ဟိုင်းပါရေတံခွန်သည် သျှမ်းပြည်နယ် ၊ မိုင်းရှူးမြို့အနောက်တောင်ဖက် (၁၀) မိုင်ကျော်ကျော်အကွာတွင် တည်ရှိပြီး သဘာဝအတိုင်း အလွန်လှပသည့် ရေတံခွန်ဖြစ်ကြောင်း ရောက်ဖူးသူတိုင်း သိရှိကြပါသည် ။ သစ်တော မျိုးစုံဖြင့် တည်ငြိမ်အေးချမ်းလှပစွာ စီးဆင်းနေသော ရေတံခွန်သည် အခုတော့ ယမ်းနံ့ ၊ လက်နက်ကြီးသံတွေ ၊ သွေးချောင်းစီး ပြီး မွေနှောက်စွာစီးဆင်းနေလေပြီ ။ ဒီအဖြစ်အပျက်သည် ဟိုင်းပါဒေသခံတွေက အသိဆုံးဖြစ်သည် ။


သဘာဝအတိုင်းစီးဆင်းလှပနေသော ဟိုင်းပါရေတံခွန်ရှိရာဒေသတွင် (၆.၁၀.၂၀၁၅) ရက်နေ့ကစပြီး (၆.၁၁.၂၀၁၅) ရက်နေ့အထိ ဗမာ့တပ်မတော်ဖက်မှ တပ်ရင်းပေါင်း (၁၃) ရင်း စကခမှူး (၂) ဦး ၊ ဗျူဟာမှူး (၂) ဦး ဦးစီးကွပ်ကဲကာစစ်အင်အား (၁၄၀၀) ကျော်ဖြင့် ကစထ (၂) မှူး ဗိုလ်ချုပ်ကြီးရာပြည့်ကိုယ်တိုင်ဦးစီးကာ  သျှမ်းပြည်တပ်မတော် SSPP/SSA ကို လက်နက်ကြီးဖြင့် မီးကုန်ယမ်းကုန်သုံး ထိုးစစ်ဆင်တိုက်ပွဲဆင်နွဲခဲ့သည်မှာ တစ်လတိတိပြည့်သွားပါပြီ ။ တိုက်ပွဲများကြောင့် ဒေသခံထောင်ချီ အိုးအိမ်လယ်ယာကျွဲနွားများ စွန့်ပစ်ပြီး စစ်ဘေးဒုက္ခသည်အဖြစ် ထွက်ပြေး တိမ်းရှောင်နေကြရသည် ။ ဒီနေရာဒီဒေသသည် တောင်သူလယ်သမားများ အေးအေးချမ်းချမ်းဖြင့် လယ်ယာ လုပ်ကိုင်စားသောက်နေသည့် နေရာဒေသ ဖြစ်ပါသည် ။ ဘာကြောင့် သွေးချောင်းစီးနေရသနည်းဟု မေးစရာရှိပါသည် ။

