(၁) အမြီးအမှောက် မတည့်တဲ့ ဒေါ်အောင်ဆန်းစုကြည်ရဲ့ ပင်လုံစာချုပ်နဲ့ ပတ်သက်တဲ့ ပြောဆိုချက်


‘ပင်လုံစာချုပ်လေ့လာလိုက်တော့ ပူးပေါင်းဆောင်ရွက်မှုဟာ လွတ်လပ်ရေး ရနိုင်တယ်။ အဓိကက ကိုယ်လို ချင်တဲ့ ပန်းတိုင် အမြန်ရောက်ဖို့ ဆိုတာ အဓိက အချက်ပေါ့လေ။ ကျန်တဲ့ အချက်ေ တွက တိုင်ပင်ဆွေးနွေးပြီး အဖြေရှာရမယ်ဆိုတဲ့ ကိစ္စတွေပါ။ လှေနံဓါးထစ် ဒါဒါဒါ ဆိုတာတွေ မဟုတ်ပါဘူး။ မူလစာချုပ်က အင်္ဂလိပ် ဘာသာ စကား နဲ့ပေါ့။ဒါက မြန်မာလို ပြန်ထားတာလေ။ တိုင်ပင်ဆွေးနွေးပြီး အဖြေရှာနို င်တယ်ဆိုတဲ့ အဆင့် မရောက်သေးဘူးဆိုရင် ဒါက စကားပဲ ရှိတယ် အပြုအမူ မရှိဘူးဆိုတဲ့ သဘောပြောလို့ရတယ်။ ‘ လို့ ဒေါ်အောင်ဆန်းစုကြည်က ပြောလိုက်တော့ နိုင်ငံရေးကို စိတ်ပါဝင်စားပြီး မြန်မာ့သမိုင်းကို လေ့လာဖတ်ရှုနေသူတွေ အတွက် အံ့အားသင့် တုန်လှုပ်စရာဖြစ်လာပါတယ်။

ပင်လုံမှာ ကျင်းပခဲ့တဲ့ ပြည်ထောင်စုနေ့ အခမ်းအနားမှာ ရှမ်းတိုင်းရင်းသား လူငယ် စိုင်းအောင်မြင့်ဦးရဲ့ ပင်လုံစာချုပ်နဲ့ ပတ်သက်လို့ ရှမ်းတိုင်းရင်းသားတွေရဲ့  ယုံကြည်မှုနဲ့ ပတ်သက်လို့ ပြောဆိုမှုမှာ ဒေါ်အောင် ဆန်းစုကြည်က တုံ့ပြန်ခဲ့တာဖြစ်ပါတယ်။


ပင်လုံစာချုပ်ကိုကြည့်ရင် အပိုဒ် ၅ မှာ တောင်တန်းဒေသ ကိုယ်ပိုင်အုပ်ချုပ်ရေး ၊ ကိုယ်ပိုင်ပြဌာန်းခွင့် နဲ့ ပတ်သက်လို့ -
”အထက်ပါသဘောတူချက်အရ ဘုရင်ခံ၏ အမှုဆောင်ကောင်စီကို တိုးချဲ့  မည်ဖြစ်သော်လည်း တောင်တန်း ဒေသများ၏ နယ်တွင်းအုပ်ချုပ်ရေးတွင် ယခုရရှိခံစားလျက်ရှိသော ကိုယ်ပိုင်အုပ်ချုပ်ရေးဆုံးပါးရန် မည်သည့် ဒေသတွင်မဆို လုံးဝပြုမူလိမ့်မည် မဟုတ်။ တောင်တန်းဒေသများအတွက် နယ်တွင်းအုပ်ချုပ်ရေးတွင် ကိုယ်ပိုင်ပြဌာန်းခွင့် အပြည့်အ၀ရှိကြောင်း ကိုယ်ပိုင် အုပ်ချုပ်ရေး အပြည့်အ၀ရှိကြောင်း မူ အားဖြင့် လက်ခံသည်။” လို့ ပါရှိပါတယ်။ ဒါဟာ မူ အားဖြင့် သဘောတူထားချက်၊ အာမခံချက် ကတိက၀တ်ဖြစ်ပါတယ်။


