ပြီးခဲ့သည့် ရက်ပိုင်းက တိုင်းရင်းသားခေါင်းဆောင်နှင့် မြန်မာပြည်အရေးကျွမ်းကျင်ပညာရှင်အချို့တို့ ထိုင်းနယ်စပ်တနေရာ၌ တွေ့ဆုံခဲ့သည်။ ပညာရှင်များ ပြောဆိုသုံးသပ်ချက်မှာ Federalism ဖက်ဒရယ်စနစ် အတွက်တိုက်ပွဲဝင်နေသောပုဂ္ဂိုလ်များအနေဖြင့် ၂၀၀၈ ဖွဲ့စည်းပုံအခြေခံဥပဒေရ အဆိုပါစနစ်ရရှိပြီးဖြစ်သည်ဟုဆို၏။

“နည်းပညာအရ ပြောရရင် ၂၀၀၈ ဖွဲ့စည်းပုံဟာ ဖက်ဒရယ် ဖွဲ့စည်းပုံအခြေခံဥပဒေဘဲ။ ဘာပြုလို့လဲ ဆိုတော့ အရင်က ခင်ဗျားတို့ပြည်နယ်တွေက ပြည်နယ်အစိုးရမရှိခဲ့ဖူးဘူး၊ အခုရှိနေပြီ။ အရင်က ပြည်နယ်မှာ ဥပဒေပြုအဖွဲ့ ပြည်နယ်လွှတ်တော်မရှိဘူး။ အခုရှိပြီ။ အဲဒါက ဖက်ဒရယ်စနစ်ဘဲပေါ့” ဟု ဆွေးနွေးသူ ပညာရှင်တဦးက သုံးသပ်ပြောဆိုပါသည်။

သို့သော် ပြည်နယ်များ၏ လုပ်ပိုင်ခွင့်အာဏာများသည် အထူးကန့်သတ်ချက်ရှိသည်ဟု အခြားတဦးကဖြည့်စွက်ပြောဆိုပါသည်။

  ပြည်ထောင်စု ဥပဒေပြုစာရင်း၊ တိုင်းဒေသကြီး သို့မဟုတ် ပြည်နယ် ဥပဒေပြုစာရင်း၊ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့၏ ဥပဒေပြု စာရင်းများအားအကြမ်းဖျဉ်း ကြည့်ရုံမျှနှင့် သိရှိနိုင်ပါသည်။

ဥပမာ - ပြည်နယ် နှင့် တိုင်းဒေသကြီး အတွက် စိုက်ပျိုးခွင့်အာဏာအပြည့်အ၀ ပေးထားသည်ဆိုသည့် ကိစ္စ တွင် လွတ်လပ်စွာစိုက် ပျိုးမွေးမြူနိုင်သော်လည်း စီးပွားရေးအာဏာတရပ်လုံးက ပြည်ထောင်စုအစိုးရ မှ ချုပ်ကိုင်ထားသောကြောင့် စိုက်ပျိုးခွင့်သာရှိပြီး စိတ်ကြိုက်ရောင်းဝယ်ဖေါက်ကားခွင့်မရှိပေ။

အခြားဥပမာ ဆက်ပြောရမည်ဆိုပါက ဖွဲ့စည်းပုံအခြေခံဥပဒေ ဇယား ၂ အပိုဒ် ၄ (ခ) ဆားနှင့် ဆားထွက် ပစ္စည်း (ဂ) တိုင်းဒေသကြီး သို့မဟုတ် ပြည်နယ်အတွင်း ကျောက်မျက်ရတနာဖြတ်တောက်ခြင်း၊ ကျောက် သွေး ခြင်း -- စသည့် ကိစ္စရပ်များသည် မိမိပြည်နယ်ထွက်ကျောက်များ သွေးခွင့် ဖြတ်တောက်ခွင့်သာရှိပြီး ကျောက်မျက် ဆိုင်ရာ အာဏာမှာမူ ပြည်ထောင်စု၌သာရှိ သောကြောင့် ကျောက်မျက်ရောင်းဝယ်ခွင့်လုံးဝ ပေးမထားပါ။

ဆားထွက် ပစ္စည်း ဆိုင်ရာ အာဏာမှာမူ ပြည်ထောင်စုကဏ္ဌတွင်မပါရှိဘဲ တိုင်းဒေသကြီးနှင့် ပြည်နယ် ကဏ္ဌ များတွင် ထည့်သွင်းထားကြောင်း အချို့ပြည်နယ်များတွင် ဆားတွင်း ဆားကွင်းလုံးဝမရှိ၊ ကုန်သွယ်ရေးအရ ဆား၏ ထွက်ကုန် သွင်းကုန်တန်ဖိုးလည်း ဘာမှမရှိ၊ ဇယား ၂ အရ တိုင်းဒေသကြီး နှင့် ပြည်နယ်အတွက် အာဏာ ခွဲဝေပေးထားသည်မှာ အဓိပ္ပါယ်မရှိ အနှစ်သာရမရှိကြောင်း၊ မည်သည့်အခန်းကဏ္ဌမဆို ပြည်ထောင် စု အစိုးရသည် ပြည်နယ်အစိုးရအပေါ် လုံးဝလွှမ်းမိုးနေကြောင်း ထင်ရှားနေသည်။ လက်ဝဲ ဘက်လက်ဖြင့်ပေးပြီး လက်ျာဘက်လက်ဖြင့် ပြန်ယူခြင်းလုပ်ရပ်နှင့်သာတူပါသည်။

