ဘာသာရပ်တွေအလိုက် ခွဲခြားမယ်ဆိုရင် နိုင်ငံရေးနဲ့ စီးပွားရေးဘာသာရပ်တွေဟာ အရွှေ့အပြောင်းလုပ်တဲ့နေရာမှာ အတိမ်းအစောင်း မခံဆုံးဘာသာရပ်တွေဖြစ်ပါတယ် ။ သဘောကတော့ အမှားအယွင်းမခံတဲ့ ဘာသာရပ်တွေလို့ ဆိုနိုင် ပါတယ် ။ တဘက်ကလည်း အောင်မြင်တဲ့ နိုင်ငံရေး ၊ စီးပွားရေး အရွှေ့တွေဖြစ်ဖို့ လက်တွေ့ကျတဲ့ ပြင်ဆင်မှုနဲ့ ဆောင်ရွက်ချက်တွေရှိဖို့ လိုပါတယ် ။

အကောင်ထည်မဖော်ခင် ဘာဖြစ်ချင်သလဲ ဆိုတာ အရင်သိဖို့လိုအပ်သလို မဟာဗျူဟာကျကျဆောင်ရွက်နိုင်မှု ၊ ဦးဆောင် သူရဲ့ အရည်အချင်းစတဲ့အချက်တွေလည်း လိုအပ်ပါတယ် ။ အခုက အရွှေ့တစ်ခုကို စသွားနေပြီဖြစ်တဲ့အတွက် ဒါတွေပြော နေရခြင်းလည်း ဖြစ်ပါတယ် ။ စာရေးသူတို့နိုင်ငံရဲ့ အနေထားအရကတော့ Idealism  ( စိတ်ကူးယဉ် နဲ့ အတွေးအမြင်ပဓာန ဝါဒ ) သမားတွေထက် ဗိုလ်ချုပ်အောင်ဆန်းလို Pragmatism  လက်တွေ့ဆန်တဲ့သဘောတရားရေးရာ ကျင့်သုံး သူတွေ လိုအပ်လှပါတယ် ။ အကောင် ထည် ဖော်ရမဲ့သူတွေ ဦးဆောင်ရမဲ့ ပုဂ္ဂိုလ်တွေအနေနဲ့ နိုင်ငံ့ရေးရာ ဘယ်ကိစ္စမှာ မဆိုအသွင် သဏ္ဍာန်ကော အနှစ်သာရအရပါ လက်တွေ့ ကျတဲ့ ချဉ်းကပ်မှုတွေနဲ့ ဆောင်ရွက်ကြရမှာဖြစ်ပါတယ် ။ ဗိုလ်ချုပ်ရဲ့ ခေတ်ပြိုင် တွေ ထဲမှာ နိုင်ငံရေး သဘောတရားရေးရာအရ ဗိုလ်ချုပ်ထက် သာလွန်နှံ့စပ်သူတွေ ရှိပေမဲ့ ဗိုလ်ချုပ်အောင်ဆန်းအနေနဲ့ သူတို့ကို ဖြတ်ကျော်ဦးဆောင်နိုင်ခဲ့တာ သူ့ရဲ့ လက်တွေ့ ဆန်တဲ့ သဘောတရားရေးရာ ကျင့်သုံးမှုတွေကြောင့်ပဲဖြစ်ပါတယ် ။


၂၁ ရာစု ပင်လုံညီလာခံကို လပိုင်းအတွင်း အထူးသဖြင့် တလ နှစ်လအတွင်း ကျင်းပမယ့် အချိန်မဆွဲဘူးလို့ နိုင်ငံတော် အတိုင်ပင်ခံ ပုဂ္ဂိုလ်ဖြစ်တဲ့ ဒေါ်အောင်ဆန်းစုကြည်က ပြောတာ သတိထားမိပါတယ် ။ မူအရဆိုရင် ဒီကိစ္စဟာ ကြိုဆိုစရာပါ ။ ဒေါ်အောင်ဆန်းစုကြည်လို လူထုထောက်ခံမှုနဲ့ နိုင်ငံတကာ ထောက်ခံမှု ရထားသူတယောက်က ခုလို ပြောတာဟာ တကယ်လည်း ကြိုဆိုအပ်ပါတယ် ။ ဒါပေမဲ့ နိုင်ငံရေးပြသနာဖြေရှင်းရေးဆိုတဲ့ ကိစ္စဟာ အသွင်သဏ္ဍာန်နဲ့ အနှစ်သာရ နှစ်မျိုးလုံး အဆင်ပြေမှ အောင်မြင်တဲ့ ကိစ္စဖြစ်တဲ့အတွက် လပိုင်းအတွင်း ပင်လုံညီလာခံဆိုတဲ့ ကိစ္စကိုတော့ အောင်မြင်ပါ့မလားဆိုတာ အနည်းငယ် စိုးရိမ်မိပါတယ် ။