၇ ၊ ၈ ၊ ၉ တွေကလည်း ပြည်ထောင်စု ပဋိဥာဉ်အတွက် အရေးပါတဲ့ သဘောတူညီချက် ဖြစ်သလို ဒီမိုကရေစီ အလံကိုင်ထားတဲ့ အန်အယ်လ်ဒီနဲ့ သက်ဆိုင်တဲ့ အချက်လည်း ပါပါတယ်။ အဲဒီအချက်ကတော့ အပိုဒ် (၇) မှာ “ နယ်စပ်ဒေသများ၏ နယ်သူ နယ်သားများသည် ဒီမိုကရေစီ နိုင်ငံများတွင် အခြေခံအခွင့်အရေးများ အဖြစ် အသိ အမှတ်ပြုထားပြီးဖြစ်သော အခွင့်အရေးများကို ခံစားပိုင်ခွင့် ရှိစေရမည်။ ‘ ဆိုတဲ့ အချက်ဖြစ်ပါတယ်။


ဒါက ၈ လေးလုံးအရေးတော်ပုံကတဆင့် ပေါက်ဖွားလာတဲ့ ၊ ပါတီမှာကိုက အမျိုးသား ဒီမိုကရေစီ အဖွဲ့ချုပ်လို့ ဆိုထားတဲ့အတွက် အန်အယ်လ်ဒီအနေနဲ့ အစိုးရ ဖြစ်လာချိန်မှာ တာဝန်ယူရမဲ့ အချက်လို့တောင် ဆိုနိုင်ပါတယ်။ ၈ လေးလုံးအရေးတော်ပုံရဲ့ အဓိက အချက်က ဒီမိုကရေစီ အရေးတော်ပုံဖြစ်တဲ့အပြင် ပါတီအလံ လိုဂိုကအစ ခေတ်အဆက်ဆက် ဒီမိုကရေစီ အရေးလှုပ်ရှားသူတွေ ၊ ကျောင်းသားတွေရဲ့ သင်္ကေတဖြစ်တဲ့ ခွပ်ဒေါင်း အလံ သုံးထားတာကြောင့်ဖြစ်ပါတယ်။ ပင်လုံစာချုပ်နဲ့ ပတ်သက်လို့ အမြီးအမှောက် မတည့်တဲ့ ပြောဆိုမှုမျိုး ဒေါ်အောင်ဆန်းစုကြည် ပြောဆိုတာ နှစ်ကြိမ် ထက်မနည်းရှိပြီလို့လည်း လေ့လာသူတွေကဆိုပါတယ်။ ရှမ်းနိုင်ငံရေးသမား တစ်ဦးကတော့ စုစုပေါင်း ၃ ကြိမ် ရှိပြီ လို့ ဆိုပါတယ်။ ပထမတကြိမ်ကတော့ UNFC တိုင်းရင်းသား တပ်ပေါင်းစုနဲ့ တွေ့တုန်းကဖြစ်ပြီး ၊ နောက်တကြိမ်ကတော့ ဇန်န၀ါရီလ ၁ ရက်နေ့က ပြုလုပ်ခဲ့တဲ့ လူငယ်တွေနဲ့ တွေ့ဆုံတဲ့ စကားဝိုင်းမှာလို့ ရန်ကုန်အခြေစိုက်လူငယ် နိုင်ငံရေး တက်ကြွလှုပ်ရှားသူ တစ်ဦးက ဆိုပါတယ်။


နိုင်ငံရေးလေ့လာသူ ၊ နိုင်ငံရေး သိပ္ပံသမားတစ်ဦးဖြစ်ပြီး ပါရဂူဘွဲ့ရဖို့ စာတမ်းပြုစုနေသူ ဦးမင်းဇင်ကတော-့ ‘ပင်လုံစာချုပ်ကို အဓိပာယ် အမျိုးမျိုး ဖွင့်နိုင်ပါတယ်။ သုတေသီတွေ လုပ်လေ့လုပ်ထ ရှိပါတယ်။ ဥပမာ Ethnicity, Conflicts, and History of Burma: The Myths of Panglong by Matthew Walton ကြည့်ပါ။ ထို့ အတူပဲ စာချုပ်ပါ ကတိက၀တ်တွေကို လက်မခံတာ၊ မကျင့်သုံးတာမျိုးလည်း ရှိနိုင်ပါတယ်။ စစ်အစိုးရ အဆက်ဆက်ကို နမူနာကြည့် နိုင်ပါတယ်။ ဒါပေမယ့် အချက်အလက်ကို အမှားပြော (၀ါ) အပြောမှား မိတာကတော့ မလိုအပ်ဘဲ အခက်ပွေစေ ပါတယ်။ဒီပြဿနာကို ဘယ်လိုဖြေရှင်းနုိုင်မလဲဆိုတာကိုလည်း တဆက်တည်း စဉ်းစားကြည့်မိပါတယ်။ ဖြစ်နိုင်ချေ အဖြေတခုအနေနဲ့  မြန်မာ့နိုင်ငံရေးမှာ အချက်အလက် စစ်ဆေးတဲ့ Fact Checking ကဏ္ဍတခု လိုနေပြီလို့ ရှုမြင်ပါတယ်။ ဒါပေမယ့် အချက်အလက်တွေ မှန် မမှန် စစ်ဆေးတဲ့ လုပ်ငန်းတွေ ပေါ်လာတာနဲ့ နိုင်ငံရေး ဇာတ်ကောင်တွေနဲ့  နောက်လုိုက်တွေရဲ့ အမူအကျင့်တွေ ပြောင်းလဲလာမယ်လုို့ ဧကန်တွက်လုို့ မရပါဘူး။

