လွန်ခဲ့သည့်နှစ် နိုဝင်ဘာလကစ၍ တအောင်း ( ပလောင် ) ပြည်နယ် လွတ်မြောက်ရေး တပ်မတော် TNLA နှင့် သျှမ်းပြည် ပြန်လည်ထူထောင်ရေးကောင်စီ သျှမ်းပြည်တပ်မ တော် RCSS/SSA တို့ အကြား  နှစ်ဘက် တိုက်ပွဲများ ဆက်တိုက်ဖြစ်ပွားခဲ့သည် ။

တအာင်းတပ် နှင့် သျှမ်းတပ် တိုက်ပွဲကြောင့် စစ်ဒဏ်ထိ လူထုများ (Photo from Sai Mong Fcebook)

RCSS/SSA ၏ နမ့်ခမ်းမြို့နယ် အခြေစိုက် အမှတ် ရ၀၁ စစ်ဒေသ တပ်ဖွဲ့ဝင်များ ဗဟိုဋ္ဌာ နချုပ်မှ နိုင်ငံလုံးဆိုင်ရာ အပစ်အခတ်ရပ်ဆဲရေး သဘောတူစာချုပ် (NCA) လုပ်ငန်း ဆိုင်ရာ သင်တန်းတက် ရောက်အပြီး အပြန် မုံးဝီးဒေသတွင် TNLA က ခြုံခို တိုက်ခိုက် သဖြင့် တိုက်ပွဲ ဖြစ်ပွားရကြောင်း RCSS /SSA က ကြေငြာချက် ထုတ်ပြန်သည် ။


TNLA ကလည်း RCSS/SSA နှင့် အစိုးရတပ်မတော် ပူးပေါင်းကာ ၄င်းတို့နယ်မြေအတွင်း ကျူးကျော်ဝင်ရောက် ထိုးစစ်ဆင်တိုက်ခိုက်လာ၍ တိုက်ပွဲဖြစ်ပွားသည်ဟု ကြေငြာချက် ထုတ် တုန့်ပြန်သည် ။


ဒီမိုကရေစီဖက်ဒရယ်ပြည်ထောင်စု တည်ဆောက်ရန် အစပျိုးနေချိန် အသွင်ကူးပြောင်း ရေး ကာလတွင် တစ်မြေတည်းနေ သျှမ်းနှင့်ပလောင်တိုင်းရင်းသား လက်နက်ကိုင် နှစ် ဖွဲ့ အကြား လက်နက်ကိုင်ပဋိပက္ခ ဖြစ်ပွားခြင်း ဖြစ်သည် ။


လက်နက်ကိုင်နှစ်ဖွဲ့၏ တိုက်ခိုက်နေမှု အပေါ် ခြေရာခံကြည့်ပါက သာမန်တိုက်ပွဲဖြစ်စဉ် ဆိုခြင်းထက် နယ်မြေအငြင်းပွားမှု အသွင်ဆောင်နေသည်ကို တွေ့ မြင်ရသည် ။


နိုင်ငံရေးအသွင်ကူးပြောင်းမှု ကာလ နှစ်ဘက်နိုင်ငံရေးအရ တောင်းဆိုမှုများနှင့် ရည် မှန်းချက်များကလည်း အဆိုပါ စစ်ရေးအပေါ် လွမ်းမိုးမှုရှိပုံပေါ်ပြီး နယ်မြေ ထိန်းချုပ် ထားနိုင်ရေးသည် အရေးကြီးသည့် လုပ်ငန်းစဉ် တစ်ခုဖြစ်ပုံရသည် ။


လက်နက်ကိုင်တိုက်ခိုက်နေသည့် TNLA နှင့် RCSS/SSA နှစ်ဖွဲ့၏ နောက်ခံသမိုင်းနှင့် အသွင်သဏ်ဏ္ဍန် ကွဲပြားမှုကလည်း တစ်ချက်အပါအဝင် ဖြစ်သည် ။


၂၀၀၆ ခုနှစ်အတွင်းက RCSS/SSA တပ်မဟာ ၂၄၁ မှ စဝ်ခွန်ကျော်ဦးဆောင်သည့် တပ်ဖွဲ့များ ( အများအားဖြင့် မြောက်ပိုင်း ABSDF ကျောင်းသားတပ်မတော် တပ်ဖွဲ့ဝင်ဟောင်းများဖြစ် ) သည် လွယ်တိုင်းလျဲန်းဌာနချုပ်မှ သျှမ်းပြည် (မြောက်ပိုင်း) သို့ ပြန်လည်စတင်လှုပ်ရှားသည် ။


