သျှမ်းပြည်တောင်ပိုင်း လွိုင်လင်မြို့နယ် မိုင်းပွန်မြို့ တွင် သေနတ်သမား တဦးက နေအိမ်တအခုအတွင်း ၀င်ရောက်ပစ်ခတ်သဖြင့် လင်မယား နှစ်ဦးကျည်ဆံထိမှန်ကာ အမျိုးသားဖြစ်သူက နေအိမ်အတွင်း ပွဲချင်းပြီးသေဆုံးသွားသည်ဟုသိရသည် ။


စက်တင်ဘာ ၁ ရက်နေ့ ညနေ ၄ နာရီက  မိုင်းပွန်မြို့ အမှတ် ၅ ရပ် ကွက် ခေါ် ဈေးတန်းရပ် ရေဆုံလမ်းရှိ တရုတ်လူမျိုးအိမ်တအိမ်အား အနက်ရောင် ဗီဂိုကားဖြင့် သေနတ်သမားတဦးက ၀င်ရောက်ပစ်ခတ်ရာ အိမ်ရှင် ဦးအိုက်မြင့် နှင့် မယဉ်မေ တို့လင်မယား ကျည် ၅ ချက် ထိမှန်ကာ ဦးအိုက်မြင့်မှာ  နေရာတွင်ပင် ပွဲချင်းပြီးသေဆုံးသွားသည်။ သေနတ်သမားက နားခိုင်းကျေးရွာဘက် ကားမောင်းထွက်ပြေးကာ လွတ်မြောက်သွားသည်ဟု သိရပါသည် ။


“ သူ့မိန်းမတော့ပြောတယ် အသိထဲကလူဘဲ ၊ မိုင်းကိုင်ဘက်က လာတယ်တဲ့။ ဘယ်သူဆိုတာတော့ မသိသေး ဘူး။ သူတို့အချင်းချင်းနောက်ကြောင်း တခုခုရှိ မယ်ထင်တယ်။ ဘာအလုပ်လုပ်ခဲ့လဲမသိတော့မသိဘူး ” ဟု ဈေးကုန်းရပ်နေ ဦးယန်ရှင်း ကပြောသည် ။


ဦးအိုက်မြင့် ခေါ် လီ့ကျန်းမဲန့် အသက် ၅၅ နှစ်မှာ ညာဖက် ပိုက်တွင် တချက်ထိပြီး ဒေါ်ယဉ်မေ ခေါ် ဒေါ်အားလျဲန် အသက် ၅၁ နှစ်မှာ ညာဖက် တင်ပါးဆုံတွင် သေနတ်သုံးချက် ထိမှန်ကြောင်း သိရှိရသည် ။


“ ကျနော်တို့ဘက်မှာတော့ စစ်ဆေးတုန်းဆိုတော့ ဘယ်သူဆိုတာတော့ မသိသေးဘူး၊ သူ့ယောကျာ်းအလောင်းကော၊ သူ့မိန်းမကော လွယ်လင်ေ ဆးရုံကို ပို့လိုက်ပြီ။ ကုသဖို့။ မိုင်းပွန်မှာ ရင်ခွဲရုံမရှိတော့ သေဆုံးတဲ့သူလဲ ဟိုကို ပို့လိုက်တယ်လေ။ ထပ်စစ်ဆေးရဦးမယ် ဆိုတော့ ။ ခုဆေးကုသခံနေ ရတယ်”  ဟု တာဝန်ရှိသူ ရဲစခန်းကပြောသည် ။


အဆိုပါဖြစ်ပွားမှုကို မိုင်းပွန်မြို့ ရဲစခန်းက လူ့အသက်ကိုသေကြေစေသည့်အမှု ပုဒ်မ ၃၀၇ နှင့် အမှု့ဖွင့်ထားကြောင်း၊ ဥက္ကဌကိုယ်တိုင် ရဲတပ်ဖွဲ့အားခေါ်ယူပြီး ဗီဂိုကားနှင့်သေနတ်သမားတို့နောက် လိုက်သေးကြောင်း၊ ပစ်သတ်မှုမဖြစ် ပွားခင် အဆိုပါ သေနတ်သမား က ၄င်းတို့နှင့် လာရောက်တွေ့ဆုံ စကားပြောေ နသေးကြောင်း၊ အချေအတင်စကားများရာမှ  ကားသမားက သေနတ် သွားယူလားပြီး ပစ်ခတ်ကြောင်း သိရှိရသည်။ ပစ်ခတ်ခံရသည့်  ဦးအိုက်မြင့် နှင့် ဒေါ်ယဉ်မေ တို့တွင် သားသမီး ၄ ဦးရှိ ရှိရာ  အသက် ၁၈ နှစ်အရွယ် ၄င်းတို့၏ သမီးဖြစ်သူ ရှေ့မှောက်တွင် ပစ်ခတ်မှုပြုသွားခြင်းဖြစ်ကြောင်း  အသိုင်းအဝိုင်းများက ပြောသည် ။