လူငယ့်ကံကြမ္မာ လူငယ်လက်ထဲမှာရှိ အောင်ရည်ရွယ်တဲ့ မြန်မာနိုင်ငံလုံးဆိုင်ရာ သျှမ်းလူ ငယ်များ  ဒုတိယအကြိမ် တွေ့ဆုံ နှီးနှောဖလှယ်ပွဲ  Tai Youth Conference ကို  ဒီဇင်ဘာလ နှောင်းပိုင်းမှာ  ကျင်းပ မယ် လို့သိရပါတယ် ။ မြန်မာနိုင်ငံ လုံးဆိုင်ရာ သျှမ်းလူငယ်ကွန်ရက် ဦးဆောင် ကော်မတီ Tai Youth Network ကနေ ဦးဆောင်ကျင်းပသွား မှာဖြစ်ပါတယ် ။ အသေးစိတ်သိရအောင်  ပြောခွင့်ရ စိုင်းဆိုင်မိန်းကို သျှမ်းသံတော်ဆင့်က ဆက်သွယ် မေးမြန်းထားပါတယ် ။

၂၀၁၃ ခုနှစ်က ပြုလုပ်သော Tai Youth Conference

မေး ။ ။ ဒီလ နှောင်းပိုင်းမှာ  မြန်မာနိုင်ငံလုံးဆိုင်ရာ လူငယ်တွေ့ဆုံပွဲရှိမယ်ဆိုတာ ဟုတ်ပါ သလား ။


ဖြေ ။ ။ ဟုတ်ပါတယ် ။ ဒီဇင်ဘာလ ၂၇-၂၈-၂၉ မှာ မြန်မာနိုင်ငံလုံးဆိုင်ရာ သျှမ်းလူငယ်များ  ဒုတိယအကြိမ် တွေ့ဆုံ နှီးနှောဖလှယ်ပွဲ ပြုလုပ်မှာဖြစ်ပါတယ် ။  ပြီးခဲ့တဲ့ ၂၀၁၃ ကလည်း အခုလိုအချိန်မျိုး မှာလည်း ပထမအကြိမ် တွေ့ဆုံခဲ့ပြီးဖြစ်ပါတယ် ။ အဲဒီတုန်း ကလည်း လူငယ်တွေ့ဆုံပွဲ ထပ်ရှိသင့်တယ် ။ ၂ နှစ် တကြိမ်တွေ့ဆုံနှီးနှော ဖလှယ် ပွဲ ကျင်းပပြုလုပ် သွားမယ် ။ အမှုဆောင်တွေ အကြီးအကဲတွေ ကိုပြန်လည်  ရွေးချယ်မယ် လို့သဘောတူ ထားတဲ့အတွက် အခုတခါမှ ပြန်လည်တွေ့ဆုံ ကြမှာဖြစ်ပါတယ် ။


မေး ။ ။ အခုတခေါက်လုပ်မယ့်တွေ့ဆုံပွဲနဲ့ အရင်တခေါက်လုပ်ခဲ့တဲ့တွေ့ဆုံပွဲ ဘယ်လို ကွာခြား မှုရှိ တယ်လို့မြင်ပါသလဲ ။


