ယခုလအတွင်း သျှမ်းပြည်တပ်မတော် နှင့် မြန်မာအစိုးရကိုယ်စားလှယ်တို့ ငြိမ်းချမ်းရေးဖော်ဆောင် ရေးလုပ်ငန်းကော် မတီတို့ တတိယအကြိမ် ပြည်ထောင်စုအဆင့်ဆွေးနွေးပွဲ၌ မူးယစ်ဆေးဝါးတိုက်ဖျက်ရေးအတွက် အဓိကထား ဆွေးနွေးသွား မည်ဟု RCSS သတင်းရပ်ကွက်ကဆိုပါသည်။
သျှမ်းပြည်တပ်မတော် နှင့် မြန်မာအစိုးရကိုယ်စားလှယ်တို့ ယခုနှစ်မေလ ကျိုင်းတုံ၌တွေ့ဆုံဆွေးနွေးစဉ်

“ ဘိန်းအစားထိုးသီးနှံစိုက်ပျိုးရေးစီမံကိန်း အကြောင်းပါမယ်။ ဆေးဖြတ်ရုံကိစ္စ၊ မူးယစ်ဆေးဝါး ရောင်း ဝယ်မှု တားဆီးနှိမ် နင်းရေးကိစ္စ၊ မူးယစ်ဆေးဝါးနဲ့ပတ်သက်ပြီး အသိပညာ ပေးရေးကိစ္စ၊ မူးယစ်တိုက် ဖျက်ရေး အတွက်ဆက်ဆံရေးရုံးဖွင့်ဖို့ စတာတွေပါဝင်တယ်” ဟု အမည်မဖော်လိုသည့် RCSS ၏ ငြိမ်း ချမ်းရေး ဖော်ဆောင်ရေးကော်မတီဝင်တဦးကပြောသည်။

ယခုအကြိမ်တွင်မူ မူးယစ်ဆေးဝါးပပျောက်ရေးစီမံကိန်းအတွက် ဘိန်းအစားထိုးသီးနှံ ရှေ့ပြေးစီမံကိန်း (Pilot Project) အဓိက ဆွေးမည်ဖြစ်သည့်အတွက် UNODC ကိုယ်စားလှယ်လည်း ပါဝင်တက်ရောက်မည်ဖြစ်ကြောင်း ပြောပါသည်။  

မူးယစ်ဆေးဝါးတိုက်ဖျက်ရေးလုပ်ငန်းအား သျှမ်းပြည်တောင်ပိုင်း ၃ မြို့နယ် အတွင်း အကောင်အထည်ဖော်ရန်သွား မည်ဟုဆို၏။ လက်တွေ့အောင်မြင်ပါက ထပ်မံတိုးချဲ့သွားမည်ဟုလည်း ပြောပါသည်။

“မူးယစ်တိုက်ဖျက်ရေးစီမံကိန်းအပြင် ထပ်ပြီးဆွေးနွေးရမှာက အများကြီးကျန်သေးတယ်။ အစိုးရနဲ့ ကျနော်တို့ ကြားမှာ လည်း နားလည်မှု တည်ဆောက်ဖို့ ယုံကြည်မှုတည်ဆောက်ဖို့ အချက်ဟာ အဓိကဆွေးနွေးရမယ့်အထဲမှာပါဝင်နေတယ်။ ကျနော်တို့ဟာ အစိုးရကိုစင်ပြိုင်ဖို့မဟုတ်ပါဘူး။ အစိုးရကို ပံ့ပိုးဖို့ဘဲ။ ဒါကိုနားလည် စေချင်တယ်။ ကျနော်တို့ထိန်းချုပ် နယ်မြေတွေထဲမှာ လှုပ်ရှားသွားလာဖို့အတွက် တိုက်ပွဲတွေ မဖြစ်အောင် ၂ ဦး ၂ ဖက် ထိန်းထိန်းသိမ်းသိမ်းနေသွား နိုင် အောင်စတာတွေလဲပါတယ်။” ဟု ဥက္ကဌ ဒုဗိုလ်ချုပ်ကြီးယွက်စစ်က ဆိုပါသည်။