ထောက်ခံခြင်း မထောက်ခံခြင်းစတဲ့ နိုင်ငံရေး သဘောထား political attitude ဆိုတာဟာ အချက်အလက်အမှန်ကုို မျက်ကွယ်ပြုလုို့  ကျားကျားမီးယပ် တုံးပေကပ်သပ် ရပ်ခံတတ်တာမျိုးလည်း ရှိပါတယ်။ ပုဂ္ဂိုလ်စွဲ၊ ဂုိုဏ်းဂဏစွဲ၊ အုပ်စုစွဲကြီးသူတွေအဖုို့  အချက်အလက်မဲ့ ဘက်လိုက်ရပ်တည်တာကို သစ္စာရှိတာလို့  ဂုဏ်ယူနေကြအုံးမှာပါပဲ။ ဒိဌိတဏှာဟာ ကာမတဏှာထက် ပိုပြင်းထန်တတ်စမြဲပါ။ဒါကြောင့်ပဲ တိုင်းပြည်အတွက် နိုင်ငံသားတွေအတွက် အမှားကြာ အမှန်မဖြစ်အောင် fact checking အလုပ်ကုိုတော့ မီဒီယာတွေမှာ ကဏ္ဍကိုယ်စီဖွင့် လုပ်သင့်လှပါတယ်။ ဒါဟာ မီဒီယာအနေနဲ့ ဒီမိုကရေစီမှာ အရေးပါတဲ့ အပြန်အလှန်ထိန်းကျောင်းမှု တာဝန်ကို ကျေပွန်ရာလည်းရောက်ကြောင်း သုံးသပ်မိပါတယ်။ ‘ လို့ ပင်လုံမှာ ဒေါ်အောင်ဆန်းစုကြည် ပြောခဲ့တဲ့ ပင်လုံစာချုပ်ပါ အချက်လက်တွေအပါဝင် အခြားအချက်လက်တွေနဲ့ ပတ်သက်လို့ ပြန်သုံးသပ်သင့်ကြောင်း သူ့ရဲ့ ဖေ့ဘုပ်စာမျက်နှာမှာ ရေးသားထားပါတယ်။ ပြည်ထောင်စု ပေါ်ပေါက်ဖို့ နိုင်ငံသစ် ပေါ်ပေါက်ဖို့ သဘောတူခဲ့တဲ့ ပင်လုံစာချုပ်ကို ပြန်ကြည့်မယ်ဆိုရင် လွတ်လပ်ရေးအတူ တကွရယူဖို့အပြင် ကိုယ်ပိုင်အုပ်ချုပ်ရေး ၊ တန်းတူရေး ၊ ဒီမိုကရေစီ ၊ တို့အတွက်ပါ ပါဝင်တာကို တွေ့ရမှာပါ။


