ဒီမိုကရက်တိုက်ဇေးရှင်းဖြစ်စဉ်အောင်မြင်ဖို့ ဆိုသည်မှာ အမှန် ပင်ခက်ခဲပါတယ်။ ယင်းသို့ ခက်ခဲတဲ့ အနေထား တစ်ရပ်တွင် ဒီမိုကရက်တိုက်ဇေးရှင်းဖြစ်စဉ်နဲ့ အပြိုင် ငြိမ်းချမ်းရေး လုပ်ငန်းစဉ်ကိုပါ အပြိုင်တည်ဆောက်ရတာ ဟာ အင်မတန်မှပင် ခက်တာလည်း အသေချာပါပဲ။ ဒီမိုကရက်တိုက်ဇေးရှင်းနဲ့ အပြိုင် ငြိမ်းချမ်းရေး လုပ်ငန်းစဉ် ကို အကောင်ထည်ဖော်ဖို့ ဆိုတဲ့ ကိစ္စတွေက ၁၉၉၀ ပြည့်နှစ် အလွန်တွေမှာ ခေတ်စားလာတဲ့ ကိစ္စရပ်ပဲ။

မတူညီတဲ့လူ့အဖွဲ့စည်းတွေရဲ့ နှုန်း ၊စံ ၊ ယဉ်ကျေးမှု ၊ နိုင်ငံရေး ဓလေ့နဲ့ရုပ်လက္ခဏာတွေ ထည့်တွက်စရာမ လိုဆိုတဲ့ သဘောနဲ့ အကောင်ထည်ဖော်ဖို့ကြိုးစားခဲ့ကြတယ်။ ဆရာတွေကတော့ လစ်ဘရယ် ငြိမ်းချမ်းရေး အယူအဆလို့အမည်ပေးကြလေရဲ့။ အဲဒီအယူအဆနဲ့ ပြည်တွင်းစစ်လွန်လူ့အဖွဲ့အစည်းတွေကိုအလျင်အမြန် လစ်ဘရယ်လိုက်ဇေးရှင်းလုပ်တာ ၊ ဈေးကွက်နဲ့ ဒီမိုကရေစီ အသွင်ကူးပြောင်းမှုကို တပြိုင်နက်တည်း လုပ်တာ တွေက တည်ငြိမ်မှုထိခိုက်စေတယ်လို့ သတိပေးတာတွေလည်း ရှိတယ်။ နိုင်ငံရေး ၊ လူမှုရေးနဲ့စီးပွားရေး ပြိုင်ဆိုင်မှုတွေကြောင့် ရှိပြီးသား ကွဲလွဲ တင်းမာမှုတွေကလစ်ဘရယ်လိုက်ဇေးရှင်းအရှိန်နဲ့ ပိုပြီး ဆိုးဝါးလာနိုင်ပြီး ဒီမိုကရက်တိုက်ဇေးရှင်းအတွက် မရှိမဖြစ်လိုအပ်ချက် Social cohesionလူ့အဖွဲ့အစည်းအတွင်း သွေးစည်း ညီညွတ်မှု ပျက်ပြားစေနိုင်တာကြောင့်ဖြစ်တယ်လို့ အကဲဖြတ်ကြပါတယ်။ တကယ်လည်း အဲလို လုပ်ရပ်အများစု ကြိုးပမ်းအားထုတ်မှုတွေက မအောင်မြင်ခဲ့ပါ။


၁၉၈၉ ကနေ ၂၀၀၅ အကြား ကုလက ဦးဆောင်ပြီး နိုင်ငံ ၁၉ နိုင်ငံမှာ လုပ်ခဲ့ တဲ့ပြည်တွင်းစစ်လွန် ဒီမိုကရက် တိုက်ဇေးရှင်းလုပ်ငန်းတွေက ဒီမိုကရေ စီစနစ်ပေါ်ထွန်းအခြေတည်လာအောင် ဆောင်ရွက်နိုင်တဲ့ အထောက် အထားနည်းလွန်းလှတယ်။ အများလက်ခံ ဒီမိုကရေစီ ညွှန်းကိန်းတွေဖြစ်တဲ့ Freedomhouse အပါဝင် အဖွဲ့အစည်းတစ်ချို့ရဲ့ ဒီမိုကရေစီ ညွှန်းကိန်းတွေအရပြည်တွင်းစစ်လွန် ဒီမိုကရက်တိုက်ဇေးရှင်း ဖြစ်စဉ် အစပြုတဲ့ ကိုဆိုဗို ၊ရဝမ်ဒါနဲ့ ဘူရွန်ဒီနိုင်ငံတွေက ငါးနှစ်အကြာမှာပဲ လုံးဝ အာဏာရှင်စနစ် ကိုပြန်ကျသွားသလို ကမ္ဘောဒီးယား ၊ ဟေတီနဲ့ ဘိုလီးဗီးယားဘော့စနီး ယားနိုင်ငံတွေက ရွေးကောက်ပွဲ အာဏာရှင်စနစ်ကို ကျသွား တယ်။

အနည်းငယ်အဖြစ် ခရိုအေးရှား နမီးဗီးယားတို့လောက်ပဲ လစ်ဘရယ် စံနှုန်းညီဒီမိုကရေစီ နိုင်ငံတွေအဖြစ် ကူးပြောင်းသွားနိုင်ခဲ့တယ်။
ပြည်တွင်းစစ် လွန် ဒီမိုကရက်တိုက်ဇေးရှင်း အောင်မြင်ဖို့ (က) နိုင်ငံရေး တည်ငြိမ်မှု(ခ) ဖြစ်စဉ်တွင် အဓိက ကျတဲ့ အုပ်စုတွေအားလုံးကိုယ် စားပြုမှုရှိ ရှိပါဝင်ဖို့ ( သဘောက ပဋိပက္ခတွင် ပါဝင်ခဲ့တဲ့ ရန်သူဟောင်းများ အကြား နှစ်ဘက်ရှိရင် နှစ်ဘက် သို့မဟုတ် ကွဲပြားမှုများရင်တတ်နိုင်သမျှ ကွဲပြားမှုအလိုက် အုပ်စုအလိုက် ပါဝင်မှုကို အကောင်ထည်ဖော်မဲ့ ဒီမိုကရက်တိုက်ဇေးရှင်းဖြစ်စဉ်နှင့် လူမှုစီးပွားပြောင်းလဲမှုလက်တွေ့ လုပ်ငန်းစဉ် တွေမှာ ပါဝင်ခွင့်ပေးဖို့ ၊ ပါဝင်ခွင့် မရပါကပြည်တွင်းစစ်လွန် လူ့အဖွဲ့အစည်းကို နိုင်ငံရေး တည်ငြိမ်အောင်တည် ဆောက် နိုင်မှာ မဟုတ်လို့ ဆရာတွေက ဆိုကြတယ်။ အဲလိုဆိုသူတွေထဲမှာတီမိုသီဆစ် တို့အင်နာဂျားစတက်ခ့် တို့လို ဆရာတွေပါတယ်။


မြန်မာမှာတော့ ၂၀၁၁ သမ္မတ ဦးသိန်းစိန် လက်ထက်က စခဲ့တဲ့ ငြိမ်းချမ်းရေးလုပ်ငန်းစဉ်ဟာ နောက်ဆုံး သူ့ သက် တမ်းကုန်ဆုံးသွားချိန်မှာ အဖွဲ့ (၈) ဖွဲ့နဲ့ NCA နိုင်ငံလုံးဆိုင်ရာ အပစ်ခတ် ရပ်စဲမှု စာချုပ် ချုပ်ဆိုနိုင်ခဲ့ပြီး ၊ တစ်ချို့အဖွဲ့တွေနဲ့လည်း NCA မပါနိုင်ပေမဲ့ တဖွဲ့ ချင်းစီအလိုက် အပစ်ရပ်စဲရေးစာချုပ်တွေအပါဝင် ( ဥပမာ အားဖြင့် ၀ ၊ မိုင်းလား NMSP မွန်ပြည်သစ် ၊ ကေအန်ပီပီ ကရင်နီ ၊ သျှမ်းပြည်တိုးတက်ရေးပါတီ SSPP/SSA) ပစ်ခတ်တိုက်ခိုက်မှုနဲ့ ပဋိပက္ခ လျှော့ချမှု ဆိုင်ရာ ယန္တရားတွေ တည်ဆောက်နိုင်ခဲ့မှု ( ဥပမာ ကေအိုင်အေနဲ့ ဆွေးနွေးပွဲတွေအရှိန် ကောင်းလာတဲ့ ၂၀၁၃ ကစလို့ နှစ်ဘက် ပဋိပက္ခဖြေရှင်းရေး ယန္တရားတွေ တည်ဆောက်ပြီး သွားခဲ့တဲ့အတွက် ၂၀၁၂ ၊ ၂၀၁၁ လိုနှစ်တွေထက် တိုက်ပွဲတွေ သိသိသာသာလျော့ကျသွား ) လွှတ်တော်မှာ NCA စာချုပ်အတည်ပြုနိုင်ခဲ့မှု နဲ့ ပထမအကြိမ် ပြည်ထောင်စု ငြိမ်းချမ်းရေး ညီလာခံ ပြီးစီးခဲ့မှုတွေက အလုံးစုံမဟုတ်တောင် အပစ်ရပ်စဲရေးလုပ်ငန်းစဉ်တွေအတွက် အလုံးစုံမအောင်မြင်ပေမဲ့ ခြေတစ်လှမ်းတိုးတဲ့ ကိစ္စရပ်တွေ ဖြစ်ခဲ့တယ်။


နောက်ရွေးကောက်ပွဲအပြီး အနိုင်ရတဲ့ အရပ်သား အစိုးရ ကို ချောချောမွေ့မွေ့ အာ ဏာ လွှဲပြောင်းပေးမှုတွေဟာ သာမန်လစ်ဘရာယ်လိုက်ဇေး ရှင်း ဖြစ်စဉ်မဟုတ်ပဲ ဒီမိုကရက်တိုက်ဇေးရှင်းအတွက် ခြေတစ်လှမ်းတိုးစေခဲ့တဲ့ ကိစ္စပဲဖြစ်ပါတယ်။ သမ္မတ ဦးသိန်းစိန်လက်ထက်မှာ အဓိက မအောင်မမြင်ဖြစ်ခဲ့တဲ့ ကိစ္စတွေထဲမှာ ထိုးစစ်မဆင် မတိုက်ခိုက်ဖို့ သမ္မတက အမိန့်ပေးပေးမဲ့ တပ်မတော်က ဆက်တိုက်ခဲ့တဲ့ ကိစ္စနဲ့ NCA စာချုပ်မှာ နာမည်နဲ့ လျော်ညီစွာအားလုံးမပါနိုင်ခဲ့တဲ့ ကိစ္စပဲ ထောက်ပြစရာရှိခဲ့ပါတယ်။


