NLD အမျိုးသား ဒီမိုကရေစီ အဖွဲ့ချုပ်နှင့် SNLD သျှမ်းတိုင်းရင်းသားများ ဒီမိုကရေစီအဖွဲ့ချုပ်တို့အကြား လာမည့် ရွေးကောက်ပွဲတွင် မဟာမိတ်ဖွဲ့နိုင်ရေးအတွက် မူအားဖြင့် သဘောတူလိုက်ကြောင်း သက်ဆိုင်ရာ နိုင်ငံရေးပါတီများ ထံမှသိရသည်။

NLD နှင့် SNLD တို့အကြား မဟာမိတ်ဖွဲ့နိုင်ရေးအတွက် ပဏာမ ဆွေးနွေးပွဲတရပ်ကို ဂျူလိုင်လ ၁၃ ရက်နေ့ မနက် ပိုင်းက ရန်ကုန်မြို့ရှိ သျှမ်းတိုင်းရင်းသားများ ဒီမိုကရေစီအဖွဲ့ချုပ် ရုံးတွင် ကျင်းပခဲ့ကြပြီး သဘောတူခဲ့ကြခြင်း ဖြစ်သည်။

“CRPP ခေါင်းဆောင်တွေဝင်မဲ့ နေရာတွေမှာ ကျနော်တို့ဝင်မှာမဟုတ်ဘူး။ ထိပ်တိုက်မတိုးဘူးဆိုတာတော့ သေချာ တယ်။ လောလောဆယ်တော့ ခေါင်းဆောင်တွေပြိုင်မဲ့ မဲဆန္ဒနယ် ထိပ်တိုက်တိုးမပြိုင်ဖို့ သေချာတယ်။ ကျနော်တို့ NLD နဲ့ သူတို့က မဟာမိတ်ပဲပေါ့ ”  ဟု NLD ပါတီမှ အတွင်းရေးမှူး ဦးဉာဏ်ဝင်းက ပြောသည်။

CRPP ခေါင်းဆောင် ၃ ဦးဖြစ်သော ဦးအေးသာအောင်ဦးဆောင်သည့်ရခိုင်ပါတီ ၊ ခွန်ထွန်းဦး ဦးဆောင်သော  SNLD ပါတီနှင့် ပူကျင့်ရှင်းထန် ဦးဆောင်သော ချင်းပါတီ ၀င်ရောက်ယှဉ်ပြိုင်မည့်နေရာတွင် NLD ပါတီမှ ၀င်ရောက် ယှဉ်ပြိုင် ခြင်းပြုလုပ်မည်မဟုတ်ကြောင်း ပြောဆိုပါသည်။  

လွှတ်တော်ခေါ်ယူရေး ပြည်သူ့လွှတ်တော် ကိုယ်စားပြုကော်မတီ CRPP ဆိုသည်မှာ ၁၉၉၀ ပြည့်နှစ် ရွေးကောက်ပွဲ အနိုင်ရ ကိုယ်စားလှယ်များဖြင့် ၁၉၉၈ ခုနစ်တွင် ဖွဲ့စည်းခဲ့ခြင်း ဖြစ်ပြီး စစ်အစိုးရမှ ခေါ်ယူပေးခြင်း မရှိခဲ့သည့် လွှတ် တော်ခေါ်ယူပေး ရေးအတွက် တောင်းဆိုရန် ဖွဲ့စည်းခဲ့ခြင်းဖြစ်သည်။

CRPP အဖွဲ့တွင် NLD ပါတီအပါဝင် သျှမ်း ၊ ရခိုင် ၊ မွန် ၊ ဇိုမီး စသည့် တိုင်းရင်းသားပါတီများပါဝင်ကြပြီး အဆိုပါ ပါတီ များမှာ လာမည့်ရွေးကောက်ပွဲကို ၀င်ရောက်ယှဉ်ပြိုင်ကြမည်ဖြစ်သည်။

“ရွေးကောက်ပွဲနဲ့ ပတ်သက်တာ အဓိကပါပဲ။ ရွေးကောက်ပွဲမှာ ကျနော်တို့ ညှိညှိနှိုင်းနှိုင်း ဘယ်လို လုပ်သွားကြမလဲ တာဝန်တွေ ခွဲသွားကြမလားဆိုတာပါပဲ။ မဟာမိတ်ကိစ္စနဲ့ ပတ်သက်လို့ မူအားဖြင့် သဘောတူတယ်လို့ ပြောလို့ရ တယ်။” ဟု သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ အထွေထွေအတွင်းရေးမှူး ဦးစိုင်းညွှန့်လွင်က ဆွေးနွေးမှု အပြီးပြုလုပ်သည့် မီဒီယာရှင်းလင်းပွဲတွင် မီဒီယာများကို ပြောသည်။

မဟာမိတ်ကိစ္စမူအားဖြင့် သဘောတူသည် ဆိုရာတွင် ရွေးကောက်ပွဲအကြိုနှင့် ရွေးကောက်ပွဲကာလအထိသာ သဘော တူနိုင်သေးပြီး အစိုးရအဖွဲ့ ရွေးချယ်မှုစသည့် ရွေးကောက်ပွဲနောက်ပိုင်းတွင် ဆက်လက်ဆောင်ရွက်ရမည့် ကိစ္စများကိုမူ ဆွေးနွေးနိုင်ခြင်း မရှိသေးကြောင်းသိရသည်။NLD ကမည်သည့် မဲဆန္ဒနယ်တွင်ပြိုင်မည် မဟာမိတ်တိုင်းရင်းသားပါတီ များကမည်သည့် မဲဆန္ဒနယ်တွင်ပြိုင်ရမည်စသည့် အသေးစိပ်အချက်များကိုမူ ဆက်လက်ဆွေးနွေးရဦးမည်ဖြစ် ကြောင်း နှစ်ဘက်တာဝန်ရှိသူများက ပြောဆိုသည်။