အနည်းငယ်စိုးရိမ်ဆိုတာ ဒီလို ညီလာခံမျိုးကို ကန့်ကွက်တဲ့ သဘောတော့ မဟုတ်ပါဘူး ။ လပိုင်းအတွင်း လုပ်ဖို့ ဆိုတာက လက်တွေ့ ကျသလား မကျဘူးလားဆိုတာ သံသယဝင်မိလို့ပါ ။ သမိုင်းကြောင်းအရကော ၊ လက်တွေ့မျှော်မှန်းဆောင်ရွက် နိုင်စွမ်း  ၊ ပြင်ဆင်နိုင်မှု ၊ အလားအလာ ၊ လက်တွေ့ကျတဲ့ ချဉ်းကပ်မှု စတဲ့အချက်တွေအပေါ်မူတည်ပြီး အကဲဖြတ် ဆောင်ရွက်ရင် ပိုအဆင်ပြေ မလားလို့လည်း မြင်မိပါတယ် ။ ခုလို ပြောနေလို့ ငြိမ်းချမ်းရေးဆွေးနွေးပွဲတွေ အမြန်စဖို့ လိုနေတာကို ကန့်ကွက်တဲ့ သဘောမဟုတ်ပါဘူး ။ လောလော ဆယ် အနေထားအရ အမြန်စဖို့ လိုနေတဲ့ အပိုင်းတွေရှိပေမဲ့ နိုင်ငံရေးအရ ဆုံးဖြတ်ကြမဲ့ အပိုင်းတွေကိုတော့ တလ နှစ်လအတွင်း အပြီးသတ်ဖို့ ဆိုတာ အားလုံးအဆင်သင့်ဖြစ်မဖြစ် ပါဝင်နိုင်မှုရှိမရှိ ဆိုတဲ့ အကြောင်းအခြင်းအရာတွေလည်း ရှိနေတာကြောင့်ဖြစ် ပါတယ် ။


တကယ်တော့ သမိုင်းအရ ပြန်ကြည့်မယ်ဆိုရင်တောင် အောင်မြင်ခဲ့တဲ့ စာချုပ်ချုပ်ဆိုနိုင်ခဲ့တာ ပင်လုံညီလာခံ ( ဒုတိယ ပင်လုံညီလာခံ ) ဟာ အောင်မြင်တယ်လို့ ဆိုနိုင်ပေမဲ့ အဲဒီခေတ်ကာလ အတိုင်းအတာနဲ့ စဉ်းစားရင်တောင် ပြည့်စုံခဲ့တဲ့ ညီလာခံမဟုတ်ပါဘူး။ အင်္ဂလိပ်ဆီက လွတ်လပ်ရေးယူနိုင်ပေမဲ့ ပြည့်စုံမှုမရှိတဲ့ ညီလာခံနဲ့ သဘောတူခဲ့တဲ့ စာချုပ်ဖြစ် တာကြောင့် ပင်လုံစာချုပ်မှာ လက်မှတ် ရေး ထိုးခွင့်မရခဲ့တဲ့ ကရင် ၊ မွန်စတဲ့ တိုင်းရင်းသားတွေနဲ့ လွတ်လပ်ရေးရပြီး မကြာခင်မှာပဲ ပြသနာတွေတက် ပြည်တွင်းစစ်နဲ့ ကြုံခဲ့ရတာတွေက ယူတတ်ရင် သင်ခန်းစာရစရာတွေပါ ။