ပေါ်လစီ စက်ဝန်း တနှစ်ခွဲနီးပါးရှိလာပြီး အစိုးရသစ်တက်လာတာ တစ်နှစ်နီး ပါးရှိလာတဲ့ အခု အချိန်မှာတော့ ငြိမ်းချမ်းရေး နဲ့အပစ်ရပ်စဲရေး ဖြစ်စဉ်ဟာ နဂိုရှိရင်းစွဲ အခြေနေထက် တိုးတက် မလာဘဲ ဆုတ်ယုတ်လာ တာ တွေ့ရပါ တယ်။ တစ်ချို့နေရာက အမှားတွေက စေတနာပါ သော်လည်း မဖြစ်သင့်တဲ့ အမှားတွေအဖြစ် တွေ့မြင်နေရဆဲဖြစ်ပါတယ်။ NCA အပစ်ရပ်စာချုပ် ရေးထိုးမှု မရှိတဲ့ အဖွဲ့တွေလည်း အသစ်ထပ်မံ လက်မှတ် ထိုးတာတွေ မရှိသေးသလို ထိုးပြီးသား အဖွဲ့တွေနဲ့တောင် တစ်ချို့ ကိစ္စရပ်တွေမှာ မပြေမလည်ဖြစ် တာတွေ တွေ့လာရပါတယ်။ ၂၁ ပင်လုံ ပထမအကြိမ်အပြီးတိုက်ပွဲတွေနဲ့ မူဆယ်ဒေသ တန်ပြန်တိုက်ပွဲတွေ နောက်ဆုံး လွန်ခဲ့တဲ့ ရက်ပိုင်းအတွင်းက ကျင်းပခဲ့တဲ့ ပန်ဆန်း တိုင်းရင်းသား ထိပ်သီးအစည်းအဝေးကနေ NCA အပစ် ရပ်စာချုပ်ကို ငြင်းပယ်ခဲ့( ဒါမှမဟုတ် ) အခုထက်ပိုမိုကောင်းမွန်တဲ့ စာချုပ်နဲ့ အစားထိုးဖို့ ဆိုတဲ့ ကိစ္စရပ်တွေက ငြိမ်းချမ်းရေး လုပ်ငန်းစဉ် စိုးရိမ်ရေမှတ်ကို ရောက်နေပြီဆိုတာ သက်သေပြ နေပါတယ်။


ယခု ဆောင်းပါးပါ အကြံပြုချက်တွေဟာ စာရေးသူရဲ့ ၄ နှစ်ကြာ အပစ် အခတ်ရပ်စဲရေးနဲ့ ငြိမ်းချမ်းရေးဖြစ်စဉ် သတင်းရယူရေးသား မှုတွေ နဲ့ တွေ့ရှိချက်အပေါ် အခြေခံ ရေးသားထားတာ ဖြစ်ပါတယ်။ အချိန်သိပ်မရတဲ့ အတွက် အချက်အလက် စုံလင်ချင်မှ စုံလင်မှာဖြစ်ပေမဲ့ ငြိမ်းချမ်း ရေး လုပ်ငန်းစဉ် ရှေ့ဆက်နိုင်ဖို့အတွက် စဉ်းစားစရာတွေ ရဖို့အတွက် ရည်ရွယ်ပါတယ်။


တပ်မတော်နဲ့ တိုင်းရင်းသား လက်နက်ကိုင် သဘောထားမပြောင်း


တကယ်တော့ အစိုးရသစ်တက်လာတဲ့ အထိ တပ်မတော်နဲ့ NCA မထိုးသေးတဲ့ တိုင်းရင်းသားလက်နက်ကိုင် အဖွဲ့တွေရဲ့သဘောထားက ကြီးကြီးမားမားပြောင်းလဲသွားတာ မတွေ့ရပါဘူး။ ဆိုလိုရင်းက ငြိမ်းချမ်းရေးနဲ့ အပစ်ခတ်ရပ်စဲရေးဆို တပ်မတော်က ၂၀၀၈ အခြေခံ ဥပဒေနဲ့ မူ ၆ ချက်ကို ဆက်လက်ကိုင်စွဲဆဲဖြစ်ပြီး ငြိမ်းချမ်းရေး ရပြီးရင် နိုင်ငံရေးက ထွက်ခွာမယ်ဆိုတဲ့ သဘောမျိုးကို ကိုင်ထားတာတွေ့ရပါတယ်။


NCA လက်မှတ်ထိုးဖို့ ကျန်နေတဲ့ အဖွဲ့တွေတော်တော်များများကတော့ အမျိုးသား ညီလာခံတက်ခဲ့ ဖူးတဲ့ အဖွဲ့တွေပီပီ နိုင်ငံရေး ဆွေးနွေးမှုအရ အားကောင်းခိုင်မာမှုကို လိုလားဟန်ရှိပါတယ်။ အခု ပန်ဆန်းညီလာခံကို အိမ်ရှင်လုပ်တဲ့ ၀ ဆိုရင် တစ်ခါမှ NCA ထိုးမယ်လို့ တစ်ခါမှ မပြောဖူးပါ။ ကေအိုင်အေ ၊ SSPP/SSA သျှမ်းပြည်တပ်မတော် တို့လို အဖွဲ့တွေက အရင်အစိုးရ လက်ထက်က အားလုံးပါဝင်နိုင်မှု မရှိမှုအပေါ် အကြောင်းပြခဲ့ပြီး အရပ်သားအစိုးရ လက်ထက်မှာတော့ ပစ်ခတ် တိုက်ခိုက်မှု စောင့်ကြည့်ရေးယန္တရားတွေ ပိုမိုခိုင်ခန့်ဖို့ ၊ နိုင်ငံရေး ဆွေးနွေးမှုအတွက် မူဘောင်လို ကိစ္စတွေကို အလေးထားခြင်းဖြစ်ပါတယ်။ တကယ်လို့ တိုက်ရိုက် ပါဝင်ခွင့် တန်းတူပါဝင်ခွင့် ကန့်သတ်ခံရတဲ့ တအာင်းပလောင် ၊ အေအေ ၊ ကိုးကန့်တို့မပါ ခဲ့ရင်တောင် ၊ တနိုင်ငံလုံး အပစ်ခတ်ရပ်စဲမှုကို ဘယ်လို ကြေငြာမလဲဆိုတဲ့ အချက်ကို သူတို့ NCA ထိုးဖို့ အဆိုပြုချက် ၈ ချက် ထဲမှာ ထည့်သွင်းဆွေးနွေးနေတာ တွေ့ရပါတယ်။


တိုင်းရင်းသားလက်နက်ကိုင်အားလုံးဟာ ခွဲထွက်မယ်လို့ ဘယ်သူမှ မပြေထားသလို အားလုံး နိုင်ငံ ရေး ဆွေးနွေးပွဲတက်လိုတယ်လို့ ဆိုထားပါတယ်။ ဒါပေမဲ့ စစ်အင်အားဖြည့်တင်းမှုတွေကတော့ အထူးသဖြင့် ကရင်နီ ၊ မွန်ပြည်သစ် ကလွှဲလို့ ကျန်NCA မထိုးအဖွဲ့တွေအားလုံးက လုပ်ဆောင် နေတဲ့ သဘောတွေ့ရသလို ၊ တပ်မတော်ကလည်း စစ်တိုက်ဖို့ အမြဲပြင်ဆင်နေတာက ငြင်းဆန်မရ နိုင်တဲ့အချက်ပါပဲ။ သေချာတာကတော့ ငြိမ်းချမ်းရေးဖြစ်စဉ်မှာပါနေတဲ့ နှစ်ဘက် လက်နက် ကိုင်အဖွဲ့အစည်းတွေအားလုံး ( NCA ထိုးပြီး မပြီးအားလုံးဆိုလို ) ဟာ စစ်ပန်းတဲ့အတွက် ဒိုင်ယာလောခ့်လမ်းကြောင်းပေါ်လာနေသလား နှစ်ဘက်စလုံးက အဲဒီ Peace Talk တွေကို ဘယ်လောက်ယုံကြည်သလဲဆိုတဲ့ ကိစ္စမှာ မေးခွန်းထုတ်စရာရှိပါတယ်။ NCA ထိုးပြီးသားအဖွဲ့တွေဖြစ်တဲ့ RCSS/SSA ၊ တို့ ကေအန်ယူတို့တောင် စစ်သားစု ( သို့မဟုတ် ) ယာယီ စစ်သင်တန်းပေးတဲ့ ကိစ္စတွေက သတင်းတွေမကြာခဏ ကြားနေရပါတယ်။
အာစီအက်စ်အက်စ်၊ ကေအန်ယူတို့အနေနဲ့ ဆွေးနွေးမှု လမ်းကြောင်းပိုယုံကြည်တာလား စစ်အစိုးရ လက်ထက်က နှစ်ဖွဲ့စလုံးက စစ်တိုက်ခဲ့ရတဲ့အဖွဲ့လား ဆိုတာကြောင့် မသိနိုင်ပေမဲ့ အဲနှစ်ဖွဲ့ထဲမှာတောင် ကေအန်ယူအနေနဲ့ တပ်နဲ့ပါ ပိုအဆင်ပြေတာက ထူးခြားမှု အနေနဲ့ ရှိနေပါတယ်။ ဒါပေမဲ့ အခု ကေအန်ယူ ကွန်ကရက် နီးလာချိန်မှာ တစ်ချိန်က အစိုးရနဲ့ နီးစပ်သူ ကေအန်ယူလည်း မရေရာမှုတွေ များစွာရှိနေဆဲ ပါပဲ။


တစ်ချို့အဖွဲ့ငယ်လေးတွေဖြစ်တဲ့ ချင်းအမျိုးသား တပ်ဦး ၊ ပအိုဝ်းအမျိုးသား လွတ်မြောက်ရေးအဖွဲ့ချုပ်တို့က စစ်အင်အားဘာမှ မရှိပေမဲ့ဒီ ပရောဆက်ထဲဝင်မှ သူတို့အသံတွေ လူသိနိုင်မှာ ဖြစ်တဲ့အတွက် ( နိုင်ငံရေး ၊ စစ်ရေးပါဝါတစ်ခုမှမရှိ ) ပါနေကြတဲ့ သဘောဆောင်ပါတယ်။ သူတို့က အစိုးရနှစ်ဆက်စလုံးနဲ့ ပြေလည်တဲ့ အဖွဲ့တွေလည်းဖြစ်ပါတယ်။ ဘယ်လိုပဲဖြစ်ဖြစ် Nation Building မှာ Identity စုံလင်စွာ လက်ခံခြင်းဟာ ကောင်းမွန်တဲ့ လက္ခဏာအချို့လည်း ရှိနေပါတယ်။ ထူးခြားမှုကတော့ အရင်က ဒေါ်အောင်ဆန်းစုကြည်အပေါ် တစ်လေးတစ်စားရှိခဲ့ပြီး ဒေါ်အောင်ဆန်းစုကြည်အစိုးရတက်မှ ဆွေးနွေးမယ်ဆိုတဲ့ အဖွဲ့တွေ အကုန်လုံး အခု အစိုးရသစ်တက်လာတာ တစ်နှစ်ကျော်အထိ လက်မှတ်မထိုးနိုင်တာပဲဖြစ် တဲ့အတွက် ပြဿနာ ကြီးကြီးမားမား ရှိနေတယ်ဆိုတာ အစိုးရ အနေနဲ့ ပကတိအရှိတရားကို လက်ခံရမှာဖြစ်ပါတယ်။