(၁၉.၁၀.၂၀၁၅) ရက်နေ့ တပ်မတော်ပိုင် မြဝတီသတင်းစာ ထုတ်ပြန်ချက်အရ အက်စ်အက်စ်အေ ဝမ်ဟိုင်း အဖွဲ့သည် ၂၀၁၂ ခုနှစ် ၊ ဇန္နဝါရီလ (၂၈) ရက် ပြည်ထောင်စုအဆင့် ငြိမ်းချမ်းရေးဆွေးနွေးပွဲ သဘောတူညီချက် အတိုင်း ဝမ်ဟိုင်း ဌာနချုပ်တွင်သာ နေထိုင်ရန် သတ်မှတ်ချက်အတိုင်းမလုပ်ဘဲ ဌာနချုပ်နှင့် (၁၀) မိုင်ကျော်သို့ နယ်မြေကျော် အခိုင်အမာစခန်း ဆောက်လုပ်နေ၍ တပ်မတော်အနေဖြင့် နယ်မြေရှင်းလင်းရင်း တိုက်ပွဲဖြစ်ပွားခဲ့ကြောင်း ၊ ထိတွေ့ တိုက်ခိုက်မှုများ ဖြစ်ပွားနေစဉ်အတွင်း အောက်တိုဘာလ (၁၆) ရက်နှင့် (၁၈) ရက်နေ့များတွင် မိုင်းနောင်အနီး ဝိန်းကောဝ် တပ်မတော် တပ်ရင်းဌာနချုပ်သို့ လာရောက်ပစ်ခတ်နှောင့်ယှက်မှုကြောင့် ဌာနချုပ်ရှိစစ်သည်နှင့် အိမ်ထောင်သည် ရဲမေများ ပြန်လည်ပစ်ခတ်ခဲ့ရကြောင်း တပ်မတော်အနေဖြင့် ဒေသခံပြည်သူလူထုများ၏ အသက်အိုးအိမ်စည်း စိမ်များကို မထိခိုက်စေရေး ၊ နယ်မြေလုံခြုံရေး ဆက်လက်ဆောင်ရွက်ရမည် ဖြစ်ကြောင်း အကြောင်းပြကာ လက်နက် ကြီးပစ်ကူဖြင့် ထိုးစစ်ဆင်တိုက်ခိုက်ခဲ့သည် - ဟုပါရှိပါသည် ။
တပ်မတော်သတင်းစာထုတ်ပြန်ချက်နှင့် ဆန့်ကျင်စွာ သျှမ်းပြည်တိုးတက်ရေးပါတီ ၊ သျှမ်းပြည်တပ်မတော် ဗဟို ဌာနချုပ်၏ ၂၀၁၅ခုနှစ် ၊ အောက်တိုဘာလ (၂၀) ရက်နေ့ ကလည်း ကြေငြာချက်တစောင်ထုတ်ပြန်ခဲ့သည် ။


ထိုကြေငြာချက်တွင် - သျှမ်းပြည်တိုးတက်ရေးပါတီ ၊ သျှမ်းပြည် တပ်မတော် SSPP/SSA သည် သျှမ်းပြည်နယ် မိုင်းရှူးမြို့နယ် ၊ ကျေးသီးမြို့နယ် ၊ မိုင်းနောင်မြို့နယ် ၊ မိုင်းစန်မြို့နယ် ၊ ကာလိမြို့နယ် ၊ ကွန်ဟိန်းမြို့နယ် ၊ နမ့်စန်မြို့ နယ် ၊ ခိုလမ်မြို့နယ် ၊ ပင်လုံမြို့နယ် ၊ လဲချားမြို့နယ် ၊ မိုင်းကိုင်မြို့နယ် ၊ တန့်ယန်းမြို့နယ် ၊ မိုင်းကောင်မြို့နယ် ၊ မိုင်း ရယ်မြို့နယ် ၊ လားရှိုး မြို့နယ် ၊ သိန္နီမြို့နယ် ၊ ကွတ်ခိုင်မြို့နယ် ၊ ပန်ဆိုင်းမြို့ နယ် ၊ မူဆယ်မြို့နယ် ၊ နမ့်ခမ်းမြို့နယ် ၊ မိုးမိတ်မြို့နယ် ၊ မဘိမ်းမြို့ နယ် ၊ မိုးကုတ်မြို့နယ် ၊ နောင်ချိုမြို့နယ် ၊ ပြင်ဦးလွင် မြို့နယ် ၊ ကျောက်မဲမြို့နယ် ၊ နမ့်ဆန် မြို့နယ် ၊ သီပေါမြို့နယ် ၊ နမ့်လန်မြို့နယ်နှင့် နမ္မတူမြို့နယ်စသည့်မြို့နယ် အသီး သီးတို့တွင် တန်းတူရေးနှင့် ကိုယ်ပိုင် ပြဌာန်းခွင့်ရရှိရေး ၊ စစ်မှန်သောဖက်ဒရယ်ပြည်ထောင်စုတည်ဆောက် သွားနိုင်ရေး တို့အတွက် နှစ်ပေါင်း ဆယ်ချီ လှုပ်ရှား တိုက်ပွဲဝင်ခဲ့သော အဖွဲ့အစည်းဖြစ်သည် ။  ထို့ကြောင့် ၂၀၁၂ ခုနှစ် ၊ ဇန္နဝါရီလ (၂၈) ရက်နေ့တွင် နိုင်ငံတော် အစိုးရနှင့် ပြည်နယ်အဆင့် ပဏာမသဘောတူညီချက် Bilateral Agreement အပိုဒ် (ခ) တွင် - သျှမ်းပြည်တိုးတက်ရေးပါတီ ၊ သျှမ်းပြည်တပ်မတော် တပ်ဖွဲ့များကို ဝမ်ဟိုင်းတွင်အခြေပြု၍ လက်ရှိ ဖြန့်ခွဲထားသော နေရာများတွင် ယာယီ အခြေပြုနေထိုင်ရန် သဘောတူသည် ဟုပါရှိပါသည် ။ ဝမ်ဟိုင်းဌာနချုပ်၌သာအခြေပြုနေထိုင် ရန် သဘောတူညီချက် လုံးဝ မပါရှိကြောင်း ၊ ၂၀၁၂ခုနှစ် ၊ ဇန္နဝါရီလ (၂၈) ရက်နေ့တွင် နိုင်ငံတော် အစိုးရနှင့် ပြည်နယ် အဆင့် ၊ ပြည်ထောင်စုအဆင့် ငြိမ်းချမ်းရေးဆွေးနွေးပွဲသဘော တူညီ ချက် Bilateral Agreement လက်မှတ်ရေးထိုးပြီး နောက်ပိုင်းတွင် SSPP/SSA တပ်ဖွဲ့များမှတပ်မတော်တပ်ရင်းတပ်ဖွဲ့များအား စတင် တိုက်ခိုက်ခြင်းမပြုရန် ဗဟိုကော် မတီက အမိန့်ထုတ်ပြန် တားမြစ်ခဲ့ပြီး တပ်မှူးတပ်သားများအားလုံးလိုက်နာကြရန်လည်း အထူးကြပ်မတ် ခဲ့ပါသည် ။