“ညှိရမယ်ဆိုတာကတော့ NLD အားနည်းတဲ့ နေရာ ဆိုရင် SNLD က ၀င်ပေးရမယ်။ NLD အားကောင်းတဲ့ နေရာဆိုရင် ကျနော်တို့က ရှောင်ပေးရမှာပေါ့။ အဲဒီသဘော ပါ။ အသေးစိပ်ကိုတော့ ဘယ်မြို့နယ်မှာ ဘယ်သူပြိုင် မယ် ဘယ်သူကဘယ်မှာပြိုင်ဆိုတာကတော့ နောက်မှပဲလုပ်ကြ  ရမှာပေါ့။ စာရင်းအတိအကျနဲ့ ပတ်သက်လို့ ကျနော် တို့မှာလည်းအ ဆင်သင့်မဖြစ်သေးသလို သူတို့ဘက်ကလည်း အဆင်သင့် မဖြစ်သေးဘူး။ အဓိကက အချိန်နည်း လွန်းတာ အခက်ခဲဖြစ်နေတယ်” - ဟု ဦးစိုင်းညွှန့်လွင်က ပြောသည်။

ယခုကဲ့သို့ မဟာမိတ်ဟောင်းပါတီများအနေဖြင့်တပါတီနှင့်တပါတီ ညှိညှိနှိုင်းနှိုင်းယှဉ်ပြိုင်ခြင်းအားဖြင့် အတိုက်အခံများ အနေဖြင့်ထိပ်တိုက်တွေ့မှုများကို ရှောင်ရှားနိုင်မည်ဖြစ်ပြီး ရွေးကောက်ပွဲအလွန်ကာလနိုင်ငံရေးအခင်းအကျင်း အတွက် လည်း အထောက်ကူပြုမည်ဖြစ်ကြောင်း ဦးစိုင်းညွန့်လွင်က မှတ်ချက်ပြုပြောဆိုသည်။

မေလအတွင်းက ဒေါ်အောင်ဆန်းစုကြည် သွားရောက်ခဲ့သည့် မွန်ပြည်နယ်ခရီးစဉ်နှင့် ကချင်ပြည်နယ်ခရီးစဉ်အတွင်း NLD မှာပြည်ထောင်စုပါတီဟု ပြောကြားမှုများရှိခဲ့သည့်အတွက်လာမည့် ရွေးကောက်ပွဲတွင် NLD နှင့်တိုင်းရင်းသား မဟာမိတ်ပါတီများအကြား ထိပ်တိုက်ပြိုင်ရတော့မည်လားဆိုပြီး ဒီမိုကရေစီအင်အားစုများအနေဖြင့် စိုးရိမ်ပူပန်မှုများရှိ ခဲ့သည်။

ယင်းနောက်ပိုင်းတွင် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့စည်းမှ ၀င်ရောက်ညှိနှိုင်းပေးမှုအပါဝင် နိုင်ငံရေး အင်အားစုများမှ တောင်းဆိုမှုများကြောင့် ယခုကဲ့သို့ မဟာမိတ်ဟောင်း တိုင်းရင်းသားပါတီများနှင့် NLD တို့အကြား ဆွေးနွေးမှုများ ပြုလုပ်လာနိုင်ခဲ့ခြင်း ဖြစ်သည်။

“အခုလို တိုးတက်မှုရှိလာတာ ကြိုဆိုပါတယ်။ အစက ကျနော်တို့လည်း မိုးထဲရေထဲ ဖြတ်ခဲ့တဲ့ ပါတီတွေအချင်းချင်း ထိပ်တိုက်ပြိုင်တော့မလားဆိုတာ စိုးရိမ်နေတာ။ ရွေးကောက်ပွဲအလွန်ကာလမှာ ဖြစ်လာမဲ့ လွှတ်တော်အပါဝင် နိုင်ငံ ရေး အခင်းအကျင်းမှာ အတိုက်ခံတွေများများပါလာဖို့လိုတယ်။ ဒါမှလည်း ဖွဲ့စည်းပုံပြင်ဖို့အပါဝင် လူထုလိုလားတဲ့ အခြေအနေတွေ ဖြစ်ပေါ်လာဖို့ အထောက်ကူပြုမှာ ဖြစ်တယ်”  ဟု ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့ အစည်းမှ ကိုမြအေးက ပြောသည်။

NLD ပါတီအနေဖြင့် လာမည့် ရွေးကောက်ပွဲတွင် တိုင်းရင်းသားမဟာမိတ်များ၏ နေရာများမှအပ နိုင်ငံအနှံ့မဲဆန္ဒနယ် ပေါင်း ၁၁၀၀ ကျော်တွင် ၀င်ရောက်ယှဉ်ပြိုင်ရန် လျာထားပြီး SNLD ပါတီအနေဖြင့်မူ မြို့နယ်ပေါင်း ၅၀၊ နေရာပေါင်း ၁၅၀ ကျော်တွင် ၀င်ရောက်ယှဉ်ပြိုင်ရန်လျာထားကြောင်းသိရသည်။ NLD ပါတီအနေဖြင့် ကျန်တိုင်းရင်းသားပါတီ များနှင့်လည်း ဆက်လက်ဆွေးနွေးမြှုပုလုပ်ဦးမည် ဖြစ်ကြောင်းသိရသည်။