ထူးခြားမှုကတော့ အရင်က ဒေါ်အောင်ဆန်းစုကြည်အပေါ် တစ်လေးတစ်စားရှိခဲ့ပြီး ဒေါ်အောင်ဆန်းစုကြည် အစိုးရတက်မှ ဆွေးနွေးမယ်ဆိုတဲ့ အဖွဲ့တွေအကုန်လုံး အခု အစိုးရသစ်တက်လာတာ တစ်နှစ်ကျော်အထိ လက်မှတ်မထိုးနိုင်တာပဲဖြစ်တဲ့အတွက် ပြဿနာ ကြီးကြီးမားမားရှိနေတယ်ဆိုတာ အစိုးရ အနေနဲ့ ပကတိအရှိတရားကို လက်ခံရမှာဖြစ်ပါတယ်။ မထိုးသေးတဲ့ အဖွဲ့တွေထဲက တော်တော်များများက အမျိုးသား ညီလာခံလို ကိစ္စမျိုးကို ကြုံခဲ့ဖူးတဲ့အတွက် ခဲမှန်ဖူးတဲ့ စာသူငယ်တွေလို ဖြစ်ကောင်းဖြစ်နိုင်ပါတယ်။


အစိုးရ က ကြားနေ Good Moderator ဖြစ်မဖြစ်


တပ်မတော်နဲ့ တိုင်းရင်းသားလက်နက်ကိုင်တွေရဲ့ ရပ်တည်မှု နှစ်ရပ်ကြားထဲမှာ အစိုးရက ရှိနေရမဲ့ နေရာက တရားမျှတစွာ အဆုံးအဖြတ်ပေးနိုင်မဲ့ ဒိုင်လူကြီး Good Moderator လို့ အကဲခတ် တွေက ဆိုကြပါတယ်။ အခုနောက်ဆုံး ၀ ဒေသ အစည်းအဝေးမှာ ပေါက်ယူချန်းရဲ့ မိန့်ခွန်းထဲက တပ်မတော်နဲ့ အစိုးရကို ဗမာလို့ ဆိုဆို မြန်မာလို့ ဆိုဆို အတူတူပဲလို့ ဆိုခဲ့တာကြည့်ရင် အစိုးရကို သမာသမတ်ကျတဲ့ ကြားနေ ဟုတ်ရဲ့လား ဆိုတာ သံသယဝင်လာတာ ငြင်းမရနိုင်တဲ့ အချက်ပါပဲ။ ဂိဒွန်တိုက်ပွဲတွေမှာ နှုတ်ဆိတ်နေမှု ၊ ဒုက္ခသည် အရေးတွေအပြင် အစိုးရအဖွဲ့နဲ့ အတန်သင့် နယ်မြေအလိုက် အနိုင်ရခဲ့တဲ့ တိုင်းရင်းသားပါတီတွေနဲ့ ဆက်ဆံရေးက အစ မေးခွန်းထုတ်စရာ ရှိနေကြတာ အသေချာပါပဲ။


လူထုထောက်ခံမှု အားကောင်းကောင်းနဲ့ တက်လာတဲ့ အစိုးရတစ်ရပ်ဟာ တရားဝင်မှုနဲ့ ထောက်ခံမှု မြင့်မားမှုတွေကြောင့် ငြိမ်းချမ်းရေး လုပ်ငန်းစဉ်အောင်မြင်ဖို့ အထောက်အကူဖြစ်နိုင်သော်လည်း မြန်မာပြည်ရဲ့ ပကတိ လိုအပ်ချက်ဖြစ်တဲ့ အမျိုးသားပြန်လည်သင့်မြတ်ရေး ၊ အရပ်ဘက်စစ်ဘက် ဆက်ဆံရေး ၊ တိုင်းရင်းသား အရေး ၊ လူမှု စီးပွားဖွံ့ဖြိုးရေး ၊ ပြည်သူ့ဘဝ လုံခြုံရေးနဲ့ ရပိုင်ခွင့် တိုးတက်ရေးလို ကိစ္စရပ်တွေမှာ အရပ်သားအစိုးရအနေနဲ့ ဟန်ချက်ညီစွာ ရှေ့တိုးအောင် မဆောင်ရွက်နိုင်ရင် အများကြီး ပြဿနာရှိနိုင်ပါတယ်။


အရပ်ဘက်နဲ့ စစ်ဘက်ဆက်ဆံရေးနဲ့ ပတ်သက်လို့ တနှစ်အတွင်း အစိုးရ ထိပ်ပိုင်းခေါင်းဆောင်တွေနဲ့ တပ်မတော်ထိပ်ပိုင်းခေါင်းဆောင်တွေအကြား ဆက်ဆံရေးက ပြန်ကြည့်ရင် သိပ်အဆိုးကြီးမဟုတ်ပေမဲ့ အလုံးစုံအဆင်ပြေရဲ့လားဆိုတာကလည်း သံသယဝင်စရာပါ။ ငါပြောသမျှထောက်ခံကြ လိုက်လုပ်ကြ ဆိုတဲ့ ကိစ္စတွေက ငြိမ်းချမ်းရေးအတွက်တော့ အဆင်ပြေမှာမဟုတ်လောက်ပါဘူး။


အထူးသဖြင့် အန်အယ်လ်ဒီရဲ့ ရွေးကောက်ပွဲ မဲဆွယ်ကာလက ကတိကဝတ်တွေနဲ့ NCA နဲ့ ပတ်သက်လို့ သမ္မတ ဦးသိန်းစိန်လက်ထက်က ဒေါ်အောင်ဆန်းစုကြည် ပြောဆိုချက်တွေကို NCA စာချုပ်မထိုးသေးတဲ့ အဖွဲ့တွေက ပြန်ထောက်ပြလာ တာလည်း တွေ့ရပါတယ်။ ပင်လုံစာချုပ်နဲ့ ပတ်သက်တဲ့ ဒေါ်အောင် ဆန်းစုကြည် ရဲ့ ပြောဆိုချက်တွေက အငြင်းပွားစရာဖြစ်နေပြီး ပြည်ထောင်စု ပဋိဉာဉ်ကို သေးသိမ်အောင် လုပ်တဲ့သဘော တိုင်းရင်းသားတွေဘက်က ရှူမြင်တာငြင်းမရနိုင်တဲ့ကိစ္စပါ။


တိုင်းရင်းသား ပါတီတွေ အရပ်ဘက်အဖွဲ့အစည်းတွေနဲ့ အစိုးရသစ် ဆက်ဆံရေး


အစိုးရသစ်လက်ထက်မှာ တိုင်းရင်းသားပါတီတွေနဲ့ ကော အရပ်ဘက် အဖွဲ့အစည်းတွေနဲ့ ဆက်ဆံရေးပါ ကောင်းမွန်ခြင်းမရှိတဲ့ အပြင် ဆိုးဝါးလှတဲ့ အခြေနေတွေပါ တွေ့မြင်ရပါတယ်။ သမ္မတ ဦးသိန်းစိန် လက်ထက် က လုပ်ခဲ့တဲ့ ပုံမှန်တွေ့ဆုံမှုမျိုးတွေတောင် မရှိတော့သလို တိုင်းရင်းသား ပါတီနဲ့ကတော့ စကတည်းကယဉ်သကို ဆိုသလိုပါပဲ။ အစိုးရသစ်ဖွဲ့စည်းမှု စကတည်းက ရခိုင် ၊ သျှမ်း တိုင်းရင်းသားပါတီတွေနဲ့ မပြေလည်မှုတွေ ရှိခဲ့ပါတယ်။ ဒေသအလိုက် နိုင်တဲ့ တအာင်း(ပလောင်)လို ပါတီတွေနဲ့လည်း တိုက်ရိုက် တွေ့ဆုံဆွေး နွေးတာတွေ မရှိတာကလည်း အံ့အားသင့်စရာပါပဲ။


တအာင်းပလောင်တိုင်းရင်းသားတွေ အဓိကနေထိုင်တဲ့ ဒေသတွေမှာ တအာင်းပလောင် တပ်ဖွဲ့ TNLA အားကောင်းလာမှုနဲ့ တပြိုင်နက် တအာင်းပလောင်ပါတီလို ပါတီတွေကို အစိုးရ ရာထူးတွေပေး တာ ခေါ်ဆွေးနွေးတာ ဒေသတွင်း ဖွံ့ဖြိုးရေးအစီစဉ်တွေ နဲ့ အတူ ဒေသ ခံတွေကို သေနတ်မကိုင်ချင်အောင် အနေထားတွေ ဖန်တီးပေးမှုတွေကလည်း ငြိမ်းချမ်းရေး ဖြစ်စဉ်မှာ အရေးပါတဲ့ ကိစ္စဖြစ်ပါတယ်။


သျှမ်းပြည်နယ်မှာ အရေးပါတဲ့ အဖွဲ့နှစ်ဖွဲ့ဖြစ်တဲ့ သျှမ်းပြည်တပ် မတော် မြောက်ပိုင်း နဲ့ တအာင်းပလောင် တပ်ဖွဲ့တို့ တည်ရှိတဲ့ ဒေသဟာ ပဋိပက္ခတွေဖြစ်ပွားနေတဲ့ မြောက်ပိုင်းလက်နက်ကိုင်အဖွဲ့တွေအတွက် ( အရှေ့ ဘက် ၀ နယ်ကနေ မြောက်ဘက် ကချင်ပြည်နယ် အထိ မြန် မာပြည်မြေပုံအတိုင်းဆက်စပ်ကြည့်မယ်ဆိုရင် ) အဓိက အလယ်အူကြောလို့တောင် ပြောလို့ရပြီး ဒေသအလိုက် အထူးအစီစဉ်တွေ ရှိရင်တောင် သေနတ်သံတွေကို ထိန်းနိုင်ဖို့အတွက် ထောက် ကူမှုတွေရှိနိုင်ခဲ့မှာဖြစ်ပါတယ်။ ဥပမာအားဖြင့် ၀ နယ်ကနေလာရင် သျှမ်းမြောက် SSPP/SSA ဒေသကိုဖြတ်မှ တအာင်းပလောင်TNLA ဒေသ အဲဒီနယ်တွေပြီးမှ ကေအိုင်အေ နယ်မြေကို ရောက်တာဖြစ်ပါတယ်။ တအာင်းပလောင်နဲ့ သျှမ်းတိုင်းရင်းသားပါတီတွေနဲ့ အစိုးရ ဖွဲ့စည်းရေးလို ကိစ္စတွေမှာ သေချာညှိနှိုင်းဆွေးနွေးနေရာပေးမှုတွေ လုပ်ခဲ့ရင်တောင် သျှမ်းမြောက်မှာ ဒေသအလိုက် သေနတ်သံလျော့ဖို့ အထောက်အကူပြုလာမှာဖြစ်ပါတယ်။
တိုင်းရင်းသားလက်နက်ကိုင်တွေပေါ်လာတာ ဒေသခံ လူထု ပူးပေါင်းပါဝင်မှု မရှိရင် မဖြစ်နိုင်ပါဘူး။ ဘယ်လို အကျိုးစီးပွားပဲရှိတယ်ဆိုဆိုပါ။ သက်ဆိုင်ရာ နယ်မြေမှာ လူထုထောက်ခံမှုများသူတွေကို အစကတည်းက ညှိနှိုင်းဆွေးနွေးပြီးရာထူးပေးခဲ့ရင် ငြိမ်းချမ်းရေးအတွက် တိုင်းရင်းသားတွေနဲ့ အစိုးရအြကြားဆက်ဆံမှု ယုံကြည်မှု ပိုမိုကောင်းမွန်လာနိုင်ပါတယ်။


