ထိုင်းနိုင်ငံရောက် မြန်မာရွှေ့ပြောင်းလုပ်သားများ တရားဝင်ရပ်တည်နေထိုင်လုပ်ကိုင်နိုင်ရေးအတွက် မြန်မာအစိုးရ၊ ထိုင်းအစိုးရနှင့် နိုင်ငံတကာမှ အလုပ်သ မားအခွင့်အရေးဆိုင်ရာ တက်ကြွလှုပ်ရှား သူများ ပူးပေါင်းကာ ဝိုင်းဝန်းဆောင်ရွက် ပေးနေ သည်မှာ ကာလအတိုင်းအတာတစ်ခု အထိရောက်ရှိ နေပြီဖြစ်ပါတယ်။


ယင်းသို့ဆောင်ရွက်မှုကြောင့် မြန်မာရွှေ့ပြောင်းလုပ်သား တစ်သန်းသုံးသိန်းခန့်ကို သက်သေခံ အထောက် အထားများ ထုတ်ပေးနိုင်ပြီးဖြစ်ပါတယ်။ ထိုင်းနိုင်ငံတွင်ရောက်ရှိနေသော မြန်မာအလုပ်သမားများအတွက်  ရသင့်ရထိုက်သော အခွင့်အရေးများ ခံစားရရှိနိုင်ဖို့ရာ တရားဝင်ရပ်တည်မှုက အလွန်အရေးပါပါတယ်။

ကာလရှည်ကြာစွာရောက်ရှိအလုပ်လုပ်ကိုင်နေတဲ့ ရွှေ့ပြောင်းအလုပ်သမားအရေးဟာ  အတိတ်ကာလတွေ မှာ ထိုင်းနှင့် မြန်မာ နှစ်နိုင်ငံအစိုးရတို့နှင့်တကွ ကမ္ဘာ့အသိုင်းအဝိုင်းမှာပါ အလေးထားခြင်း ခံရမှုတို့ အားနည်း ခဲ့ပါတယ်။ ဒါကြောင့်မို့လို့ လူ့အသိုင်းအဝိုင်းအတွင်း ရွှေ့ပြောင်းအလုပ်သမားရေးရာ ဆောင်ရွက်ပေးတဲ့ လူပုဂ္ဂိုလ်အဖွဲ့အစည်း များစွာပေါ်ပေါက်ခဲ့ပါ တယ်။ မကြာသေးခင်အချိန်အတွင်းက ထိုင်းနိုင်ငံရောက် မြန်မာရွှေ့ပြောင်း လုပ်သားတွေရဲ့အရေးကို တက်ကြွစွာဆောင် ရွက် နေတဲ့ တက်ကြွ လှုပ်ရှားသူတစ်ဦး အပေါ် ထိုင်းအလုပ်ရှင်တွေ ဘက်က တုံ့ပြန်လိုက်မှုကို နိုင်ငံတကာမီဒီယာများနှင့် INGO အသိုင်းအဝိုင်းက အံ့သြတစ်ကြီးဖြစ်ခဲ့ရပါတယ်။

