မနက်နိုးတော့ ဖုန်းမှ တဆင့် အင်တာနက်ဖွင့်ကြည့်သည်။ ကံကောင်းထောက်မစွာပင် အင်တာနက်လိုင်းမဆိုး သည့်အတွက် ယမန်နေ့က ကျန်နေသည့် တေးဂီတဖျော်ဖြေပွဲနှင့် ပတ်သက်သော ရုပ်သံဖိုင်အချို့ကို သျှမ်းဘာသာ အစီအစဉ်အတွက် တင်ပေးလိုက်သည်။ ယမန်နေ့ညက မိုးအေးအေးဖြင့် စားသောက်ရင်း အိပ်စက်ခဲ့သော်လည်း ကျေးသီးမြို့က ညဉ့်နက်ချိန်နှင့် မနက်အစောပိုင်းတွင် ဖုန်းအင်တာနက် လိုင်းကောင်းတတ်သည်ဆိုသည့် ကျေးသီး မဲဆန္ဒနယ် ပြည်နယ်လွှတ်တော်ကိုယ်စားလှယ်လောင်း စိုင်းစံမိန်း၏ ပြောဆိုချက်က မနက်နိုးနိုးခြင်း ခေါင်းထဲဝင်လာ၍ဖြစ်ပေသည်။ အပြင်ဘက်တွင်တော့ ညက တိမ်ထူထပ်ခဲ့သည့် ကောင်းကင်တခွင်မှာ မိုးသားကင်းစင် ကြည်လင်နေသလို စိုင်းထီးဆိုင်၏ နွေဥသြ သီချင်းကလည်း ခြံဝင်းတဘက်ဆီမှနေ၍ စာရေးသူ တည်းခိုနေသည့်အခန်းအတွင်းသို့ ပျံ့လွှင့်လာတော့ ငယ်စဉ်အရွယ်က ကြုံခဲ့ဆုံခဲ့လေသမျှ ဖြစ်ရပ်အချို့ပင် သတိရလိုက်မိသေးသည်။