UNFC ခေါင်းဆောင် နိုင်ဟံသာတို့ဆိုရင် ရွေးကောက်ပွဲနယ်မြေအလိုက် ကိုယ်စားပြုမှုရှိတဲ့ တိုင်းရင်းသား တွေကို နယ်မြေအလိုက် အုပ်ချုပ်မှုတွေပေးဖို့ အစိုးရဖွဲ့ခါနီးကာလကတည်းက ပြောခဲ့တာ သတိထားမိပါတယ်။ NLDက တိုင်းရင်းသားနယ်မြေမှာ ဗမာတွေများလာတဲ့အပေါ် ၊ တိုင်းရင်းသား လူဦးရေ နည်းသွား တဲ့အပေါ် အသားယူနေလားဆိုတဲ့ ကိစ္စကလည်း ပေါက်ဖွား လာတာတွေ့ရပါတယ်။ ဥပမာ ဗိုလ်ချုပ်ကြေးရုပ် တိုင်းရင်းသားနယ်မြေတွေမှာ ဆန့်ကျင်ခံရမှုတွေ ၊ တိုင်းရင်းသားနယ်မြေရောက် ရွှေ့ပြောင်းတွေကို တိုင်းရင်းသားတွေ နိုင်ငံသား စီစစ်ရေးကတ်မရခင် အိမ်ထောင်စု ဇယားထုတ်ပေးဖို့ လုပ်ခဲ့တဲ့ ကိစ္စတွေက သံသယဝင်စရာကိစ္စတွေ သာဖြစ်ပါတယ်။


တပ်ချုပ်ပြောခဲ့တဲ့ ကချင်နဲ့ သျှမ်းပြည်နယ် မှာ ဗမာလူဦးရေ ဘယ်လောက် ဆိုတာနဲ့ အစိုးရရဲ့ အိမ်ထောင်စု ဇယားထုတ်ပေးမှု ကိစ္စရပ်တွေက အသွင်မတူပေမဲ့ သဘောတရား သိပ်မကွာသလိုဖြစ်နေပါတယ်။ တိုင်းရင်း သား ဒေသမှာ တိုင်းရင်းသား နည်းပါးသွားတဲ့ ကိစ္စတွေ ပြောမယ်ဆို ရင် ပြောစရာတွေအများကြီး ရှိပါတယ်။ NLD ကပေးတဲ့ ရာထူးကို ယူခဲ့တဲ့ တိုင်းရင်းသားပါတီအချို့က တိုင်းရင်းသားတွေရဲ့ နိုင်ငံရေးထောက်ခံမှုက သက်ဆိုင်ရာဒေသတွေမှာ ကျလာတာကလည်း ၀မ်းနည်းစရာကိစ္စပါ။ ICG ရဲ့ ရီပို့ တစ်ပုဒ်မှာ အစိုးရ အနေနဲ့ အစိုးရဖွဲ့စည်းမှုမှာ အသေးစိပ် တွက်ချက်ပျက်ကွက်ခဲ့တယ်လို့ ဆိုပါတယ်။


တိုင်းရင်းသားပါတီတွေနဲ့ ဆက်ဆံရေးကောင်းရင် တခြားဆိုင်ရရာ လက်နက်ကိုင်အဖွဲ့အစည်းတွေနဲ့ ဆွေးနွေးရာမှာလည်းကြားခံအဖြစ် အသုံးပြုနိုင်သလို တဘက်က အသွင်မတူတဲ့ အမာလိုင်း လက်နက်ကိုင် တွေနဲ့ ပါတီတွေ နိုင်ငံရေးအရ တအားသွားမပူးဖို့လည်းအတန်အသင့် ထိန်းချုပ်နိုင်မှာဖြစ်ပါတယ်။ ပြီးခဲ့တဲ့ မိုင်ဂျာယန်ညီလာခံမှာ NLDနဲ့ အဆင်မပြေတဲ့ တိုင်းရင်းသားပါတီတွေ ညီလာခံ သွားတက်မှုက ဒီဘက်က ပယ်ရှား တစ်ဘက်မှာသွားပူးဆိုတဲ့ သဘောမျိုးတောင်ဆောင်နေပါတယ်။ ဒါကလည်းသူတို့ကို အပြစ်ပြောလို့ မရနိုင်ပါဘူး။


NLD နဲ့ လူထုအခြေပြု အဖွဲ့အစည်းတွေ ၊အရပ်ဘက်အဖွဲ့အစည်းတွေနဲ့ ဆက်ဆံရေးကလည်း မကောင်း လှပါဘူး။ အထူးသဖြင့် တိုင်းရင်းသားအရပ်ဘက်အဖွဲ့အစည်းတွေအနေနဲ့ အရင်အစိုးရထက်တောင် လက်ရှိ အစိုးရလက်ထက်မှာ ပိုပြီး လုပ်ရကိုင်ရခက်တဲ့ အပိုင်းတွေတောင် ရှိသလို ဆိုင်ရာ လုပ်ငန်းတွေအတွက် ငွေကြေးကန့်သတ်ခံရမှု အစိုးရက ၀င်ထိန်းဖို့ ရည်ရွယ်တဲ့ ကိစ္စတွေအပြင် ၂၁ ပင်လုံမှာ တိုက်ရိုက်ပါဝင် ခွင့်အတွက်လို ကိစ္စတွေမှာ ဘေးဖယ်ခံထားရပြီး သီးသန့် ဖိုရမ်တစ်ခုကနေသာ ပါဝင်ခွင့်ရတဲ့ကိစ္စတွေက အလုပ်ဖြစ်တဲ့ နိုင်ငံတကာ ငြိမ်းချမ်းရေး လုပ်ငန်းစဉ်တွေနဲ့ ယှာဉ်ကြည့်ရင် ဆန့်ကျင်ဘက်လို ဖြစ်နေပါတယ်။


အရပ်ဘက် အဖွဲ့အစည်းတွေနဲ့ အန်ဂျီအိုတွေ အားကောင်းခြင်းအားဖြင့် သတင်းအချက်အလက်နဲ့ အသံတွေနဲ့ ပတ်သက်လို့လည်း တစ်ခြားမတူတဲ့ရှူထောင့်တွေက ရနိုင်သလို ငြိမ်းချမ်းရေးနဲ့ ပတ်သက်လို့ အခြား အကြံပြု ချက်တွေအပါဝင် ကဏ္ဍအလိုက် ပညာပေး အစီအစဉ်တွေ အတွက်လည်း ပိုမိုကျယ်ကျယ်ပြန့်ပြန့် လုပ်ဆောင်နိုင်မှာဖြစ်ပါတယ်။


NCA စာချုပ်အကောင်ထည်ဖော်မှု ကိစ္စ


NCA အပစ်ရပ်စာချုပ်ကို လက်မှတ်ထိုးတာ တစ်နှစ်ကျော်ကြာမြင့် လာပြီဖြစ်ပေ မဲ့ ထိုးပြီးသားအဖွဲ့တွေရဲ့ နယ်မြေမှာတောင် စာချုပ်ဆိုင်ရာ အချက်လက်တွေ ကို အကောင်ထည် ဖော်နိုင်မှုတွေက နှေးကွေးလေးလံတာ ( သို့မဟုတ် ) အကောင်ထည်ဖော်နိုင်မှု မရှိတာ အများကြီးဖြစ်နေပါတယ်။ အခုထိ တပ်နေရာချထားရေးတွေ မလုပ်ရသေးသလို လူနေအိမ်ခြေနဲ့နီးတဲ့ နယ်မြေတွေက တပ်စခန်းတွေ နေရာ ပြောင်းဖို့ တစ်ဘက်နဲ့တစ်ဘက် နယ်မြေသတ်မှတ်မှုဆိုင်ရာ ကိစ္စတွေ ထိထိရောက်ရောက်မ လုပ်နိုင်သေးပါဘူး။ ဒေသတွင်းဖွံ့ဖြိုးရေးနဲ့ ပြန်လည်ထူထောင်ရေး လုပ်ငန်းတွေကလည်း အချိန်ယူရဦးမဲ့ ကိစ္စတွေဖြစ်ပါတယ်။


သျှမ်းပြည်နယ်တောင်ပိုင်းက အာစီအက်စအက်စ SSA နဲ့ ဆက်စပ်တဲ့ နယ်မြေတွေမှာဆိုရင် NCA တစ်နှစ်ကျော်လာပြီဖြစ်ပြီး တစ်ဖွဲ့ချင်း အပစ်ရပ်တာ ၅နှစ်ကျော်လာပေမဲ့ အခုထိ နိုင်ငံခြားခရီး သွားတွေ သွားလို့မရတဲ့ ခရီးသွား လုပ်ငန်းအတွက် ခြေလျင် တောတောင်ရှူခင်းဖြတ်ကျော် ခရီးတွေသွားလို့မရတဲ့ နယ်မြေတွေများနေသလို စစ်မဖြစ်တာကလွှဲလို့ တခြားဘိန်းအစားထိုး သီးနှံလို ကိစ္စတွေကအစ မူးယစ်ဆေးဝါးတိုက် ဖျက်ရေးအဆုံး ကြီးကြီးမားမား မလုပ်နိုင်သေး ပါဘူး။ အပစ်ရပ်နယ်မြေတွေအတွင်း အိုင်ဒီပီတွေ ပြန် လည်နေရာ ချထားရေးနဲ့ ပတ်သက်တဲ့ ကိစ္စတွေမှာလည်း စိန်ခေါ်မှု မြောက်မြား စွာ ရှိဆဲဖြစ်ပါတယ်။


လူမှုဘဝဖွံ့ဖြိုးမှုနဲ့အတူ အရေးပါတဲ့ စိုက်ပျိုးရေးကုန်သွယ်မှု လုပ်ငန်းတွေ မကောင်းတာ တွေကလည်း ဒေသခံတွေကို အခက်တွေ့စေပြီး ဘိန်း စိုက်ပျိုးမှုအပါဝင် တခြားတရား မဝင်လုပ်ငန်းတွေကို တွန်းအားပေး သယောင်ရှိနေပါတယ်။ နောက် EITI လို ကိစ္စတွေနဲ့ အမျိုးသား အဆင့်ဆွေးနွေးပွဲကျင်းပခွင့် ၊ ကျင်းပမှု ၊ နေရာ ကိစ္စတွေနဲ့ ပတ်သက်လို့တော့ မရေမရာ အမျိုးမျိုး အငြင်းပွားနေဆဲဖြစ်တာကို ကြည့်ရင် NCA မထိုးသေးတဲ့ အဖွဲ့တွေကပင် ထောက်ပြနိုင်တဲ့ အနေထားပါ။