(၂) ပင်လုံမူ လက်ကိုင်စွဲနေတဲ့ ကေအိုင်အေကို တပ်မတော်တိုက်ဖို့ ဒေါ်အောင်ဆန်းစုကြည် ခွင့်ပြုခဲ့လေသလား
လတ်တလောမှာပဲ ဘန်ကောက်ပိုစ့်ကနေ ဆောင်းပါး တစ်ပုဒ် ဖော်ပြလာပါတယ်။ မြန်မာ့အရေး လေ့လာသူ လာရီဂျာဂင်ရေးတဲ့ ဆောင်းပါးဖြစ်တဲ့ Opinion Suu Kyi ; General try to heal difference ဆိုတဲ့ ဆောင်းပါး မှာ ကေအိုင်အိုရဲ့ စခန်းတွေကို တိုက်ခိုက်ဖို့ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က ခွင့်ပြုခဲ့တယ်လို့ တပ်မတော်နဲ့ နီးစပ်သူတွေနဲ့ တပ်မတော် သတင်းအရင်းအမြစ်တွေက ပြောတယ်ဆိုပြီး ဖော်ပြထားပါတယ်။ အောက်တိုဘာလလောက်အထိ တပ်မတော်နဲ့ ဒေါ်အောင်ဆန်းစုကြည်တို့အကြား ဆက်ဆံရေးကောင်းခဲ့သလို အဲဒီကာလတွေမှာ တပ်မတော်က စစ်ရေးနဲ့ ပတ်သက်တဲ့ အချက်လက်တွေကို ဒေါ်အောင်ဆန်းစုကြည်ကို တင်ပြခဲ့သလို နောက်ဆုံး ကေအိုင်အိုကို အန်စီအေ ထိုးဖို့ ဖိအားပေးဖို့ တိုက်ခိုက်ခွင့်ပြုမိန့်က ကာကွယ်ရေး ၀န်ကြီးက ရရှိခဲ့တယ်လို့ ဘန်ကောက်ပို့စ်ဆောင်းပါးမှာ ဖော်ပြထားပါတယ်။ ဒီသတင်းသာ အမှန်ဆိုရင် တော် တော်ဆိုးဝါးတဲ့ ကိစ္စလို့ ဆိုရမှာပါ။ ဒီသတင်းသာတကယ်မှန်ခဲ့ရင် ဒေါ်အောင်ဆန်းစုကြည်သာ အဲလို ကိစ္စတွေ မှာ တပ်မတော်နဲ့ ပူးပေါင်းကြံစည်ခဲ့တယ်ဆိုရင် သူမဟာ အာဏာရှင်ရဲ့ အစိပ်အပိုင်း တစ်ရပ်ဖြစ်ပြီး သူမဟာ တိုင်းရင်းသားတွေအတွက် ရန်သူသဖွယ် ဖြစ်လာပါပြီ။ ဗမာလူမျိုးကြိးဝါဒကို ကျင့်သုံးသူအဖြစ် ရှုမြင်ရမှာဖြစ် သလို ၊ ဒီမိုကရေစီအတွက်လည်း သစ္စာဖောက်သူအဖြစ် ရှုမြင်ရမှာဖြစ်တယ် လို့ အာဏာရှင်တွေအကြောင်း စောင့်ကြည့်လေ့လာတဲ့ အဖွဲ့ဖြစ်တဲ့ Dictator watch မှ ရိုလန်ဝေါ့ဆင်က ၄င်းရဲ့ လူမှု ကွန်ယက်စာမျက်နှာမှာ မှတ်ချက်ပြုရေးသားထားပါတယ်။


၂၁ ပင်လုံအပြီးမှာ စတင်ခဲ့တဲ့ တပ်မတော်နဲ့ ကေအိုင်အေ ကချင်လွတ်မြောက်ရေးတပ်မတော် တို့အကြား ဂိဒွန် တိုက်ပွဲတွေက သံသယ၀င်စရာကောင်းလှပါတယ်။ ကချင်ပြည်နယ်က အန်အယ်လ်ဒီ လွှတ်တော်အမတ်တွေက စစ်ပွဲတွေ ရပ်ဖို့ ဒေါ်အောင်ဆန်းစုကြည်ထံ စုပေါင်းလက်မှတ်ရေးထိုး စာရေးသား တောင်းဆိုတာလည်း တုပ်တုပ်မျှ မလှုပ်ခဲ့ပါဘူး။ မြစ်ကြီးနားမှာ လူထု သောင်းချီပါတဲ့ စစ်ပွဲရပ်စဲရေး ဆန္ဒပြပွဲတွေ ဖြစ်ခဲ့ပါတယ် ။ ကေအိုင်အေနဲ့ တိုက်ပွဲတွေကို ဒေါ်အောင်ဆန်းစုကြည် က ခွင့်ပြုခဲ့သလား မပြုခဲ့သလား သေချာ မသိရပေမဲ့ အဲဒီ သတင်းကို မြန်မာသတင်းဌာနအချို့က ဘာသာပြန်ဖော်ပြခဲ့ပေမဲ့ အစိုးရဘက်က မှန်လား မှားလား တစ်စုံတစ်ရာ တုံ့ပြန်ပြီး ထုတ်ပြန်တာတော့ အခု ဒီစာကို ရေးနေတဲ့ ဖေဖော်ဝါရီလ ၁၅ ရက်နေ့အထိ မတွေ့ရသေးပါဘူး။