ဗိုလ်ချုပ်အောင်ဆန်းဦးဆောင်တဲ့ ပင်လုံစာချုပ်ကိစ္စမှာ ဘာတွေ့ရသလဲဆိုရင် ဗိုလ်ချုပ်အနေနဲ့ ဗမာကိုယ်စားလှယ်အဖြစ် ဦးဆောင်ခဲ့ပေမဲ့ သူ့နောက်ပိုင်းတက်လာခဲ့တဲ့ ဦးနုအပါဝင် ဗမာခေါင်းဆောင် အများစုဟာ ပင်လုံကတိကဝတ်ကို လက်တွေ့အကောင်ထည်ဖော်ဖို့ စိတ်မပါတဲ့အပြင် အစကတည်းက ငါတို့သဘောမတူခဲ့ဘူး။ ဆိုတဲ့ ကိစ္စရပ်တွေသာ များနေခဲ့တာ တွေ့ရပါတယ် ။ ဆိုရင်တော့ ဗမာခေါင်းဆောင်တွေကြားထဲမှာတင် တိုင်းရင်းသားတွေကို တန်းတူ အခွင့် ရေးပေးရမယ်ဆိုတဲ့ ကိစ္စဟာ မကျေလည်ခဲ့တာ ထင်ရှားပါတယ် ။ ဦးနုဟာ ဖဆပလ ကိုယ်စားလှယ်တွေ မအောင်မြင်ပဲအောင် ဖျာလိပ် ခဲ့ရတဲ့ ၁၉၄၆ ခုနစ် ပထမ အကြိမ် ပင်လုံ ညီလာခံမှာ  ဦးနုဟာ ဗမာကိုယ်စား လှယ်အဖွဲ့ ခေါင်းဆောင် တဖြစ်လဲ အဖြစ်တက်ရောက်ပြီး ဆွေးနွေးခဲ့သူလည်း ဖြစ်ကာ သူ့ရဲ့ မူတွေက တိုင်းရင်းသားခေါင်းဆောင် တွေကို မစည်းရုံးနိုင်ခဲ့ပဲ မအောင်မြင်လည်း ဖြစ်ခဲ့ရပါတယ် ။ ဗီုလ်ချုပ်အောင်ဆန်းနဲ့ ဦးနုမှာ ဗိုလ်ချုပ်အောင်ဆန်းက ဘာကြောင့် တိုင်းရင်းသားတွေကို စည်းရုံးနိုင်ခဲ့သလဲဆိုရင် တိုင်းရင်းသားအခွင့်ရေးအတွက် ရဲရဲတင်းတင်းအာမခံခဲ့တာ ကြောင့်ဖြစ်ပါတယ် ။ ဒါပေမဲ့ ဖဆပလ ခေါင်းဆောင်တွေအကြားမှာတင် သဘောထားကြေလည်မှု မရှိခဲ့တာကြောင့် ဗိုလ်ချုပ်ကျဆုံးသွားတာနဲ့ ပြသနာပေါ်လာရခြင်းဖြစ်ပါတယ် ။ ဒါတောင် ဗီုလ်ချုပ်ရဲ့ အောင်မြင်ခဲ့တဲ့ ပင်လုံက အဲဒီခေတ်ကာလနဲ့ဆိုရင်တောင် တိုင်းရင်းသားအားလုံးကို ကိုယ်စားမပြုနိုင်ခဲ့ဘူးလို့ ဆိုရမှာပါ ။


လတ်တလော အနေထားအရတော့ လူများစုအသိုင်းဝန်းမှာ ထိပ်သီးတွေဖြစ်တဲ့ အန်အယ်လ်ဒီ အစိုးရနဲ့ တပ်မတော်အကြား တိုင်းရင်းသားအရေးနဲ့ ပတ်သက်လို့ ကျေလည်မှု တစ်ခုရှိဖို့ လိုအပ်နေပါတယ် ။ ဒါမှလည်း လူများစုက လူနည်းစုကို ဘယ်လောက်ပေးမယ်ဆိုတဲ့ သဘောတူ ကျေလည်မှု ရှိမှသာ အဆင်ပြေနိုင်မှာ မို့လို့ပါ ။


