စိုက်ပျိုးရာသီ နေရပ်ပြန်ရမည်ဖြစ်သော်လည်း ဒေသတည်ငြိမ်အေးချမ်းခြင်းမရှိသေးသည့်အတွက် လားရှိုးမြို့ တွင်ရောက်ရှိခိုလုံနေသည့် စစ်ဘေးရှောင် ၃၀၀ ခန့်မှာ  နေရပ်နိုင်ခြင်းမရှိသေးသည့်အပြင် ဆေးဝါးများ နှင့် စားဝတ်နေရေး အတွက် အသုံးအဆောင်ပစ္စည်းများ လိုအပ်နေသေးသည်ဟု သိရသည်။


အဆိုပါစစ်ဘေးရှောင်များသည် နမ့်ဆန်မြို့နယ်အတွင်း တအာင်းတပ်ဖွဲ့နှင့် အစိုးရတပ်မတော် တို့အကြား ဖြစ်ပွါးသော စစ်ရေးပဋိပက္ခများကြောင့် လားရှိုးမြို့သို့ ဂျွန်လ ၂၆ ရက်နေမှ စ၍ ရောက်ရှိလာခြင်းဖြစ်သည်။

ဓါတ်ပုံ- သာသနာ ၂၅၀၀ ကျောင်းက နမ့်ဆန်စစ်ဘေးရှောင်များ ( ဓါတ်ပုံ- လားရှိုးသား )

“ဒီစစ်ဘေးရှောင်တွေက နမ့်ဆန်ကလာကြတယ်။ လားရှိုးမြို့ထဲက ဘုန်းကြီးကျောင်း ၃-၄ နေရာမှာလာပြီး တည်း ခိုကြတယ်။  အသုံးအဆောင်ပစ္စည်းလိုအပ်နေတယ်။   တမိသားစုမှာ စောင်တထည်စီဘဲရတယ်။ ကလေးတွေ လည်း ကလေးအသုံးအဆောင်ပစ္စည်းလိုအပ်တယ်။ ဒီ သာသနာ ၂၅၀၀ ကျောင်းတိုက်မှာ ၁၀ နှစ်အောက်က လေးတွေ ၁၀ ယောက်လောက်ရှိတယ်။ လသားအရွယ်ကလေးတွေလည်းရှိတယ်။ တခြားနေရာတွေ မှာလည်း အနည်းအကျဉ်းစီရှိကြတယ်။” - ဟု စစ်ဘေးရှောင်များအား သွားရောက်ကြည့်ရှုကူညီမှုပေးနေသည့် လားရှိုးမြို့ ကျားခေါင်းပါတီဝင် ယိင်းပေါဝ်းဆိုင် ကပြောသည်။


ဆန်မှာ ယခင်ကတည်းက အလှူရှင်တချို့မှလာရောက်လှူဒါန်းထားခြင်းဖြစ်ပြီး   ဟင်းမှာ ဒေသတွင်းလူထုမှ ထောက်ပံ့မှုဖြင့် ဝယ်ယူချက်စားခဲ့ကြရကြောင်း၊ လက်ရှိတွင်အသုံးအဆောင်ပစ္စည်းများအတွက် တအာင်း ကျောင်းသားများအဖွဲ့ TSYU က ကြည့်ရှုစောင့်ရှောက်ပေးနေကြောင်း၊ တခြား အလှူရှင် စေတနာရှင် တချို့လည်း ရှိကြောင်း သိရသည်။


သျှမ်းပြည်မြောက်ပိုင်း နမ့်ဆန်မြို့နယ် နမ့်လင်းအုပ်စုအတွင်း တအာင်း TNLA တပ် နှင့်အစိုးရ တပ် တို့ကြား ဖြစ်ပွားသော စစ်ရေးပဋိပက္ခကြောင့် လားရှိုးမြို့ ခေးနင်းနောင်မောန်ကျောင်းတိုက် စစ်ဘေးရှောင် ၁၄၁ ယောက် ၊ ရပ်ကွက် ၁ ရှိ ရွှေစေတီ သာသနာ ၂၅၀၀ တွင် ၉၀ ယောက်၊ အောင်ရတနာနမ့်ဆန်ကျောင်းတွင် ရ၅ ယောက်စုစုပေါင်း စစ်ဘေးရှောင် ၃၀၀ ခန့်ရှိနေပါသည်။


“အခုစစ်ရှောင်နေတဲ့ ပြည်သူတွေက တအာင်းတွေပါ။ ပြောချင်သာကတော့ တခြားအဖွဲ့စည်းတွေ လူမျိုးမခွဲခြားပဲ  ကူညီထောက်ပံ့မှုတွေလာပေးရင်တော့ကောင်းမယ်လို့မြင်ပါတယ်။ ပြီးတော့လက်ရှိမှာ သူတို့အတွက် အားပေးစကား တွေကလည်း တဖက်တလမ်းက အထောက်အကူပြုပါတယ် ” - ဟု လားရှိုးမြို့ စစ်ဘေးရှောင် ကူညီရေးပေးနေသည့် စိုင်းနေကလည်း ပြောသည်။


နမ့်ဆန်မြို့နယ်အတွင်း ပန်တောင်းကျေးရွာနှင့် မန်လန်းကျေးရွာအနီးတိုက်ပွဲဖြစ်ပွါးနေသည်မှာ တအာင်းတပ်မတော် တပ်မဟာ ၄ တပ်ရင်း ၉၁၉ နှင့်   စကခ ၁ လက်အောက်ခံ ခမရ ၅၀၁ /၅၀၃ စစ်ကြောင်းတို့ဖြစ်ကြောင်း၊  တိုက်ပွဲ ကြောင့် ရပ်ရွာအတွင်း လက်နက်ကြီးကျည်ကျသဖြင့်  ရွာသားများထွက်ပြေးတိမ်းရှောင်နေရခြင်းဖြစ်သည်။


သျှမ်းပြည်မြောက်ပိုင်းအတွင်း အစိုးရ တပ်မတော် နှင့် တိုင်းရင်းသားလက်နက်ကိုင်တပ်ဖွဲ့များကြား ဖြစ်ပွားသော စစ်ရေးပဋိပက္ခကြောင့် လားရှိုးခရိုင်၊ ကျောက်မဲခရိုင်၊ မူစယ်ခရိုင် နှင့် လောက်ကိုင်ခရိုင် အတွင်းသေ ဒေသခံ ထောင်ဂဏန်း စစ်ဘေးစစ်ဒဏ်သင့်နေသည်။