အစိုးရ နှင့် အပစ်ရပ်ထားသည့် သျှမ်းပြည်တပ်မတော် တပ်ဖွဲ့ဝင်များသည် လက်နက်မပါဘဲ မြို့ပိုင်း၌လွတ်လွတ် လပ် လပ်သွားလာနိုင်သော်လည်း တောတွင်းပိုင်း၌မူ  ဦးသူပစ်ခတ်တိုက်ခိုက်မှုစနစ်မှာ အပစ်မရပ်ခင်ကာလ ကဲ့သို့ ရှိနေသေးကြောင်း RCSS ပြောခွင့်ရပုဂ္ဂိုလ်က ပြောပါသည်။


“အပစ်ရပ်တာ တနှစ်ကျော်ရှိပြီဖြစ်ပေမယ့် သဘောတူညီချက်အတိုင်း ဘာမှ အကောင်အထည်မဖေါ်နိုင်သေးဘူး၊ မြို့ပေါ် ကိုယ် စားလှယ်ရုံးစိုက်ခွင့်၊ စီးပွားရေးအနည်းအကျဉ်းလုပ်ခွင့်က လွဲလို့ သဘောတူညီချက်ကို ဘာမှ အကောင်အထည် မဖေါ် နိုင် သေးဘူး။ တောပိုင်းမှာ တွေ့ရင်လဲ ဦးသူပစ်ပဲ” - ဟု RCSS ပြောခွင့်ရ ဗိုလ်မှူးလောဝ်ဆိုင်က ပြောပါသည်။

အပစ်ရပ်စဉ် အစိုးရ နှင့် RCSS တို့ သဘောတူညီချက်အရ သံလွင်အရှေ့ခြမ်းဟိုမိန်းမြို့နယ်ခွဲ နှင့် မိုင်းထားမြို့နယ်ခွဲ၌ ဌာနချုပ် အခြေစိုက်ခွင့်ပေးထားသော်လည်း ပြီးခဲ့သည့်လပိုင်းက အဆိုပါမြို့နယ်အတွင်း တပ်စခန်းများ ရုပ်သိမ်းပေး ရန် ဆိုင်ရာစစ်တိုင်းမှူးများက ညွှန်ကြားထားသည်ဟု ဗိုလ်မှူးလောဝ်ဆိုင်က ယခုကဲ့သို့ ဆက်လက်ပြောပြပါသည်။

“ဖေဖေါ်ဝါရီနောက်ဆုံးထားပြီး မိုင်းထားမြို့နယ်ခွဲ လွယ်မွတ့်နန်းလျဲန်း  တပ်စခန်းတွေထွက်ပေးဖို့ တြိဂံတိုင်းမှူးက ပြောလာတယ်။ ဟိုမိန်းမြို့နယ်ခွဲမှာလဲ တပ်စခန်းနှစ်ခု ဆုတ်ပေးဖို့ ရလခ (အရှေ့အလယ်ပိုင်းတိုင်းစစ်ဌာနချုပ်) က ပြောလာတယ်။ ကျနော်တို့ ဆုတ်မပေးပါဘူး။ လကုန်ပိုင်းကနေ ဒီနေ့နဲ့ဆို ၆ ရက်ရှိပြီ ဘာမှ ထပ်မပြောလာဘူး ” ဟု ဆို၏။

RCSS ပိုင် တိုင်းဖှရီးတမ်း ဝဲပ်ဆိုဒ်က - ယခုလဆန်းပိုင်းမှစ၍ အဆိုပါ ဌာနချုပ်အခြေစိုက်ခွင့်ပေးထားသော ဒေသများအတွင်းသို့ အစိုးရတပ် အင်အားနှစ်ဆတိုးလာကြောင်း၊ လူအားအပြင် ၁၀၅ မမ၊ ၁၂၀ မမ စသည့်လက်နက်ကြီးများလည်း အများအပြားပို့ဆောင်ထားကြောင်း၊ တောင်ပိုင်း ဝ တပ်ဖွဲ့အား လည်း ထိုးစစ်လုပ်လာနိုင်ကြောင်း ရေးသားထားပါသည်။