NCA စာချုပ်အရ ဖွဲ့ထားတဲ့ UPDJC ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ ( UPDJC) က နိုင်ငံရေးဆွေးနွေးပွဲအတွက် ရက်သတ် မှတ်မှုတွေလုပ်ရမှာဖြစ်ပေမဲ့ အစိုးရကပဲ ကျင်းပမဲ့ ရက်တွေကိုအ ဆင် သင့်ဖြစ်ဖြစ် မဖြစ်ဖြစ် အော်နေတဲ့ ကိစ္စမျိုးတွေကလည်း သတိထားစရာ ကိစ္စတွေဖြစ်ပါတယ်။ နောက် ကျောင်းသားတပ်မတော်က ရဲဘော်မင်းဌေး အဖမ်းခံရတဲ့ ကိစ္စရပ်လို ကိစ္စတွေကလည်း NCA စာချုပ်အရ ပြဿနာ ရှိတဲ့ ကိစ္စတွေပါ။


Bilateral meeting တွေ နဲ့ Bilateral တစ်ဖွဲ့ချင်းအလိုက် စာချုပ်တွေ အသက်မဝင်သလိုဖြစ်နေ အစိုးရသစ် လက်ထက်မှာတော်တော် နည်းသွားတဲ့ ကိစ္စတွေထဲပါပါတယ်။ အစိုးရနဲ့ တစ်ဖွဲ့ချင်းဆွေးနွေးတာက လည်း တစ်ဖွဲ့ချင်းစီအလိုက် အခက်ခဲအခြေနေတွေကို နားလည်နိုင်သလို ယုံကြည်မှု တည်ဆောက်မှုမှာလည်း အရေးပါတဲ့ ကိစ္စဖြစ်ပါတယ်။ အခု ၀ ကိစ္စဆိုရင် သီးခြား တာဝန်ပေးသူ ရှိပေမဲ့ အစိုးရရခဲ့တဲ့ အချက်လက်တွေ က မှားယွင်းခဲ့ဟန်တူပါတယ်။ မြောက်ပိုင်းအရေးနဲ့ ၀ ကိစ္စကို အောက်မှာ ဆက်ရေးပါဦးမယ်။


Informal meeting တွေ တခြား မီဒီယာတွေနဲ့ ဆွေးနွေးသတင်ဖ လှယ်မှုတွေ ကလည်း ဒီချုပ်အစိုးရလက်ထက် မှာ ပျောက်နေတဲ့ လုပ်ငန်းစဉ်တွေဖြစ်ပါ တယ်။ နောက် NCA ထိုးထားတဲ့ အဖွဲ့တွေအပြင် မထိုးထားတဲ့ အဖွဲ့အချို့နဲ့ လည်း တစ်ဖွဲ့ချင်းအလိုက် အပစ်ရပ်စာချုပ်တွေ ပစ်ခိုက်တိုက် ခိုက်မှု လျှော့ ချရေး စာချုပ် ယန္တရားတည်ဆောက်မှုဆိုင်ရာ သဘောတူညီချက်တွေ ယခင်က ရှိခဲ့ပါတယ်။ အဲဒါတွေ ယခု မရှိတော့ပါ။ လွန်ခဲ့တဲ့ ဂိဒွန်တိုက်ပွဲတွေဟာ ယခင် အစိုးရလက်ထက်ကဆိုရင် နှစ်ဘက်ပူးတွဲဖွဲ့စည်းထားတဲ့ ပဋိပက္ခဖြေရှင်းရေး ယန္တယားအဖွဲ့အစည်းတွေက ရှင်းနိုင်တဲ့ ကိစ္စရပ်တွေဖြစ်ပါတယ်။


NCA စာချုပ်မှာလည်းး တစ်ဖွဲ့ချင်းစီအလိုက် ချုပ်ဆိုထားတဲ့ စာချုပ်တွေကို ဆက်လက်ဆောင်ရွက်ဖို့ ဖော်ပြထားပါတယ်။ ပဋိပက္ခဖြစ်လိုက်ရင် ထိန်းရခက်ပြီး ဆပွားတတ်တာတွေ ဖြစ်တတ်တာကြောင့်လည်း သတိထားသင့်တဲ့အရာတွေပါ ၊ ဂိဒွန်တိုက်ပွဲနောက်ဆက်တွဲ မူဆယ်တိုက်ပွဲနဲ့ လက်ရှိ ပန်ဆန်းညီလာခံ မဟာမိတ်ဖွဲ့မှုတွေက မယုံကြည်မှုတွေအပြင် ပဋိပက္ခတိုက်ပွဲတွေနဲ့ ပါ ပတ်သက်နေတယ်ဆိုတာ နိုင်ငံရေး လေ့ လာသူတိုင်းသိတဲ့အရာတွေပါ။ အားကြီးတဲ့ရန်သူကို အားလုံးအားနဲ့ ပါဝါတည်ဆောက်ပြိုင်မဲ့ သဘောပါ။


Voluntary Process သဘောဆန္ဒအလျောက် ပူးပေါင်းခိုဝင်နိုင်မှု ဖြစ်စဉ်


အောင်မြင်တဲ့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဖြစ်စဉ်တွေမှာ တစ်ဘက်နဲ့ တစ်ဘက် ဖိအားမပေး မတင်စီးပဲ သဘောဆန္ဒအလျောက် ပူးပေါင်းမှုနဲ့ ဆွေးနွေးတဲ့ Voluntary Process တွေက သာ အောင်မြင်သာများပါတယ်။


ဆွေးနွေးပွဲတွေဖြစ်ဖြစ် တခြား တွေ့ဆုံ ဆက်ဆံမှုတွေမှာဖြစ်ဖြစ် တစ်ဘက်နဲ့ တစ်ဘက် ဂုဏ်သိက္ခာကို အလေးထားဆက်ဆံဖို့ ပြောဆိုဖို့က အရေးကြီးပါတယ်။ အထူးသဖြင့် ကြားနေ သမာသမတ်ကျကျရပ်တည်ရမဲ့ အစိုးရရဲ့ ကဏ္ဍက ပိုမို အရေးကြီးပါတယ်။ဗီုလ်ချုပ်အောင်ဆန်းက တိုင်းရင်းသား စည်းလုံးညီညွတ်ရေး လုပ်ခဲ့တာဟာ ဗမာတွေရဲ့ ဂုဏ်သိက္ခာ Honors of Pride ကို အာမခံပြီး ဖိအားမပေး မတင်စီးတဲ့ လေသံနဲ့ Voluntary အရ စည်းရုံးခဲ့တာဖြစ်ပါတယ်။ အခုလို ယုံကြည်မှု ပျက်လာတဲ့ အချိန်မှာ အစိုးရနဲ့ တိုင်းရင်းသားအဖွဲ့အစည်းအကြား ယုံကြည်မှု ပျက်တာ မဟုတ်ပဲ ဗမာလူမျိုးစုက အများစုဖြစ်တဲ့အတွက် ဗမာ နဲ့ ကျန်တဲ့ တိုင်းရင်းသားအြကြား စိတ်ဝမ်းကွဲမှု အသွင်ဆောင်လာတာဟာ ယုံကြည်မှု ယိုယွင်းလာတာဟာ ကောင်းတဲ့ လက္ခဏာ မဟုတ်ပါဘူး။


လက်ရှိဖြစ်နေတဲ့ အခင်းအကျင်းကို အစိုးရနဲ့ တိုင်းရင်းသားအဖွဲ့ အစည်းတွေရဲ့ အရေးလို့ မမြင်ပဲ တပ်မတော်အင်အားစုတွေ ရှိလင့်ကစား ဗမာလူများစုနဲ့ တိုင်းရင်းသား မျိုးနွယ်စုတွေရဲ့ ဆက်ဆံရေးအဖြစ်ပါ ရှုမြင်ဖို့ လိုပါတယ်။ ဥပမာ ဗိုလ်ချုပ်အောင်ဆန်း တံတား အမည် မသတ်မှတ်ဖို့ ရဟန်း သံဃာတော်တွေအပါဝင် ဒေသခံ ထောင်ချီ ဆန္ဒပြခဲ့တာ မြစ်ကြီးနားမြို့က စစ်ရပ်စဲရေး ဆန္ဒပြပွဲတွေမှာ ဒေသခံ သောင်းချီ ပါဝင်ဆင်နွှဲပြီးဒေါ်အောင် ဆန်းစုကြည်ကိုပါ မေးခွန်းထုတ်ကြတာ ၊ တစ်ဘက်မှာလည်း မခံချင်သူတွေက လူမျိုးနာမည်တပ်ဆဲကြတာတွေက တိုင်းပြည်ရဲ့ စိတ်ဝမ်းကွဲမှု မြင့်လာတဲ့ ညွှန်းကိန်းကို ပြသတဲ့ အရာတွေဖြစ်တယ်။


ဥပမာအားဖြင့် ရန်ကုန်မှာမွေးရန်ကုန်မှာ ကြီးတဲ့သူတစ်ယောက်က ငါက ကရင်သွေးပါတယ်ဆိုပြီး လူမျိုးစွဲတွေ ထားမနေပါနဲ့ ဆိုတဲ့ ကိစ္စက ကရင်ပြည်နယ် ဒေါနတောင်ခြေက ကရင်တွေရဲ့ ခံစားချက်နဲ့ ထပ်တူ မကျနိုင်ပါဘူး။ တရားဥပဒေစိုးမိုးရေး စိန်ခေါ်မှုရှိပေမဲ့ ရန်ကုန်ဟာ တခြား တိုင်းရင်းသားဒေသတွေ ထက်များစွာလုံခြုံပြီး အခြေနေကောင်းတယ် သက်သောင့်သက်သာရှိတဲ့ နယ်မြေဖြစ်တယ်ဆိုတာ သေချာပါတယ်။ သမ္မတက မွန်သွေးပါပေမဲ့ ဘုရားသုံးဆူ ရေးချောင်းဖျားက မွန်တွေနဲ့ ရုန်းကန်ရမှုနဲ့ ဖြတ်သန်းမှုချင်းမတူတဲ့အတွက် ဒေသတွင်း အခြေနေအပေါ် ခံစားမှု တူချင်မှ တူနိုင်ပါတယ်။


ပြည်သူအားလုံး Identity တစ်ခုအောက်မှာ အလွယ်တကူ Assimilate လုပ်လို့ရရင် ဖက်ဒရာယ်လစ်ဇင် ၊ Pluralism ၊ စတိတ်နေးရှင်း ၊ Public Policy on ethnic conflicts resolution ဘာသာရပ်တွေတောင် ပေါ်လာမယ် မထင်ပါ။ ဘုရင့်နောင်တည်ခဲ့တဲ့ ဟံသာဝတီ နေပြည်တော်ကို နောက်ဘုရင် လက်ထက်မှာ လာဖျက်ခဲ့တာဟာ ထိုင်းတွေကြီးကြီးမဟုတ်ပဲ မွန် ၊ သျှမ်း ၊ ရခိုင်တွေပါပါခဲ့တယ်ဆိုတာ ကြည့်ရင် သမိုင်းမှာ ပြည်ထောင်စုအဖြစ် စုစည်းမှုဆိုတာ ဗိုလ်ချုပ်အောင်ဆန်းလက်ထက်မှ စတင်ကြံရွယ်ခဲ့တယ်ဆိုတာ သိသာပါတယ်။


