သို့ / သျှမ်းသံတော်ဆင့်အယ်ဒီတာခင်ဗျာ


သျှမ်းပြည်တောင်ပိုင်းမှာရှိတဲ့ ပင်လုံမြို့ဟာ ပြည်ထောင်စုအတွက် သမိုင်းဝင်မြို့တစ်မြို့ ဖြစ်ပါတယ်။ အရင်ကတော့ အေးချမ်းတဲ့မြို့တစ်မြို့ ဖြစ်ခဲ့ပါတယ်။ အခုမှာတော့ တစ်နယ်တစ်ခြားက ပြောင်းရွှေ့နေထိုင်တဲ့သူတွေကြောင့် လူလည်းစုံလှပါတယ်။

အခုတလော ပင်လုံမြို့သူမြို့သားတွေ မြို့ဆင်ခြေဖုံးရွာက ရွာသူရွာသားတွေဟာ သတိဝီရိယရှိစွာနဲ့ နေထိုင်နေကြရပါတယ်။ ဘာကြောင့်လဲဆိုတော့ သူခိုးဂိုဏ်း၊ တို့ဆေးဂိုဏ်းတွေ ရှိလာလို့ပါပဲ။


ဒီတစ်ပတ်၊ နှစ်ပတ်အတွင်းမှာ ခိုးမှုတွေကို နှစ်ရက်ခြားတစ်ခါလောက် ကြားနေရပါတယ်။ မကြာသေးခင်က ပင်လုံမြို့ဈေးအနောက်ဘက်က ဆိုင်ခန်းတစ်ခန်းကို တို့ဆေးအဖွဲ့က ဝင်လာပါ တယ်။ တိုးဆေးမိနေတဲ့ဆိုင်ရှင် သတိမရှိတဲ့အချိန် ဆိုင်မှာရှိတဲ့ပိုက်ဆံ ၉ သိန်းခွဲကို ရှာဖွေယူဆောင် သွားပါတယ်။ ဗမာအမျိုးသမီး ၃ ယောက်လို့ ပြောပါတယ်။ ဒါလည်း အခုထိ ဖမ်းဆီးတာ မလုပ်နိုင် သေးပါဘူး။


ခိုးမှုကတော့ တစ်နေ့ထက်တစ်နေ့ များပြားလာပါတယ်။ အိမ်တွေ ဆိုင်ခန်းတွေသာမက ဘုန်းကြီးကျောင်းပါ ဝင်ရောက်ခိုးယူကြပါတယ်။ အဓိကတော့ ဖုန်းဆိုင်တွေကို ဝင်ရောက်ခိုးယူ ကြပါတယ်။


ဒါ့အပြင် မြို့ဆင်ခြေဖုံးရွာတွေမှာလည်း အိမ်ထဲခိုးဝင်ပြီး ရွှေငွေတွေ ခိုးယူပါတယ်။ အခု လောလောလတ်လတ် ဖြစ်သွားတာက ပန်မုံ့ရွာမှာပါ။ ပန်မုံ့ရွာ အိမ်တစ်အိမ်က ရွှေ ၅ ကျပ်သားနဲ့ ပိုက်ဆံနှစ်သိန်း ပါသွားပါတယ်။ ပြီးခဲ့တဲ့လတုန်းက နောင်မိန်းရွာက အိမ်တစ်အိမ်လည်း ရွှေ ၃ ကျပ်သားလောက် အခိုးခံခဲ့ရဖူးပါတယ်။


သူခိုးဂိုဏ်းရဲ့ခေါင်းဆောင်ကို ဖမ်းဆီးနိုင်ခဲ့ပေမယ့် ခိုးမှုကတော့ အရင်ကထက် ပိုများလာပါတယ်။ ဘာကြောင့်ဒီလိုဖြစ်ရသလဲ။  သူခိုးဖမ်းဖို့ ရဲကိုတိုင်တဲ့အခါ ရဲကသူတို့ကို ပြန်အကြောင်းကြားတော့ ဖမ်းဆီးတာ မလုပ်နိုင်ပါဘူး။ တကယ်ဆို ရဲသားတွေက မြို့ရဲ့လုံခြုံရေး၊ ပြည်သူ့ရဲ့လုံခြုံရေးအတွက် တာဝန်ယူရမှာ ဖြစ်ပေမယ့် အခုက ရဲနဲ့သူခိုးက လက်တွဲနေပါတယ်။


ခိုးမှုတွေ များပြားတဲ့အပြင် လောင်းကစားကလည်း ပေါများလှပါတယ်။ ငါးမန်းတို့ ကုန်းကင်းတို့ ဖဲဝိုင်းတို့ အစုံပါပဲ။ အာဏာပိုင်တွေ ရဲတွေက ခွင့်ပြုထားလို့ ဒီလိုဖွင့်နိုင်တာပါ။ မူးယစ်ဆေးဝါး များပြားတာနဲ့ အညီ လူကြီးအပါအဝင် လူငယ်အများစုကတော့ မူးယစ်သားကောင်တွေ ဖြစ်နေကြ ပါပြီ။ ဒါကြောင့်လည်း ခိုးမှုတွေ များပြားလာတာ မဆန်းလှပါဘူး။ အာဏာပိုင်တွေ ရဲတွေ ကိုယ့်တာဝန်တွေ မထမ်းဆောင်လို့ပါ။


အခုဆိုရင် ပင်လုံမြို့ဟာ လုံခြုံမှု မရှိတော့ပါဘူး။ ပြည်သူတွေလည်း သူခိုးဂိုဏ်းကြောင့် စိုးရိမ်ပူပန်မှုတွေနဲ့ နေထိုင်နေကြရပါတယ်။ အာဏာပိုင်တွေ ရဲတွေကလည်း ဖမ်းဆီးမှုတွေ မလုပ်ကြပါဘူး။ မသိသလို နေနေကြပါတယ်။ ကိုယ့်တာဝန်မဟုတ်ဘူးသလိုလိုနဲ့ နေနေကြပါတယ်။ အဆိုးဆုံးက သူခိုးဂိုဏ်းနဲ့ ပူးပေါင်းတာပါပဲ။


ဒီအကြောင်းတွေကို ပြည်ထောင်စုအစိုးရ၊ သျှမ်းပြည်နယ်အစိုးရတို့ သိရှိပြီး ခိုးမှု၊ လောင်းကစားမှု တွေ ပပျောက်သွားအောင် ဆောင်ရွက်ပေးဖို့ လေးစားစွာ တောင်းဆိုလိုက်ပါတယ်။