ဖိုင်တွေလည်း တက်ပြီ ဖြစ်သဖြင့် နာရီကြည့်လိုက်စဉ် ရ နာရီ ကျော်နေပြီဖြစ်သောကြောင့် မျက်နှာသစ်ကာ မနက်စာစားရန် ထွက်ခဲ့သည်။ ခေါက်ဆွဲစားပြီးနောက် ၈ နာရီအချိန်တွင် မိုင်းနောင်သို့ ခရီးနှင်ခဲ့လေပြီ။ လက်ကိုင်ဖုန်းမှ ဂျော့ခ်ျဘင်ဆင် ၊ Shakin Stevens တို့၏ သီချင်းများ တပုဒ်ပြီးတပုဒ် ကုန်ဆုံးနေချိန်တွင် ဘေးဘီဝဲယာတွင်တော့ စိုက်ခင်းများ တောင်ယာခင်းများကို ဖြတ်ကျော်လျက် ။ ကျေးသီး မိုင်းနောင် မိုင်သုံးကျော် ကတ္တရာလမ်းမမှာ ကောင်းလာသည်မှာ မကြာသေးသည့်နည်းတူ လမ်းဘေးတွင်တော့ ခေတ်ကာလနှင့် မလျော်ညီသည့် စိုက်ပျိုးရေး အသိပညာဖွံ့ဖြိုးမှု နိမ့်ကျမှု၏ ပြယုဂ်ဖြစ်သည့် တောင်ယာ စိုက်ပျိုးရန်အတွက် သစ်ပင်များ တောများကို မီးရှို့ထားခဲ့သည့် ပြာပုံများနှင့် မီးလောင်ပြီးစ သစ်ပင်များက အမြောက်အမြားကျန်ရစ်လျက် ၊ အင်္ဂလိပ်ခေတ်ကတည်းက ရှိခဲ့သည့် ဒီလမ်းသာ စကားပြောတတ်လျှင် အမာရွတ်များနှင့် ငါ့ဘဝလှည့်ကြည့်ပါဦးလား ဆိုပြီး ပြောလိမ့်မည်ဟု ထင်မိသည်။ တစ်ချိန်တည်းမှာပင် စာရေးသူ၏ ဖခင်အပါဝင် ဖခင်ဘက်မှ အဘိုးအဘွားအပါဝင် ဆွေမျိုးအချို့ကိုပါ ပြေးမြင်မိသည်။ မိုင်းရယ် ဇာတိဖြစ်သည့် စာရေးသူ၏ ဖခင်မှာ သျှမ်းလက်နက်ကိုင် တော်လှန်ရေး စတင်သည့် ကာလများအတွင်း ၊ တစ်နည်းအားဖြင့် သားသမီးများအား လက်နက်ကိုင် ပဋိပက္ခအတွင်း စစ်သည်အဖြစ် ပါဝင်ခြင်းဖြင့် အချိန်မကုန်ဆုံးစေလိုခြင်း ( သို့မဟုတ် ) မြေးများအား ပညာတတ်အဖြစ် နေစေလိုသည့် ဖခင်အဘိုးဖြစ်သူ၏ ဆန္ဒအရ မိုင်းရယ်မှ တောင်ကြီးသို့ ပြောင်းရွှေ့ခဲ့သည့် မိသားစုထဲမှ ဖြစ်သည်။ စာရေးသူဖခင် မိသားစုဝင် အရင်းအခြာများမှာ သျှမ်းတော်လှန်ရေးတွင် တိုက်ရိုက် မပါဝင်ခဲ့သော်လည်း သျှမ်းအမျိုးသားရေးစိတ်ဓါတ်များ ပြင်းထန်နေခဲ့သည့် လွန်ခဲ့သည့် ၁၉၆၀ ပြည့်လွန်နှစ်ကာလများက ထုံးစံအတိုင်း သူ၏ ဆွေမျိုးနီးစပ် အချို့က တော့ တော်လှန်ရေး သမားအဖြစ် ကူးပြောင်းသွားကြလေသည်။
စာရေးသူ ၁၂ နှစ်သားအရွယ်က ဖခင်နှင့်အတူ တောင်ကြီးသို့ ပြောင်းရွှေ့ခဲ့သည်မှာ မိုင်းရယ် ကျေးသီးလမ်းကြောင်း အတိုင်းသာ။ အတွေးရေယာဉ်ထဲနစ်မြှောနေစဉ်အတွင်းမှာပင် စီးနင်းလိုက်ပါလာသည့် ကားမှာ မိုင်းနောင်သို့ ရောက်ရှိလာခဲ့ပြီး မြို့အထွက် ဘုန်းကြီးကျောင်းအနီးရှိ ဖျော်ဖြေမှုနှင့် မဲဆွယ်စည်းရုံးမှု ပူးတွဲပြုလုပ်သည့် နေရာသို့ ရောက်လာခဲ့သည်။ ယင်းနေရာသို့ ရောက်ချိန်တွင် ဖျော်ဖြေစည်းရုံးမှုမှာ အရှိန်ပင်မြင့်နေပြီဖြစ်သည်။ နေရှိန်အတန်ငယ်ပြင်းသော်လည်း အလံဝှေ့ယမ်းကခုန် သီဆိုနေသူများမှာ မမောနိုင် မပန်းနိုင်ပင်။ ခန့်မှန်းခြေ အင်အား ၅၀၀၀ ခန့်ရှိမည့် မိုင်းနောင်အပါဝင် ဒေသတွင်း ရွာနီးချုပ်စပ်မှ ဒေသခံများကိုေ တွ့ရသည်။