SSPP/SSA တပ်ဖွဲ့များမှ တပ်မတော်အား စတင်ပစ်ခတ် တိုက်ခိုက်မှု တစ်ကြိမ်မှ မရှိဘဲ တပ်မတော်ဖက်ကသာ မိမိ SSPP/SSA တပ်ဖွဲ့များအား လိုက်လံတိုက်ခိုက်ခဲ့သည်မှာ အကြိမ်ပေါင်း (၅၀၀) ကျော်ရှိခဲ့ပါသည် ။ ထို့ကြောင့်ကျေးသီး မြို့ နယ် မိုင်းနောင်အနီး ဝိန်းကောင်ကျေးရွာရှိ တပ်မတော်တပ်ရင်းဌာနချုပ်သို့ ဝင်ရောက်နှောင့်ယှက် ပစ်ခတ်မှုသည် မိမိ SSPP/SSA တပ်ဖွဲ့ နှင့် မသက်ဆိုင်ကြောင်း ပြန်လည်ရှင်းလင်း အပ်ပါသည် ။


အက်စ်အက်စ်အေအနေဖြင့် အမှန်တကယ်ပဲ နယ်မြေကျူး ကျော် တပ်စခန်းအခိုင်အမာ ဆောက်နေခြင်း လော ။


အက်စ်အက်စ်အေ သည် ၁၉၆၄ခုနှစ် အေပီလ (၂၄) ရက်နေ့၌ ပြည်ထောင်စု မြန်မာနိုင်ငံ ၏ ပထမဦးဆုံး သော ၊ အထိန်းသိမ်းခံရသော သမ္မတကြီး စဝ်ရွှေသိုက် ၏ မဟာဒေဝီ စဝ်နန်းဟိန်းခမ်းဦးဆောင်ပြီး ထိုင်း - မြန်မာ နယ်စပ်တွင် သျှမ်းတော်လှန်ရေး အဖွဲ့များဖြစ်ကြသော နွံဆစ်ဟန်အဖွဲ့ ၊ သျှမ်းပြည် လွတ်လပ်ရေးတပ်မတော် (SSIA) အဖွဲ့နှင့် ကိုးကန့်အဖွဲ့တို့ကို စုစည်း ကာ သျှမ်းပြည်တပ်မတော် (SSA) အဖြစ် ဖွဲ့စည်းတည်ထောင်ခဲ့ပါသည်။ ၁၉၆၄ မှ ၂၀၁၅ ခုနှစ် အထိ နှစ်ပေါင်း (၅၀) ကျော်ပြီး ထိုင်းမြန်မာနယ်စပ်မှ တရုတ်မြန်မာနယ်စပ်အထိ ဖြန့်ကျက်လှုပ်ရှားနေထိုင်ခဲ့ ကြောင်း ဦးနေဝင်းကအစ ၊ ဦးသန်းရွှေအလယ် ၊ ဦးသိန်းစိန်အဆုံး သိရှိကြပါသည် ။ အထောက်အထားများ လည်းရှိပါသည် ။