Voluntary Process ထဲမှာ တိုင်းရင်းသားဒေသတွေမှာ အလုပ်အကိုင်အခွင့် အလမ်း ဖန်တီးပေးတာ ၊ မြေယာ ပိုင်ဆိုင်ခွင့်တွေ ခိုင်မာစေတာ ၊ ဒေသဌာနဆိုင်ရာ အဖွဲ့အစည်းတွေမှာ တိုင်းရင်းသားဝန်ထမ်းဦးရေကို ရာခိုင်နှုန်း သတ်မှတ်ခန့်ထားပေးတာ ၊ တိုင်းရင်းသားဒေသက စာသင်ကျောင်းတွေ ကို သင်ကြားမှု စွမ်းရည်မြင့်တဲ့ ဆရာတွေကို ပို့ပေးတာ ၊ သက်ဆိုင်ရာ တိုင်းရင်းသား ဘာသာစကားတွေရဲ့ တရားဝင်မှု ၊ သင်ကြားခွင့် ၊ ကျန်းမာရေးစောင့်ရှောက်မှု အဆင့်မြင့်တင်ပေးမှု တွေလည်းပါဝင်ပါတယ်။ ဒါပေမဲ့ တစ်လောက ပညာရေးဝန်ကြီး ဒေါက်တာမျိုးသိမ်းကြီးပြောတယ်ဆိုပြီး မီဒီယာတွေမှာ ဖော်ပြတဲ့ စကားကတော့စိတ်ပျက်စရာပါ။


မြို့ကြီးပြကြီးတွေက အရည်အချင်းမမှီတဲ့ ဆရာတွေကို နယ်စွန်နယ်ဖျားတွေကိုပို့မယ်ဆိုတဲ့ ကိစ္စက နယ်စပ်ဒေသက တိုင်းရင်းသားတွေကို ဒုတိယ နိုင်ငံသားတွေအဖြစ် သဘောထားသလားဆိုတာ မေးခွန်းထုတ်စရာဖြစ်နေပါတယ်။တိုင်းရင်းသားအရေးက တိုင်းရင်းသားဝတ်စုံရွတ်ပြရုံ အခမ်းအနား သဝဏ်လွှာပို့ရုံနဲ့ ရိုးရာကပွဲတွေ ကျင်းပရုံသက်သက် မပြေလည်နိုင်ပါ။


Voluntary ဖြစ်စဉ်ထဲမှာအမျိုးသား ပြန်လည်သင့်မြတ်ရေးအစိုးရဖွဲ့စည်းမှုလိုကိစ္စမျိုးကလည်း ပါဝင်နေပါတယ်။ လူမျိုးပေါင်းစုံနေထိုင်တဲ့ နိုင်ငံကို စုစုစည်း စည်းနဲ့စိတ်ဝမ်းမကွဲပဲနေနိုင်တဲ့ ဘယ်လို အတွေးအခေါ်နဲ့ တည်ဆောက်မ လဲဆိုတဲ့ မူကပျောက်နေတယ်။ အစိုးရမှာလည်း အခုအထိ အိုင်ဒီယိုလိုဂျီအရ ဘယ်လိုသွားမလဲဆိုတာတောင် ရှင်းလင်းစွာမတွေ့ရတဲ့ အပြင် ဖြစ်ပြီးသား အလုပ်မဖြစ်ခဲ့တဲ့ စနစ်ဟောင်းတွေက ပုံစံအတိုင်း ပြန်ကျော့နေတယ်ဆိုတဲ့ မှတ်ချက်တွေ ( ဥပမာ -လွတ်လပ်ရေးရပြီး စပါလီမန်ခေတ်က ပုံစံမျိုးပြန်ပြန်ဖြစ်နေတယ်ဆိုပြီး ကောက်ချက်တွေလည်း ရှိနေပါတယ်။ အများညီရှိဖို့ခက်ပေမဲ့ နိုင်ငံသားများ လက်တွဲနေထိုင်ရေးမူ Intra-National Social Contract က ရှိမှ ရမဲ့ အရာဖြစ်တယ်။ State Nationခိုင်မာမှု မရှိချိန် မဂျော်ရတီမဲက အဖြေမဟုတ်ဆိုတာလည်း ကမ္ဘာ့နိုင်ငံ အများပြားမှာ သက်သေသာဓက ရှိခဲ့သလို ဖဆပလ ပါလီမန်ခေတ်မှာလည်းကြုံခဲ့ရဖူးတယ်။


ဒီအဆိုကို အာရင်းလိပတ်ဂ်ျ နဲ့ လာရီဒိုင်းမွန်းတို့လို့နိုင်ငံရေးနဲ့ လူမှု သိပ္ပံသမားတွေကလည်း လက်ခံခဲ့ပါတယ်။ မြန်မာမှာတော့ လက်ရှိအချိန်ဟာနိုင်ငံတော်ဖြစ်တည်မှုအစဉ်နဲ့ နိုင်ငံသား များအဖြစ် စုစည်းဝင်ရောက်မှု အပါဝင်နိုင်ငံရေးအရ တည်ငြိမ်တိုးတက်မှုတွေက ဟန်ချက် ညီညီသွားရမဲ့ အရာတွေဖြစ်ပြီးကသမ်းကရမ်းဖြစ် နေတဲ့ အနေထားမှာ ရှိနေဆဲဖြစ်နေတယ်။ အစိုးရသစ်လက်ထက် ဒီမိုကရေစီအဝန်းအဝိုင်း နဲ့ ကျင့်သုံးမှုတွေက ကျယ်လာသလား အားမကောင်းပဲပြန်ဆုတ် သွားသလားဆိုတာ မေးစရာတောင် လိုမယ်မထင်ပါဘူး။


မြန်မာ့အသွင်ကူးပြောင်းရေးရဲ့ ပြသနာက အရေးကြီးတဲ့ နိုင်ငံရေး ပဋိဉာဉ်မရှိတဲ့အပြင် ၊ ကဏ္ဍအလိုက် အလျော်အစား ချိန်ညှိဈေးဆစ်မှုက NLD အစိုးရလက်ထက်မှာ မရှိသလောက် နည်းနေပါတယ်။ခရိုနီတွေ ဆန်ရှင်လွတ်လာပေမဲ့ သူတို့ကို ပြန်ရင်းနှီးမြှပ်နှံခိုင်းမဲ့ ကိစ္စရပ်တွေ ၊ လယ်သိမ်းမြေသိမ်းပြဿနာတွေမှာ ပါဝင်ပတ်သက်နေရင် လယ်ယာမြေ ပြန်လည်စွန့်လွတ်ခိုင်းမဲ့ ကိစ္စတွေလည်း မလုပ်နိုင်ပါဘူး။ တိုင်းရင်းသားတွေနဲ့ ယုံကြည်မှုဆောက်ဖို့အတွက် တိုင်းရင်းသား ဒေသတွေက အငြင်းပွားဖွယ် ဒေသခံတွေကန့်ကွက်နေတဲ့ စီမံကိန်းတော်တော်များများမှာ ခရိုနီတွေကလည်း တစ်နည်းမဟုတ် တစ်နည်းနဲ့ ပတ်သက်မှု ရှိကြတာများပါတယ်။


စီမံကိန်းနဲ့ ရင်းနှီးမြှပ်နှံမှုတွေ ၊ သယံဇာတ တူးဖော်မှုတွေကြောင့် ပဋိပက္ခဖြစ်နေခဲ့မှုတွေနဲ့ အလားတူဖြစ်လာနိုင်မှုအခြေနေတွေမှာ ဘယ်စီမံကိန်းရပ်သင့်မရပ်သင့်ဆိုတဲ့ ကိစ္စတွေကို အများသောအားဖြင့် မဆုံးဖြတ်နိုင်ခဲ့ပါ။ တပ်မတော်နဲ့ အစိုးရ အပေးအယူကိစ္စတွေကလည်း ထိုနည်း၎င်းပါပဲ။ အရေးကြီးတဲ့ ခေါင်းဆောင်နှစ်ဦးဖြစ် တဲ့ ဒေါ်အောင်ဆန်းစုကြည်နဲ့ တပ်မတော်အကြား နိုင်ငံရေး ပဋိဉာဉ်မရှိတာကြောင့်လည်း ဘယ်လောက် ပမာဏ ရရှိနိုင်တယ် ၊ ဘယ်လောက် အလုပ်လုပ်လို့ ရနိုင်တယ် စိတ်မှန်းသက် သက်ဖြစ်ဖွယ်ရှိတဲ့အတွက် တိုင်းရင်းသားလက်နက်ကိုင်တွေဘက်က မယုံမကြည်ဖြစ်နေတာတွေလည်း ရှိနေပါတယ်။ အခုက လက်နက်ကိုင် သက်သက် မယုံကြည်ကြဘူးဆိုတာ မဟုတ်တာကို ဒေါ်အောင်ဆန်းစုကြည်ရဲ့ လွန်ခဲ့တဲ့ လ သျှမ်းပြည်ခရီးစဉ်မှာ လူထုအများအပြား အရင်ကလည်း အုံးအုံးကျွတ်ကျွတ်မကြိုဆိုတော့တာတွေကလည်း သက်သေပါပဲ။

( သမ္မတ ဦးသိန်းစိန်မှားတဲ့အမှားမျိုး ထပ်မှားဖို့ ကြံနေသလား )


ငြိမ်းချမ်းရေးဆိုတာ မြန်မြန်ရရင်ကောင်းပါတယ်။ သို့သော် ပြည်သူအခြေပြုပြီး လူထုရေးရာ မူဝါဒအရ စက်ဝန်းတစ်ပတ်လည်ပြီး အားလုံးက သင့်မြတ်ရေးဖြစ်စဉ်မှာ ပြေလည်ဖို့လိုတာကြောင့် အခြေမခိုင် ၊ နည်းဗျူဟာမရေမရာနဲ့ ဇွတ်လောရင်လည်း ခနခန ပျက်နေတဲ့ ယုံကြည်မှုက ပိုတည်ဆောက်ရခက်နိုင်ပါတယ်။ သမ္မတ ဦးသိန်းစိန်ရဲ့ အဓိက အားနည်းချက်က လူထုထောက်ခံမှု ၊နိုင်ငံတကာ အသိမှတ်ပြုမှုအရ ဒေါ်အောင်ဆန်းစုကြည်လောက် အားမကောင်းတာပဲဖြစ်ပါတယ်။ ဒါ့အပြင် တစ်စုံတစ်ရာသော ကြိုးတွေကလည်း ချည်နှောင်ခံရလေသလား စဉ်းစားစရာရှိပါတယ်။


