ တစ်ခုလုံး အနေနဲ့ပေါ့ ။ အခြား တွေ့သင့်တွေ့ထိုက်တဲ့ အဖွဲ့အစည်း အသင်းအပင်းနဲ့လည်းတွေ့ပြီးပြီ ။ ကျနော်တို့ တိုင်းရင်းသားတွေကို ကျတော့ အခုလိုမျိုး အချိန်သိပ်မကျန်တော့တဲ့အချိန်မှာ မတွေ့နိုင်သေးတဲ့အတွက် စိတ်တော့မကောင်းဘူးပေါ့ ။” ဟု သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ ပြောရေးဆိုခွင့်ရှိသူ ဦးစိုင်းလိတ်က ပြောသည် ။


ရွေးကောက်ပွဲတွင် အနိုင်ရထားသည့် သျှမ်းတိုင်းရင်းသားများ ဒီမိုကရေစီအဖွဲ့ချုပ် ရခိုင် ၊ ဇိုမီး စသည့် ပါတီများမှာ ပြီးခဲ့သည့် နှစ်ပေါင်း ၂၀ ကျော်ကာလအတွင်း NLD နှင့် ရင်းနှီးသည့်ဆက်ဆံရေးရှိခဲ့သော မိတ်ဖက် တိုင်းရင်းသား ပါတီများဖြစ်ကြပြီး ဦးခွန်ထွန်းဦး ၊ ဦးအေးသာအောင် ၊ ဦးကျင် ရှင့်ထန် စသည့် တိုင်းရင်းသားခေါင်းဆောင်များမှာ စစ်အစိုးရ အံတုစေသည့် လှုပ်ရှားမှုဖြစ်သော လွှတ်တော်ခေါ် ယူရေး ကိုယ်စားပြုကော်မတီ CRPP ဖွဲ့စည်းရာ တွင်လည်း NLD နှင့် အတူ ပူးပေါင်း ပါဝင်ခဲ့သူများဖြစ်သည် ။


ယင်းအပြင် NLDမှ ဦးဆောင်ဖွဲ့စည်းမည့် အစိုးရအဖွဲ့တွင် NLD ပါတီဝင် မဟုတ်သည့် တိုင်းရင်းသားများ ကိုပါ ထည့်သွင်းဖွဲ့စည်းသွားမည်ဟု ရွေးကောက်ပွဲအပြီး ရက်ပိုင်းအတွင်းက ဒေါ်အောင်ဆန်းစုကြည်က ထုတ်ဖော်ပြော ဆိုဖူးသည် ။


သို့သော် ဒေါ်အောင်ဆန်းစုကြည်ပြောဆိုပြီးနောက်ပိုင်းတွင် NLDဗဟိုအလုပ်အမှုဆောင် နန်းခင်ထွေးမြင့်က NLD  ဦးဆောင်မည့်အစိုးရအဖွဲ့တွင် ပြည်နယ်ဝန်ကြီးချုပ်အဖြစ် ခန့်အပ်မည့် သူများမှာ NLD ပါတီဝင် တိုင်းရင်းသားများပင် ဖြစ်ရမည် ဟု Eleven Daily သတင်းစာသို့ ပြောဆိုထားပါသည် ။


လတ်တလောကာလအတွင်းတွင် NLD ပါတီမှ ပါတီတာဝန်ရှိသူတဦးဖြစ်ပြီးရခိုင်ပြည်နယ်ဝန်ကြီးချုပ်နေရာ အတွက် နာမည် ကြီးနေသူ ဦးညီပုကလည်း ပြည်နယ်အစိုးရနှင့်လွှတ်တော်တို့ကို ဦးဆောင်ဖို့အတွက် မည်သို့ ပူးပေါင်းဆောင် ရွက်ကြမည်ကို ရခိုင်အင်အားစုများနှင့် ဆွေးနွေးခဲ့ကြောင်း ဗွီအိုအေ အမေရိကန်အသံ သတင်းဌာနက ဖော်ပြသည် ။


NLD ပါတီအနေဖြင့်နေရာအများစု အနိုင်ရရှိခဲ့သော်လည်းရခိုင်ပြည်နယ်အတွင်းတွင်မူ ရခိုင်အမျိုးသားပါတီ ANP မှ နေရာအများစု အနိုင်ရရှိခဲ့ခြင်း ဖြစ်သည် ။


“ ANP အနေနဲ့ NLD ကမ်းလှမ်းလာရင် တွေ့ဖို့ ပြင်ဆင်ထားတယ် ။ ဒါပေမဲ့ အခုထိမတွေ့ဖြစ်သေးဘူး။ NLD က အခုချိန်ထိ မတွေ့ဘူးဆိုတာ ဘာကြောင့်မတွေ့ဘူးဆိုတာ အတိအကျ ပြောဖို့တော့ ခက်ပါတယ် ။ ကျနော်တို့က မူလဆုံးဖြတ်ထားတာကတော့ NLD က ကမ်းလှမ်းလာရင် တွေ့မယ် ။ ဒီလောက်ပဲ ဆုံးဖြတ်ထားသေး တယ် ” ဟု ပြီးခဲ့သည့် စစ်အစိုးရ လက်ထက်တလျှောက် NLD ၏မဟာမိတ်ဖြစ် ခဲ့သူ ရခိုင်အမျိုးသားပါတီခေါင်းဆောင် ဦးအေးသာအောင်က ပြောသည် ။