နယ်မြေကျူးကျော်အကြောင်းပြ၍ တိုက်ပွဲဖြစ်ရမည်ဆိုလျှင် တိုက်ပွဲက ဘာကြောင့် သျှမ်းပြည်နယ်ထဲ လာဖြစ်ရ သနည်း ဟု ဒေသခံများက စောဒကတက်ကြသည် ။ ဤသို့ဆိုလျှင် SSPP/SSA က နယ်မြေကျူးကျော်ဟု စွပ်စွဲကာ ထိုးစစ်ဆင်ခြင်းသည် လုံလောက်သော အကြောင်းပြချက် မဟုတ်ကြောင်း သိသာထင်ရှား လှပါသည် ။


အနီးစပ်ဆုံးသာဓကပြရပါက နမ့်လန်ပြည်သူ့စစ်အဖွဲ့ဟု အဓမ္မအသွင်ပြောင်းခံရသည့် ကာလိတပ်မဟာ (၇) သည် SSPP/SSA တပ်ဖွဲ့ဟောင်းများဖြစ်ကြောင်း ထောက်ပြလိုပါသည် ။ ထို့ကြောင့် SSPP/SSA တပ်များအချင်းချင်း နယ်မြေချင်းဆက်စပ်တည်ရှိနေမှုသည် နယ်မြေကျူးကျော်သည်ဆိုသည်မှာ အဓိပ္ပါယ်မဲ့ပါသည် ။ ၁၉၉၂-၉၃ ခုနှစ် တွင် ခွန်ဆာဦးဆောင်သော (MTA) ဟိုင်းပါကွင် အတွင်းသို့ ထိုးစစ်ဆင်လာသည့်အချိန်တွင် သျှမ်းပြည်တပ်မတော် တပ်မှူးများနှင့် ဗမာ့တပ်မတော်တပ်မှူးများနှင့်အတူ တကွပူးတွဲလှုပ်ရှားလာခဲ့ဖူးသည်ကိုလည်း ဗမာ့တပ်မတော် တပ်မှူးများ သတိပြုမိကြပေလိမ့်မည် ။ ထို့အပြင် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့ဝင်တစ်ဦးဖြစ်သော ဝန်ကြီး ဦးခင်မောင်စိုးသည်လည်း သျှမ်းပြည်တိုးတက်ရေးပါတီ ၊ သျှမ်းပြည်တပ်မတော်ဥက္ကဌ စဝ်ပန်ဖနှင့် လက်ရှိ တိုက်ပွဲဖြစ်နေသည့်ဒေသအတွင်း အတူအိပ်အတူစားခဲ့ကြရပြီး အလွန်ခင်မင်ရင်းနှီးကြကြောင်းသိရှိရပါသည် ။ ဤသို့ဆိုလျှင် SSA သည် နယ်မြေကျော်လွန်သည်ဟု ပြောကြပါဦးမည်လား ။



သျှမ်းပြည်တပ်မတော်က တပ်မတော်စခန်းကို တကယ်ပဲသွားတိုက်နေသလား ။ မဟုတ်မှန်ကြောင်း သျှမ်းပြည် တိုးတက်ရေးပါတီ ၊ သျှမ်းပြည်တပ်မတော်ဗဟိုဌာနချုပ်အနေဖြင့် ထုတ်ပြန်ခဲ့ရှင်းလင်းခဲ့ပြီးဖြစ်သည် ။ လက်တွေ့ကျကျ စဉ်းစား ကြည့်မည်ဆိုလျှင် ထောင်ချီသော တပ်မတော်ထိုးစစ်ကိုလည်းခုခံရ ၊ ဌာနချုပ်ကိုလည်းလုံခြုံရေးဆောင် ရွက်နေသည့် SSA အနေဖြင့် လုံလောက်သောအင်အားရှိနိုင်မည်လားဟု တွေးကြည့်လျှင် မြင်နိုင်ပါသည် ။ SSA က တပ်စခန်းကို သွားတိုက်ခိုက်သည့်သတင်း တစ်ခါမှ မကြားဖူးပါဘူး ။ SSPP/SSA ဝမ်ဟိုင်းဌာနချုပ်ကို တပ်မတော် စခန်းက လက်နက်ကြီးဖြင့်ပစ်ချသည့်သတင်းကိုတော့ နားမဆန့်အောင်ကြားနေရပါသည် ။ အရပ်သားများ၏အိုးအိမ် ထိမှန်သည့် ဓါတ်ပုံတွေလည်း ဖြန့်ကျက်နေပါသည် ။