သူ့လက်ထက်အမှားကလည်း ရွေးကောက်ပွဲသက်တမ်းနဲ့ တွက်ပြီး နည်းနည်းတွန်းလုပ်ခဲ့တဲ့ လက္ခဏာတွေ ရှိခဲ့ပါတယ်။ ဒါကြောင့်လည်း အပြည့်အဝ မအောင်မြင်ခဲ့ပါ။ မည်သည့် ငြိမ်းချမ်းရေး ဖြစ်စဉ်မဆို စစ်နက်လက်ဖြုတ်သိမ်းရေး တပ်ဖွဲ့ပေါင်းစည်းရေး လုံခြုံရေးကဏ္ဍပြောင်းလဲရေး DDR/SSR လောက်အထိ လုပ်ဖို့ ဆိုရင် အနည်းဆုံး ၁၀ နှစ်လောက် ကြာတတ်တာ ဓမ္မတာပါပဲ။ ဒါတောင်အဆင်ပြေမှပါ။ အခုလည်း ဒေါ်အောင်ဆန်းစုကြည်က ဇွတ်တိုးလုပ်ရင်း မပြေလည်တာတွေ များနေတာပါ။ မပြေလည်တာများရတဲ့ အထဲ  NLDပါတီဝင်တွေနဲ့ NLD အမှာခံတွေရဲ့ ၂၁ ပင်လုံထောက်ခံပွဲတွေကလည်း အရင်ခေတ်အမျိုးသား ညီလာခံ ကြိုဆိုပွဲတွေကို သတိရစရာပါ။


( ငြိမ်းချမ်းရေး ကိုယ်စားလှယ် ၊အလုပ်အဖွဲ့နည်းလွန်းခြင်း )


ယန္တယားဖွဲ့စည်းမှု နည်းတာ ၊ အလုပ်အဖွဲ့တွေနည်းတာဟာ စားရိတ်ချွေတာရာရောက်ပေမဲ့ တကယ်တော့ အလုပ်မဖြစ်ပါ။ ဥပမာအားဖြင့်အရင်အစိုးရလက်ထက်မှာ လိုင်ဇာ စစ်သင်တန်းကျောင်းအပစ်ခံရပြီး ၄ ရက်အကြာ ချင်းမိုင်မှာ အလွတ်ဆွေးနွေးမှုတွေ စလုပ်နိုင်ခဲ့ပါတယ်။ အခု အစိုးရသစ်လက်ထက်မှာ ဥပမာအားဖြင့် တစ်လောက မြောက်ပိုင်းမဟာမိတ်အဖွဲ့က အဖွဲ့တွေကို ငြိမ်းချမ်းရေးဆွေးနွေးမှုတွင် ပါဝင်ခွင့်ပြုရန် တပ်ချုပ်သဘောတူဆိုပြီး တရုတ်သံတမန်နဲ့ တွေ့ဆုံမှုအပေါ် သတင်းထုတ်ပြန်ခဲ့တာတွေ ရှိပေမဲ့ အဲဒီအဖွဲ့တွေနဲ့ သီးသန့်ဆွေးနွေးမှုကို အခုစာရေးနေတဲ့ ဖေဖော်ဝါရီ ၂၆ ရက်နေ့အထိ မလုပ်နိုင်သေးတာကို တွေ့ရပါတယ်။ နောက်ခန့်ထားတဲ့ လူတွေရဲ့ လူမှန်နေရာမှန်ဖြစ်မှုတွေအပေါ်မှာလည်း မေးခွန်းထုတ်နေတဲ့ လေ့လာသူတွေ ရှိနေပါတယ်။


အစိုးရ သတင်းမှန်မှရရဲ့လား ဘေးကလူတွေက အမှန်ပြောသူတွေလားဆိုတာက အခု ၀ နဲ့ ပန်ဆန်းညီလာခံအပြီး အစိုးရ အကြပ်ရိုက်နေတာ ကြည့်ရင် သိသာပါတယ်။ တိုက်ပွဲဖြစ်လို့ တခုခုအကြောင်းကြားလည်း အင်းမလုပ်အဲမလုပ် ကိစ္စတွေလည်း ရှိနေပါတယ်။ နောက်ပြီး အလုပ်အဖွဲ့များရင် ကုန်ကျစားရိတ်များနိုင်ပေမဲ့ ကျွမ်းကျင်ဝန်ထမ်းတွေကြောင့် တိုင်းရင်းသားလက်နက်ကိုင်တွေနဲ့ ဆက်သွယ်ရေးလို ကိစ္စတွေကအစ အလုပ်အဖွဲ့အလိုက် တာဝန်ခွဲဝေမှုတွေပေးထားရင် ( သို့မဟုတ် ) ရာထူးအလိုက်လုပ်ပိုင်ခွင့်ပေးထားရင် တုံ့ပြန်ဆောင်ရွက်မှုတွေအဆုံး ပိုမိုမြန်ဆန်စေမှာဖြစ်ပါတယ်။


( ငြိမ်းဖြစ်စဉ် အီခြင်းအဆိုးကြော့ပြန်နိုင်ချေ။ )


ဘာပဲပြောပြော ငြိမ်းချမ်းရေးဖြစ်စဉ်က ရှည်ကြာတတ်တယ်ဆိုပေမဲ့ ပုံမှန်တိုးတက်မှုပြသဖို့ လိုပါတယ်။ အီလာရင် အပစ်ရပ်ပြီးသားအဖွဲ့တွေမှာပါ အီပြီး စိတ်မရှည်တာတွေဖြစ်လာနိုင်ပါတယ်။ တချိန်တည်းမှာလည်း တစ်ဖွဲ့ချင်းစီအလိုက် အပစ်ရပ် ပြီးရင် နယ်မြေ ဒေသလိုက်ဘယ်လို ညှိနှိုင်းပြီး တိုင်းရင်းသားအခွင့်ရေးပေးရေး ၊ မရပ်ရင် ဘယ်လိုညှိနှိုင်းဆိုတဲ့ မူနဲ့ သွားတာလည်း မဟုတ်သေးတဲ့အတွက် ပြောရခက်ပါတယ်။


အိန္ဒိယမှာတေ့ာရှင်းပါတယ်။ တစ်ဖွဲ့ချင်းလုပ်ပြီးရင် လုပ်တဲ့ နယ်မြေအလိုက် ဖက်ဒရယ်ပြည်နယ် သတ်မှတ်ပေးတာ တခြားအခွင့်ရေးနဲ့ ဥပဒေကြောင်းအရ လုပ်ပိုင်ခွင့်တွေ ပြဌာန်းပေးတာတွေလုပ်တာပါ။ ဒီမှာက အခုအနေထားမှာ ထိုးပြီးအဖွဲ့တွေက မထိုးသူတွေကို ဘယ်လောက်စောင့်ရမလဲ ထိုးပြီးအဖွဲ့တွင်းတွေရဲ့ တပ်ဖွဲ့အတွင်းမှာကော လက်ရှိအခြေနေကို ကျေလည်မှု ရှိပါ့မလားဆိုတဲ့ ကိစ္စတွေက စဉ်းစားစရာတွေပါ။ အခုက NCAကိုလက်ခံသူ ၊ လက်မခံသူ ပိုမိုကောင်းမွန်တဲ့ အချက်တွေ ထပ်ဖြည့်လိုသူတွေ ရှိနေပြီး အစိုးရနဲ့ တပ်မတော်ကတော့ NCAကို ကိုင်ကစားနေတာဖြစ်ပါတယ်။ နိုင်ငံရေးအရအဖြေမထွက်ပဲ တစ်ဖွဲ့ ချင်းစီအလိုက်စီးပွားရေးလုပ်ပိုင်ခွင့်တွေပဲပေး စည်းရုံးတဲ့အတွက် မအောင်မြင်ခဲ့ပဲ အဲဒီ တပ်ဖွဲ့ အတွင်းမှာပဲ တိုင်းရင်းသားရပိုင်ခွင့်ကို ပိုမိုလိုလားတဲ့ အမာဂိုဏ်း နောက်မျိုးဆက် တစ်ဆက် သို့မဟုတ် အုပ်စုတစ်စုက နေရာဝင်ယူတာ ၀င်သိမ်း အပစ်ရပ်စဲရေးကျိုးပျက်ဆိုတဲ့ ကိစ္စတွေက အရင်စစ်အစိုးရလက်ထက်က လုပ်ခဲ့တဲ့ အပစ်ခတ်ရပ်စဲရေးလုပ်ငန်းစဉ်တွေမှာ ရှိခဲ့ပြီးဖြစ်ပါတယ်။ အလုပ်ဖြစ်တဲ့ နိုင်ငံရေးဆွေးနွေးပွဲဖြစ်ဖို့ ဆွေးနွေးပွဲဆိုင်ရာ မူဘောင်တွေက အရေးပါပါတယ်။


နိုင်ငံရေး ဆွေးနွေးမှု ဆိုင်ရာ မူဘောင် ပုံသဏ္ဍာန်မပြေလည်မှုကြောင့် တောင်အာဖရိက ဆွေးနွေးမှု အစောပိုင်းကာလမှာ ဆွေးနွေးပွဲတွေပျက်ပြီး Win-Win အနေထား မဖော်ဆောင်နိုင်တဲ့ မူဘောင်ရဲ့ ဂယက်ကြောင့်ပဲ လူတွေ အများကြီးသေဆုံးခဲ့တယ်။ မြန်မာမှာတော့ အဲထက် လက်နက်ကိုင်ပိုများတယ်။ အားလုံး ရေရှည်အတွက် အမျှော်အမြင်ရှိဖို့လိုတယ်။ ဒါပေမဲ့ တောင်အာဖရိကမှာက နိုင်ငံရေး ဆွေးနွေးပွဲဖြစ်တဲ့ CODESA ဆွေးနွေးမှုတွေဖြစ်ပြီးမှWin- Win မဖော်ဆောင်နိုင်လို့ အစောပိုင်းဆွေးနွေးပွဲတွေ ပျက်တာ ဖြစ်တယ်။ မြန်မာမှာက ၂၁ ပင်လုံ ဒုတိယ အကြိမ် ကျင်းပမယ် အော်နေချိန်အထိ အလုပ်ဖြစ်မဲ့ မူဘောင် မထွက်လာသေးပါ။ နောက်တကြိမ်ကျင်းပမဲ့ ပင်လုံဟာ အပြန်အလှန်ဆွေးနွေး ဆုံးဖြတ်မှုက မရေရာသေးပါ။NCA ထိုးပြီး အဖွဲ့တွေနဲ့တောင် မကျေလည်မှုတွေ ရှိလာတာ စိတ်မကောင်းစရာ အချက်ဖြစ်တယ်။


( တစ်ဖွဲ့ချင်းအကျိုးစီးပွားသက်သက်လို့ အသေမယူဆစေလို )