တစ်ချိန်တည်းမှာလည်း စဉ်းစားစရာက ကေအိုင်အေကို ဖိအားပေးတိုက်ခိုက်မှုတွေက နိုင်ငံရေးအရ သက်ဆိုင် သလားဆိုတာပါ။ ဘာဖြစ်လို့လဲဆိုရင် ကေအိုင်အေဟာ ပင်လုံမူကို စွဲကိုင်ထားတဲ့ အဖွဲ့ ဖြစ်နေလို့ပါ။ ကေအိုင်အေနဲ့ သမ္မတ ဦးသိန်းစိန် အစိုးရ တစ်ဖွဲ့ချင်းစီ အပစ်ခတ်ရပ်စဲရေးမလုပ်ပေမဲ့ ဆွေးနွေးပွဲအားကောင်းတဲ့ ၂၀၁၃ နောက်ပိုင်းကနေ ၂၀၁၅ အထိ တိုက်ပွဲတွေ ကေအိုင်အေနဲ့ တပ်မတော်အကြား တိုက်ပွဲတွေ ကြီးကြီး မားမား မဖြစ်တော့သလို ပဋိပက္ခ ဖြေရှင်းရေး ယန္တရားတွေ ဖွဲ့စည်းခဲ့ပေမဲ့ အခုအစိုးရသစ်လက်ထက်မှာ အဲဒီ ယန္တရားတွေက ဘာမှ မရှိတော့ပါ။


(၃) အမျိုးသား နိုင်ငံတော် စုစည်း တည်ဆောက်မှုအတွက် အခြေခံကောင်းတွေမရှိ


ယခင် အစိုးရလက်ထက်မှာ တိုင်းရင်းသား လက်နက်ကိုင်တွေ သမ္မတ ဦးသိန်းစိန်နဲ့ အန်စီအေ လက်မှတ် ရေး ထိုးမှာကို သေချာမှ လုပ်ကြ ဆိုတဲ့ သဘောမျိုး ဒေါ်အောင်ဆန်းစုကြည် ပြောဆိုခဲ့တာ သတိထားမိပါတယ်။ တိုင်းရင်းသား လက်နက်ကိုင် အဖွဲ့အချို့ကလည်း ဒေါ်အောင်ဆန်းစုကြည် တက်လာရင် ပိုရနိုင်တယ်ဆိုတဲ့ မျှော်လင့်ချက်နဲ့ အစိုးရသစ်ကို စောင့်နေခဲ့ပါတယ်။ ဒါပေမဲ့ တက်တက်ချင်း ဆောက်နဲ့ ထွင်းဆိုသလိုပါပဲ။ ရွေးကောက်ပွဲနိုင်ပြီးကတည်းက တိုင်းရင်းသားပါတီတွေအပါဝင် တိုင်းရင်းသား အင်အားစုတွေနဲ့ ဆက်ဆံရေး မကောင်းတော့တာ အားလုံးအသိပါပဲ။ ရခိုင်နဲ့ ရှမ်းပါတီတွေနဲ့ အန်အယ်လ်ဒီ အကြားအာဏာခွဲဝေမှုကနေ စလိုက်တဲ့ မယုံကြည်မှု ပြဿနာဟာ ၂၁ ပင်လုံမတိုင်ခင် UNFC တပ်ပေါင်းစုနဲ့ ဒေါ်အောင်ဆန်းစုကြည်တို့ တွေ့ဆုံမှုအပြီး သတင်းစာရှင်းလင်းမှုမှာ တိုင်းရင်းသား နယ်မြေတွေက ပျက်စီးကုန်ပြီ ဖြစ်တဲ့အတွက် တိုင်းရင်းသားတွေမှာ ဘာမှ ပေးစရာ မကျန်တော့ဘူး။ လူတွေလည်း စစ်ဘေးကြောင့် သေကြေပျက်စီးကုန်ပြီး နေရပ်စွန့်ခွာမှုတွေလည်း အမြောက်အမြားဖြစ်ခဲ့ရပြီးပြီ ဆိုတဲ့ UNFC အထွေထွေအတွင်းရေးမှူး ခူးဦးရယ်ရဲ့ ပြောဆိုမှုဟာ သတိပြုစရာဖြစ်ခဲ့ပါတယ်။

အခုအနေထားကို သုံးသပ်ရရင် ငြိမ်းချမ်းရေးအတွက် အခြေခံကောင်း တွေ မရှိတဲ့အပြင်အစိုးရသစ် လက်ထက်မှာ စီးပွားရေးကျဆင်းမှုဟာ သိသာတဲ့ အနေထားအထိ ဖြစ်လာပါ တယ်။ ဖွံ့ဖြိုးမှု မရှိပဲ ငြိမ်းချမ်းရေး မရဘူးဆိုတာလည်း သိမြင်ထားဖို့ လိုပါတယ်။ တစ်ချိန်တည်းမှာလည်း အရေး ပါတဲ့ တိုင်းရင်းသား အုပ်စုတွေနဲ့ အစိုးရအကြား တိုက်ရိုက်ဆက်ဆံမှု နေရာပေးမှု အားနည်းလှတာလည်း တွေ့ရ ပါတယ်။ ဥပမာ ရှမ်းမြောက်မှာဆိုရင် တအာင်းပလောင် လက်နက်ကိုင်များလာတဲ့အတွက် ပလောင်ဒေသတွင်း အနိုင်ရ တိုင်းရင်းသား ပါတီဖြစ်တဲ့ တအာင်းပလောင်ပါတီနဲ့ တွေ့ဆုံဆွေးနွေးတာ သူတို့ပါတီဝင်တွေကို အစိုးရ အဖွဲ့ ၀န်ကြီးတွေခန့်တာ ဒေသတွင်း လူထုအတွက် ရပိုင်ခွင့်အာမခံမှုတွေနဲ့ ဒေသတွင်း ဖွံ့ဖြိုးရေး မဟာဗျူဟာ တွေ ချမှတ်ပေးတာ စသဖြင့် လုပ်နိုင်တာတွေ ရှိပါတယ်။ ဒါတွေကို လုပ်တာ မတွေ့ရပါဘူး။