ထိုင်းနိုင်ငံနှင့် မြန်မာနိုင်ငံတို့မှာ အခြေစိုက်ပြီး ရွှေ့ပြောင်းလုပ်သားတွေရဲ့အရေးကို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့်အတူ တက်ကြွစွာလက်တွဲပူးပေါင်းဆောင်ရွက်နေရာမှာ ထင်ရှားသူ တစ်ဦးဖြစ်တဲ့  ရွှေ့ပြောင်း လုပ်သားအရေးနှင့် အလုပ်သမားအခွင့်အရေး ကာကွယ်စောင့်ရှောက်သူ Mr. Andy Hall ကို ထိုင်းနိုင်ငံ Pranburi Prachuapkirikhan ခရိုင်ရှိ Natural Fruit ကုမ္ပဏီက ၂၀၁၃ ခုနှစ်၊ ဖေဖော်ဝါရီလ ၁၄ ရက်နေ့မှာ အသရေ ဖျက်မှုနှင့် Nakhon Pathom တရားရုံးမှာ တရားစွဲဆိုလိုက်ပါတယ်။ Mr. Hall အနေဖြင့် ၂၀၁၃ ခုနှစ်၊ ဇန်နဝါရီလအတွင်းက ဖင်လင်နိုင်ငံမှ အကျိုးအမြတ်မယူသောအဖွဲ့အစည်း တစ်ခုဖြစ်တဲ့ Finnwatch နဲ့ ပူးပေါင်းရေးသားတဲ့ အစီရင်ခံစာတစ်ခုမှာ ဖော်ပြထားချက် တွေဟာ Natural Fruit ကုမ္ပဏီကို အကြီးအကျယ်ထိခိုက်နစ်နာစေတယ်ဆိုပြီး အသရေဖျက်မှုသာမက ထိုင်းနိုင်ငံရဲ့ ပြစ်မှု ဆိုင်ရာဥပဒေ ပုဒ်မ ၉၀၊ ၉၁၊ ၃၂၆၊ ၃၂၈၊ ၃၃၂ စသည်တို့နှင့် တရားစွဲဆိုထားတဲ့အပြင် ကွန်ပျူတာမှုခင်းအက် ဥပဒေနဲ့လည်း တရားစွဲဆိုခဲ့ပါတယ်။ အကယ်၍ လူ့အခွင့်အရေးကာကွယ်စောင့်ရှောက်နေသူ Mr. Hall အနေဖြင့် ပြစ်မှုကျူးလွန်ကြောင်း ထင်ရှားပေါ်ပေါက်ပါက ပြစ်မှုတစ်ခုချင်းအတွက် ထောင်ဒဏ် (၂)နှစ်စီ ချမှတ်ခံရမည့်အပြင် ဒဏ်ငွေ ဘတ်နှစ်သိန်းစီလည်း ပေးဆောင်ရမှာဖြစ်ပါတယ်။ ထို့အပြင် အသေရေဖျက်မှု အတွက် နစ်နာကြေး ဘတ်သန်း (၃၀၀) ပေးလျော်ရန် Natural Fruit ကုမ္ပဏီက Mr. Hall ကို တောင်းဆို ထားပါတယ်။

၂၀၀၁ ခုနှစ်မှာ စတင်တည်ထောင်ခဲ့တဲ့ Natural Fruit ကုမ္ပဏီဟာ နာနတ်သီးစည်သွပ်ဘူးနှင့် အခြားသီးနှံ စည်သွပ်ဘူးများကို ထုတ်လုပ်ပါတယ်။ ၂၀၁၃ ခုနှစ်၊ ဇန်နဝါရီလမှာ Finnwatch နှင့် Mr. Hall တို့ ပူးပေါင်းပြီး ဖင်လန်နိုင်ငံအတွင်းသို့ တင်ပို့ရောင်းချနေတဲ့ အချိုရည်၊ သစ်သီးစည်သွပ်ဘူးစက်ရုံတွေရဲ့ လူ့အခွင့်အရေးကို လေ့လာကာ အစီရင်ခံစာတစ်စောင် ထုတ်ပြန်ခဲ့ပါတယ်။ ယင်းအစီရင်ခံစာထဲမှာ Natural Fruit ကုမ္ပဏီရဲ့ သစ်သီးစည်သွပ်စက်ရုံဖြစ်တဲ့ Prachuapkirikhan ခရိုင်အတွင်းရှိ Pranburi စက်ရုံက လုပ်သား များကို ၂၀၁၂ ခုနှစ်၊ နိုဝင်ဘာလအတွင်းက မေးမြန်းထားချက်တွေကို ထည့်သွင်းဖော်ပြခဲ့ပါတယ်။ မေးမြန်းမှု များအရ Natural Fruit ကုမ္ပဏီဟာ ရွှေ့ပြောင်းအလုပ်သမားများအပေါ် လူ့အခွင့်အရေးချိုးဖောက်မှုနှင့် အလုပ်သမားအခွင့်အရေးချိုးဖောက်မှုများကို ဆိုးရွားစွာပြုလုပ်နေတာကို သိရှိရပြီး ယင်းကို အစီရင်ခံစာထဲမှာ ထည့်သွင်းဖော်ပြခဲ့ပါတယ်။ ထို့အပြင် အစီရင်ခံစာရေးသားနေချိန်အတွင်းမှာ Natural Fruit ကုမ္ပဏီက တာဝန်ရှိသူများဟာ အစီရင်ခံစာရေးသားတဲ့အဖွဲ့ကို တွေ့ဆုံရန် အကြိမ်ကြိမ်ငြင်းပယ်ခဲ့ပါတယ်။ Finnwatch မှ ယင်းအစီရင်ခံစာကို ဖင်လန်အစိုးရတာဝန်ရှိသူများ၊ ဥရောပသမဂ္ဂ၊ ထိုင်းအစိုးရ၊ အလုပ်သမားနှင့် လူ့အခွင့် အရေးဆိုင်ရာ အဖွဲ့အစည်းများကို ပေးပို့ခဲ့ပါတယ်။