တကယ်တော့ တိုင်းရင်းသားလက်နက်ကိုင်တော်တေ်ာများများက တစ်ဖွဲ့ချင်းအကျိုးစီးပွား လူပုဂ္ဂိုလ်တစ်ဦးချင်း စီးပွားအရ သီးသန့်ရပ်တည်တယ်လို့ ပြောဖို့ ခက်ပါတယ်။ အဲဒီအဖွဲ့တွေမှာ တစ်ဦးချင်း ချမ်းသာသူတွေ ရှိနေသော်လည်း အဲဒီတစ်နည်းထဲနဲ့ ချဉ်းကပ်မှုတွေက မမှန်နိုင်ပါဘူး။ နောက်တစ်ချက်က နယ်နိမိတ်မျဉ်း တစ်ဘက် နိုင်ငံကို ဆက်ဆံလိုက်ရင် ရပြီဆိုတဲ့ အယူအဆဟာ မမှန်ကြောင်း အခု မြောက်ပိုင်းမဟာမိတ် အထူးသဖြင့် ၀ တပ်ဖွဲ့ရဲ့ NCA ငြင်းပယ်မှုက သက်သေပါပဲ။ ဒါကလည်း ထူးခြားချက်တွေ ရှိပါတယ်။


ဝ ဟာ တရုတ်ဆိုတဲ့ အမြင်ဟာ တစ်ကယ်တော့ ယူနန်နိုင်ငံရေး ၀ ရဲ့ ထူးခြားတဲ့ တရုတ်နယ်မြေဝ နဲ့မြန်မာနယ်မြေ ၀ ထိပ်စပ်မှု ၊ ထိစပ်ရုံတင်မက ဒေသခံတွေကိုယ်တိုင် ဆွေမျိုးရင်းချာလို့ သဘောထားပြီး အပြန်အလှန်ကူးလူးဆက်ဆံမှုတွေက နီးကပ်စွာရှိတဲ့ ကိစ္စတွေက တရုတ်ဗဟိုအစိုးရ သက်သက် ထိန်းဖို့ ခက်တဲ့ ပြဿနာပါ။ ဗကပ လို အဖွဲ့က တရုတ်နဲ့ ဦးနေဝင်းဆက်ဆံတော့ အားလျော့သွားပေမဲ့ ၀ က ဗကပ မဟုတ်သလို ဗကပ ထက်လည်းတောင်းတင်တဲ့ အနေထားမှာ ရှိနေပါတယ်။


ဝ နဲ့ ဆက်စပ်တဲ့ မြောက်ပိုင်းမဟာမိတ်က စစ်ရေးနိုင်ငံရေးအရကော နယ်မြေထိစပ်နေသူတွေ ဖြစ်တဲ့အတွက် တရုတ်ဖိအားရှိလင့် ကစား ကျော်လွှားနိုင်တဲ့အ ခြေနေတွေ ရှိနေပါတယ်။ မြောက်ပိုင်းအဖွဲ့တွေ အားလုံးပေါင်းခြင်း အားဖြင့်ပါ။ယူနန်ရဲ့ အခြေနေကလည်းစိတ်ဝင်စားစရာပါ။


တရုတ်မှာရှိတဲ့ မျိုးနွယ်စု ၅၆ မျိုးမှာ ၂၆ မျိုးက ယူနန်မှာရှိတဲ့အတွက် မြန်မာမှာရှိတဲ့ သျှမ်း၊ ကချင် ၊ ၀ တို့လို လူမျိုးတွေကို ယူနန်မှာ ကိုယ်ပိုင်အုပ်ချုပ်ခွင့်ဒေသ သတ်မှတ်ပေးထားရပါတယ်။ အဲထဲမှာ ဒီဘက်နဲ့ ဆွေမျိုးလို့ ပိုသတ်မှတ်ဆက်ဆံမှုနှုန်းမြင့်တာ ကချင် နဲ့ ၀ တွေဖြစ်ပါတယ်။ လိုင်ဇာမှာ ဗုံးကျ လူတွေသေတုန်းကဆိုရင် လိုင်ဇာတစ်ဘက်ခြမ်း တရုတ်ဘက်မှာ တရုတ်ဘက်က တရုတ်နိုင်ငံသား ဂျင်းဖောတွေ နယ်စပ်မျဉ်းနားအထိ လာရောက်ဆန္ဒပြပွဲတွေ လုပ်ဖူးပါတယ်။ ၀ ကတော့ ဟိုဘက်ဒီဘက် ညီအစ်ရင်းအစ်ကို သတ်မှတ်မှုက တခြားတိုင်းရင်းသားထက်ပိုပါတယ်။ ၀ မှာရှိတဲ့ ခေါင်းဆောင်အချို့ဟာ တရုတ်နိုင်ငံဘက်မှာ မွေးတဲ့ဝ လူမျိုးတွေဖြစ်ပြီး ငယ်ကတည်းက မြန်မာနိုင်ငံကို ရောက်နေသူတွေဖြစ်ပါတယ်။


ဒါပေမဲ့ ၀ ကို ခွန်ဆာကို ကိုင်တွယ်သလို ကိုင်တွယ်လို့လည်း မရသလို ဗကပ လိုကိုင်တွယ်လို့ မရနိုင်တာလည်း အသေချာပါပဲ။မည်သို့ပင်မူးယစ်ဆေးဝါးနဲ့ စွပ်စွဲပါစေ သူလည်း သူ့လူမျိုး အသိုင်းအဝိုင်းကြားထဲမှာ ဒေသ တည်ထောင်သူလို ဖြစ်နေတဲ့အပြင် အမျိုးသားရေးအလံကို ကိုင်စွဲထားတာကြောင့်လည်းဖြစ်ပါတယ်။ နိုင်ငံတကာကြောင့် အင်္ဂလိပ်ကြောင့် ၊ ထိုင်းကြောင့်ဆိုတဲ့ ယူဆ စွပ်စွဲမှုတွေက ခေတ်အဆက်ဆက် ရှိခဲ့ပေမဲ့ ပြည်တွင်းစည်းလုံးညီညွတ်မှု အက်ကြောင်းရှိ တာက အဓိက ကျတဲ့ အကြောင်းအရာပါ။လက်ရှိ မြန်မာ အခင်းအကျင်းဟာလွန်ခဲ့တဲ့ နှစ် (၂၀၀ ) ကျော်လောက်ကအမေရိကန်နိုင်ငံရေးကို သတိရစရာဖြစ်ပါတယ်။


တောင်ကာရိုလိုင်းနား ၊ ဂျော်ဂျီယာ ၊ ဖလော်ရီဒါ နယ်မြေတွေမှာ ဒေသခံ အင်ဒီယန်းတွေနဲ့ မြောက်ပိုင်း ယန်းကီးတွေရဲ့ ပဋိပက္ခပါ။ဒေသခံအင်ဒီးယန်းတွေ ရဲ့ အမြင်မှာဒါဟာ သူတို့ မြေဖြစ်တယ်။ယန်ကီးတွေက ကျူးကျော်သူတွေ ဖြစ်တယ်။ဒါကြောင့် ကိုယ့်ဘာသာ စီမံခန့် ခွဲ ပိုင်ခွင့်ပေးရမယ် လို့ယုံကြည်တယ်။ ယန်ကီးတွေဘက်က ကြည့်ပြန်တော့လည်းအင်ဒီးယန်း ပုန်ကန်မှု ဟာ ဖက်ဒရယ်ပြည်ထောင်စု တည်ဆောက်မယ့်အနာဂတ်စီမံကိန်းတွေကို ဖျက်ဆီးနေတယ်။ တည်ငြိမ်မှု မလိုလားသူ စပိန်တွေနဲ့လည်း ပေါင်းတယ် ဆိုတဲ့ ပုံစံမျိုးတွေပါ။ အဲဒီအယူအဆတွေနဲ့ တိုက်ခိုက်ခဲ့တဲ့အတွက် စစ်ပွဲတွေက မရပ်နိုင်အောင်ဖြစ်ခဲ့တယ်။ အုပ်စုအလိုက်စဉ်းစားမယ်ဆိုရင် ပန်ဆန်းဆုံးဖြတ်ချက်ဟာ တိုင်းရင်းသား လက်နက်ကိုင်တွေရဲ့ လက်ရှိ ကြုံနေရတဲ့ အခြေနေအရ သူတို့ ရပ်တည်မှုအတွက် လက်တွေ့ကျတဲ့ ရပ်တည်မှု ဖြစ်တယ်။ ကိုယ်ပိုင်အခွင့်အရေး အုပ်စုနဲ့ မဂျော်ရတီအုပ်စုကို ဦးဆောင်နေသူတွေအကြား အားပြိုင်မှုတွေလို့တောင်ဆိုနိုင်တယ်။


မြန်မာကို ပြန်ကြည့်မယ်ဆိုရင် မြောက်ပိုင်းအဖွဲ့တွေရဲ့ နယ်မြေထိစပ်မှုတစ်ဖွဲ့နဲ့တစ်ဖွဲ့မတူညီတဲ့ ကုန်သွယ်ရေး ၊ သတ္တု သယံဇာတနဲ့အခြားထွက်ကုန်တွေ ၊ နယ်မြေကျယ်ပြန့်စွာ လှုပ်ရှားနိုင် မှုတွေကလည်း သူတို့ရဲ့ ပါဝါ တည်ဆောက်မှုတွေအတွက် အရေးပါသလို ကျောက်စိမ်း၊ ပယင်းတို့လို ထွက်ကုန်တွေက တရုတ်ကို တောင် ပြန်ကစားလို့ရနိုင်တဲ့ အခြေအနေပါ။ အခုအခြေနေက တရုတ်နဲ့ အစိုးရ ပေါင်းတွန်းသော်လည်း အစိုးရအပေါ်ယုံကြည်မှုနည်းတာ ၊ အစိုးရဘက်က တိကျတဲ့ တာဝန်ယူ ၊ တာဝန်ခံမှုနည်းနေတဲ့ သဘောဆောင်နေတယ်လို့ ယူဆမှုတွေ ရှိနေမှုကြောင့် ခဲမှန်ဖူးတဲ့ စာသူငယ်တွေဖြစ်တဲ့အပြင် ပါဝါအရ တစ်စုံတစ်ရာစုစည်းလာနိုင်တဲ့အနေထားတွေကြောင့် တင်းခံလာရခြင်း ဖြစ်နိုင်ပါတယ်။


ဘယ်လိုပဲဖြစ်ဖြစ် အစိုးရသက်တမ်း တစ်နှစ်ပြည့်လာချိန်မှာ ငြိမ်းချမ်းရေးဖြစ်ဉ် မအောင်မြင်ဖြစ်နေမှုတွေကို ပြန်သုံးသပ်သင့်တဲ့ အချိန် ရောက်နေပါပြီ။ဒါကလည်း အောင်မြင်တဲ့ အသွင်ကူးပြောင်းမှုနဲ့ ငြိမ်းချမ်းရေးဖြစ်စဉ်တိုင်းမှာ အချိန်ကြာလာတာနဲ့ အမျှ မအောင်မြင်ပဲ တစ်ဆို့နေရင်နည်းဗျူဟာ ချဉ်းကပ်မှုတွေကို စနစ်တကျ ပြန်လည်သုံးသပ်ပြင်ဆင်လိုက်တယ်ဆိုရင်အောင်မြင်သွားတတ်တဲ့ သာဓကတွေ ရှိနေတာကြောင့်ဖြစ်ပါတယ်။