လူထု ဆန့်ကျင်ကွက်သည့်ကြား မိုင်းကိုင်မြို့နယ်အတွင်း ကုမ္ပဏီမှကျောက်မီးသွေးများဆက်တူးနေ
သျှမ်းပြည်တောင်ပိုင်း လွိုင်လင်ခရိုင် မိုင်းကိုင်မြို့နယ် လယ်ယာပိုင်ရှင် ဒေသခံ ၅၀၀ ကျော် စုပေါင်း လက်မှတ်ရေးထိုးကာ ဆန့်ကျင်ကန့်ကွက်ထားသော်လည်း ကုမ္ပဏီများက ကျောက်မီးသွေးများအား ဆက်လက်တူးဖေါ်နေသည်ဟု ဒေသခံများ ပြောပြချက်အရသိရသည်။
မိုင်းကိုင်မြို့ နမ့်တိန်းချောင်းဦး၊ တိန်းချောင်းဖျားလက်တက်ဖြစ်သည့် နမ့်ခီဆန် ချောင်းဦးဖြစ်သည့် ဟွေ့နမ့်ဆိမ် ချောင်းဘေး ထင်းရှူးတောများ ၊ လယ်ယာဘေးများ ရှိ ကျောက်မီးသွေးများအား ပြည့်အောင်ဟိန်း ကုမ္ပဏီ နှင့် ဟိန်းမေတ္တာကုမ္ပဏီတို့က ၂၀၁၇ နှစ်ဦးပိုင်းမှစ၍ ယနေ့အထိ တူးဖေါ် ထုတ်ယူနေခြင်းဖြစ်သည်။
“ကျောက်မီးသွေး တူးဖေါ်ခွင့်ကို ဦးသိန်းစိန်အစိုးရလက်ထက်ကတည်းက ချပေးထားတာ ၂၀၁၅ ကတည်းက။ ဒါပေမယ့် ကုမ္ပဏီက ဒီ ၂၀၁၇ နှစ်ဦးပိုင်းမှ လာတူးတယ်။ သဘောတရားအရ အစိုးရ ချ မှတ်ထားတာ က တူးဖေါ်လုပ်ကိုင်ခွင့်ကျတဲ့နေ့က နေ ၆ လ အတွင်း လုပ်ငန်းမစ တင်ရင် အဲဒီ အလုပ် က ပျက် ပြယ်တယ်။ ဒါပေမယ့် သူတို့က လာတူးတယ်။ လာတူးကတည်းက လူထုကန့်ကွက်တယ်။ ကန့် ကွက်ကြောင်းလက်မှတ်ထိုး ပြီး စာတင်တယ်။ ဒါပေမယ့် အခုထက်ထိ ဆက်တူးနေတုန်း” - ဟု မိုင်းကိုင်မြို့ ပြည်နယ် လွတ်တော် အမတ် (ဦး) လုံးစိုင်းလုံ က ပြောသည်။
ကျောက်မီးသွေးတူးဖေါ်နေမှု ရပ်တန့်ရန် ထူထု ကန့်ကွက်မှုကြောင့် သျှမ်းပြည်နယ်အစိုးရ သယံဇာတ နှင့် ပတ်ဝန်းကျင် ထိန်းသိမ်းရေးရေးဝန်ကြီး ဒေါက်တာညီညီအောင် လာရောက်ကြည့်ရှုကြောင်း၊ ထင်းရှူးတော၊ လယ်ယာ၊ ချောင်းဦး ပျက်စီးမှုများတွေ့ရှိသော်လည်း ရပ်တန့်ရန် ခကုမ္ပဏီအပေါ် တစုံတရာ ညွှန်ကြား မှုမရှိသည့်အပြင် လူထုအပေါ် ပြစ်တင်စကားပြောခဲ့သေးကြောင်း ပြည်နယ် လွှတ်တော် လုံးစိုင်းလုံ က ဆက်၍ ပြောသည်။
“ဝန်ကြီး ဒေါက်တာညီညီအောင်က ပြောတယ်။ ဒေသခံ လူထု ဘာမှမသိဘူး။ နားလည် အောင်ရှင်းပြ လိုက်ပါတဲ့။ ကျောက်မီးသွေးတူးဖေါ်မှုကြောင့် ပျက်စီးသွားတဲ့ နမ့်တိန်းချောင်းဦး၊ ထင်းရှူးတောတွေ၊ လယ်ယာမြေအကြောင်းတွေတော့ထည့်မပြောဘူး။ ဘာမှ ထိခိုက်မှုမရှိတဲ့ ရွာနဲ့လဲဝေးတဲ့ ပန်ပွဲ ကျောက်မီးသွေးတွင်းဘက်က ဟာတွေ တော့ ထည့်ပြောတယ်” - ဟု ပြောသည်။
မိုင်းကိုင်မြို့နယ်အတွင်း ကျောက်မီးသွေး တူးဖေါ်သည့် ကိစ္စနှင့်ပတ်သက်၍ ပြည်သူ့လွှတ်တော် အမတ် စိုင်းဆိုင်မိန်းက ဒုတိယအကြိမ် စတုတ္ထ ပုံမှန်အစည်းအဝေး ၌ ကြယ်ပွင့်ပြ မေးခွန်းအဖြစ် စာတင်ထားကြောင်း၊ တင်ထားသည့် စာတွင် ဝန်ကြီးတဦးအနေဖြင့် လူထုဆန္ဒအားမေးမြန်းခြင်းမပြုဘဲ အဘယ်ကြောင့် ကျောက်မီးသွေးတူးဖေါ်ခွင့်ပြုရခြင်း၊ ကျောက်မီးသွေးတူးဖေါ်မှုကြောင့် ဖြစ်ပေါ်လာသည့် အကျိုး ဆက်များဖြစ်သည့် သဘာဝသစ်တောပျက်စီးခြင်း၊ လယ်၊ ယာမြေ၊ ချောင်းရေ များ ပျက်စီးခြင်းများအား မည်သို့ ပြန်လည်ပြုပြင်ပေးမည် စသည့်အချက်များပါဝင် သည့်မေးခွန်းများအား မေးမြန်းထားကြောင်း သျှမ်းသံတော်ဆင့်သို့ပြောသည်။
ပြည်အောင်ဟိန်းကုမ္ပဏီ နှင့် ဟိန်းမေတ္တာကုမ္ပဏီတို့သည် ၂၀၁၄ ခုကတည်းက စမ်းသပ်တူး ဖေါ်မှုပြု ခဲ့ကြောင်း၊ အဆိုပါကျောက်မီးသွေးများထွက်ရှိသည့်ဒေသသည် သျှမ်းပြည်တပ်မတော် RCSS/SSA လှုပ်ရှားနယ်မြေဖြစ်သောကြောင့် လူထု ဆန္ဒ မပါဘဲ ကျောက်မီးတွေးတူး ဖေါ်ခွင့်ပြု မည်မဟုတ် ကြောင်း သျှမ်းပြည်တပ်မတော် RCSS/SSA မှလည်း သျှမ်းသံတော်ဆင့်သို့ ပြောကြား ဖူးသည်။
Tags: Environment, News