ထို့ကြောင့် စစ်မှန်သောပြည်ထောင်စုတည်ဆောက်ရေးအတွက် တိုက်ပွဲခရီးက ခရီးရှည်ဆက်ရဦးဖြစ်၏။

“ဖက်ဒရယ်စနစ်နဲ့ပတ်သက်ပြီး ဗမာ့နိုင်ငံရေးသမားတဦးက ကျနော့်ကို မေးဖူးတယ်။ ဖက်ဒရယ်စနစ်က ကျနော်တို့ ဗမာတွေ အတွက် ဘာအကျိုးရှိနိုင်မှာလဲ မေးတယ်။  ကျနော်က ‘ ခင်ဗျားနေတဲ့တိုင်းဒေသကြီး လုပ်ပိုင်ခွင့်အာဏာပိုရှိဖို့ ဘဏ္ဌာငွေပိုမိုရရှိဖို့ တောင်းဆိုလာတယ်။ ဒါဟာ  ဖက်ဒရယ်စနစ်ကိုတောင်းဆို တာပေါဲ့ လို့ ပြန်ပြောလိုက်တယ်” - ဟု အဆိုပါ ပညာရှင်က ပြောပါ သည်။

ဖက်ဒရယ်စနစ်သည် တိုင်းရင်းသားများအတွက်သာမဟုတ် လူမျိုးတိုင်းနှင့်သက်ဆိုင်သည်ဟုရှင်းပြပါသည်။

မြန်မာနိုင်ငံတွင် ပြည်နယ် ၇ ခု တိုင်းဒေသကြီး ၇ ခု ရှိရာမှာ - ‘တိုင်းပြည်အား ဖက်ဒရယ်စနစ်ဖြင့် တည် ဆောက် ခြင်းဆိုသည်မှာ ပြည်ထောင်စုဗဟိုအစိုးရအား အားနည်းဘို့မဟုတ်ဟူ၍လည်း ဆက်လက်ရှင်းပြပါသည်။

ပြည်နယ်များအာဏာအပြည့်အ၀ရှိရမည်ဆိုသည်မှာ ၎င်းတို့ပြည်နယ်အတွင်း မတူကွဲပြားမှုရှိနေသည့် ယဉ် ကျေးမှု(cultural diversity) အား ကာကွယ်စောင့်ရှောက်ရေး၊ ဒေသန္တရဗဟုသုတ local knowledge မှ ကောင်းကျိုးများရယူအသုံးပြုရေး၊ ဒေသအတွင်း ပြဿနာများ မြန်မြန် ဆန်ဆန် ဖြေရှင်းရေး(ဥပမာ - လမ်း၊ တံတားဥပဒေသည် ပြည်ထောင်စုအစိုးရတွင် ရှိသောကြောင့် ဒေသအတွင်းလမ်းပျက် တံတားပျက်ပါက ပြင်ဆင်အသုံးပြုရန်ဗဟိုအစိုးရအားတင်ပြရမည်။ လမ်း ညွှန်မှုပေးလာမှသာလျှင် ပြင်ရဆင်ခွင့်ရှိသည်။ ထိုကြာရှည်သောညွှန်ကြားချက် စောင့်ဆိုင်းရမည် ဆိုပါက အ ဆိုပါလမ်းနှင့်တံတား လုံးဝပျက်စီး၍ အသစ်ပြန်လည်တည်ဆောက်ရမည့် အဆင့်ရောက်သွား တတ်ပေသည်) နှင့် ဗဟိုအစိုးရအားပြန်လည် စောင့်ကြည့်ရန်အတွက်   ပြည်နယ်များ အာဏာရှိသင့်သည် -- စသဖြင့် ပြောပါသည်။