ဖြေ ။ ။ပထမတကြိမ်လုပ်တုန်းကတော့ အခြေအနေကိုကြည့်ပြီးတော့  လူငယ် တွေ အကြောက်တရားကြားက တွေ့ဆုံမှုလေး လုပ်သွားရတယ် ။ အတွေ့အကြုံအသစ်ပေါ့နော်။ သျှမ်းလူငယ်တွေအတွက် အထိမ်းအမှတ်တခုပေါ့ ။ ဒါမယ့်ဟိုတချိန်က ကျနော်တို့ လူငယ်တွေ ကြံ့ကြံ့မခံခဲ့ လို့ရှိရင် အခုတခေါက်ဆိုတာရှိလာမှာမဟုတ်ဘူး ။ ဆိုတော့ အခုလုပ်မယ့် ဟာက  အရင်တခါ ထက် ပိုပြီးတော့ လွတ်လပ်မှုရှိလာတယ်လို့ ပြောရပါမယ် ။  အရင်တ ခေါက်က ကျနော်တို့ အလုပ်အမှုဆောင်ကော်မတီ (ယာယီ) နဲ့ဘဲ အလုပ်လုပ်သွားတယ် ။ အဲဒီ ၂၀၁၃ တွေ့ဆုံမှုကနေ  သျှမ်းလူငယ်ကွန်ရက် ကို ဖွဲ့စည်းနိုင်ခဲ့တယ် ။ မြန်မာနိုင်ငံ လုံးဆိုင်ရာ သျှမ်း လူငယ်များတွေ့ဆုံပွဲကို သျှမ်းလူငယ်ကွန်ရက်ကနေ ဦးဆောင် ကျင်းပ ခဲ့တယ် ။ ပထမအကြိမ် တွေ့ဆုံပွဲမှာ လူငယ်တွေ လှုပ်ရှားတက်ကြွမှု သိပ်မရှိဘူး ။ စိတ်ဝင်စားမှု သိပ်မရှိသေးဘူး ။ ဒုတိယအကြိမ်ကျတော့ လူငယ်တွေ စိတ်ဝင်စားမှုပိုများလာတယ် ။ အခုတခေါက် တွေ့ဆုံ ပွဲလာတက်မယ့်လူငယ် ၄၀၀ - ၅၀၀ လောက်ရှိမယ်လို့သိရပါတယ် ။ ပထမတခေါက်က ၃၀၀ ဘဲရှိပါတယ် ။


မေး ။ ။ အထူးဧည့်သည်အဖြစ် ဘယ်သူတွေကို ဖိတ်ကြားထားပါသလဲ ။


ဖြေ ။ ။ အထူးဖိတ်တာတော့ မရှိသေးပါဘူး ။ ဘာကြောင့်လဲဆိုတော့ သျှမ်းလူငယ်ကွန် ယက်က ဘယ် အဖွဲ့အစည်း ၊ ဘယ်သူ့လက်အောက်မှ မဟုတ်ဘူး ။ ကိုယ်ခြေထောက်ပေါ်မှာ ရပ်တည်ပြီးတော့ အမျိုးသား ရေးအတွက်ဆက်လျှောက်သွားမယ် ။ အဲတာကြောင့် ကျနော် တို့လူငယ်တွေကဘဲ ကိုယ်ထူကိုယ်ထ လုပ် သွားမယ်လို့စီစဉ်ထားတယ် ။ ကြုံတွေ့ရတဲ့ ပြသနာတွေကို ဖြေရှင်းသွားကြည့်မယ် ။ ရလာတဲ့အတွေ့ အကြုံတွေကို ဖလှယ်သွားမယ် ။ အဲတာကြောင့် ခုချိန်ထိတော့ ဘယ်သူ့ကိုမှမဖိတ်ရသေးပါဘူး ။


မေး ။ ။ ကျနော်တို့ဒီ ၂ နှစ်တာကာလကိုပြန်ကြည့်မယ်ဆိုရင် ပြီးခဲ့တဲ့ ဆွေးနွေးပွဲက ဆုံးဖြတ်ချက်ကို အပြည့်အဝ အကောင်ဖော်နိုင်ခဲ့တယ်လို့ မြင်ပါသလား ။ ဘာတွေကျန်သေး လဲ ။


ဖြေ ။ ။ ၂၀၁၃ တုန်းက ကျနော်တို့ တက်ရောက်လာတဲ့လူငယ်တွေဆီက အကြံအဉာဏ် တွေ နားထောင် တယ် ။ အတွေ့အကြုံတွေဖလှယ်တယ် ။ ဆွေးနွေးတယ် ။ သဘောတူညီ ချက်တွေရယူကြပြီးတော့  ဒီ ဖြတ်သန်းလာခဲ့တဲ့ ၂ နှစ်တာကာလအတွင်းကို ကျနော်တို့ ပြန်သုံးသပ်ကြည့်မယ်ဆိုရင် ကျနော်တို့ မျှော်လင့်ထားတာထက်ကို ပိုပြီးတော့တောင် လုပ် နိုင်ပါသေးတယ် ။ မူးယစ်ဆေးလား ၊ စစ်ဘေးရှောင်ကူညီရေးလား ၊ ရွေးကောက်ပွဲ စောင့်ကြည့်ရေးစသည်တို့တွေမှာလုပ်ပါတယ် ။ လူငယ်တွေဒီကိစ္စမှာ စိတ်ဝင်စားလာ အောင်လည်း TYN က ဦးဆောင်ပြီးတော့ တောင်တက်တယ် ။ ပတ်ဝန်းကျင်လေ့လာတယ် ။  စာပေဟောပြောပွဲတွေ လုပ်တယ် ။ ဒါကြောင့် ဒီအခုတခေါက် တွေ့ဆုံပွဲမှာ ဖြတ်သန်းလာ ခဲ့တဲ့ ၂ နှစ် အတွေ့အကြုံတွေကို ပြန်လည်ရှင်းလင်းပွဲ လေးလုပ် မယ် ။ အသစ်ဝင်လာတဲ့ လူငယ်တွေကိုလည်း လာမယ့် နှစ်မှာ လုပ်မယ့်အလုပ်တွေအတွက် ဘယ်လိုပြင်ဆင် ထားရမယ်စတာတွေ ပေါ့နော် ။


