တိုက်ပွဲများရပ်တန့်ကာ စစ်ဘေးဒုက္ခသည်များ အမြန်ဆုံးငြိမ်းချမ်းမှု ရရှိစေရေးအတွက် သျှမ်းပြည်မြောက်ပိုင်း သိန္နီမြို့ ကောင်းမူးဓါတ် အမည်ရ သဗ္ဗေညု ဇုမ့်မိန်းစေတီတော်၌ ဆုတောင်းပွဲကျင်းပရန် ပြင်ဆင်ထားသော် လည်း စေတီတော်ဝင်းတံခါး ပိတ်ထားခြင်း ခံရသည့်အတွက် ဆုတောင်းပွဲနေရာ ပြောင်းရွှေ့လိုက်ရ သည်ဟုသိရသည် ။

သျှမ်းပြည်မြောက်ပိုင်း မြို့နယ်ပေါင်းစုံ အလွှာအသီးသီးမှ သျှမ်းလူထု ထောင်ကျော်က အောက်တိုဘာ ၂၅ ရက် ယနေ့ နံနက်ပိုင်းက သိန္နီမြို့ ကောင်းမူးဓါတ်တော် စေတီတော်၌ ဆုတောင်းပွဲကျင်းရန် ချိန်းဆို ထားကြောင်း မြို့နယ် ၁၃ ခုမှ လူထု တထောင့်နှစ်ရာကျော် တက်ရောက်ကြောင်း ၊ ဆုတောင်းပွဲ ကျင်းပ ရန် အလိုမရှိသည့် လူတစုက စေတီတော်ဝန်းတံခါးအား သော့ခတ်ထားပြီး တိုက်ပွဲရပ်တန့်ရေး ၊ စစ်ဘေးသင့် လူထုအမြန်ငြိမ်းချမ်းမှု ရှိစေရေးအတွက် ဆုတောင်းမည့်အဖွဲ့အား ဝင်ခွင့် မပေးသော ကြောင့် မိုင်းလီကျေးရွာအုပ်စု ကိုးမြို့ရှင်နတ်နန်းဝင်းသို့ နေရာပြောင်းရွှေ့ လိုက်ရသည်ဟု သိရသည် ။


ပါဝင်သည့် သျှမ်းလူငယ်ကွန်ယက်အဖွဲ့ ပြောရေးဆိုခွင့် စိုင်းဆိုင်မိန်း က - ဓါတ်တော် စေတီတော် ဝင်းတံခါးပိတ်တာက ကျောင်းထိုင်ဘုန်းကြီးမဟုတ်ဘူး ။ ဘုရားအလှူရှင် သားသမီးတချို့နဲ့ ဆုတောင်းပွဲ အလိုမရှိတဲ့ ကြိုးကိုင်အုပ်စု ရှိမယ်လို့ ထင်တယ် ။ ဒီခေတ်မှာ ဒီလိုရှိတယ်ဆိုတာ မဖြစ် သင့်ဘူး ။ ဒါပေမယ့် ကျနော်တို့အတွက် အခွင့်အရေးဘဲ ။ ဒီအခက်အခဲကနေ တဆင့် သိသင့်သိ ထိုက်တဲ့ဟာ တွေ လေ့လာသိရှိနိုင်ဖို့ အခွင့်အလှမ်းတခုဘဲလို့ မှတ်ယူတယ် ” - ဟု  သို့ပြောသည် ။


အမည်မဖေါ်လိုသည့် အာဏာပိုင် အသိုင်းအဝိုင်း တဦးက အဆိုပါ ကိစ္စသည် ၎င်းတို့နှင့် မသက်ဆိုင် ကြောင်း ၊ ဘုရားဂေါပက နှင့် သာသက်ဆိုင်ကြောင်း ပြောဆိုသည် ။


ဘုရားဂေါပက အဖွဲ့ဝင်များအား အကြိမ်ကြိမ် ကြိုးစားဆက်သွယ်သော်လည်း သျှမ်းသံတော်ဆင့် မှ ပြောခွင့်မေးမြန်းခွင့် မရခဲ့ပေ ။


ဒေသခံများ စစ်ဘေးကင်းဝေးပြီး ငြိမ်းချမ်းမှုရရှိစေရေးအတွက် သျှမ်းရိုးရာ ဓလေ့ထုံးတမ်းအရ ဘုရား တရား သံဃာ မိဘ ဆရာ အား တိုင်တည်ပြီး မြို့ရွာ တောတောင်ရေမြေအား ပိုင်စိုးသည့် ကိုးမြို့ ရှင်နန်းမင်းအား တိုင်တည် ဆုတောင်းခြင်း ၊ စစ်ဘေးရှောင်များအတွက် အလှူငွေ ကောက်ခံခြင်း များပြုလုပ်သည်ဟု ဆုတောင်းပွဲ တက်ရောက်သည့် နန်းအေးခမ်းက ပြောသည် ။


“ အလှူငွေက ကျပ် သိန်း ၉၀ ကျော်ရတယ် ။ မကြာမီ စစ်ဘေးဒုက္ခသည်တွေကို သွားရောက်ကူညီမယ် ။ တိုက်ပွဲ ရပ်တန့် ပေးပါရန်လဲ နိုင်ငံတော် သမ္မဆီကို စာပို့ တောင်းဆိုသွားမယ် ” ဟု စိုင်းဆိုင်မိန်းက ပြောသည် ။


ပြည်ထောင်စု အဆင့် ငြိမ်းချမ်းရေးလက်မှတ်ရေးထိုးထားသည့် သျှမ်းပြည်တပ်မတော် SSPP/SSA ၏ ကျေးသီး-မိုင်းနောင် ၊ မိုင်းစံ နှင့် မိုင်းရှူးမြို့နယ်အတွင်းရှိ တပ်စခန်းများအား အောက်တိုဘာ ၆ ရက်နေ့ မှ စ၍ ယနေ့အထိ အစိုးရ တပ်မတော် မှ ထိုးစစ်ဆင်တိုက်ခိုက်ရာ တိုက်ပွဲပေါင်း အကြိမ် ၅၀ ထက် မနည်း ၊ ဒုက္ခသည် ၃၀၀၀ ကျော် စစ်ဘေးရှောင်နေရသည်ဟု သိရသည် ။