တစ်ချိန်တည်းတွင် SSA သည် တပ်စခန်းအခိုင်အမာဆောက်နေသလော။ ဝါဒဖြန့်မှုတစ်ခုသာဖြစ်ကြောင်း အောက်ကပုံကိုကြည့်လျှင် သိရှိနိုင်ပါသည် ။ တပ်မတော်သားမြောက်များစွာ အသုံးချပြီး တပ်မတော်က သိမ်းထား သည့် သျှမ်းပြည်တပ်မတော်စခန်းပါ ။ ဒီပုံကိုကြည့်ပြီး အခိုင်အမာစခန်းဟု ပြောရဲသည့်လူရှိလျှင်လည်း ထားပါစေ တော့လေ ။


ဟိုင်းပါဒေသသည် မဟာဗျူဟာမြောက် အချက်အခြာကျသော နေရာလည်းမဟုတ်ပါ ၊ တောတောင်ဂျောင် ပိတ်သော Land Lock နေရာလေးပါ ။ ဒါမှမဟုတ်လျှင် တပ်မတော်ပိုင်မြဝတီသတင်းထုတ်ပြန်ထားသလို ဒေသခံ ပြည်သူများ၏ အသက်အိုးအိမ်စည်းစိမ်ကို တပ်မတော်မှ အသက်ပေးကာကွယ်နေခြင်းလား ။ မဟုတ်တန်ပါ ။ အဘယ် ကြောင့်ဆိုသော် တပ်မတော်မှ လက်နက်ကြီးရာချီသုံးပြီး ပစ်ချင်သလိုပစ်၊ ကျချင်သလိုကျ No Man Land ထိုးစစ် ဆင် တိုက်ခိုက်မှုများကြောင့် ဒေသခံတွေက အိုးအိမ်လယ်ယာကျွဲနွားများစွန့်ပစ်ကာ ရွာလုံးကျွတ် စစ်ဘေးဒုက္ခသည် အဖြစ် သုံးလေးထောင်ကျော်ရှိနေပါပြီ ။ လူသူမဲ့ရွာတွေထဲမှာ ဘာတွေဖြစ်နေသလဲ ဘယ်သူခန့်မှန်းနိုင်မလဲ ။ ပွင့်လင်း ရာသီ မှာရိတ်သိမ်းရမည့် ကောက်ပဲသီးနှံကို မရိတ်သိမ်းလိုက်ရဘဲ ဒေသခံထောင်ချီတွေအတွက် စားနပ်ရိက္ခာတစ်နှစ်စာ ဆုံးရှုံးရသည် ။


ဒီလူတွေအတွက် ဘယ်သူက တာဝန်ရှိလဲ ။ ဘယ်သူက တာဝန်ယူပေးမည်လဲ ။ မရှိပါ ။ မြန်မာနိုင်ငံသား မဟုတ်သည့် အတိုင်း လျစ်လျူရှုခြင်းခံနေရတာပါ ။ တပ်မတော်တပ်စခန်းသို့ ပစ်ခတ်မှုကိုရေးကြီးခွင်ကျယ် အကြောင်းပြပြီး ဒေသခံရွာသားတွေကိုတော့ အကာအကွယ်မဲ့ စော်ကားချင်သလိုစော်ကားနေခြင်းသည် ဥပဒေမဲ့ လုပ်ရပ်မဟုတ်ဘူးလား ၊ လူသားချင်းစာနာသည့်စိတ်ကောရှိရဲ့လားဟုတောင် မေးခွန်းထုတ်ချင်ပါသည် ။ ထောင်ချီ သော စစ်ဘေးဒုက္ခသည်တွေကို ဘယ်အစိုးရနှင့် ဗမာလူမျိုးအများစုက လျစ်လျူရှုနေကြပါသည် ။