သျှမ်းအဆိုတော်များဖျော်ဖြေနေသော်လည်း ဒေသတွင်း အခြားတိုင်းရင်းသားများဖြစ်သည့် လီဆူးတိုင်းရင်းသားများကိုလည်း တွေ့ရသည်။ ဖျော်ဖြေသူများက ထုံးစံအတိုင်း ဖျော်ဖြေလိုက် ကျားခေါင်းပါတီအားမဲပေးရန် တိုက်တွန်းလိုက်ဖြင့်ပင်။ ပါတီ ဟိုဆေ ပါတီ ဟိုဆေ ဆိုသည့် အသံများလည်း ကွင်းအတွင်းပျံ့နှံ့နေသလို ဇာတိမာန် တက်ကြွစေသည့် သျှမ်းအမျိုးသားရေး သီချင်းများဖြင့် ဖျော်ဖြေမှုများကြောင့်လည်း ပါတီအလံနှင့် သျှမ်းပြည်အလံတို့ ဝှေ့ရမ်းနေပြီး သီချင်းသီဆိုနေမှုများမှာ ၂၀၁၇ ကြားဖြတ်ရွေးကောက်ပွဲ မဲဆွယ်ကာလအတွင်း ရှားပါးမြင်ကွင်းအဖြစ် ရှိနေပေသည်။


ပြည်မဒေသတွင် ကြားဖြတ်ရွေးကောက်ပွဲကို အများသောအားဖြင့် စိတ်မဝင်စားကြ။ စာရေးသူနေထိုင်သည့် ကမာရွတ်တွင် ကြားဖြတ်ရွေးကောက်ပွဲရှိပေရာ ရပ်ကွက်ရုံးတွင် မဲစာရင်းကပ်ထားသော်လည်း လာကြည့်သူမှာ အလွန်အမင်းနည်းပါးလှသည်။ ပြည်သူများ နိုင်ငံရေးကို အီနေပြီလော၊ ၂၀၁၅ ရွေးကောက်ပွဲအပြီး တနှစ်ခွဲကာလအတွင်း မဲထည့်လိုက်သည့် ပါတီ၏ လုပ်ဆောင်မှုများကို စိတ်ပျက်နေ၍လော မပြောတတ်။ အစိုးရသစ်လက်ထက် အဆင်မပြေမှု မြောက်မြားစွာဖြစ်ခဲ့သည်ကတော့ အမှန်ပင်။


စာရေးသူ၏ ကျေးသီးနယ် ခရီးစဉ်အရ ကျေးသီးမဲဆန္ဒနယ်အတွင်း စည်းရုံးလှုပ်ရှားမှုများ အခြေနေအရတော့ ကျားခေါင်းပါတီမှာ ပြိုင်ဘက်များထက် အပြတ်အသတ်သာလွန်နေပြီဟု ဆိုရမည်ဖြစ်သည်။ ယင်းအချက်က လည်း အမျိုးသားရေးအလံ မြဲမြံစွာကိုင်ထားနိုင်မှုနှင့် မူဝါဒအပေါ် အခြေခံသည့် ပါတီ ပေါ်လစီတို့နှင့် သက်ဆိုင်ပေလိမ့်မည်။


နေ့လည် ၁၂ နာရီအချိန် ဖျော်ဖြေမှု ရပ်နားပြီးနောက် နေ့လည် ထမင်းစားကာ သျှမ်းလူငယ် တစ်ဦးဖြစ်သူ ဆိုင်ပန်း အင်စတီကျူ့မှ လွယ်ခမ်းပန်နှင့် မိုင်းရှူးသို့ ထွက်လာခဲ့သည်။ ထွက်လာပြီး မိနစ် ၂၀ ခန့်အကြာပင် အဝေးမှ လှမ်းမြင်နေရသည့် အနိမ့်အမြင့် မတူညီသည့် ကားလမ်းမှ ဦးတည်နေရာ တောင်တန်းကို လက်ညှိးညွှန်၍ ၄င်းက ' အဲဒါ ကျူမောဝ်ခေါဝ် ဆိုတဲ့ တောင်တန်းပဲ ကားလမ်းက အဲဒီ တောင်ကြားထဲက သွားရတာ ၊ ကားလမ်းက အဲဒီ အလယ်က သွားရမှာ ဟိုဘက်က နိမ့်နေတဲ့ တောင်ထိပ်မှာက စစ်တပ်က တပ်စခန်းရှိတယ်။ ဟိုဘက်က ခပ်မြင့်မြင့် တောင်ထိပ်မှာတော့ SSPP ရှမ်းတပ်စခန်းရှိတယ်။ အလယ်ကနေဖြတ်သွားရမှာလေ။ ' ဟု စာရေးသူကို ပြလေသည်။