ပြည်နယ်များလုပ်ပိုင်ခွင့်အာဏာအပြည့်အ၀ရလျှင် ဗဟိုအစိုးရအား အလိုမရှိတော့ ဆိုသည့်အချက်လည်း မဟုတ်-  ဗဟိုအစိုးရလည်း ၎င်းတို့အတွက်သက်ဆိုင်ရာအာဏာရှိရမည်။ Unity (ပေါင်းစည်းရေး) နှင့် Uniformity (ဆင်တူရေး) နှင့်စပ်လျဉ်းလျှင် ပြည်ထောင်စုက ကိုင်တွယ်ရမည့် ကိစ္စရပ်များဖြစ်သည်။ ဥပမာ ကာကွယ်ရေး၊ နိုင်ငံခြားဆက်ဆံရေး -- စသည်တို့တွင် ပေါင်းစည်းမှု လိုအပ်၏။  သုံးစွဲသည့်ငွေကြေး နှင့် စီးပွားရေး ဈေးကွက်စည်း စနစ် တို့ တွင်တူညီမှုရှိရမည်။ ထို့အပြင် အာကာသအရေးတွင် ပြည်နယ်အစိုးရ အား ပေးထားစရာမလို အပိုသာဖြစ်သည်။ 

မည်သို့ဆိုစေကာမူ လက်ရှိအလိုအပ်ဆုံးမှာ တိုင်းဒေသကြီးနှင့် ပြည်နယ်များအာဏာပိုမိုရရှိလာရေး၊ ပြည်နယ်ဝင်ငွေများပိုမို ရရှိရေးဖြစ်ကြောင်း၊ ထိုအတွက် အချက်အလက်များစွာဖြင့် အကြံပြုသွားခဲ့သည်။ ပထမ အချက်မှာ ပြည်နယ်ဝန်ကြီးချုပ်အား ရွေးချယ်တင်မြောက်ရေးဖြစ်ရမည်။ သမ္မတမှ ခန့်အပ်ခြင်းမဖြစ်ရ။ သမ္မတကြီးမှရွေးချယ်ခန့်အပ်မည်ဆိုလျှင် - ဝန်ကြီးချုပ်သည် မည်သူနှင့်ပြဿနာ ဖြစ် နေနေ၊ မည်သည့် အခွင့်အရေး ကို ချိုးဖေါက်နေပါစေ - သမ္မတကြီးမှတပါး မည်သူ့ကိုမျှမကြောက်ရ။   ဒုတိယအချက်မှာမူ အမျိုးသားလွှတ်တော်အမတ်နေရာအားရွေးကောက်ပွဲမှ မဟုတ်ဘဲကိုယ်ကျိုးစွန့်ပြီး မိမိပြည်နယ် ကောင်းရာကောင်းကြောင်း အမှန်တကယ် အလုပ်အကျွေးပြုမည့် ပုဂ္ဂိုလ်ကို ပြည်နယ်လွှတ် တော်မှ စိတ်ကြိုက်ရွေးချယ်ပေးပို့ပါက  ပိုမိုသင့်လျင်မည် (အမေရိကန်လည်း ထိုစနစ်ကျင့် သုံးဖူးသည်) ဟု ပြောဆိုကြပါသည်။

အဓိက ပြဿနာ တရပ်မှာ အစိုးရက ဖွဲ့စည်းပုံအား လွှတ်တော်အတွင်းသာပြင်ဆင်ရန်ပြောဆိုပြီး ဆန့်ကျင် ဘက်အုပ်စုများကမူ လွှတ်တော်ပြင်ပတွင်သာပြင်ဆင်ရန်ဆန္ဒရှိသည်။ မည်သို့ပင်ဆိုစေ ၂၀၁၅ မတိုင်မှီ ဖွဲ့စည်းပုံအခြေခံပြင်ဆင်ပြီးစီးသင့်သည် ဟုလည်းပြောသည်။

နောက်ဆုံးအနေဖြင့်သုံးသပ်ကြည့်မည်ဆိုပါက နိုင်ငံတော် သမ္မတရုံးဝန်ကြီး ပြည်ထောင်စု ငြိမ်းချမ်းရေး ဖေါ်ဆောင် ရေးကော်မတီ ဒုတိယ ဥက္ကဌ ဦးအောင်မင်း၊ ပြည်သူ့လွှတ်တော် ဥက္ကဌ ဦးရွှေမန်းကဲ့သို့ ပုဂ္ဂိုလ် များက ဖက်ဒရယ်စနစ်အပေါ် နားလည်သဘောပေါက်လာပြီဖြစ်သော်လည်း အများစုကနားမလည်သေးပါ၊ ဗမာခေါင်း ဆောင်အချို့ကပင် ယခုထက်တိုင် ဖက်ဒရယ်စနစ်သည် ပြည်ထောင်စုပြိုကွဲစေသည့်စနစ်ဖြစ် သည်ဟု ထင်မှတ်နေဆဲဖြစ်၏။

စင်စစ်မှာမူ ဖက်ဒရယ်စနစ်ကို မကျင့်သုံးခြင်းကြောင့်သာ ပြည်ထောင်စုကြီး ပြိုကွဲစရာ အကြောင်းရှိပါသည်။ ဤစနစ်ကို ကျင့်သုံး၍ မပြိုကွဲနိုင်ပါဟု ပြောကြားသွားကြပါသည်။