တခြားအရပ်ဒေသတွေမှာ အပြုံးကိုယ်စီနဲ့ရွေးကောက်ပွဲမဲဆွယ်စည်းရုံးနေချိန်မှာ ဟိုင်းပါဒေသခံတွေကတော့ ရွာမဲ့အိမ်မဲ့ခိုကိုးရာမဲ့ပြီး ဆင်းရဲဒုက္ခကို ကောင်းကောင်းကြီးငုံ့ခံနေရပါတယ် ။ မဲပေးခွင့်မရှိတော့ပါဘူး ။ အကာအကွယ်မဲ့ စွာနဲ့ ခွဲခြားဆက်ဆံနေရပါတယ် ။ ရွေးကောက်ပွဲနဲ့အချိန်ကိုက်ထိုးစစ်ဆင်မှုကို အကြောင်းပြပြီး ကြိုတင်ဇာတ်တိုက် ထားသည့်အလား သျှမ်းနိုင်ငံရေးပါတီကြီးတစ်ခုက ထိုးစစ်ဆင်မှုရပ်ဆိုင်းရန် တောင်းဆိုမည့်အစား ရွေးကောက်ပွဲ ရပ်ဆိုင်းရန်သာ ရွေးကောက်ပွဲကော်မရှင်ထံ ဒေသခံကိုယ်စားတောင်းဆိုခဲ့သည် ။ စစ်ပွဲမဖြစ်သော တခြားဒေသ တွေကိုပါ အဆစ်တောင်းဆိုလိုက်သေးသည် ။ ယုတ်မာတဲ့ စိတ်ဓါတ်ကို ချီးကြူးမိပါသည် ။ ကိုယ့်သျှမ်းပြည်သူလူထုကို တခြားသောသူများ စော်ကားချင်သလိုစော်ကားနိုင်အောင် လုပ်နေသည့် လုပ်ရပ်မျိုးမဟုတ်ပါလား ။ ရွေးကောက်ပွဲ မလုပ်လေ စစ်တပ်ကြိုက်လေ ၊ ဒေသခံတွေစော်ကားခံရဖို့ကောင်းလေလေမဟုတ်ပါလား ။ ဒီဒဏ်တွေကို ခါးစည်းခံရ သည့် သျှမ်းပြည်သူလူထုက တော်တော်နဲ့မေ့နိုင်မှာမဟုတ်ပါဘူး ။ 


လက်ရှိဖြစ်ပွါးနေသည့် ထိုးစစ်တိုက်ပွဲရပ်ဆိုင်းရန် သျှမ်းပြည်တိုးတက်ရေးပါတီ ၊ သျှမ်းပြည်တပ်မတော်အနေဖြင့် ပြည်ထောင်စုငြိမ်းချမ်းရေးဖော်ဆောင်ရေးကော်မတီဥက္ကဌ ဒေါက်တာစိုင်းမောက်ခမ်း ၊ ဒုတိယဥက္ကဌ ဦးအောင်မင်း ၊ ဒုတိယဥက္ကဌ ဦးသိန်းဇော်၊ အဖွဲ့ဝင် ဦးခင်မောင်စိုးထံ အကြိမ်ကြိမ်ညှိနှိုင်းခဲ့သော်လည်း မည်သို့မျှ မတုန့်ပြန်ကြောင်း သျှမ်းပြည်တိုးတက်ရေးပါတီ ၊ သျှမ်းပြည်တပ်မတော် ပြန်ကြားရေးအသိုင်းဝိုင်းထံမှ သိရှိ ရသည် ။ မတရားသောထိုးစစ် ဆင်တိုက်ခိုက်မှုကို ခုခံနေရသော သျှမ်းပြည်တိုးတက်ရေးပါတီ ၊ သျှမ်းပြည်တပ်မတော် ၏ သဘောထားကြီးမှုကို ရိုသေ လေးစားသော်လည်း တစ်ဖက်သတ်အင်အားသုံးအနိုင်ကျင့်မှုကိုတော့ သျှမ်းပြည် သူလူထုနှင့် သျှမ်းစစ်သားများကိုယ်စား ရင်နာမိသည် ။


