လော်ခီးလာညီလာခံမှ ဖွဲ့စည်းလိုက်သည့် အဖွဲ့ဝင် ၁၅ ဦးပါ အဆင့်မြင့် ကိုယ်စားလှယ်အဖွဲ့နှင့် တရားဝင်ဆွေးနွေးရန် ယခုအချိန်အထိ အစိုးရဘက်မှ လက်မခံသေးကြောင်း သိရသည်။

လော်ခီးလာတွင်ကျင်းပသော  NCCT ညီလာခံနှင့် အဆင့်မြင့်ကိုယ်စားလှယ်ခေါင်းဆောင် နော်ဇီဖိုးရာစိန်

အစိုးရ၏ ပြည်ထောင်စု ၀န်ကြီးများဖြစ်သည့် သမ္မတရုံးဝန်ကြီး ဦးအောင်မင်း ဦးဆောင်သည့် ၀န်ကြီးအဖွဲ့နှင့် နိုင်ဟံသာ ၊ ဖဒိုစောကွယ်ထူးဝင်းတို့ဦးဆောင်သည့် တိုင်းရင်းသား လက်နက်ကိုင် အဖွဲ့များဘက်မှ ကိုယ်စားလှယ်များနှင့် ဂျွန်လ ၂၂ ရက်နေ့က ရန်ကုန်မြို့ မြန်မာငြိမ်းချမ်းရေးနှင့် ပြန်လည်ထူထောင်ရေး ဗဟိုဌာနတွင် အလွတ်သဘောတွေ့ဆုံဆွေးနွေးခဲ့သည်။

 ယင်းဆွေးနွေးပွဲတွင် ငြိမ်းချမ်းရေး ဆွေးနွေးမှုများ ပြန်လည်စတင်နိုင်ရန်အတွက် အဓိကထား ဆွေးနွေးခဲ့ကြပြီး အဆင့်မြင့် ကိုယ်စားလှယ်အဖွဲ့အား လက်ခံနိုင်မှု အခြေနေပေါ်မူတည်၍ ဆွေးနွေးခဲ့ကြသည်ဟု အစည်းအဝေး တက်ရောက်ခဲ့သူ တဦးက ပြောသည်။

‘ တောက်လျှောက်က အန်စီစီတီနဲ့ပဲ ဆွေးနွေးလာတာဆိုတော့ ခုလို တဝက်တပျက်နဲ့ နောက်တဖွဲ့နဲ့ ဆွေးနွေးဖို့ဆိုတာ အခက်အခဲရှိနေတဲ့ သဘောပါ။ ဒါပေမဲ့ ဆွေးနွေးမှု လမ်းကြောင်းကနေ သွေဖီသွား တာတော့ မဟုတ်ပါဘူး။ အဖြေရှာဖို့အတွက်လည်း တိုင်းရင်းသား ကိုယ်စားလှယ် တွေဘက်က ထိုင်းမှာ တကြိမ်ထပ်တွေ့ဖို့ ကမ်းလှမ်းခဲ့ပါတယ်။ ‘ ဟု အဆိုပါ အမည်မဖော်လိုသည့် ပုဂ္ဂိုလ်က ပြောသည်။

ဂျွန်လ ၂၂က ပြုလုပ်ခဲ့သော အလွတ်သဘောဆွေးနွေးမှုနှင့် ပတ်သက်၍ နှစ်ဘက်စလုံးမှ တရားဝင် ထုတ်ပြန်မှုများ မပြုလုပ်ခဲ့ပေ။

နိုင်ငံလုံးဆိုင်ရာ အပစ်ခတ်ရပ်စဲရေး ပြုလုပ်ရန်အတွက် ဆွေးနွေးမှုများ စတင်ခဲ့သည်မှာ တနှစ်ခွဲကျော် ကြာ မြင့်ခဲ့ပြီ ဖြစ်ပြီး ယင်းကာလအတွင်း အစိုးရဘက်မှ ၀န်ကြီးဦးအောင်မင်းခေါင်းဆောင်သည့် ပြည် ထောင် စုအဆင့် ငြိမ်းချမ်းရေးဖော်ဆောင်မှု လုပ်ငန်းကော်မတီ UPWC နှင့် တိုင်းရင်းသား လက်နက် ကိုင်များဘက်မှ နိုင်ငံလုံးဆိုင်ရာ အပစ်ခတ်ရပ်စဲရေး ညှိနှိုင်းမှု ကော်မတီ NCCT  တို့သာ ဆွေးနွေးခဲ့ခြင်း ဖြစ်သည်။