တစ်ချိန်တည်းမှာလည်း တသွင်သွင် အန်စီအေ ထိုးပါလို့ဒေါ်အောင်ဆန်းစုကြည်က ပြောနေပါတယ်။ အားလုံး ပါဝင်နိုင်ဖို့ ဘယ်လို လုပ်မလဲ၊ စစ်မှန်တဲ့ နိုင်ငံရေးဆွေးနွေးပွဲဖြစ်ဖို့ ကိစ္စ ဘာတွေ ရှိပြီလဲ ဆိုတဲ့ အခြေနေက ခိုင်ခိုင်ခန့်ခန့်မရှိသေးပါ။ တိုင်းရင်းသားတော်တော်များများက ခဲမှန်ဖူးတဲ့ စာသူငယ်တွေဖြစ်နေပါပြီ။

(၄) ပြည်ထောင်စု ပဋိဥာဉ်ကို ဖျက်ဖို့ ကြိုးစားသူဟာ တပြည်ထောင်စနစ်လိုလားသူသာ


ဒေါ်အောင်ဆန်းစုကြည် ပင်လုံမြေမှာ ပြောဆိုခဲ့မှုတွေမှာ ထောက်ပြစရာတွေ အများကြီးရှိပါတယ်။ တစ်ခါမှ အန်အယ်လ်ဒီက ဦးဆောင်ပြီး ဆန္ဒမပြဖူးဘူးဆိုတဲ့ ကိစ္စဟာ ဒီမိုကရေစီအရေးလှုပ်ရှားမှုတွေကြောင့် လမ်းပေါ် မှာ သေကြေခဲ့ရသူတွေ ဘ၀ပျက်ခဲ့ရသူတွေကို စော်ကားနေသလိုပါပဲ။ ၈လေးလုံး လူထု လှုပ်ရှားမှုသာ မရှိရင် အန်အယ်လ်ဒီ ပါတီ ပေါ်လာစရာအကြောင်းမရှိသလို ၂၀၀၇ ရွှေဝါရောင်လှုပ်ရှားမှုသာ မဖြစ်ခဲ့ရင် အခု အန်အယ်လ်ဒီ အာဏာယူထားတဲ့ အခင်းအကျင်းဖြစ်တဲ့ ၂၀၀၈ အခြေခံ ဥပဒေက အလျင်အမြန် ပေါ်လာပါ့မလားဆိုတာတောင် သံသယရှိစရာပါ။ အရေးတော်ပုံတွေ မှာ ကျဆုံးသွားသူတွေရဲ့ အရိုးပုံပေါ်မှာ တက်ထိုင်ပြီး အာဏာရထားတယ်ဆိုတာ မမေ့ဖို့ လိုပါတယ်။

နောက် ငြိမ်းချမ်းရေးအတွက် စွန့်လွတ်စွန့်စားရဲဖို့ ဆိုတဲ့ ကိစ္စပါ။ တိုင်းရင်းသားတွေအတွက်ကတော့ ပင်လုံစာချုပ် လက်မှတ်ထိုးပြီး ဗမာပြည်မနဲ့ ပူးပေါင်းဖို့ ဆုံးဖြတ်ခဲ့တာလောက် ကြီးမားတဲ့ စွန့်စားမှု မရှိပါဘူး။ ပင်လုံထိုးပြီးနောက် ဘာတစ်ခုမှ မရတဲ့အပြင် ကိုယ့်ရဲ့ မူလနေရပ်မှာပဲ အမျိုးမျိုး စော်ကားမော်ကားဒဏ်တွေ ခံခဲ့ရပြီး နေရပ်စွန့်ခွာမှု နယ်မြေပျက်စီးမှုတွေက ကိုလိုနီစနစ်သဖွယ် ကြုံခဲ့ရပြီးဖြစ်ပါတယ်။ အခု အန်အယ်လ်ဒီ ယူထားတဲ့ အာဏာက တပြည်ထောင် ကိုလိုနီရဲ့ အဆက်ဆိုတာ မမေ့ဖို့ လိုပါတယ်။ ပင်လုံ ပဋိဥာဉ်နဲ့ ပတ်သက်လို့ အကျဉ်းချုံးဆက်ပါမယ်။ အခု ဒေါ်အောင်ဆန်းစုကြည် အစိုးရ အကောင်ထည်ဖော်နေမှုတွေက တပ်မတော်အလိုကျထက် တစ်ခုမှ မပိုသလို အမျိုးသား စုစည်းညီညွတ်တဲ့ နိုင်ငံတည်ဆောက်မှု ဖြစ်စဉ်အတွက် ဘာမှ ချမပြနိုင်သေးပါ။


