၂၁ ရာစုပင်လုံ ပြည်ထောင်စုငြိမ်းချမ်းရေးညီလာခံ ဒုတိယအစည်းအဝေး သီတင်းနှစ်ပတ်ခန့်ရွှေ့ဆိုင်းသွား သော်လည်း ဖေဖော်ဝါရီလ ၂၁ ရက်တွင် တောင်ကြီးမြို့ ၌ နိုင်ငံလုံး ဆိုင်ရာ အရပ်ဖက်အဖွဲ့ အစည်းများ အကြို ဖိုရမ်ကျင်းပသွားမည်ဖြစ်ကြောင်းသိရသည်။

ယခင်က ဆိုင်းငံ့ထားရန်ဆုံးဖြတ်လိုက်သည့် ချင်းအမျိုးသား အဆင့်နိုင်ငံရေးဆွေးနွေး ပွဲကို ယခုလအတွင်း ကျင်းပခွင့်ပြုလိုက်ပြုလိုက်ပြီဖြစ်သဖြင့် ဒုတိယ အကြိမ် ၂၁ ရာစု ပင်လုံညီလာခံကို နောက်ဆုတ်ပြီးကျင်းပ ရခြင်းဖြစ်ကြောင်း UPDJC အဖွဲ့ဝင် ဗိုလ်မှူးကြီးခွန်ဥက္ကာက ပြောဆိုကြောင်း RFA သတင်းတွင်ဖော်ပြထား သည်။


တစ်နိုင်ငံလုံးအဆင့် အရပ်ဖက်အဖွဲ့အစည်းများ အကြိုဖိုရမ်ကို ယခုလ ၂၁ ရက်မှ ၂၃ ရက်နေ့အထိ သျှမ်းပြည်တောင်ပိုင်း တောင်ကြီးမြို့တွင် (၃) ရက်တိတိ ကျင်းပပြုလုပ် သွားမည်ဖြစ်ပြီး ၂၄ နှင့် ၂၅ရက်နေ့ တွင် နိုင်ငံလုံး ဆိုင်ရာအရပ်ဖက်ဖိုရမ်ကို နေပြည်တော်တွင် ဆက်လက်ကျင်းပ သွားမည်ဖြစ်ကြောင်းသိရသည် ။


ဖေဖော်ဝါရီ ၂၄၊ ၂၅ တွင် နေပြည်တော်တွင် ကျင်းပရန်ရှိသည့် နိုင်ငံလုံး ဆိုင်ရာ အရပ်ဖက်အဖွဲ့ အစည်းများ ညီလာခံတွင် အရပ်ဖက်လူမှုအဖွဲ့အစည်းများ အနေဖြင့် အကြောင်းအရာအလိုက် တင်ပြဆွေးနွေးခြင်းများ ပြုလုပ် သွားမည် မဟုတ်ကြောင်း တစ်နိုင်ငံလုံး ဆိုင်ရာ အရပ်ဖက်လူမှုအဖွဲ့စည်း (CSOs Forum ) ဖြစ်မြောက်ရေး ဗဟိုကော်မတီဝင် ဦးမင်းအောင်ထူး ကပြောသည် ။


အဆိုပါညီလာခံတွင် အရပ်ဖက်လူမှုအဖွဲ့အစည်းများအနေဖြင့် တိုက်ရိုက် တင်ပြခွင့်မရှိပဲ UPDJC မှချမှတ်ထား သော စီးပွားရေး၊ လူမှုရေး ၊ မြေယာနှင့် သဘာဝ ပတ်ဝန်းကျင်ဆိုင်ရာ မူဝါဒ စသည့်ကဏ်ဏ္ဍ(၃) ခုအလိုက်သာ ဆောင် ရွက်သွားမည်ဖြစ်ပြီး မိမိတို့ အရပ်ဖက်လူမှုအဖွဲ့အစည်းများကြား စည်းလုံး ညီညွှတ်မှု ၊ ငြိမ်းချမ်းရေးဖြစ် စဉ်အတွက် အခြေခံကျသောအခင်းအကျင်းတစ်ခု အခိုင်အမာတည်ဆောက်မှသာ ရေရှည်အတွက် အကျိုးရှိ မှာဖြစ် သဖြင့် သေချာပြင်ဆင်မှုများအရင်ပြုလုပ်သင့်သည် ဟု ၄င်းကဆိုသည် ။


" ညီလာခံမှာ CSO ဖက်ကသီးသန့်ကိုယ်စားလှယ်လည်းမရှိဘူး ၊ တစ်ဘက်က ဘယ်လိုပဲပြောပြော ပြည်သူလူ ထုရဲ့ အသံနဲ့ အရပ်ဖက်လူမှုအဖွဲ့အစည်း ရဲ့ တင်ပြချင်တဲ့ အကြောင်းအရာတွေကို တော့ရတဲ့နေရာက နေတင်ပြမယ် " ဟု ဦးမင်းအောင်ထူး ကပြောသည် ။


