ကချင်၊ ကရင်၊ နာဂ၊ သျှမ်း စသည့် တိုင်းရင်းသား ခေါင်းဆောင်များပါဝင်သည့် အမျိုးသားရေးဦးစား ပေး လှုပ်ရှားမည့် ပါတီသစ်တရပ်အား ထိုင်းနိုင်ငံချင်းမိုင်မြို့၌ နှစ်ရက်ကြာတွေ့ဆုံကာ ပြင်ဆင်ထား သည့်အတိုင်းဖွဲ့ စည်းတည်ထောင်လိုက်သည် ဆိုသည့် သတင်းစာရှင်းလင်းပွဲဖြင့် ယနေ့ ဩဂုတ် ၆ ရက်နေ့ တွင် ပြောကြားလိုက်သည် ။

မိုင်စုန်း ရီပပလစ်ပါတီ အမည်ရ အဆိုပါ ပါတီသစ် ၏ ဉက္ကဌ အား ကရင်အမျိုးသား ဒေါက်တာ တိမိုသီ (Dr. Timothy) ၊ ဒုတိယ ဥက္ကဌအား ကချင်အမျိုးသား ဦးယောန (Mr.Yaw Na) ၊ အထွေထွေ အတွင်း ရေးမှူးအား နာဂ အမျိုးသား ဦးတပ်ပလျူ ရှပ်ဝန် (Mr. W.Shapwon) တို့က ဦးဆောင်သည် ။


“တိုင်းရင်းသားမျိုးနွယ်စုများအတွင်း ကျစ်လျစ်ခိုင်မာသော စည်းလုံးညီညွတ်မှုကို အမှန်တရား၊ တရားမျှတမှု နှင့် ဖြောင့်မတ်ခြင်းအပေါ် အခြေခံတယ်။ နိုင်ငံရေး မဟုတ်ဘူး။ စစ်ရေးမဟုတ်ဘူး။ အမျိုးသားရေး အကျိုးအတွက် ပဲ ကျနော်တို့လုပ်သွားမယ်” - ဟု ဉက္ကဌ ဖြစ်သူ ဒေါက်တာ တိမိုသီ ကပြောသည် ။


နိုင်ငံရေး နှင့် စစ်ရေး ကိစ္စရပ်များအား လုပ်ကိုင်နေသည့်အဖွဲ့အစည်းများရှိပြီဖြစ်သောကြောင့်  မိုင်စုန်းပါတီအနေဖြင့်ပါဝင် မှာ မဟုတ်ဘဲ ပံ့ပိုးနိုင်သည့်အပိုင်းမှသာ ပံ့ပိုးသွားမည်ဖြစ်ကြောင်း၊ အမျိုးသားရေးအတွက် လူငယ်များ လက်ဆင့်ကမ်း ထမ်းရွက်သွားနိုင်ဖို့ အဓိက ဖြစ်ကြောင်း ဒေါက်တာ တိမိုသီ က ဆက်၍ ပြောသည် ။


“ပင်လုံဆိုတာကတော့ အဲဒီ့တုန်းက လွတ်လပ်ရေးရဖို့ ပရိုပိုဇယ် တခုပဲ။ ဒါ့ကြောင့် ဒီ ၂၁ ရာစု တို့ ပင်လုံတို့ ဆိုတာက ကျနော်တို့ ပါဝင်ဖို့အကြောင်းမရှိဘူး။ အပစ်အခတ်ရပ်စဲဖို့ဆိုတာလဲ ကျနော်တို့ ပါဖို့မဟုတ်ဘူး။ ကျနော်တို့က စစ်တပ်မှမဟုတ်တာ” - ဟု ဉက္ကဌ ဖြစ်သူ ဒေါက်တာ တိမိုသီ ကပြောသည် ။


မိုင်စုန်းရီပပလစ်ပါတီ၏ ညီလာခံကြီးအား ယခုဖွဲ့စည်းသည့်နေ့မှ စ၍ ၈ လ မှ ၁၀ လ အတွင်း ကျင်းပ ပြုလုပ်သွားမည်ဖြစ်သည်သူဟု ဒုတိယ ဥက္ကဌ တာဝန်ထမ်းဆောင်ထားသူ ဦးယောန က ပြောသည် ။


မိုင်းစုန်းရီပပလစ်ပါတီ တည်ထောင်နိုင်ရေးအတွက် လွန်ခဲ့သည့် သုံးနှစ်က ထိုင်းနိုင်ငံ မဲဆောက် မြို့လည်းကောင်း၊ တရုတ်နိုင်ငံ၊ လောနိုင်ငံ(လာအို) တို့၌ လည်းကောင်း အကြိမ်ကြိမ်တွေ့ဆုံဆွေးနွေး ခဲ့သည်ဟုလည်းသိရသည် ။


ယခုအသစ်တည်ထောင်လိုက်သောပါတီ၏ဥက္ကဌ ဒေါက်တာသိမိုသီသည်   ဗိုလ်ချုပ်ကြီးစောဘိုမြ KNU  ဥက္ကဌအဖြစ်တာဝန်ထမ်းဆောင်စဉ်က နိုင်ငံခြားရေးဌာနမှူးဖြစ်ခဲ့ဖူးသည်။