မေး ။ ။ လူငယ်က လွတ်လပ်စွာ အလုပ်လုပ်သွားချင်တယ်လို့ ပြောတယ် ။ နိုင်ငံရေးမှာ လူငယ် ပါဝင်ခွင့်နဲ့ ပတ်သက်ပြီးတော့ကော ဘယ်လို မြင်ပါသလဲ ။


ဖြေ ။ ။ လူငယ်ဆိုတာ အနာဂတ်နိုင်ငံရေးရဲ့မျိုးဆက်သစ်လေ ။ တကယ်လို့ အခုချိန်မှာ လူငယ်က နိုင်ငံရေးမှာ ၀င်ရောက်လုပ်ဆောင်ခြင်းမပြုရင် အနာဂတ်နိုင်ငံရေးမှာ  သူများ တွေကလာပြီး ဦးဆောင် ဦးရွက်ပြုမှာကိုမြင်ယောင်နေမိတယ် ။ နောက်တခု နိုင်ငံရေးနဲ့ အမျိုးသားရေးဆိုတာ လူငယ်နဲ့ကင်းကွာ လို့မရဘူး ။ အရင်က ကျနော်တို့တွေ နိုင်ငံရေး အမျိုးသားရေးမှာ စိတ်ဝင်စားမှုမရှိခဲ့လို့ အခုလိုခံစားနေ ရတယ် ။


ဒါတွေကိုသင်ခန်းစာ ယူပြီးတော့ အနာဂတ်နိုင်ငံရေးမှာ လူငယ်တွေဦးဆောင်ဦး ရွက်ပြုနိုင် အောင်အတွက် ကျနော်တို့ ကြိုးစားရပါမယ် ။ ဒီ ၂ နှစ်တာကာလအတွေ့အကြုံအရ နိုင်ငံရေးနဲ့ အမျိုးသား ရေးအပေါ်အခြေခံပြီးတော့မှ ကျနော်တို့လူငယ်တွေ ဦးဆောင်ဦးရွက်ပြုသွားမယ်လို့ တပ် အပ်ပြောနိုင်ပါတယ် ။ တခါတလေတော့လည်း စိုးရိမ်ပူပန်မိပါတယ် ။ ဒါကြောင့် တက်သစ် စ လူငယ်တွေကိုကျနော်တို့က လက်တွဲခေါ်ယူသွားပါမယ် ။


မေး ။ ။ လူငယ့်ခေါင်းဆောင်တယောက်အနေနဲ့ လာမယ့်နိုင်ငံရေးမှာ ဘယ်ကဏ္ဍ ကနေ ဦးဆောင်ဦးရွက်ပြု သွားချင်ပါသလဲ ။


