သျှမ်းနှင့် ကိုးကန့်တိုင်းရင်းသားများ ရောနှောနေထိုင်သည့် ကွန်လုံမြို့နယ်တွင် ၉၀ ရွေးကောက်ပွဲအနိုင်ရ တိုင်းရင်းသားမဟာမိတ် ပါတီများဖြစ်သည့် SNLD ကျားခေါင်းပါတီနှင့် သျှမ်းပြည်ကိုးကန့် ဒီမိုကရက်တစ် ပါတီတို့ ပူးပေါင်း၍ မဲဆွယ်စည်းရုံးမှုများ ပြုလုပ်နေကြောင်း သျှမ်းပြည်ကိုးကန့် ဒီမိုကရက်တစ်ပါတီ တာဝန် ရှိသူက သျှမ်းသံတော်ဆင့်သို့ ပြောသည် ။

“ ကျနော်တို့က မဟာမိတ်တွေဖြစ်တဲ့အတွက် အတူပူးပေါင်း မဲဆွယ်တာပါ ။ တော်တော်လေးလည်း အားရ စရာကောင်းတယ် ။ သျှမ်းတွေကို တွေ့ရင်လည်း SNLD က ပြည်နယ်လွှတ်တော်နဲ့ ပြည်သူ့လွှတ်တော် ဆိုရင် ကျနော့်ကို မဲထည့်ပေးကြဖို့ လိုက်ပြောပေးတယ် ။ ကျနော်တို့က ကိုးကန့်တွေကို တွေ့ရင်လည်း SNLD ပြိုင်တဲ့ အမျိုးသား လွှတ်တော်မှာ သူတို့ကို မဲထည့်ဖို့ ကျနော်တို့ ပြောပေးတယ် ”- ဟု ၉၀ ရွေးကောက်ပွဲတွင် ကွန်လုံမဲဆန္ဒနယ်မှ အနိုင်ရခဲ့သည့် သျှမ်းပြည်ကိုးကန့် ဒီမိုကရက်တစ်ပါတီ ဥက္ကဌ ဦးအန်တိုနီဆူးက သျှမ်းသံတော်ဆင့်သို့ ပြောသည် ။


ကွန်လုံမဲဆန္ဒနယ်တွင် SKDP သျှမ်းပြည်ကိုးကန့် ဒီမိုကရက်တစ်ပါတီမှ ပြည်နယ်လွှတ်တော်မဲဆန္ဒနယ် နှစ်နေရာနှင့် ပြည်သူ့လွှတ်တော် မဲဆန္ဒနယ်တို့တွင် ၀င်ရောက်ယှဉ်ပြိုင်မည် ဖြစ်ပြီး ကျားခေါင်း SNLD ပါတီမှာမူ လားရှိုးတစ်ခရိုင်လုံး အကျုံးဝင်သည့် အမျိုးသား လွှတ်တော် မဲဆန္ဒနယ် ၃ မှ ၀င်ရောက် ယှဉ်ပြိုင်မည် ဖြစ်သည် ။


၉၀ ရွေးကောက်ပွဲတွင် အနိုင်ရဖူးသည့် SKDP ပါတီ အနေဖြင့် ကိုးကန့် ဒေသတွင်လည်း ၀င်ရောက် ယှဉ်ပြိုင်မည် ဖြစ်ကာ ကိုယ်ပိုင်အုပ်ချုပ်ခွင့် ဦးစီးအဖွဲ့ ဖွဲ့နိုင်ရန်အတွက် ရည်မှန်းထားကြောင်းလည်း သိရသည် ။

  
“ လူဦးရေ တသိန်းလေးသောင်းကျော်မှာ မဲစာရင်းက ၄သောင်းကျော်ပဲရှိတာ ၊ စစ်အုပ်ချုပ်ရေး ရှိနေသေး တာ ၊ တပ်တွေအများကြီး ရှိနေတဲ့အပေါ် လူတွေကကြောက်ရွံ့မှု တွေရှိနေပါသေးတယ် ။ နေ့ခင်းပိုင်းဆို လောက်ကိုင်လာလိုက် ညဘက်ဆို တရုတ်ဘက်က စခန်းတွေမှာ ပြန်အိပ်လိုက်နဲ့ နောက်ပြီး ဒုတိယ ဗိုလ် ချုပ်ကြီးဟောင်းတယောက်က အငြိမ်းစားယူပြီး လောက်ကိုင်ကနေ  ပြည်ခိုင်ဖြိုးကိုယ်စားပြုပြီး လာပြိုင် မှာကတော့ ကျနော်တို့အတွက် စိန်ခေါ်မှုတွေပါပဲ ” - ဟု ဦးအန်တိုနီစူးက ပြောသည် ။


၂၀၀၈ ဖွဲ့စည်းပုံအရ ကိုယ်ပိုင်အုပ်ချုပ်ခွင့်ရဒေသအတွင်း ပြည်နယ်လွှတ်တော် မဲဆန္ဒနယ်များတွင် အများ စု အနိုင်ရသည့်ပါတီမှာ ကိုယ်ပိုင်အုပ်ချုပ်ခွင့် ဦးစီးအဖွဲ့ဖွဲ့စည်းရာတွင် ဦးဆောင်အခန်းကဏ္ဍတွင် ပါဝင်ခွင့်ရရှိ မည်ဖြစ်သည်ဟု သိရသည် ။


ကိုးကန့်ဒေသတွင် လောက်ကိုင်နှင့် ကုန်ကြမ်း မြို့နယ်နှစ်ခုရှိပြီး မော်ထိုက်မြို့နယ်ခွဲအပါဝင် MNDAA ဖုန်ကြားရှင် အဖွဲ့ သိမ်းယူထားသည့် ကျေးရွာအချို့မှာ ရွေးကောက်ပွဲကျင်းပနိုင်မည် မဟုတ်ကြောင်းလည်း သိရသည် ။