ကျူမောက်ခေါဝ်၏ မြန်မာလိုအမည်မှာ ပန်းဖြူတောင်ကြားလမ်းဟု ပြန်ဆိုလျှင် သင့်လျော်မည်ထင်၏။ ပန်းဖြူဟု ဆိုသော်လည်း လက်တွေ့ ဖြတ်သန်းရမည့် အခြေနေမှာ သွားလာနေကြမဟုတ်လျှင်တော့ ဆန့်ကျင်ဘက် ဘက်နှစ်ဘက်ဖြစ်သည့် အစိုးရ စစ်တပ်နှင့် သျှမ်းလက်နက်ကိုင် တစ်ဘက်တစ်ချက် တပ်စွဲထားသည့် တောင်ကြားအတွင်းမှ ဖြတ်ရမည်ဖြစ်သဖြင့် ရင်ဖို စိတ်လှုပ်ရှားစရာကောင်းသည်တော့ အမှန်ပင်။ တောင်ကြားလမ်းရောက်တော့ တပ်မတော်၏ ဂိတ်ကို တွေ့ရပြီး စာရေးသူတို့ရှေ့မှသွားလိုက်သည့် အဆိုတော် စိုင်းအောင်ထီးခမ်းတို့ကားမှာ ဂိတ်အနီးတွင်ရပ်ပြီး အောက်ကိုဆင်း၍ သတင်းပို့နေသည်ကို မြင်ရသည်။ စာရေးသူတို့ကတော့ ခပ်တည်တည်ပင် သတင်းမပို့ပဲ ဖြတ်ကျော်လာခဲ့သည်။ ကျူမောက်ခေါဝ် နာမည်ကို ယခင်နှစ်များက သျှမ်းသတင်းဌာနများ၏ စာမျက်နှာတွင် မကြာခဏမြင်ဖူး၏။ ကောင်းသတင်းတော့မဟုတ်။ တစ်ဘက်တစ်ချက် နေရာယူထားသည့် တောင်များပေါ်မှ ပစ်ခတ်သည့် သတင်းများသာ။ စာရေးသူ ဦးလေးဖြစ်သူ၏ ပြောဆိုချက်အရ အဆိုပါ ဒေသမှာ သျှမ်းတော်လှန်ရေး စတင်သည့် ကာလကတည်းကပင် အစိုးရ ယာဉ်တန်းများ ၊ စစ်ယာဉ်တန်းများမ ကြာခဏ တိုက်ခိုက်ခံခဲ့ရသည့် ၊ မဆလ လမ်းစဉ်ပါတီ ယာဉ်များ အတိုက်ခံခဲ့ရသည့် နေရာဟု ဆိုသည်။


' သူတို့က ဒီအတိုင်းပဲနေတယ် တောင်တွေရဲ့ ဟိုဘက်မှာတော့ လက်နက်ကြီး တကမ်းမှာပဲ ၀မ်ဟိုင်းက ရှိတယ်။ လမ်းမှာ သျှမ်းတပ်ဖွဲ့ဝင်တွေလည်း သွားလာရင်း ဒီအတိုင်းသွားနေတာတွေ့လိမ့်မယ်။ တပ်ကလည်း ပုံမှန်အချိန်ဆိုဘာမှ မဖြစ်ပါဘူး။ သူတို့က ထွက်မတိုက်ဘူးဆိုတာ သိတယ်လေ။ အမိန့်တွေရှိတဲ့ ကာလ ဆိုရင်တော့ မရဘူး ပစ်ကြဆော်ကြတာပဲ။များသောအားဖြင့် အစိုးရဘက်က စတိုက်တတ်တယ်လို့ဒေသခံ တစ်ချို့ ပြောတာ ကြားဖူးတယ်။ ' ဟု အာဘောင်အာရင်းသန်သန်ဖြင့် ရှင်းပြသည်။