နိုင်ငံမှာ ဖြစ်နေတဲ့ တိုင်းရင်းသားအရေးနဲ့ ပြည်တွင်းငြိမ်းချမ်းရေး အခြေနေကို ကြည့်ရင် ဗိုလ်ချုပ်ဦးဆောင်ခဲ့တဲ့ ပင်လုံ စာချုပ်ချုပ်ဆိုတဲ့ ခေတ်နဲ့တောင် အတော်ကွာခြားသွားတာ တွေ့ရပါတယ် ။ ဗီုလ်ချုပ်အောင်ဆန်းခေတ်က တိုင်းရင်းသား တပ်တွေဆိုတာ အင်္ဂလိပ် လက်အောက်မှာ ရှိနေပေမဲ့ သူတို့က အခုလို သူပုန် မဟုတ်သေးတဲ့အပြင် ဂန္ဒီစာချုပ်အရ မြန်မာ့တပ်မတော်မှာ ပြည်ထောင်စုတပ် အသွင်ပေါင်းစည်းထားပြီးဖြစ်တဲ့အတွက် အပစ်ခတ်ရပ်စဲရေးတို့ စစ်လက်နက်ဖြုတ် သိမ်းရေးနဲ့ လုံခြုံရေးကဏ္ဍ ပြုပြင်ပြောင်းလဲရေးလို ကိစ္စရပ်တွေက ပင်လုံမှာ ဆွေးနွေးတဲ့အချိန်မှာ ဆွေးနွေးစရာ မလိုခဲ့ပါ ဘူး ။


အခုက တိုင်းရင်းသား လက်နက်ကိုင်တွေရဲ့ စုစုပေါင်း အင်အားက တသိန်းခွဲလောက် ရှိနေတဲ့အပြင် အဲဒီတိုင်းရင်းသား လက်နက်ကိုင် အဖွဲ့တွေထဲမှာကိုပဲ နိုင်ငံလုံးဆိုင်ရာ အပစ်ခတ် ရပ်စဲ ရေး လက်မှတ်ထိုးထားတဲ့ အဖွဲ့နဲ့ မထိုးသေးတဲ့ အဖွဲ့ဆိုပြီး နှစ်မျိုးရှိနေကာ မထိုးတဲ့ အဖွဲ့တွေက ပိုများနေပါတယ် ။ ဒါ့အပြင် လက်မှတ် မထိုးရသေးတဲ့ အဖွဲ့တော်တော် များများဟာ အင်အားတောင့်တင်းတဲ့ အဖွဲ့တွေ ဖြစ်နေတာကလည်း အပစ်ရပ်ဖို့ ဆိုတဲ့ ကိစ္စဟာ အရင် အရေးကြီးတဲ့ အနေထားမှာ ရှိနေတာပါ ။ ကျန်နေတဲ့အဖွဲ့တွေအများစုဟာ လက်မှတ်ထိုးချင်တဲ့အဖွဲ့တွေဖြစ်ပြီး တပ်မတော်က လက် မှတ်ထိုးဖို့ကို လက်မခံတဲ့ အေအေ ရက္ခိုင့်တပ်မတော် ၊ ကိုးကန့် MNDAA တို့လို အဖွဲ့တွေလည်း ရှိနေပါတယ် ။ အဲဒီလို အနေထားမှာ အစိုးရဖြစ်နေပြီဖြစ်တဲ့ အန်အယ်လ်ဒီအစိုးရနဲ့ တပ်မတော်တို့အကြား အားလုံးလက်ခံမလား ၊ ဘယ်နှစ်ဖွဲ့လက်ခံမလဲဆိုတာက အရင် အကျေအလည် ဆွေးနွေးဖို့ လိုနေပါတယ် ။ လက်ရှိစစ်ရေးတင်းမာမှုတွေဖြစ်နေတဲ့ ဒေသတွေကလည်း လက်မှတ်မထိုးထားတဲ့ အဖွဲ့တွေရဲ့ နယ်မြေတွေမှာပဲ ဖြစ်နေတာလည်း တွေ့ရပါတယ်။ ဒေါ်အောင်ဆန်းစုကြည်ကတော့ အပစ်ခတ်ရပ်စဲရေးမှာ အားလုံး ပါဝင်ရေးဟာ အရေးကြီးတယ်လို့ ဆိုခဲ့ဖူးတာ သတိထားမိပါတယ်။ဒါကလည်း လိုအပ်တဲ့အရာပါ ။