ယခုလက်ရှိ RCSS ၏ ငြိမ်းချမ်းရေးလုပ်ငန်းစဉ်အပေါ်  အစိုးရသာမက ပြည်သူလူထုလည်း နားမလည်သေးကြောင်း၊ တခြား အဖွဲ့အစည်းတွေမဆိုထားနှင့် မိမိတပ်တွင်းမှာပင် နားလည်မှု လွှဲမှားမှု ရှိနေသေးကြောင်း အဆိုပါကော်မတီဝင်က ပြောသည်။

နေရာနှင့် ရက်အတိအကျကိုထုတ်ဖော်ပြောကြားခြင်းမရှိသေးသော်လည်း  သျှမ်းပြည် တပ် မတော် RCSS/SSA မှ ငြိမ်းချမ်းရေးကိုယ်စားလှယ် ဗိုလ်မှူးချုပ်ပေါင်ခေး ဦးဆောင်သည့်အဖွဲ့၊ ဗိုလ်မှူးကြီးစိုင်းဟန်နှင့် စဝ်အွတ်ကျေးဆီး တို့ပါဝင်မည်ဖြစ်ကြောင်း၊ မြန်မာအစိုးရဘက်ကမူငြိမ်းချမ်းရေးဖော်ဆောင် ရေးလုပ်ငန်းကော်မတီဒုဥက္ကဌ ၂ ဦးအောင်မင်း၊ ပြည်ထဲရေးဝန်ကြီးဌာန ဒုဝန်ကြီး ဗိုလ်မှူးချုပ်ကျော်ဇံမြင့် နှင့် မြန်မာနိုင်ငံရဲတပ်ဖွဲ့ ရဲချုပ် ဗိုလ်မှူးချုပ် ကျော်ကျော်ထွန်း တို့ ပါဝင်မည်ဖြစ်ကြောင်း ကြားသိထားသည်ဟုဆိုပါသည်။

ယခုလ ၅ ရက်နေ့ ပြည်ထဲရေးဝန်ကြီး ဒုဗိုလ်ချုပ်ကြီးကိုကိုက မြန်မာနိုင်ငံ မူးယစ်ဆေးဝါးပပျောက်ရေးစီမံကိန်းကို ၂၀၁၄ မှ ၂၀၁၉ သို့ ထပ်မံပြောင်းရွှေ့လိုက်ကြောင်း ကြေငြာပြီးနောက်ပိုင်း ယခုကဲ့သို့ RCSS/SSA နှင့်မြန်မာအစိုးရတို့ထပ်မံတွေ့ဆုံ ဆွေးနွေးရန်ဖြစ်ပေါ်လာခြင်းဖြစ်သည်။

  ယခုနှစ် မေလ ၁၉ ရက် ကျိုင်းတုံမြို့၌ သျှမ်းပြည်တပ်မတော်  RCSS/SSA နှင့် မြန်မာအစိုးရတို့ ပြည်ထောင်စုအဆင့် ဒုတိယအကြိမ်တွေ့ဆုံဆွေးနွေးကာ လက်မှတ်ရေးထိုးခဲ့ကြသော သဘောတူညီချက် ၁၂ ချက်တွင် ပထမအချက်ဖြစ်သော RCSS/SSA ၏မူးယစ်ဆေးဝါးပပျောက်ရေး ၆ နှစ်စီမံကိန်းကို “ ဝမ်းမြောက်ဝမ်းသာကြိုဆိုကြောင်း” နှင့် “ နိုင်ငံတော်အကြီးအကဲ” ထံပူးပေါင်းဆောင်ရွက်ရေးအတွက် တင်ပြသွားမည်ဟု ပါရှိပါသည်။