ဖြေ ။ ။ အရင်က အပစ်ရပ်ရေး ငြိမ်းချမ်းရေးလုပ်ငန်းတွေမှာ ကျနော်တို့ လူကြီးတွေက ဦးဆောင်ပြု သွားတယ် ။ ဒါပေမယ့် ကျနော်တို့လူငယ်တွေက လူကြီးတွေရဲ့ဆွေးနွေးမှု ကနေရလာတဲ့ သဘောတူညီချက်တွေကို မသိလိုက်ရတဲ့အတွက် အဲဒီမှာ သက်သေအဖြစ်  ပါဝင်ခွင့်မလိုက်ရပါဘူး ။ ခေါင်းဆောင်တွေ လူကြီးပိုင်းတွေက  လူငယ်တွေအတွက် လက်ဆင့်ကမ်းမွေ ပေးမထားရင်တော့ ဒီနှစ်လွှာကြား ဝေးသထက်ဝေးသွားမယ် ။ ဒါကြောင့် အနာဂတ်မှာ ထပ်ရှိလာနိုင်မယ့် နိုင်ငံရေးဆွေးနွေးမှု ငြိမ်းချမ်းရေး ဆွေးနွေး မှုတွေမှာ မျိုးဆက်သစ် လူငယ်တွေကိုလည်း တတိယလူ (လေ့လာသူ) အနေနဲ့ ကြားမြင် သက်သေအဖြစ်ပါဝင် နားထောင်ခွင့်ပေး ဖို့လိုတယ်လို့ မြင်ပါတယ် ။ ဒါမှသာ သမိုင်းပေး တာဝန်ကိုကျနော်တို့ ဆက်လက်ထမ်းဆောင်သွားမယ် ။ အမျိုးဘာသာစာပေအတွက် တိုက်ပွဲဝင်ကာ ကွယ်သွားနိုင်မှာဖြစ်ပါတယ် ။


မေး ။ ။ အခုဆိုရင် သျှမ်းပြည်တွင်းလူငယ်တွေ အခုလောလောဆယ်မှာ ဘာကို အထူး လိုအပ်နေ ပါသလဲ ။


ဖြေ ။ ။ လူငယ်အရည်အချင်းမြင့်တင်ရေး လူငယ်တွေ့ဆုံဆွေးနွေးရေးလုပ်တုန်းက လူငယ်အများစု တင်ပြတောင်းဆိုလာ တာကတော့ လူငယ်တွေကြားမှာ ပျံ့ပွါးနေတဲ့ မူးယစ် ဆေးနဲ့ပတ်သက်တဲ့ ကိစ္စဖြစ်ပါတယ်။ မူးယစ်ဆေးကိုလူငယ်တွေ အထူးတိုက်ဖျက် ချင်တယ် ကန့်ကွက်ချင်တယ် ။ နောက်တခုက ပညာရေးပေါ့နော် ။ ကျေးလက်တောရွာမှာ ပညာရေးမြင့်တင်ဖို့အထူးလိုအပ်နေပါတယ် ။ အစိုးရကလည်း ကြေငြာချက် ထုတ်ပြန်ဖူး ပါတယ် ။ မြန်မာနိုင်ငံမှာ သျှမ်းပြည်ဟာ ပညာရေးအနိမ့်ကျဆုံးဖြစ်တယ်လို့ ။ ဒါကိုလူငယ်တွေ အထူးနားလည်ရပါမယ် ။  နောက်တခုက  လယ်ယာမြေအသိမ်းခံရမှု ၊ နောက်တခုက တပ်သားသစ်ကောက်ယူမှု စတာတွေဖြစ်တယ် ။ ဒီကိစ္စတွေကတော့ ကျနော်တို့ လူငယ်တွေချည်း ဖြေရှင်းလို့မရပါဘူး ။ လူကြီးတွေ ဦးဆောင်ပြီး - ရှဉ့်လည်းလျှောက်သာ ပျားစွဲသာ ၊ နှစ်ဦး နှစ်ဘက် မနာ မသာတဲ့ဖြေရှင်းမှုမျိုးလိုအပ်ပါတယ် ။