၂၀၀၈ အခြေခံ ဥပဒေအရ ပြည်နယ်ဝန်ကြီးချုပ်ရွေးချယ်ခွင့်မှာ ပြည်နယ်သူ ပြည်နယ်သားများ  ထံတွင် မရှိပဲ သမ္မတမှသာ ပြည်နယ်လွှတ်တော်ကိုယ်စားလှယ် တဦးကို တိုက်ရိုက်ရွေးချယ် ခန့်အပ်ခွင့်ရှိနေခြင်း ဖြစ်သည် ။


" ရွေးကောက်ပွဲအနိုင်ရပါတီဟာ ယခုအချိန်ထိ အနိုင်ရတိုင်းရင်းသားပါတီတွေနဲ့ ဘာကြောင့်မတွေ့နိုင် သေးတာလဲ ။ နောက်ကြားရတဲ့အတည်မပြုနိုင်သေးတဲ့သတင်းတချို့အရလည်းတိုင်းရင်းသားပါတီတွေရဲ့ စိုးရိမ်မကင်းဖြစ်မှုကို နား လည်မိတယ် ။ အဓိကအနိုင်ရတိုင်းရင်းသားပါတီ ၂ ပါတီဖြစ်တဲ့ သျှမ်းတိုင်းရင်း သားများ ဒီမိုကရေစီအဖွဲ့ချုပ်နဲ့ ရခိုင် အမျိုးသားပါတီတို့က သူတို့ အများစု အနိုင်ရထားတဲ့ သက်ဆိုင် ရာပြည်နယ်လွှတ်တော်တွေမှာ ဝန်ကြီးချုပ်နဲ့ ပြည် နယ်အစိုးရကိုသူတို့ကိုယ်တိုင်ဖွဲ့ချင်ကြတယ် ။ ဒီမိုကရေစီကျင့်စဉ် အရ ပဲဖြစ်ဖြစ် ၊တိုင်းရင်းသားစည်းလုံး ညီညွတ် ရေးအရပဲဖြစ်ဖြစ် ၊ အမျိုးသား ပြန်လည် သင့်မြတ်ရေးမူအရပဲဖြစ်ဖြစ် လျော်ကန်သင့်မြတ်တဲ့ သူတို့တွေရဲ့ ဆန္ဒကို ရွေး ကောက်ပွဲ အနိုင်ရပါတီ အနေနဲ့တွေ့ဆုံညှိနှိုင်းပြီးအဖြေရှာသင့်တယ်လို့ယူဆတယ် ။ ဒီလိုမှမဟုတ်ပဲ ၂၀၀၈ ခြေ / ဥ ကို ကိုယ်လို ချင်တဲ့အပိုင်းကိုကျမှ လိုသလိုဖြတ်ယူပြီး သမ္မတအလိုကျ ကိုယ့်ပါတီကလူကိုပဲ ပြည်နယ်ဝန်ကြီး ချုပ် အဖြစ် ခန့်မယ်ဆိုရင် သက်ဆိုင်ရာပြည်နယ်တွေမှာအနိုင်ရထားတဲ့ တိုင်းရင်းသားပါတီတွေနဲ့ ပြည်နယ်လွှတ်တော် စခေါ်ကထဲက ပွတ်တိုက်မှုတွေ စဖြစ်လာမှာပဲ ။ ဒါကြောင့်မို့ သျှမ်းပြည်နယ်နဲ့ရခိုင်ပြည်နယ်ရဲ့အနေအထား ကို ရွေး ကောက် ပွဲအနိုင်ရပါတီအနေနဲ့ ၂၀၀၈ ခြေ / ဥကပေးထားချက်အပေါ်ကနေ အသေထိုင်ပြီး မစဉ်း စားသင့်ပဲ အမျိုး သား ပြန်လည်သင့်မြတ်ရေးမူ ၊ တိုင်းရင်းသားစည်းလုံးညီညွတ်ရေးမူ ၊ ဒီမိုကရေစီရဲ့ အခြေခံ မူဘောင်တွေထဲကနေ စဉ်းစားသင့်တယ်” ဟု နိုင်ငံရေး လေ့လာသူတဦးဖြစ်သည့် ကိုခိုင်မင်း ကသုံးသပ် ပြောဆိုသည် ။


NLD မှာမိတ်ဟောင်းများနှင့် တွေ့ဆုံခြင်း မရှိသေးသကဲ့သို့ တိုင်းရင်းသားပါတီများ မှ ပြည်ထောင်စု ငြိမ်းချမ်းရေး ညီလာခံတွင်တင်သွင်းခဲ့သည့် ဗိုလ်ချုပ်အောင်ဆန်း ဦးဆောင်ခဲ့သော ပင်လုံ မူနှင့် သျှမ်းမူကို အခြေခံသည့် ဖက် ဒရယ်စာတမ်းကိုမူ ကြံ့ခိုင်ရေးပါတီနှင့် အတူ ပယ်ချခဲ့ကြောင်း သိရှိရ ပါသည် ။