တက်ကြွလှုပ်ရှားသူများရဲ့အဖွဲ့အစည်းတစ်ခုဖြစ်တဲ့ Front Line Defenders ကတော့ Mr. Hall သည် လူ့အခွင့်အရေး ဆိုင်ရာ များကို ငြိမ်းချမ်း၍ မျှတမှုရှိစွာဆောင်ရွက်ခဲ့ခြင်းကြောင့်လည်းကောင်း၊ လွတ်လပ်စွာ ထုတ်ဖော်ခွင့်နှင့် ထင်မြင်ယူဆခွင့်အရ သော်လည်းကောင်း၊ ထိုင်းနိုင်ငံအတွင်းရှိ လူ့အခွင့်အရေးကာကွယ် စောင့်ရှောက်သူများသည် တရားစီရင်ရေးဆိုင်ရာ စွက် ဖက် နှောင့်ယှက်မှုများအပါအဝင် ကန့်သတ်ချက်များ ထားရှိမှုကို ရင်ဆိုင်နေရခြင်းမှ ကင်းလွတ်ရန်အတွက် လည်းကောင်း Mr. Hall အပေါ်စွပ်စွဲထားချက်များကို ပြန်လည်ရုပ်သိမ်းပေးရန် တောင်းဆိုလျှက်ရှိပါတယ်။ ထို့အပြင် နိုင်ငံတကာမီဒီယာ များမှလည်း Mr. Hall ၏ အမှုကိစ္စနှင့်ပတ်သက်၍ ထိုင်းအစိုးရ၏ တရားစီရင်ရေးစနစ်အပေါ် ဝေဖန်ပြစ်တင်လျှက်ရှိပါတယ်။

ယင်းသို့ ရွှေ့ပြောင်းလုပ်သားများ၏ အရေးနှင့်ပတ်သက်၍ တက်ကြွစွာဆောင်ရွက်နေသူများကို အလုပ်ရှင်များမှ ပြန်လည် တုံ့ပြန်ဆောင်ရွက်မှုများကြောင့် ရွှေ့ပြောင်းလုပ်သားများ၏ အရေးကိစ္စများကို ဆောင်ရွက်ရာတွင် နှောင့်နှေးသွားနိုင်သည့် အပြင် လုပ်သားများအတွက်လည်း ရတတ်မအေးနိုင်စရာများ ဆက်လက်ဖြစ် ပေါ်နိုင်လာပါတယ်။

အခြေအနေအရပ်ရပ်တို့မှာ နိမ့်ကျနေတဲ့ ရွှေ့ပြောင်းအလုပ်သမားရေးရာတို့အတွက် သင့်တင့်မျှတသော ရပိုင်ခွင့်များရရှိ ခံစားနိုင်ရေးမှာ သက်ဆိုင်ရာအစိုးရများ၊ လွပ်လပ်သောအဖွဲ့အစည်းများ၊ အလုပ်သမားများ၊အလုပ်ရှင်များက အပြုသဘော ဆောင်သော ပူးပေါင်းဆောင်ရွက်မှုတွေရှိဖို့ အထူးလိုအပ် လှပါတယ်။ သို့မှသာ ဘက်ပေါင်းစုံအကျိုးခံစားခွင့်တွေ ဖြစ်ပေါ် လာမှာပါ။ တိုက်ခိုက်မှုတွေကတော့ ယာယီစိတ်ကျေနပ်မှုကလွဲလို့ နောက်ဆက်တွဲဆိုးကျိုးများကို ဖြစ်ပွားစေမှာဧကန်ပင် ဖြစ် ပါတယ်။ထို့ကြောင့် ထိုင်းလုပ်ငန်းရှင်များဘက်မှလည်း ရွှေ့ပြောင်းလုပ်သားများအရေးတွင် ပူးပေါင်းပါဝင် ဆောင်ရွက် လာနိုင်မည့် နည်းလမ်းများကို စဉ်းစားသုံးသပ်နိုင်ရန် Mr. Hall ၏ အမှုဖြစ်စဉ်ကို ကိုးကား၍ ဖော်ပြလိုက်ပါတယ်။

အထက်ဖော်ပြပါ ဆောင်းပါမှာ ဆောင်းပါးရှင် Mwrn ၏ အာဘော်သာဖြစ်ပါသည်။
အယ်ဒီတာ
သျှမ်းသံတော်ဆင့်