စစ်တပ်အချင်းချင်းတိုက်ပွဲဖြစ်သည်မှာ ထူးဆန်းမှုမဟုတ်ပေမယ့် အရပ်သားများ၏ အသက်အိုးအိမ်ကိုကာ ကွယ်ရမည့်အစား ပဓါနပင် မထားပဲ ၊ ဘယ်သူသေသေ ငတေမာရင်ပြီးရောဆိုသည့် ထိုးစစ်ဆင်မှုမျိုးကတော့ ထူးဆန်းသည်ဟုပဲဆိုရပေမည်။ ထို့အတူ သျှမ်းပြည်တိုင်းရင်းသား တပ်အချင်းချင်းများဖြစ်ကြသော သျှမ်းပြည်သား ပြည်သူ့စစ်အဖွဲ့များ (အဖွဲ့အစည်းနာမည်များကို တမင်တကာ မဖော်ပြလို၍ ချန်ထားခဲ့သည် ။) ကို ရှေ့တန်းသို့ အတင်းထိုးစစ်ဆင်နေခြင်းမှာ ငါးကြင်းဆီဖြင့် ငါးကြင်းပြန်ကြော်သည့်နည်းလမ်းဟောင်းကို ကျင့်သုံးနေခြင်း သည်လည်း တိုင်းရင်းသားအချင်းချင်း သွေးခွဲလိုသည့်လုပ်ရပ်ဟု စာရေးသူအနေဖြင့် ရှုမြင်ပါသည် ။


ထို့အပြင် အကြောင်းမရှိအကြောင်းရှာကာ မိုင်းနောင်စကခ(၂) ဌာနချုပ် ၊ ဝိန်းကောင်စခန်း စသည့်နေရာများ တွင်လည်း တိုက်ပွဲအတုအကြိမ်ကြိမ်ဆင်နွဲကာ လက်နက်ကြီးလက်နက်ငယ်များဖြင့် ညလုံးပေါက်ပရမ်းပတာ ပစ်ခတ် မှုကြောင့် အရပ်သားများ၏ အသက်အိုးအိမ်ပျက်စီးခဲ့ရပြီး ၊ ညစဉ်ညတိုင်း ဂယောင်ခြောက်ခြား တထိတ်တ လန့်ဖြစ် နေကြရသည် ။ အကယ်၍ တိုက်ပွဲအတုလုပ်ဆောင်ခြင်းမဟုတ်ဘဲ စစ်ရေးလေ့ကျင့်မှုသာဖြစ်မည်ဆိုလျှင် သျှမ်းပြည် အလယ်ပိုင်းသည် စစ်မီးတဟုန်းဟုန်းထပ်မံဆက်လက်တောက်လောင်ဦးမည်ဖြစ်ပြီး အပြစ်မဲ့သျှမ်းပြည်သူ လူထုများ ထပ်မံဒုက္ခရောက်ဦးမည်ကိုလည်း မြေကြီးလက်ခတ်မလွှဲဖြစ်နိုင်ပေသည် ။


ဗမာစစ်တပ်ခေါင်းဆောင်ကြီးများအနေဖြင့် အင်အားသုံးဖြေရှင်းခြင်းသည် အောင်မြင်နိုင်မည်ဟု ယုံကြည် သည့်စိတ် ကိန်းအောင်းနေသည့်သဘောရှိပါသည် ။ သို့သော် မိုးနဲ့မြေလိုပြောင်းပြန်အခြေအနေအဖြစ်သို့လည်းဖြစ် သွားနိုင်ပါသည် ။ သျှမ်းပြည်သားများလည်း မတရားမှုကို မျက်စိမှိတ်မထားကြောင်းသတိချပ်သင့်ပါသည် ။ စစ်ရေး နည်းဖြင့် တစ်ကုန်းပြီး တစ်ကုန်း သိမ်းနိုင်ပါသည် ။ သို့သော် အဖိနှိပ်ခံပြည်သူလူထုတွေရဲ့ အမုန်းတရားအာဃာတ ၊ ရွံရှာမုန်းတီး မှုက နှစ်လကြာရှည်ကြာ စစ်တပ်အပေါ်မှာ ဆက်ရှိနေဦးမည်ဖြစ်ကြောင်း ၊ ထိုးစစ်ဆင်ခြင်း၏ ရည်ရွယ်ချက် သည်လည်း စစ်ပွဲပြီးလျှင် လယ်ပြင်မှာ ဆင်သွားသလို ထင်ထင်ရှားရှားတွေ့မြင်နိုင်မည်ဖြစ်ကြောင်း တင်ပြလိုက် ရပါသည် ။