ပြီးခဲ့သည့် မတ်လအတွင်းက ရကြိမ်မြောက်အဖြစ် ပြုလုပ်ခဲ့သည့် ပြည်ထောင်စု ငြိမ်းချမ်းရေး ဖော် ဆောင်မှု လုပ်ငန်းကော်မတီ UPWC နှင့် NCCT တို့၏ ဆွေးနွေးပွဲအပြီးတွင်အခန်း ရ ခန်းပါ အပစ်ခတ်ရပ်စဲမှု မူကြမ်းကို အတည်ပြုနိုင်ခဲ့သည်။

အစိုးရဘက်မှ ယင်းမူကြမ်းအပေါ်တွင် ထပ်မံဖြည့်စွက်ရန် မရှိတော့သဖြင့် အတည်ဖြစ်ခဲ့သော်လည်း လုပ်ငန်းညှိနှိုင်းရေးကော်မတီ အဆင့်သာရှိသော NCCT  အဖွဲ့ကမူ အပြီးပြတ်မဆုံးဖြတ်နိုင်ခဲ့သဖြင့် ကေအန်ယူထိန်းချုပ်နယ်မြေ လော်ခီးလာတွင် တိုင်းရင်းသား လက်နက်ကိုင်အဖွဲ့များမှ ထိပ်သီး ခေါင်းဆောင်များ တက်ရောက်သည့် ညီလာခံ တရပ်ကို ကျင်းပခဲ့ရသည်။

ယင်းညီလာခံတွင် အပစ်ခတ်ရပ်စဲရေးဆိုင်ရာ မူကြမ်းတွင် အချက် ၁၅ ချက် ထပ်မံဖြည့်စွက်ခဲ့သလို အစိုးရနှင့် ဆက်လက် ဆွေးနွေးရန်အတွက်လည်း အဖွဲ့ဝင် ၁၅ ဦးပါ အဆင့်မြင့် ကိုယ်စားလှယ် အဖွဲ့ တဖွဲ့ကိုဖွဲ့စည်းခဲ့သည်။ ယင်းကိုယ်စားလှယ်အဖွဲ့တွင် ယခင် NCCT အဖွဲ့တာဝန်ရှိသူများမှာ ပြန်လည် ပါဝင်လာသော်လည်း ဦးဆောင်သူများ အနေဖြင့် မဟုတ်တော့ဘဲ ပိုမိုသဘောထား တင်းမာပြီး လုပ်ပိုင်ခွင့်ပိုရှိသော ခေါင်းဆောင်တချို့မှာ ခေါင်းဆောင်ဖြစ်လာခဲ့သည်။

လေ့လာသူအချို့၏ အဆိုအရမူ မူကြမ်းအား ထပ်မံဖြည့်စွက်ခြင်း ၊ ဆွေးနွေးမှု အဖွဲ့အသစ် ထပ်မံ ဖွဲ့စည်းခြင်း ၊ အစိုးရ တပ်မတော်တို့ဘက်မှ လက်မခံသည့် အဖွဲ့များ ပါဝင်မှ အားလုံးလက်မှတ်ရေး ထိုးမည်ဟု ဆိုလာခြင်းတို့ကြောင့် လော်ခီးလာညီလာခံမှ ဖွဲ့စည်းလိုက်သည့် အဆင့်မြင့်ကိုယ်စားလှယ် အဖွဲ့အား အစိုးရဘက်မှ တရားဝင်ဆွေးနွေးရန် အခက်ခဲရှိလာပုံရကြောင်း မှတ်ချက်ပြုကြသည်။

‘ အစိုးရက ထိုင်းနိုင်ငံမှာတွေ့ ဖို့ လဲ ယဉ်ကျေး မှုအရလောက်ပဲ တွေ့ မယ်။ ဒါလဲပဲ တပ်ကိုယ်စားလှယ် တွေ မလာနိုင်တော့ဘူးလို့ ပြောထားတာရှိပါတယ်။ အခုအနေထားအရဆိုရင် လော်ခီးလာမှာ ဖွဲ့တဲ့ အဖွဲ့ကို အစိုးရဘက်က လက်မခံသေးဘူးဆိုတာ ပေါ်လွင်သလို ဖြစ်နေတယ် ‘ ဟု ငြိမ်းချမ်းရေး ဖြစ်စဉ် တွင် ပါဝင်နေသည့် တိုင်းရင်းသား လက်နက်ကိုင်အဖွဲ့ဖြစ်သော သျှမ်းပြည်ပြန်လည်ထူထောင်ရေး ကောင်စီ RCSS/SSA မှ အတွင်းရေးမှူး (၂) ဗိုလ်မှူးကြီးစိုင်းလှမှ မှတ်ချက်ပြုပြောဆိုသည်။