ထိုစဉ်က သျှမ်းပြည် ( မြောက်ပိုင်း ) တရုတ်နယ်စပ် အခြေစိုက်တိုင်းရင်းသား လက်နက် ကိုင်အဖွဲ့ အားလုံးသည် အစိုးရနှင့်အပစ်အခတ်ရပ်စဲထားပြီး RCSS/SSA မှာ အပစ် အခတ်ရပ်စဲထားခြင်းမရှိဘဲ အစိုးရစစ်တပ်နှင့် နှစ်ဘက်တိုက်ပွဲများ အပြင်းအထန် ဖြစ် ပွားနေချိန် ဖြစ်သည် ။


အဆိုပါ စဝ်ခွန်ကျော်ဦးစီးသည့် တပ်များ သျှမ်းပြည် ( မြောက်ပိုင်း ) မှတဆင့် ကချင်ပြည် နယ် အတွင်း ထိုးဖေါက်ဝင်ရောက်ရန် ကြိုးပမ်းနေစဉ် နမ့်ခမ်းမြို့အနီး အစိုးရတပ်များ၏ ၀ိုင်းဝန်းပိတ်ဆို့ ဖမ်းဆီးခြင်းခံခဲ့ရသည် ။


၎င်းအချိန်ကစ၍ RCSS/SSA အမြုတေတပ်ဖွဲ့များက သျှမ်းပြည် (မြောက်ပိုင်း) နမ့်ခမ်း မြို့နယ်အတွင်း စတင်လှုပ်ရှားလာကာ အမှတ် ရ၀၁ စစ်ဒေသကို စတင်ဖွဲ့စည်းခဲ့သည် ။


ထိုစဉ် က မိုင်အိုက်မုန့် ဦးဆောင်သည့်  PSLA ပလောင်လွတ်မြောက်ရေးတပ် သည် စစ်အစိုးရထံ လက်နက်ချက်က ပြည်သူ့စစ်အဖြစ် အသွင်ပြောင်းထားပြီးသည် ။ လက် ရှိ TNLA တပ်ဖွဲ့ခေါင်းဆောင် မိုင်အိုက်ဖုန်းသည်လည်း ထိုင်းနယ်စပ်ဘက် ခိုလုံနေသည့် PSLA ၏ လက်ကျန်တပ်ဖွဲ့ဝင်တဦး ဖြစ်သည် ။


လတ်တလော နိုင်ငံရေးအရ အသွင်ကွဲပြားမှုမှာ အစိုးရနှင့်ချုပ်ဆိုသည့် နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက် NCA တွင်  TNLA က ပါဝင်လက်မှတ်ရေး ထိုးခြင်း မရှိဘဲ RCSS/ SSA က လက်မှတ်ရေးထိုးထားသည် ။


TNLA အပါအဝင် သျှမ်းပြည် (မြောက်ပိုင်း) တရုတ်နယ်စပ် လက်နက်ကိုင်အဖွဲ့များ ဖြစ်သည့်  KIA , MNDAA, NDAA , SSPP/SSA နှင့် UWSA, အဖွဲ့များကလည်း NCA တွင် ပါဝင် လက်မှတ်ရေးထိုးခြင်း မရှိကြပေ ။


အဆိုပါ အဖွဲ့များမှာ နယ်မြေခြင်း ဆက်စပ်နေသည့် အပြင် KIA , MNDAA , SSPP/SSA , TNLA တို့မှာ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အဖွဲ့ဝင်များလည်း ဖြစ်သည် ။


NCA တွင် ပါဝင်လက်မှတ်မထိုးရသည့် အကြောင်းမှာ တစ်ဖွဲ့ခြင်းအလိုက် ကွဲပြားမှု အမျိုးမျိုး ရှိသည့် အနက်  တရုတ်နိုင်ငံ၏ သဘောထားမှာလည်း အရေးပါသည် ။