ပြီးခဲ့တဲ့ ဇန်နဝါရီလက နေပြည်တော်မှာ ကျင်းပခဲ့တဲ့ ပထမ ပြည်ထောင်စု ငြိမ်းချမ်းရေး ညီလာခံဆိုတာကလည်း ကျင်းပခဲ့ပေမဲ့ ပြီးပြည့်စုံတဲ့ ဆွေးနွေးပွဲမဟုတ်တဲ့အပြင် နိုင်ငံရေးဆိုင်ရာ ဆွေးနွေးမှုမူဘောင်အစုအဖွဲ့နဲ့ ပါဝင်မှုအရပါ ပြသနာတွေရှိခဲ့တဲ့ အခြေနေပါ ။ ( တပ်မတော်သား ကိုယ်စားလှယ်များလွန်းခြင်း ၊ အရပ်ဘက်အဖွဲ့စည်းကဏ္ဍ  မပါခြင်း စသဖြင့် )


ပထမအကြိမ်ညီလာခံ ပြည်ထောင်စု ငြိမ်းချမ်းရေးညီလာခံမှာ အပစ်မရပ်တဲ့အဖွဲ့တွေတက်ရောက်ဆွေးနွေးနိုင်မှု မရှိခဲ့ ။


သို့သော် ဖက်ဒရာယ်ပြည်ထောင်စုမှာ အခြေခံ ရမဲ့ စနစ် ၊ သယံဇာတခွဲဝေရေး ၊ ပြည်နယ်နဲ့ တိုင်းဒေသကြိးအစိုးရတွေ အခွန်ကောက် ခံနိုင်ခွင့်တိုးမြှင့်ရေး ၊ လက်နက်ကိုင်များပြန်လည်ပေါင်းစည်းရေးနဲ့ လုံခြုံရေးကဏ္ဍ  ပြုပြင်ပြောင်းလဲရေး အရပ်သားအဖြစ် အသွင် ကူးပြောင်းရေး ( နိုင်ငံရေးအရ သဘောတူညီပါက တိုင်းရင်းသားလက်နက်ကိုင် အဖွဲ့များကို လျှော့ချ ဖျက်သိမ်းပြီးတချို့ကို လုံခြုံရေး တပ်ဖွဲ့ဝင် ရဲ ၊ နယ်ခြားစောင့် စသဖြင့် အသွင်ပြောင်းရေး ၊ တပ်ဘက်ကတော့ အချိန်ကာလသတ်မှတ်ပြီးနိုင်ငံရေးအရ သဘောတူတူ မတူတူ လက်နက်ဖြုတ်သိမ်းကာ တချို့ကို တပ်မတော်အောက်နယ်ခြားစောင့်အဖြစ် ဆိုတဲ့ သဘောထားကို ဆွေးနွေးခဲ့ ) စတဲ့ ကိစ္စရပ်တွေကို တိုင်းရင်းသားအခွင့်ရေးဆိုင်ရာ ကိစ္စရပ်တွေဖြစ်တဲ့အတွက် သဘောတူညီမှု ရပြီး အခြေခံ ဥပဒေပြင်ဆင်ရေးတွေသာ လုပ်နိုင်ခဲ့ရင် တိုင်းရင်းသားတွေနဲ့ ဗဟို ပြည်မကအစိုးရတွေအကြား ယုံကြည်မှုက အများကြီးတက်လာစေပြီး ပြည်တွင်းစစ်ရပ်စဲရေး အတွက် အထောက်ကူပြုနိုင်တဲ့ ကိစ္စတွေပဲဖြစ်ပါတယ် ။