စာရေးသူ၏ အတွေးရေယာဉ်တွင်မူ နှစ်ဆင့် အပစ်ခတ်ရပ်စဲပြီးသည့် အဖွဲ့ဖြစ်ပြီး အန်စီအေ နိုင်ငံလုံး ဆိုင်ရာ အပစ်ရပ်စာချုပ် မရေးထိုးသည့် အဖွဲ့ဖြစ်သည့် SSPP/SSA နှင့် တပ်မတော်တို့အကြား ပြင်းထန်သည့် တိုက်ပွဲများ နောက်ပိုင်းနှစ်များအတွင်း နှစ်စဉ်လိုလိုဖြစ်ခဲ့ရာ သာမန်ပြည်သူများဖြစ်သည့် ဒေသခံများအဖို့ ယင်းတိုက်ပွဲများနှင့် နှစ်ဆင့်ပြုလုပ်ထားသည့် အပစ်ခတ်ရပ်စဲရေးတို့မှာ ၀ိရောဒိဖြစ်စရာပင်။ အစိုးရသစ်လက်ထက်တွင် မြောက်ပိုင်းဒေသ တိုက်ပွဲများ ပြင်းထန်လာမှုအပေါ်တွင်လည်း ဖြေရှင်းမှုများက အားရစရာမရှိ။ ကျူမောက်ခေါဝ်တောင်ကြားကို ဖြတ်ကျော်ပြီး များမကြာမှီမှာပင် SSPP/SSA ဌာနချုပ် လမ်းခွဲဖြစ်သည့် ပါချီးလမ်းခွဲသို့ ရောက်လာလေသည်။ SSPP/SSA ဌာနချုပ်ဟုဆိုသော်လည်း လားရှိုး ၊ မိုင်းရှူး ခရီးသွားယာဉ်များမှာ မိုင်းရယ်မှတဆင့် ၀မ်ဟိုင်းကိုဖြတ်၍ မိုင်းရှူးသို့ပင် ပြေးဆွဲမှုများ ရှိနေပေသည်။ ပါချီးကျေးရွာတွင်လည်း ရွေးကောက်ပွဲအတွက် ပါတီများမှ စတစ်ကာများ ကပ်ထားသည်ကို တွေ့ရသည်။ ဌာနချုပ်ဝမ်ဟိုင်းတွင်လည်း မဲပုံးထောင်ကာ ရွေးကောက်ပွဲကျင်းပမည်ဟု သတင်းထွက်နေသည်။


ပါချီးကျေးရွာမှာ မိုင်းရှူးမြို့နယ်နှင့် ကျေးသီးမြို့နယ်တို့၏ နယ်စပ်ပင် ယင်းမှ ၁၅ မိနစ်ခန့် ဆက်လက်ခရီးနှင်လာခဲ့သော် ၀မ်ဆော့ကျေးရွာသို့ ရောက်လာခဲ့သည်။ ၀မ်ဆော့ကျေးရွာမှာ ၂၀၁၅ ခုနစ် အောက်တိုဘာလအတွင်းက ရွာဘုန်းကြီးကျောင်းအတွင်းရှိ ဆွမ်းစားဆောင်ကို လက်နက်ကြီးထိမှန်ခဲ့မှုကြောင့် ရွာလုံးကျွတ်ထွက်ပြေးခဲ့ရလေသည်။ ရွာတွင် သျှမ်းတိုင်းရင်းသားများသာမက လီဆူး လားဟူ လူမျိုးများပါနေထိုင်ပြီး လမ်းမတောင်ဘက်ရှိ တောင်တန်းများအနီးတွင်လည်း လားဟူရွာများရှိလေရာ ရွာနီးချုပ်စပ်အားလုံးမှာ အဆိုပါကာလများအတွင်းက စစ်ဘေးရှောင်ခဲ့ရလေသည်။


ဝမ်ဆော့ရွာအတွင်းဝင်လိုက်သည်နှင့် SNLD ပါတီမှ လွှတ်တော်ကိုယ်စားလှယ်လောင်းများ၏ ကြော်ငြာဆိုင်းဘုတ်ကို တွေ့ရသည်။ ရွာအတွင်းရှိ အအေးဆိုင်တွင် ခေတ္တနားစဉ် ဆိုင်ကယ်များဖြင့် ကော်ဇောများလှည့်လည်ရောင်းချသည့် ပြည်မသားအချို့ကို မြင်တွေ့ရလေသည်။


