မြန်မာနိုင်ငံတိုင်းရင်းသားလူငယ်များမဟာမိတ်မှပင်လုံမြို့တွင်ကျင်းပသောတိုင်းရင်းသားလူငယ်များညီလာခံနှင့်ပတ်သက်ပြီးသတင်းစာရှင်းလင်းပွဲတရပ်အားယနေ့ကျင်းပရာပြည်တွင်းပြည်ပမှသတင်းဌာန များ တက်ရောက်နားထောင်ကြောင်းသိရသည် ။

တိုင်းရင်းသားလူငယ်များမှ သတင်းစာရှင်းလင်းပွဲပြုလုပ်နေစဉ် (Photo: Photo:Kyaw Min Htaik)

သြဂတ်စ်လ ၁၇ ရက်မွန်းလွဲ ၁ နာရီခွဲမှ ညနေ ၃ နာရီခွဲအထိ တိုင်းရင်းသားလူငယ်များသတင်းစာ ရှင်းလင်းပွဲတရပ်ကိုရန်ကုန်မြို့ Myanmar Journalist Network တွင်ကျင်းပရာ ပြီးခဲ့သည့်လက သျှမ်းပြည်တောင်ပိုင်း ပင်လုံမြို့တွင်ကျင်းပခဲ့သည့်မြန်မာနိုင်ငံတိုင်းရင်းသားလူငယ်များ ညီလာခံအကြောင်း၊သျှမ်းပြည်နယ်အစိုးရ၏တားမြစ်ခြင်းခံရသည့်အကြောင်း၊လူငယ်များအဖွဲ့၏ရှေ့ဆက်လုပ်ငန်းစဉ်နှင့်ရည်မှန်းချက်ပန်းတိုင်တို့ကိုရှင်းလင်းပြောကြားခဲ့ကြောင်းသိရသည် ။


လူငယ်အဖွဲ့၏ဘဏ္ဍာရေးနှင့်ဆက်ဆံရေးတာဝန်ခံစိုင်းအောင်မြင့်ဦးက -"ကျနော်တို့ပင်လုံမှာလုပ်ခဲ့တဲ့ညီလာခံနဲ့ပတ်သက်ပြီးလူငယ်ထုသိအောင်၊ကျနော်တို့ဘယ်လိုကြိုးစားပြင်ဆင်ရသလဲ၊ကျနော်တို့ဘယ်လောက်ထိအောင်မြင်မှုရခဲ့သလဲ၊ညီလာခံကြီးကနေကျနော်တို့ဘယ်လိုလက်တွဲပြီးဘာတွေအကောင်အထည်ဖော်နိုင်ခဲ့သလဲ၊ရှေ့ဆက်ဘယ်လိုအစီအစဉ်ချမှတ်ပြီးလုပ်ဆောင်သွားမလဲဆိုတာတွေပြည်တွင်းပြည်ပလူငယ်ထုသိအောင်ရှင်းလင်းပြသတာဖြစ်ပါတယ်။ "- ဟုပြော သည် ။


သြဂတ်စ်လကုန်တွင်ကျင်းပမည့် ၂၁ ရာစုပင်လုံညီလာခံတွင်ပါဝင်တက်ရောက်ရန်နှင့် ပတ်သက်ပြီး စိုင်းအောင်မြင့်ဦးက- တိုင်းရင်းသားလူငယ်များမဟာမိတ်မှကော်မတီတရပ်ဖွဲ့ထားကြောင်း၊ သို့သော်ဖိတ်ကြားစာကိုထပ်မံစောင့်ကြည့်ရဦးမည်ဖြစ်ကြောင်းပြောသည်။




"ဖိတ်စာမှာတက်ရောက်နားထောင်ဖို့ဘဲလား။ဆွေးနွေးခွင့်ပေးမလား။ဘယ်အနေအထားအနေနဲ့တက်ရမလဲဆိုတာပေါ့ " - ဟုဆိုပါသည် ။


အဆိုပါသတင်းစာရှင်းလင်းပွဲတွင်တိုင်းရင်းသားလူငယ်များအဖွဲ့မှတိုင်းရင်းသားကိုယ်စားလှယ် ၁၀ ဦးတက်ရောက်ရှင်းလင်းကြောင်း၊ကချင်၊ကရင်၊ကယား၊မွန်၊သျှမ်းအပါအဝင်ကိုးကန့်ရခိုင်လူငယ်များvလည်းပါဝင်ကြောင်းသိရသည် ။


မြန်မာနိုင်ငံတိုင်းရင်းသားလူငယ်များညီလာခံကိုဂျူလိုင်လ ၂၇ ရက်မှသြဂတ်စ်လ ၁ ရက်နေ့အထိ ပင်လုံမြို့ကျောက်တိုင်ကွင်းတွင်ကျင်းပရာတက်ရောက်သူလူငယ် ၆၀၀ ကျော်ရှိ၏။ ဆွေးနွေးမှုမှမြန်မာနိုငံလုံးဆိုင်ရာတိုင်းရင်းသားလူငယ်များမဟာမိတ် ဖွဲ့စည်းနိုင်ခဲ့ပြီး လက်တွေ့ကျသည့် လုပ်ငန်းများလုပ်ဖို့ရန်လည်းကော်မတီ ရ ရပ်ဖွဲ့စည်းထားကြောင်း၊ နိုင်ငံရေးဆိုင်ရာ၊စစ်ဘေးရှောင်များကူညီရေးဆိုင်ရာ၊မူးယစ်တိုက်ဖျက်ရေးဆိုင်ရာ … အစရှိသည့် ကော်မတီများဖွဲ့စည်းထားပါသည် ။