ပဋိဥာဉ်တစ်ရပ်ကို ချိုးဖောက်ပြီး အသစ်ဆွဲဖို့ဆိုတဲ့ ကိစ္စဟာ အဟောင်းကို ဖျက်မှ ဖြစ်ပါလိမ့်မယ်။ အသစ်လုပ်ချင်ရင် အဟောင်းဖျက်ဆိုတဲ့ သဘောပါ။ ပြည်ထောင်စု ( သို့မဟုတ် ) တိုင်းပြည်တည်ထောင်တဲ့ ပဋိဥာဉ်တွေ (သို့မဟုတ် ) အုပ်ချုပ်သူ ပဒေသရာဇ်တွေနဲ့ဖြစ်စေ ၊ အစိုးရနဲ့ဖြစ်စေ ပြည်သူတွေနဲ့ အာဏာခွဲဝေမှု သဘောတူညီထားတဲ့ ပဋိဥာဉ်တွေကိုတိုးတက်တဲ့အတွေးအခေါ်ရှိတဲ့ နိုင်ငံတွေက ဘယ်တော့မှ ဖောက်ဖျက်ဖို့ မကြိုးစားကြပါဘူး။

အရပ်သားအစိုးရမှန်သမျှကလည်း အဲဒီ ပဋိဥာဉ်တွေအတိုင်း နိုင်ငံကို ဆက်လက်တည် ဆောက်ကြသလို တစ်ခါ အာဏာရှင်စိတ်မရှိတဲ့ စစ်ဗိုလ်ချုပ်တွေကလည်း တတ်နိုင်သမျှ ဖွဲ့စည်းအုပ်ချုပ်ပုံ အခြေခံ ဥပဒေကို လိုက်နာကျင့်သုံးပြီး အဲဒီ ပဋိဥာဉ်ပါပြဌာန်းချက်တွေနဲ့အတူ ဒီမိုကရေစီ စနစ်အောက်မှာ လိုက်ပါလာကြတာ အလေ့အထပါပဲ။ အင်္ဂလန်နိုင်ငံမှာ ခရစ်နှစ် ၁၂၀၀ ကျော် ကာလတွေကတည်းက စခဲ့တဲ့ ပဒေသရာဇ်အုပ်ချုပ်သူဘုရင်တွေရဲ့ အကြွင်းမဲ့ အာဏာကို မှူးမတ်တွေကတဆင့် ပြန်လည်ထိန်းညှိဖို့ စခဲ့တဲ့ မဂ္ဂနက်တာစာချုပ်ကြီးက ဘုရင်တွေထံက အာဏာကို ခွဲဝေယူတဲ့ အလေ့အကျင့်ရဲ့ အစအဖြစ် ယခုအထိတိုင် အသိမှတ်ပြုထားဆဲဖြစ်ပြီး အဲဒီ စာချုပ်ခေတ်ကနေတဆင့် စည်းမျဉ်းခံဘုရင်စနစ် ၊ ပါလီမန်ဒီမိုကရေစီ ခေတ် တွေကို အဆင့်ဆင့်ကူးပြောင်းနိုင်ခဲ့တာဖြစ်ပါတယ်။


အမေရိကန်နိုင်ငံမှာတော့ လွတ်လပ်ရေးကြေငြာစာတမ်းက အခုထိ သက်ဝင်နေဆဲဖြစ်သလို အမေရိကန်ပြည် ထောင်စုရဲ့ အစလို့ပြောနိုင်တဲ့ ၁၃ ပြည်နယ်ပေါင်းစည်းမှုမှာလည်း- ၁။ အချုပ်အခြာ အာဏာကိုပြည်သူများ ပိုင်ဆိုင်ရေး ၂။ ပြည်သူပြည်သားတိုင်း လုံးဝ တန်းတူညီမျှရေး ၃။ အုပ်ချုပ်ရေးအဖွဲ့က အာဏာကို မတရားသောနည်းလမ်းဖြင့် သိမ်းပိုက်မှုကို အလွှဲသုံးစားပြုမှုမှ ကာကွယ်ရေး ၄။ ပြည်နယ်တွေရဲ့ အခွင့်ရေးကို ဗဟိုပြည်ထောင်စုမှ ၀င်ရောက်စွပ်ဖက်မှုမှ ကာကွယ်ရေးဆိုတဲ့ မူကြီး လေးချက်ကို အခြေခံခဲ့တာဖြစ်ပါတယ်။