အရပ်ဖက်လူမှုအဖွဲ့အစည်းများအနေဖြင့် ၂၁ ရာစုပင်လုံ ပြည်ထောင် စုငြိမ်းချမ်းရေးညီလာခံ ပထမ အစည်းအဝေးကတည်းက ကိုယ်စား လှယ်ရရှိရေးတောင်းဆိုခဲ့သော်လည်း ယခုအထိမရရှိသေးပဲ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA)အရ ပါဝင်သင့်ပါဝင်ထိုက်သူများ ခေါင်းစဉ်အောက်တွင် သာပါဝင်ခွင့်ရရှိထားသည်။


“ကျမတို့ တောင်းဆိုတာက အမျိုးသားအဆင့်ကိုယ်စားလှယ် တရားဝင်ပါဖို့။ ဘာဖြစ်လို့လဲဆိုတော့ အမျိုးသား အဆင့် နိုင်ငံရေးဆွေးနွေးပွဲမှာ သူတို့ရဲ့ ကော်မတီသည် လေးပွင့်ဆိုင်(လွှတ်တော်၊ပါတီများ၊ တပ်မတော်၊ တိုင်းရင်းသား လက်နက်ကိုင်)ရှိထားတယ်။ ဒါပေမယ့် အရပ်ဖက် အဖွဲ့အစည်းကလည်း အကြောင်းအရာလိုက်ကို ဦးဆောင်ရမှာ ဖြစ်တဲ့အတွက် ဦးဆောင်ရတာခြင်းအတူတူ ဘာလို့ အရပ်ဖက် အဖွဲ့အစည်းကိုတန်းတူ မပေးနိုင်ရမှာလဲ” ဟု အရပ်ဖက်အဖွဲ့အစည်းဖိုရမ် ဖြစ်မြောက်ရေး ဗဟိုကော်မတီဝင် တနင်္သာရီတိုင်း ဒေသမှ ဒေါ်စုစုဆွေက သုံးသပ်ပြောဆိုသည် ။


သျှမ်းပြည်နယ်တစ်ပြည်နယ်လုံးအတွက် ပါဝင်သင့်ပါဝင်ထိုက်သူများ CSO ကိုယ်စားလှယ်အနေနှင့် ၄၉ ဦး ရရှိ ပြီး အမျိုးသမီးကိုယ်စားလှယ်ပေါင်း ၂၄ ဦးခန့်ပါဝင်သည်ဟု သျှမ်းပြည်နယ်တောင်ပိုင်း (CSOs Forum ) ဖြစ်မြောက်ရေးကော်မတီဝင် ကိုဝင့်ထည်ကောင်းမြတ် ကပြောသည် ။


" အရပ်ဖက်လူမှုအဖွဲ့အစည်း အနေနဲ့တိုက်ရိုက်ကိုင်တွယ်နေရတဲ့ သံယံဇာတကိစ္စနဲ့ပတ်သက်ပြီး ကျနော်တို့ ကိုဆွေးနွေးခွင့်မပေးထားဘူး ၊ CSO တွေကို ကန့်သတ်ထားတာတွေကများနေတယ် ။ CSO တွေရဲ့ ဆွေးနွေးချက်တွေကဘယ်ကိုရောက်သွားမှာလဲ UPDJC ကဘယ် လို တင်ပြမှာလဲ စတဲ့အချက်အလက်တွေကို ကျစ်ကျစ်လစ်လစ်မသိရသေးဘူး " ဟု ၄င်းကဆက်လက်ပြောသည် ။


၂၀၁၆ ခုနှစ် မေလကုန်လောက်ကအရပ်ဖက်အဖွဲ့အစည်းဖိုရမ်ဖြစ်ရောက်ရေး အတွက် နိုင်ငံတော် အတိုင်ပင်ခံ ဒေါ်အောင်ဆန်းစုကြည်မှ လမ်းညွှန်ခဲ့ခြင်း ဖြစ်ပြီး ရန်ကုန်တိုင်းအစိုးရအဖွဲ့ဝင် လူမှုရေးဝန်ကြီး ဦးနိုင်ငံလင်းက ဦးဆောင်ကာ အရပ်ဖက် အဖွဲ့အစည်း အဖွဲ့ဝင်ပေါင်း ၁၂၀၀ ကျော် ပါဝင်သောကွန်ရက် ၂၄ ခုတို့နှင့် အစည်းအဝေးပေါင်း (၂၀) ကျော်စတင် ပြုလုပ်ခဲ့ခြင်းဖြစ်သည် ။