၎င်း NCA အပေါ် လက်နက်ကိုင်အင်အား အတောင့်တင်းဆုံး ဖြစ်သည့် ၀ပြည်သွေး စည်းညီညွတ်ရေးပါတီ UWSP/ UWSA က ၄င်း၏ အမြင် သဘောထားကို လွန်ခဲ့သည့် နှစ် စက်တင်ဘာလက ကြေငြာချက်ထုတ်ပြန်ရာတွင် တရုတ်နိုင်ငံ၏ သဘောထားကိုပါ ထင်ဟပ်စေခဲ့သည် ။


တရုတ်နယ်စပ် အခြေစိုက် လက်နက်ကိုင်အုပ်စုများက အနောက်အုပ်စုနိုင်ငံများ ပါဝင် ပတ်သက်နေသည့် NCA စာချုပ်တွင် လက်မှတ်ထိုးခြင်းအားဖြင့် တရုတ်နယ်စပ်ဒေသ ပဋိပက္ခ အတွင်း အနောက်အုပ်စုနိုင်ငံများ ပါဝင်လာမည်ကို တရုတ်နိုင်ငံအနေဖြင့် စိုးရိမ် ခြင်းဖြစ်သည် ။


တိုင်းရင်းသား လက်နက်ကိုင် အုပ်စုများအကြား NCA လက်မှတ်ထိုးသည့်အဖွဲ့နှင့် လက် မှတ် မထိုးထားသော အဖွဲ့နှစ်ဖွဲ့အကြား စည်းခြားလာခြင်းလည်း ဖြစ်သည် ။


ယခုနှစ် ဇန်နဝါရီလပိုင်းက ပြည်ထောင်စု ငြိမ်းချမ်းရေးညီလာခံ ကျင်းပခဲ့ရာ  NCA လက်မှတ် ထိုးရာတွင် မပါဝင်သည့် တိုင်းရင်းသားလက်နက်ကိုင် အဖွဲ့များ တက်ရောက် ခြင်း မရှိခဲ့ပေ ။


၎င်းညီလာခံတွင် သျှမ်းနှင့် ကချင်ပြည်နယ်အတွင်းရှိ တိုင်းရင်းသားအစုအဖွဲ့ ကိုယ်စား လှယ်များက လာမည့် အနာဂတ် ဖက်ဒရယ်ပြည်ထောင်စုတွင် ပြည်နယ်သစ်များ ဖွဲ့ စည်းရန် တောင်းဆို တင်ပြခဲ့ကြသည် ။


ပြည်နယ်သစ်ဖွဲ့စည်းရေး တောင်းဆိုရာတွင် UWSAက ၄င်းထိန်းချုပ်ထားသည့်ဒေသ အပြင် သျှမ်းပြည်အရှေ့ပိုင်းမြို့တော် ကျိုင်းတုံအပါအဝင် ထိုင်းနယ်စပ်အထိ သံလွင်မြစ်အရှေ့ခြမ်း ဒေသအား ၀ပြည်နယ်အဖြစ် ဖွဲ့စည်းရန် ပိုမိုတောင်းဆိုလာသည် ။


အလားတူ KIO/KIAကလည်း သျှမ်းပြည် (မြောက်ပိုင်း) တွင် ကချင်ပြည်နယ်ခွဲ ရရှိရေး ရည်မှန်းချက်ရှိနေပြီး သျှမ်းပြည်နယ်အတွင်းရှိ ပလောင် နှင့်ပအိုဝ့်တို့ကလည်း ကိုယ်ပိုင် ပြည်နယ် ဖွဲ့စည်းရေး  တောင်းဆိုနေကြသည် ။


မကြာသေးခင် လပိုင်းအတွင်းက NCA လက်မှတ်ထိုးရေးတွင် မပါဝင်သည့် အဆိုပါ လက်နက်ကိုင် အဖွဲ့အစည်း အားလုံး ပါဝင်သည့် တပ်ပေါင်းစု ဖွဲ့စည်းရန်ရှိသည်ဟု သ တင်းများပေါ်ထွက်ခဲ့ရာ  ဖက်ဒရယ်ပြည်ထောင်စု တည်ဆောက်ရေးတွင် အသွင် ကွဲ ပြားမှုများကို ငြိမ်းချမ်းစွာဖြေရှင်းကြရန် လိုအပ်ပါကြောင်း သုံးသပ်တင်ပြလိုက်သည် ။