ယနေ့ထက်တိုင်လည်း အခြေခံ ဥပဒေမှာ လိုတိုးပိုလျှော့ အနည်းငယ်သာလုပ်လို့ အဲဒီမူတွေအတိုင်း ဆက်သွား နေဆဲဖြစ်ပါတယ်။ အမေရိကန် သမ္မတ အဆက်ဆက်မှာ စစ်သားတွေ တပ်မတော်သား စစ်မှုထမ်းကနေတဆင့် သမ္မတ ဖြစ်လာခဲ့သူတွေကို တွေ့ရမှာဖြစ်ပေမဲ့ သူတို့ကလည်း လွတ်လပ်ရေးကြေငြာစာတမ်းပါပြဌာန်းချက်တွေ ၊ မူတွေ ၊ အခြေခံ ဥပဒေတွေကို အတတ်နိုင်ဆုံးလိုက်နာကျင့်သုံးကြတာကြောင့် တိုင်းပြည်က ဒီကနေ့အထိ ဖက်ဒရယ်စနစ်နဲ့ ဒီမိုကရေစီ လမ်းကြောင်းပေါ်မှာ ခိုင်ခိုင်မာမာရပ်နေဆဲဖြစ်ပါတယ်။

အိန္ဒိယဆိုရင်လည်း လွတ် လပ် ရေးကြေငြာစာတမ်းရှိသလို ၊ ကုလသမဂ္ဂမှာဆိုရင်လည်း ကုလသမဂ္ဂစတင်တည်ထောင်တဲ့ ပဋိဥာဉ်ဆိုတာ ရှိနေဆဲဖြစ်ပါတယ်။ အဲဒီ ပဋိဥာဉ်ကလည်း တစ်ခုရှိပြီးသားဖြစ်တဲ့အတွက် နောက်တစ်ခုဆွဲမယ်ဆိုရင် အရင်တစ်ခုက ဖျက်ရမဲ့ သဘောဖြစ်ပါတယ်။ ပြည်ထောင်စု ပဋိဥာဉ်တွေကို ဖျက်ခဲ့တဲ့ နိုင်ငံတွေကို ကြည့်ရင် အာဏာရှင်စနစ်ကျင့်သုံးသူတွေ ၊ အာဏာရှင်စနစ်ကျင့်သုံးတဲ့ တိုင်းပြည်တွေသာဖြစ်ပါတယ်။


ဒေါ်အောင်ဆန်းစုကြည်က ဗိုလ်ချုပ်အောင်ဆန်း ပြယုဂ်နဲ့ နေရာရလာခဲ့သူဖြစ်ပါတယ်။ ဗိုလ်ချုပ်ကြေးရုပ်တွေကို တိုင်းရင်းသား ဒေသတွေကို ပို့နေတာထက် ပိုကောင်းတဲ့ အစီစဉ်တွေရှိရင် ဗိုလ်ချုပ် နာမည်နဲ့ ရုပ်ထုတွေ တံတားတွေကို ကန့်ကွက်မှုတွေ ပေါ်လာမှာ မဟုတ်ပါ။ အခု ပင်လုံက ပြည်ထောင်စုနေ့ အခမ်းအနားမှာ ဒေါ်အောင်ဆန်းစုကြည် ပြောနေတဲ့ ပုံက ပင်လုံစာချုပ် ပြည်ထောင်စု ပဋိဥာဉ်ကို တန်ဖိုးသေးသိမ်အောင် ပြောနေတဲ့ သဘောဖြစ်ပါတယ်။ ဒီထက်ကောင်းတဲ့ အစီစဉ်ရှိရင်လည်း ပင်လုံ ပြည်ထောင်စုနေ့မှာ ချပြသင့်ခဲ့ပါတယ်။ ငါ့စကား နွားရ ပြောရမဲ့ အချိန်လည်း မဟုတ်ပါ။ ပင်လုံသည် ဒီမိုကရေစီ ၊ တန်းတူညီမျှမှု ကို အခြေခံခဲ့ခြင်းသာ ဖြစ်ပါတယ်။