ငြိမ်းချမ်းရေး ညီလာခံကို ဆက်လုပ်မယ် တိုင်းရင်းသားအရေး ပြည်တွင်းစစ်ရပ်စဲရေးအတွက် ဖက်ဒရာယ် ပြည်ထောင်စု ဆိုင်ရာ အခြေခံ ဥပဒေပေါ်ပေါက်လာဖိုလို့ ဒေါ်အောင်ဆန်းစုကြည်က ပြောထားတာကတော့ ကြိုဆိုစရာပါ ။ ဒါပေမဲ့ နိုင်ငံရေးအရ ဆွေးနွေးမှုတွေနဲ့ ပြည်တွင်းစစ်ဆိုတဲ့ ကိစ္စတွေဟာ ထိလွယ်ရှလွယ်ဖြစ်တဲ့အတွက် ကြိုတင်ပြင်ဆင်ထားကာမှ တော်ရာကျမဲ့ အခြေနေပါ ။ လတ်တလော အခြေနေအရ ဆွေးနွေးမှုတွေက မြန်မြန်စဖို့တော့ လိုနေပါတယ် ။  ဆိုလို တာ ညီလာခံကဲ့သို့ အပြီးသတ် ဆုံးဖြတ်ရမဲ့ အခြေနေမျိုးမဟုတ်ပဲ အပစ်ရပ်ရေးမှာ အားလုံးပါဝင်ဖို့နဲ့ အမျိုးသားတွေ မျိုးနွယ်စုတူတွေအကြား ဘုံသဘော တူညီချက် တွေအရင်ထွက်လာဖို့ ဆိုတဲ့ ကိစ္စတွေက အရင်စရမဲ့ ကိစ္စရပ်တွေဖြစ်ပါတယ် ။ ဥပမာအားဖြင့် ဗမာတွေအနေနဲ့ ကျန်တဲ့ မျိုးနွယ်စု တိုင်း ရင်းသားအင်အားစုတွေနဲ့ ပြေလည်ဖို့ဆိုရင် ဗမာထဲမှာမှ အဓိကကျတဲ့အဖွဲ့စည်းတွေဖြစ်တဲ့ အန်အယ်လ်ဒီနဲ့ တပ်မတော်တို့လို အဖွဲ့တွေ အကြား ပြေလည်မှု ရှိဖို့လိုပါတယ် ။ တိုင်းရင်းသားမျိုးနွယ်စုတွေအကြားမှာတော့ သက်ဆိုင်ရာ မျိုးနွယ်စုတွေအလိုက် တသံတည်း ထွက်နိုင်ဖို့ ဘုံသဘောတူညီချက်တွေရနိုင်ဖို့အမျိုးသားအဆင့်ဆိုင်ရာ ( ဥပမာအားဖြင့် ကရင်ပြည်နယ်ကဆိုရင် ကရင်လက်နက်ကိုင် အဖွဲ့စည်းတွေ ၊ နိုင်ငံရေးပါတီတွေနဲ့ လူမူ့အဖွဲ့စည်းတွေအကြား ) ဆွေးနွေးမှုတွေကလည်း လိုအပ်ပါတယ် ။ အဲဒီက ထွက်လာတဲ့ ရလာဒ်သဘောတူညိမှုကိုမှ ဗဟိုညီလာခံမှာ ပြန်ဆွေးနွေးတာ အားလုံးရဲ့ သဘောဆန္ဒပါဝင်နိုင်ပါတယ် ။


လတ်တလော အပစ်ရပ်ရေးဖြစ်စဉ်မှာတောင် သေချာစဉ်းစားရင် အန်အယ်လ်ဒီ အစိုးရ နေရမဲ့ နေရာက ကျယ်ပြန့်ပါတယ်။ မြန်မာ့ ငြိမ်းချမ်းရေးနဲ့ တိုင်းရင်းသားအရေးက နိုင်ငံတကာနိုင်ငံရေးနဲ့လည်း ဆက်စပ်နေပါတယ် ။ ဂရိတ်ပါဝါ ယှဉ်ပြိုင်မှု ( အမေရိကန် အနောက်အုပ်စု နဲ့ တရုတ် အကြား ) မှာ ရောက်မှန်းမသိ ရောက်နေခဲ့တဲ့ တိုင်းရင်းသားအရေးနဲ့ ငြိမ်းချမ်းရေး ဖြစ်စဉ် ပြေလည်ဖို့ဆိုရင် တရုတ် နဲ့ အမေရိကန် လွန်ဆွဲပွဲမှာ ဘယ်ဘက်ကမှ မပါပဲသန့်သန့်လေးနေဖို့လိုပါတယ် ။


သဘောကတော့ကိုယ်ကျိုးစီးပွားမထိခိုက်တဲ့အခြေနေမှာ တရုတ်နဲ့လည်း ခင်ခင်မင်မင် ဆက်ဆံရမယ် ။ အမေရိကန်နဲ့လည်း ခင်ခင် မင်မင်ဆက်ဆံရမယ်ဆိုတဲ့ အနေထားပါ ။ ငြိမ်းချမ်းရေးလုပ်ဖို့ဆိုရင် တရုတ်လိုနိုင်ငံနဲ့ပါ အကျေလည်သဘော တူညီမှုယူဖို့လိုနေတာ ငြင်းမရတဲ့ ကိစ္စပါပဲ ။


