SNLD သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ ဒုတိယ ဥက္ကဋ္ဌဖြစ်သူ ဦးစိုင်းစောအောင်သည် ယနေ့ ဂျူလိုင် ၁၆ ရက်နေ့ညနေ ၆ နာရီခွဲအချိန်က ရုတ်တရက် ကွယ်လွန်သွားကြောင်း ပါတီတာဝန်ရှိသူများက သျှမ်းသံတော်ဆင့်သို့ ပြောသည် ။


ပါတီစတင်ထူထောင်စဉ်ကတည်းကပါဝင်ခဲ့သူ စိုင်းစောအောင်မှာ  ဂျူလိုင် ၁၅ ရက်နေ့ကပင် ကျားခေါင်းပါတီရုံးချုပ်သို့ လာရောက်ကာ ရုံးလုပ်ငန်းများ လုပ်ကိုင်နေခဲ့ပြီး ဂျူလိုင် ၁၆ ရက်နေ့ ညနေပိုင်းက ရုတ်တရက်အမောဖောက်ကာ ကွယ်လွန်ခဲ့ခြင်းဖြစ်ကြောင်း ပါတီပြောခွင့်ရစိုင်းလိတ်က အတည်ပြုပြောဆိုသည် ။

'ညနေ ၆ နာရီ ခွဲလောက်ကဖြစ်တာအရင်ကတော့ ရင်ကြပ်ရောဂါရှိတယ် ။ မနေ့ ကတောင် ထူထူထောင်ထောင်နဲ့ ကိုးမိုင်က ပါတီရုံးချုပ်မှာ ရုံးလာတက်နေသေးတယ်။ ရုတ်တရက်အမောဖောက်လာတယ်ပြောတယ် ။  ' ဟု စိုင်းလိတ်က ဂျူလိုင်လ ၁၆ ရက်နေ့ ည ၈ နာရီခန့်တွင် သျှမ်းသံတော်ဆင့်သို့ ပြောသည်း ။


မိုးညှင်းဇာတိဖြစ်သူ စိုင်းစောအောင်မှာ သျှမ်းတိုင်းရင်းသားများ ဒီမိုကရေစီအဖွဲ့ချုပ် စတင်ထူထောင် လာခဲ့သည့် ၉၀ ရွေးကောက်ပွဲကာလကတည်းက ပါဝင်လာခဲ့သူလည်းဖြစ်ပြီး စစ်အာဏာရှင်စနစ်လက်ထက်တလျှောက် ပါတီနှင့်အတူ မယိမ်းမယိုင်ရပ်တည်ခဲ့သူဖြစ်သည် ။


ကွယ်လွန်ချိန်တွင် အသက် ၆၈ နှစ်အရွယ် ရှိပြီဖြစ်သည့် စိုင်းစောအောင်သည် ခွန်ထွန်းဦးအပါအဝင် ပါတီထိပ် သီးခေါင်းဆောင်များနှင့် သျှမ်းခေါင်းဆောင်များ ဖမ်းဆီးခံရပြီးနှစ်ရှည် ထောင်ဒဏ်ကျခံရစဉ် ကာလများတွင်ပါတီမယိုင်လဲစေရန် အဓိက အခန်းကဏ္ဍမှတာဝန်ယူ ဦးဆောင်ခဲ့သူဖြစ်ပြီး အစိုးရနှင့် တိုင်းရင်းသား လက်နက် ကိုင်အဖွဲ့များအကြား ဖော်ဆောင်နေသည့် ပြည်တွင်းငြိမ်းချမ်းရေးလုပ်ငန်းစဉ်များတွင်လည်း တက်တက်ကြွကြွ ပါဝင်လှုပ်ရှားနေသူဖြစ်ကာ တိုင်းရင်းသားမဟာမိတ်အဖွဲ့ဖြစ်သည့် ညီညွတ်သောတိုင်းရင်းသားလူမျိုးများမဟာ မိတ်အဖွဲ့တွင်လည်း အခြားတိုင်းရင်းသားပါတီများနှင့်ပူးပေါင်းကာ တိုင်းရင်းသားအရေးအတွက် လှုပ်ရှားဆောင်ရွက်နေသူဖြစ်သည် ။


စိုင်းစောအောင်မှာ သျှမ်းမျိုးနွယ်စုအားလုံးပါဝင်နိုင်သည့် ညီညွတ်ရေးကို လိုလားသူလည်းဖြစ်ကာ မြန်မာနိုင်ငံမြောက်ပိုင်းမှ သျှမ်းမျိုးနွယ်စုဆိုင်ရာ နိုင်ငံရေးအင်အားစုများနှင့် သျှမ်းပြည်နယ်ရှိ သျှမ်းအင်အားစုများ နိုင်ငံရေးအရ ပူးပေါင်းဆောင် ရွက်နိုင်ရေးအတွက် CSSU အခြေပြု ဆွေးနွေးပွဲများတွင်လည်း တက်တက်ကြွကြွပါဝင်လှုပ်ရှားနေသူလည်းဖြစ်သည် ။


သူက ပါတီအတွက်အရမ်းအရေးပါတဲ့ အခန်းကဏ္ဍမှာရှိတယ်။ ထောင်မကျဖူးဘူးဆိုပေမဲ့ ပါတီဒီလိုရပ်တည်နိုင်အောင် ကျွန်တော်တို့တွေထောင်ကျနေတုန်းကာလတလျှောက်မှာ သူက ကြံ့ကြံ့ခံရပ်တည်ပေးခဲ့တယ် ။  ဟု ပါတီအထွေထွေအတွင်းရေးမှူး စိုင်းညွှန့်လွင်က ပြောသည် ။
၂၀၁၅ ရွေးကောက်ပွဲတွင် လူငယ်များအားနေရာပေးလိုသည့်အတွက် ရွေးကောက်ပွဲဝင်ရောက်ယှာဉ်ပြိုင်ခြင်းမရှိသည့် ကျားခေါင်းပါတီထိပ်တန်းခေါင်းဆောင် ၅ ဦးအနက် စိုင်းစောအောင်လည်း ပါဝင်ခဲ့ကြောင်း သိရသည် ။