ဝမ်ဆော့လွန်၍ ကုန်းကပူလေးအား ဖြတ်သန်းစဉ် SSPP/SSA စစ်သားတစ်ဦး လမ်းမတွင် ဖြတ်လျှောက်နေသည်ကိုလည်း တွေ့ရသည်။


“ကားလမ်း ဒီဘက် စေတီနားက ကုန်းလေးက သူတို့နေတာပဲ။ ရှေ့က လယ်ကွင်းတွေထဲက ချောင်းနားမှာ တစ်နှစ်က တိုက်ပွဲတွေဖြစ်ဖူးတယ်။” – ဟုအတူလိုက်ပါလာသည့် သူငယ်ချင်းကပြောသည်။


ခဏအကြာတွင် ဟိုင်းပါ လမ်းခွဲကို ဖြတ်ကျော်ခဲ့ပြီးနောက် နမ့်ပန် ချောင်းကူးသည့် နမ့်ကတ်တံတားသို့ရောက်လာခဲ့သည်။ ချောင်းရေမှာစိမ်းလဲ့ကြည်လင်နေပြီး ကွန်ဟိန်းဒေသသို့ ဖြတ်သန်းစီးဆင်းကာ သံလွင်မြစ်အတွင်းဝင်သည့် မြစ်လက်တက် တစ်ခုပင်။ တံတားသစ်မှာ ဖွင့်လှစ်သည်မှာ နှစ်ပိုင်းပင်ရှိသေးသော်လည်း ဖွင့်စ သိမ်မကြာမှီ မှာပင် ကားဖြတ်သန်းစဉ် တံတားဆိုင်းကြိုးအချို့  ပြတ်တောက်မှု ဖြစ်ပွားခဲ့သည်ဟု မိုင်းရှူးရောက်မှ ဒေသခံအချို့၏ ပြောဆိုချက်အရ သိရသည်။


၁၀ မိနစ် ခန့်အကြာတွင် ‘မိုင်းရှူးမြို့ရတနာမြေမှ ကြိုဆိုပါ၏ '  ဆိုသည့် မြန်မာစာတမ်းပါ မြို့ဆိုင်းဘုတ်အား မြန်မာ့ရိုးရာ ကနုတ် ခြယ်သ၍ မြင်တွေ့ရသည်။
‘ကျောက်တူးသမားလေးရယ် ရည်းစားလေးမို့ အားမငယ်ပါနဲ့ကွယ် ဘဝ သံသရာလောကရဲ့ အလယ်မှာ ဆင်းရဲသူရယ် ချမ်းသာသူရယ်အများကြီးရှိပါတယ်။ တကယ်တော့ ကျောက်တူးသမားများဟာ လောပန်းလောင်းတွေပါ ’ဆိုသည့်  ကျောက်တူးသမား သူဌေးဖြစ်သည့် လောပန်းလောင်း သီချင်းသံ သင်းပျံ့သည့် ၉၀ ပြည့်လွန်နှစ်များက  ခေတ်ကာလကလိုတော့ ဟုတ်ဟန်မတူတော့။ မြို့တွင်းသို့ ၀င်လိုက်သည်နှင့် အတန်ငယ်ကျဲပါးသည့် သွားလာမှုများကို မြင်တွေ့ရသလို ရွှေဟသာင်္ဈေးကို ကျော်လိုက်သည်နှင့် ပါတီများ၏ မဲဆွယ်ဆိုင်းဘုတ်များကို မြင်ရသည်။