လတ်တလောအခြေနေအရ ဆွေးနွေးပွဲတွေပြန်စဖို့ လိုနေတဲ့ဆိုပေမဲ့ နိုင်ငံရေးအရ အပြီးသတ်ဆွေးနွေးဆုံးဖြတ်နိုင်တဲ့ ပင်လုံလို ညီလာခံမျိုးက နေ့ချင်းညချင်း လုပ်ရမှာ မဟုတ်ပဲ တပ်မတော်နဲ့ အန်အယ်လ်ဒီအစိုးရအကြား သဘောတူညီမှုရအောင် ၊ အန်အယ်လ်ဒီ အစိုးရနဲ့ အပစ်မရပ်သေးတဲ့အဖွဲ့တွေ ၊ အပစ်ရပ်ထားတဲ့အဖွဲ့တွေအကြား ဆွေးနွေးမှု ပြန်စနိုင်အောင်စတဲ့ကိစ္စတွေကသာ အလျင်စလို လိုအပ်နေတဲ့ကိစ္စတွေသာ ဖြစ်ပါတယ် ။ အဲဒီအဆင့်တွေမှာ တစုံတရာကျေလည်မှသာအမျိုးသားအဆင့် နိုင်ငံရေးဆွေးနွေးမှုတွေကို အခြေပြုလို့ ပင်လုံလို ညီလာခံကိုစနစ်တကျ ကျင်းပတာ အကောင်းဆုံးပါပဲ ။ တကယ်တော့တလ နှစ်လဆိုတဲ့အချိန်ဟာ တိုတောင်း လွန်းလှပြီး ပြင်ဆင်မှုမှာ အခက်ခဲတွေလည်း ရှိနိုင်သလို ညီလာခံဖြစ်ပြီး မအောင်မြင်ဆိုတဲ့ ကိစ္စတွေဖြစ်လာခဲ့ရင် ဆိုတဲ့ ကိစ္စတွေ လည်း ရှိနေပါသေးတယ် ။ ဒီကနေ့အထိ အန်အယ်လ်ဒီနဲ့ တိုင်းရင်းသားတွေအကြား ( နိုင်ငံရေးပါတီတွေ ၊ အပစ်မရပ်သေးသူတွေ ၊ အပစ်ရပ်ထားသူတွေ အားလုံးကို ဆိုလို ) အစိုးရဖြစ်ပြီးကတည်းက သီးသန့် ဆွေးနွေးမှု လုံးဝ မရှိသေးပါဘူး ။ ဒါ့အပြင် မြန်မာငြိမ်းချမ်းရေးစင်တာကိုတောင် အရင်အစိုးရဆီကနေ အခုမှ လွှဲယူဖို့ လုပ်နေတုန်းပဲဖြစ်ပါတယ် ။


အောင်မြင်ပြီး အားလုံးပါဝင်မဲ့ ငြိမ်းချမ်းရေးဖြစ်စဉ်တရပ်ဖြစ်ဖို့ ဆိုရင်တော့ စနစ်ကျတဲ့ ပြင်ဆင်မှု ၊ အမျှော်မြင်ရှိမှုတွေနဲ့ ဆောင်ရွက်ရမှာဖြစ်ပါတယ် ။ ဗိုလ်ချုပ်သမီးဦးဆောင်တဲ့ ၂၁ ရာစု ပင်လုံညီလာခံဟာ မအောင်မြင်ခဲ့ရင် ၊ ပင်လုံနာမည်တပ်ပြီး အပေါ်ယံဆန်ဆန်သာဖြစ်နေခဲ့ရင် ဗိုလ်ချုပ်အောင်ဆန်းလည်း သိက္ခာကျနိုင်ပြီး သမိုင်းအမည်းစက်ပါ ဖြစ်လာနိုင်ပါတယ် ။ နိုင်ငံရေးမှာ လက်တွေ့ကျဖို့ လိုအပ်လှကြောင်းပါ ။