သျှမ်းပြည်တောင်ပိုင်း  တောင်ကြီးမြို့လယ်ခေါင် ဗိုလ်ချုပ်အောင်ဆန်း လမ်းမပေါ်တွင်ထောင်ထားသော  သျှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ခေါ် ကျားခေါင်းပါတီ၏ ပါတီဆိုင်းဘုတ် ယမန်နေ့က ဖျက်ဆီး ခြင်းခံရကြောင်း သိရသည် ။

အောက်တိုဘာ ၃၀ ရက်က ဖျက်ဆီးခံရသော အဆိုပါ ပါတီဆိုင်းဘုတ်တွင် တောင်ကြီးမြို့တွင်ဝင်ပြိုင်မည့်  ကျားခေါင်းပါတီကိုယ်စားလှယ် လောင်းလေးဦးပုံပါဝင်ရာ ထိုအနက်  သျှမ်း / တောင် SNLD ပါတီ ဥက္ကဌပုံမှလွဲ၍ ကျန်ကိုယ်စားလှယ်လောင်း သုံးယောက်ပုံ ဖျက်ဆီးခံရခြင်းဖြစ်ကြောင်း သျှမ်းတောင် ပါတီအတွင်းရေးမှူး တောင်ကြီးပြည်သူ့လွှတ်တော် ကိုယ်စားလှယ်လောင်း စိုင်းလင်းမြတ် ကပြောသည် ။


“ ဘယ်သူလုပ်တယ်ဆိုတာ စိတ်မဝင်စားဘူး ။ ဘာကြောင့်လုပ်တယ်ဆိုတာတော့ စိတ်ဝင်စားတယ် ။ ဒါကလည်း လက်ဆော့တာမဟုတ်ဘူးလေ ။ တမင်သက်သက်ကို အကွက်ချပြီးလုပ်တဲ့ သဘောမျိုး ရှိတယ် ။ သာမန်ပြည်သူ  တော့ မဟုတ်လောက်ဘူး ”  ဟု ၄င်းကပြောသည် ။


ပါတီ ဆိုင်းဘုတ် ဖျက်ဆီးခံရခြင်း နှင့် ပတ်သက်ပြီး အမှုဖွင့်ရန် မရှိကြောင်း နှင့် ရဲစခန်းတိုင်ဖို့လည်း ခုချိန်ထိ မစဉ်းစားရသေးကြောင်း ပြောသည် ။ သို့သော်လည်း ရွေးကောက်ပွဲ ကော်မရှင်ထံသို့  အကြောင်းကြားရန် ရှိသည် ဟု စိုင်းလင်းမြတ်က ပြောသည် ။


“ တောင်ကြီးမြို့ပေါ်မှာ ကိုယ့်နဲ့ အတိုက်အခံဖြစ်တဲ့ ပုဂ္ဂိ်ုလ်ရေးအရ အတိုက်အခံတွေလည်းမရှိဘူး ။ ဒီကြားထဲမှာ တခြားပါတီတွေ NLD ဆိုင်းဘုတ်ဆို ဟိုး ပအိုဝ်းရွာထဲမှာ နောင်ကားရွာတို့ဘက်မှာ အဲ့ဘက် မှာရှိတယ်။ ခုချိန်ထိချိတ်ထားတယ်  မဲ့တစ်ပေါက်မစွန်းဘူး ။ ကိုယ့်ပါတီကျမှ ဒီတောင်ကြီး မြို့လယ် တည့်တည့်မှာချိတ်ထား တဲ့ဟာကိုမှ တခြားပါတီတွေလည်းရှိတယ် ကိုယ့်ပါတီကိုမှ သက်သက် ရည်ရွယ် ပြီး လုပ်တယ်ဆိုတော့ စဉ်းစားစရာတစ်ခုပေါ့ ” ဟု ၄င်း ကဆက်ပြောသည် ။


၂၀၁၅ အထွေထွေ ရွေးကောက်ပွဲ ကျင်းပရန် ရက်ပိုင်းသာ လိုပါတော့သည် ။ တောင်ကြီး မြို့ပေါ်တွင် ဝင်ပြိုင်မည့် ပါတီပေါင်း ၈ ပါတီခန့် ရှိသည် ဟုသိရသည် ။