Photo by Sai Sai

သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD (ကျားခေါင်းပါတီ) ကျိုင်းတုံမြို့နယ် ဥက္ကဌ ၊ သျှမ်းပြည်အမျိုးသားတပ်မတော် SNA တည်ထောင်ကတည်းက ပါဝင်သည့် ဝါရင့် (သက်ကြီး) သျှမ်းတော်လှန်ရေးသမားဟောင်းကြီး (ဦး) စဝ်ဆုရဖွန်း အသက် ၈၄ နှစ်သည် သက်ကြီး ရောဂါဖြင့် ကျိုင်းတုံမြို့နေအိမ်တွင် ကွယ်လွန်သွားခဲ့သည် ။


စဝ်ဆုရဖွန်းခေါ်  စိုင်းကွမ်းဆာ ခေါ် စိုင်းခမ်းလူ သည် ဂျူလိုင်လ ၆ ရက်မနက်ပိုင်းက ကျိုင်းတုံမြို့ နောင်တုံကန်အနီး  ဝမ်ဖာ့ကမ်ရွာတွင် သက်ကြီးရောဂါဖြင့်ကွယ်လွန်ခဲ့ပါသည် ။


တော်လှန်ရေးအသိုင်းအဝိုင်းတွင် ဆေဖန်းမန့် ဟု အမည်သွင်သည့် စဝ်ဆုရဖွန်း၏ ကျန်ရှိရုပ် အလောင်းအား ဂျူလိုင်လ ၁၁ ရက်တနင်္လာနေ့၌ ကျိုင်းတုံမြို့ ဟွေ့ဖျမ်းသုသာန်တွင် သဂြိုဟ် မည်ဖြစ်ကြောင်း  အသုဘအခမ်းအနားစီစဉ်ဆောင်ရွက်ပေးသူ စိုင်းလုံယ ကပြောသည် ။


စဝ်ဆုရဖွန်းအား သျှမ်းပြည်အလယ်ပိုင်း ကွန်ဟိန်းမြို့နယ်  ကာလိအုပ်စုဝင်  တာ့ကော့အုပ်စု တွင် ဖခင်ဆန်ခတ်းတိယနှင့်မိခင် နန်းစမ်ခမ်းတို့မှ ၁၉၃၂ ခုနှစ်တွင်မွေးဖွားခဲ့သည်။ မောင်နှမ ၂ ဦးသာရှိပြီး ညီမဖြစ်သူမှာ တောင်ကြီးမြို့နေ နန်းယုံးလူ ဖြစ်ပါသည် ။


စဝ်ဆုရဖွန်းသည် အသက် ၂၆ နှစ်အရွယ်  ၁၉၅၈  တွင် ကျိုင်းတုံဒေသခံ နန်းခမ်းကျောက်နှင့် အိမ်ထောင်ပြုခဲ့သည်။  ကွယ်လွန်ချိန်တွင် ဇနီးသည် နန်းခမ်းကျောက် ကျန်ရစ်ခဲ့သည် ။


နန်းခမ်းကျောက်  နှင့်လက်ထပ်ပြီးမကြာခင် SNA တပ်ဖွဲ့ဝင်များအား ဆေးဝါးနှင့် စားနပ်ရိ က္ခာများ ပံ့ပိုးပေးသည် ဆိုသည့် စွပ်စွဲချက်ဖြင့် မြန်မာ့တပ်မတော် မှ ၎င်းအား ဖမ်းဆီးထောင် ချခဲ့သည် ။ ၁၉၅၉ ခု ထောင်မှလွတ်မြောက်သည် နှင့် ဆရာတော် စဝ်ကုန္ဒရ ဦးဆောင်သည့် SNA တပ်သို့ဝင်ရောက်ကာစစ်မှုထမ်းခဲ့သည် ။ စည်းရုံးရေးတာဝန်ခံ အဖြစ် တာဝန်ထမ်းရွက်ရင်း အကြောင်းအမျိုးမျိုးကြောင့် ၁၉၇၆ ခုနှစ်တွင် လက်နက်ချလိုက်ရသော်လည်း အမျိုးသားရေး တာဝန်အား မြို့ပေါ်မှနေ၍ ကျရာကဏ္ဍတွင် မပြတ်ထမ်းရွက်ခဲ့သည် ။ ထို့ပြင် သျှမ်းတိုင်းရင်း သားများ ဒီမိုကရေစီအဖွဲ့ချုပ် တည်ထောင်စဉ်မှစ၍ပါဝင်ကူညီဆောင်ရွက်လာခဲ့ရာ ကွယ်လွန်ချိန်အထိ  SNLD ပါတီ ၏ ကျိုင်းတုံမြို့နယ် ဥက္ကဌ အဖြစ် တာဝန် ထမ်းရွက်ခဲ့သည် ။