ရောက်လျှင်ရောက်ခြင်း SNLD ပါတီ အောင်နိုင်ရေးရုံးသို့ ခြေဦးလှည့်ခဲ့သည်။ အသိမိတ်ဆွေများနှုတ်ဆက် ရန်နှင့် ရွေးကောက်ပွဲမဲဆွယ်စည်းရုံးမှု အခြေနေများကို မေးရန်ပင်။ ရောက်မဆိုက်ပင် သတင်းသမားတစ်ဦး အတွက် စိတ်ဝင်စားစရာသတင်းလည်း ကြားရသည့်အတွက် သတင်းကုန်ကြမ်းရသလို ဒေသခံများအတွက် တော့ သတင်းကောင်းမဟုတ်။


ကြားရသည့် သတင်းမှာ NLD ပါတီမှနေ၍ လုံခြုံရေး အကြောင်းပြချက်ဖြင့် မြို့ မြောက်ပိုင်း ကျေးရွာအုပ်စု အချို့မှ မဲရုံများကို ရွေးကောက်ပွဲကျင်းပမှုမှ ဖျက်သိမ်းပေးရန် ဆိုသည့် တောင်းဆိုချက်ကို ပြည်ထောင်စု ရွေးကောက်ပွဲ ကော်မရှင်သို့ ပေးပို့ထားသည့် သတင်းပင်။ ယင်းတင်ပြချက်ကိုသာ အတည်ပြုခဲ့ပါက အနည်းဆုံး ဒေသခံ မဲဆန္ဒရှင် ၄၀၀၀ ကျော်မှာ မဲပေးခွင့် ဆုံးရှုံးမည့် အရေးနှင့် ရင်ဆိုင်ရမည်ဖြစ်သည်။ အကြောင်းပြချက်က လက်နက်ကိုင်များ တားဆီးမှုကြောင့် လွတ်လပ်စွာ သွားလာ မဲဆွယ်ခွင့် မပြုနိုင်သည့် ကိစ္စက အကြောင်းပြချက်ပင်။ ပို၍ဆိုးသည်က ကျေးရွာများ အားလုံးမှာ သျှမ်းတိုင်းရင်းသား ကျေးရွာ များဖြစ်နေခြင်းပင်။ အဆိုပါ မဲရုံများ ပယ်ဖျက်ခံရပါက အနည်းဆုံး ဒေသခံ ၄၀၀၀ ကျော် မဲပေးခွင့် ဆုံးရှုံး မည်ဖြစ်သည်။ တစ်ချိန်တည်းတွင်လည်း လက်နက်ကိုင်အဖွဲ့မှာ အခြားအဖွဲ့မဟုတ်။ တစ်ချိန်က NLDနှင့် နီးစပ်ခဲ့သည့် ဗိုလ်ချုပ်ဆေထင် နာယကလုပ်နေသော SSPP/SSA သျှမ်းလက်နက် ကိုင်အဖွဲ့ပင်။


အကဲခတ်များ၏ ပြောဆိုမှုအရ မိုင်းရှူး ဒေသအတွင်း NLD ၏ အဓိက ပြိုင်ဘက်မှာ ကာလရှည် မဟာမိတ်ဟောင်း ကျားခေါင်းပါတီ ဖြစ်နေသည်ဆိုသောကြောင့် NLD ၏ ကန့်ကွက်မှုအပေါ် မှင်တက်သလိုပင် ဖြစ်မိပြီး အခုတော့ သူတို့ ဝေးခဲ့ကြပြီ ဆိုသည့် သီချင်းစာသားကို ကြားယောင်လာမိသည်။ ညဘက်တွင်တော့ မြို့လယ် ဟံသာမုနိ ကျောင်းတိုက်တွင် ၂၅ နှစ်ပြည့် ငွေရတု စာပြန်ပွဲနှင့် ပွဲတော်ရှိသည့်အတွက် ပွဲတော် ဘက်သို့ သွားလာနေမှုများနှင့် တရားဓမ္မသံများကို ကြားသိ မြင်တွေ့နေရသည်။


ခရီးပန်းသဖြင့် စာသောက် လမ်းလျှောက်ပြီးနောက် အိပ်ယာဝင်ခဲ့သည်။ မတ်လ ၂၁ ရက်ညကတော့ ရှောရှောရှူရှူပင် အိပ်ပျော်ခဲ့သည်။


အပိုင်း (၂) ကို ဆက်လက်ဖော်ပြပါမည်။