မေး ။ ။ နှစ်သစ်ကူးမှာ သျှမ်းပြည်တဝှမ်းကလူထုကို ဘယ်လိုမှာချင်ပါသလဲ ။


ဖြေ ။ ။ သျှမ်းလူငယ်ကွန်ရက်ရဲ့ မူဝါဒကတော့ လူငယ့်ကံကြမ္မာ လူငယ်လက်ထဲမှာရှိရမယ် ။ လူငယ့်လုပ်ပိုင်ခွင့် လွတ်လပ်စွာလုပ်ခွင့်ရှိရမယ် ။ ကျနော်တို့ လူငယ် ရပ်တည်လုပ်ဆောင် လာတဲ့ ၂ နှစ်တာကာလမှာ ရင်ဆိုင်ယှဉ်ပြိုင်မှုတွေ အခက်အခဲတွေအများကြီး တွေ့ရပါ တယ် ။ လာမယ့် ၂ နှစ်မှာ လာရောက်တာဝန် ထမ်း ဆောင်မယ့် လူငယ်တွေလည်း အခုလို ဘဲ ထိုးဖောက် ရင်ဆိုင်သွားရမှာဖြစ်တယ် ။ ဘာဘဲဖြစ်ဖြစ် လူငယ်ဟာ လူငယ်ပါဘဲ ။ ရရှိလာ တဲ့အခွင့်အလမ်း ကို အမိအရဆုတ်ကိုင်ပြီး တွေ့ဆုံဆွေးနွေးအဖြေ ရှာသွားရင်တော့ တနေ့ နေ့ကျရင် ကျနော်တို့ ရည်မှန်းချက်ဆီရောက်မှာသေချာပါတယ် ။ နောက်တခု လူငယ် တွေကိုကျနော်ပြောပြချင်တာက လူငယ်တွေ့ဆုံဆွေးနွေးပွဲကိုလာတက်ပါမှ လွတ်လပ်စွာ တွေးခွင့် လွတ်လပ်စွာပြောဆိုခွင့်ကိုကျနော်တို့ ရရှိမှာဖြစ်တယ် ။ ဒီမှာကျနော်တို့လာပြီး တော့မှ ဗဟုသုတတွေဖလှယ် မယ် ။ လက်တွဲဆောင်ရွက်ရမယ့်ဟာ တွေကိုဆွေးနွေးမယ် ။ ယုံကြည်မှုတွေတည်ဆောက်မယ် ။ အခွင့်အလမ်းပေးလာချိန်မှာ ကျနော်တို့ရအောင် အကောင်အထည်ဖော်ကြမယ် ။ ဒီတခေါက် ဆွေးနွေးပွဲအတွက် ပြောရေးဆိုခွင့်ရှိသူ တယောက်အနေနဲ့ ကျနော်တောင်းပန်ချင်တာကတော့ အကြောင်း အမျိုးမျိုး ကြောင့် ပြည်ပရောက်နေတဲ့လူငယ်တွေကို မဖိတ်ကြားလိုက်ရတဲ့အတွက် တောင်းပန်ပါတယ် ။ ကျနော်တို့ ဒီတွေ့ဆုံမှုဖြစ်လာရေးအတွက် အခက်အခဲတွေအများကြီးကို ရင်ဆိုင်ခဲ့ရလို့ပါ ။ ဒါပေမယ့် ဆိုရှယ်မီဒီယာတွေမှာ ကျနော်တို့ တတ်နိုင်သလောက် ကြေငြာထားပါတယ် ။ လူကိုယ်တိုင်လာတက်နိုင်ရင်ပိုကောင်းပါတယ် ။ လူမလာနိုင်ပေမယ့် အသိဉာဏ် ဗဟုသုတ အမြင်သဘောထားတွေ အကြံဉာဏ်တွေကိုပေးပို့ပါလို့လည်း တောင်းဆိုချင်ပါတယ် ။


သျှမ်းလူငယ်ကွန်ရက် (Tai Youth Network) အဖွဲ့မှ ဦးဆောင်ပြီး သျှမ်းပြည် လူငယ်များ အား မူးယစ်ဆေးဝါး ရှောင်ရှားရေးလှုပ်ရှားမှုအဖြစ် သမိုင်းဝင်တောင်တက်ခြင်းလှုပ် ရှားမှုတွေ ကိုလည်း ပြုလုပ်ခဲ့ပါတယ် ။ ၂၀၁၃ မှ ၂၀၁၅ အထိ ၆ ကြိမ်တိတိ တောင်တက်လှုပ်ရှား မှုပြုလုပ်ရာမှာ ပထမအကြိမ် လွယ်လိန်းတောင် ၊ ဒုတိယအကြိမ် လွယ်ခေးတောင် ၊ တတိယ အကြိမ် လွယ်ဆမ်ဆစ်တောင်နှင့် စတုတ္ထအကြိမ် မှာ လွယ်ဇန့်တောင် ၊ ပဉ္စမအကြိမ်မှာ မူဆယ်မြို့နယ်တွင်းရှိ စယ်လန့်လွယ်တေးမိုင်းတောင် ဆဌမ အကြိမ်အဖြစ်  ဗန်းမော်မြို့ တွင်းရှိ ဝိလာသတောင် တို့ကိုတက်ရောက်ခဲ့ကြ ပါတယ် ။